အငြင်းပွားဖွယ်ဆောင်းပါးအကြောင်း ဆီဆိုင်မှာ ရှင်းလင်း

ဂျွန်ချစ်ငြိမ်း(တောင်ကြီး) ~ 

အရှေ့ရိုးမဂျာနယ် အတွဲ (၁) ၊အမှတ်စဉ် (၄) တွင် ပါရှိသည့်ဆောင်းပါးရှင် ဘာမထီမောင်မောင် ၏ မြို့ ပျာက်မှာ စိုးကြောက်ပါသည် ဆောင်းပါးကြောင့် မီးလင်းရေးကော်မတီက ငွေကောက်ခံရေး ခက်ခဲ လာသည်ဟု ဆိုသည်။ 

ထိုဆောင်းပါးနှင့်ပတ်သက်ပြီး ရှမ်းပြည်နယ် ဆီဆိုင်မြို့ မီးလင်းရေးကော်မတီ နှင့် ရပ်မိရပ်ဖများက တနင်္ဂနွေနေ့ နံနက်ပိုင်း မီဒီယာတွေ့ဆုံရှင်းလင်းပွဲပြုလုပ်ရာတွင် ယင်းသို့ ပြောဆိုလိုက်ခြင်း   ဖြစ်သည်။ 

ဆောင်းပါးတွင် အဓိကမှားယွင်းချက် သုံးချက် ရှိသည်ဟု ဆီဆိုင်မြို့မ မီးလင်းရေးကော်မတီဥက္ကဌ ဦးရွှင်မြတ်သူ နှင့် အဖွဲ့ဝင်များ က ပြောသည်။ ဆောင်းပါးတွင် မိမိတို့ မီးလင်းရေးကော်မတီ အဖွဲ့ ၀င်များ အား မိုးကျရွှေကိုယ်များဟု သုံးနှုန်းထားကြောင်း ၊ ဒီမိုကရေစီ နည်းကျကျ   ရွေးချယ် ထားခြင်းမဟုတ်ဘဲ မိမိတို့ကိုယ်တိုင် ဥက္ကဌ အတွင်းရေးမှုး၊ ဘဏ္ဍာရေးမှုး စသဖြင့် ရွေးချယ်တင်မြောက် ထားသည် ဟု  
ဆောင်းပါးရှင် ဘာမထီမောင်မောင်က ရေးသားဖော်ပြထားကြောင်း စသည်ဖြင့် ရှင်းလင်းကြသည်။ 

မိမိတို့ ဆီဆိုင်မြို့မ မီးလင်းရေး ကော်မတီ အဖွဲ့ဝင်များသည် ရပ်ကွက် ( ၆) ရပ်ကွက်၊ ဆက်စပ် ကျေးရွာ ( ၅) ရွာရှိ အုပ်ချုပ်ရေးမှုး ၊ ရပ်မိရပ်ဖများ ၊ ဒေသဖွံ့ဖြိုးရေးကို စိတ်ဝင်တစား အမှန်တကယ် တက်တက် ကြွကြွလုပ်ဆောင်နေသူများ စုပေါင်းပြီး ဆီဆိုင်မြို့အထွေထွေ အုပ်ချုပ်ရေးမှုးရုံးခန်းမတွင် ၂၀၁၂ ခုနှစ် ဇန်န၀ါရီ (၂) ရက်နေ့ ဍ် လွတ်လွတ် လပ်လပ် ပွင့်ပွင့်လင်းလင်း ဒီမိုကရေစီနည်းကျကျ အဆိုပြုရွေးချယ် ဖွဲ့စည်းခဲ့ခြင်းဖြစ်သည်ဟု ဆိုသည်။ 

 ယင်းဆောင်းပါးတွင်ပါရှိသလို မြို့ကိုရွာပြောင်း....ရွာကိုမြို့ပြောင်း ၊ပြီးငွေကြေးကောက်ခံနေခြင်းလည်း မဟုတ်ကြောင်း မိမိတို့ မြို့ပေါ် (၆) ရပ်ကွက် လျှပ်စစ်မီးရရှိမည် ဆိုပါက ဆက်စပ် ကျေးရွာ (၅) ရွာလည်း ဆီဆိုင်မြို့နှင့်အတူ မီးရ ရှိလိုသောကြောင့် မိမိတို့ မီးလင်းရေး အဖွဲ့ နှင့် အတူပူးပေါင်း ဆောင်ရွက်ခဲ့  
ခြင်းဖြစ်ကြောင်း ၊ မြို့ရွာအမည်ပြောင်း လုပ်ငန်းများမှာ မိမိတို့ လုပ်ဆောင်မရနိုင်ကြောင်း ၊ သက်ဆိုင် ရာအဖွဲ့စည်း အဆင့်ဆင့်သို့ တင်ပြပြီး ပြည်ထောင်စု လွတ်တော် မှ အတည်ပြုမှသာ ရရှိနိုင်ကြောင်း ဆီဆိုင်မြို့မ မီးလင်းရေးကော်မတီဥက္ကဌ ဦးရွှင်မြတ်သူ ပြန်လည်ရှင်းလင်းပြောကြားသည်။ 

ယင်းဆောင်းပါးတွင်ပါရှိသလို အမှုတွဲ မမှန်မကန် တည်ဆောက်ပြီး လုပ်ဆောင်မရနိုင်ကြောင်း ၊ လျှပ်စစ်မီး ရရှိရေး အတွက် မြို့နယ်ခရိုင် ပြည်နယ်လျှပ်စစ်ဝန်ကြီး ဌာန နှင့် လျှပ်စစ်စွမ်းအား ၀န်ကြီးဌာနပူးပေါင်း လုပ်ဆောင်ပြီး ၊ လိုက်နာရမည့် စည်းကမ်းအချက်အလက် (၂၄) ချက်ကို ကိုယ်ထူကိုယ်ထ ဆီဆိုင်မြို့ မီးလင်းရေးကော်မတီက လက်မှတ်ရေးထိုးပြီး လုပ်ငန်း လုပ်ဆောင်နေကြောင်း သူက ဆက်လက်  
ပြောကြားသည်။

  ကော်မတီ အဖွဲ့ဝင်တစ်ဦးဖြစ်သူ နောင်မွန်ကျေးရွာအုပ်ချုပ်ရေးမှုး ဦးမောင်ကို ကပြောကြားရာတွင် - ဘာမှ မလုပ်ဘဲ မမှန်မကန် ဝေဖန်ပြောကြားခြင်းခံရသည့်အတွက် စိတ်မကောင်း ကြောင်း ၊ မိမိတို့ မီးလင်းရေးကော်မတီ မမှန်မကန် လုပ်ရင် ထိထိရောက်ရောက် အရေးယူပါ၊ မမှန်မကန်ပြောဆိုနေခြင်း ထက် လက်တွဲပြီး လာရောက်ဆောင်ဖို့ ဖိတ်ခေါ်သည်ဟု ဆိုသည်။

  မြကန်သာရပ်ကွက် ရှိ မီးလင်းရေး  ကော်မတီဝင် ဦးသန်းဖေက - ဆောင်းပါးကြောင့်  မီးလင်းရေး လုပ်ငန်းများ လုပ်ကိုင်ရာတွင် အခက်အခဲများဖြစ်ပေါ်လာကြောင်း ၊ယင်းအတွက် မီဒီယာမှ တဆင့်  
ဖြစ်ရပ်မှန်ကို သိရှိစေလိုကြောင်း ပြောကြားသည်။ 

 ဆီဆိုင်မြို့မိ မြို့ဖ တစ်ဦးဖြစ်သူ ဦးခွန်မောင်ဖြူက - မြို့ပျောက်မှာစိုးကြောက်ပါသည် ဆောင်းပါးကြောင့် ကိုယ်ထူ ကိုယ်ထ မီးလင်းရေး လုပ်ငန်းများ ဆောင်ရွက်ရာတွင် နှောင့်နေးလာနေကြောင်း ၊ ငွေကောက် ခံဖို့ပါ ခက်ခဲလာကြောင်း ၊ မိမိတို့ မီးလင်းရေး ကော်မတီ အဖွဲ့ဝင်များသည် အိတ်ကပ်ထည့်မည့်  
ကော်မတီ မဟုတ်ကြောင်း ၊ စေတနာဖြင့် ဆီဆိုင်မြို့ကို လျှပ်စစ်မီး ရရှိစေလို၊ လင်းစေလိုသည့် ဆန္ဒတစ်ခု ဖြင့်သာ ဆောင်ရွက်ပေးနေခြင်းဖြစ်ကြောင်း ပြောကြားခဲ့သည်။ 

 ကော်မတီဥက္ကဌ ဦးရွှင်မြတ်သူ က - မီးရရှိရန် ကုမဏ္ဍီနှင့် စာချုပ်ချုပ်ရတွင် ၈၅၁၁ သိန်း ကျော် ကုန်ကျမည်ဖြစ်ကြောင်း ၊ ယခုရရှိငွေ သိန်း ၆၁၀ ကျော်ရရှိ ကောက်ခံထားပြီး ၊ကောက်ခံရရှိထားသည့်  
ငွေများကိုလည်း ဆီဆိုင်မြို့ မြန်မာ့စီးပွာရေး ဘဏ်တွင် အပ်နှံထားရှိကြောင်း ၊မိမိတို့ထံတွင် မထားကြောင်း၊  လုပ်ငန်းဆောင်ရွက်မှုအနေဖြင့် ၁၀ ရာခိုင်နှုန်းကျော်ခန့်သာပြီးစီးသေးကြောင်း စသည်ဖြင့် ပြောကြားသည်။