.jpg)
အများပြည်သူတွေ သွား/ခံတွင်းဆိုင်ရာ ကျန်းမာရေး အကြောင်း ပိုမို သိရှိလာဖို့ သွားဘက်ဆိုင်ရာ ဆရာဝန်ကြီးများနဲ့ အမေးအဖြေတွေကို မီဒီယာတချို့မှာ မကြာခင် တွေ့ရတော့မှာပါ။
ဆရာဝန်ကြီးများကို မေးမြန်းထားသူတွေကတော့ Miss Myanmar 2012 နန်းခင်ဇေယျာ၊ ကိုးရီးယားက ပေးတဲ့ Asia New Star Model Award ရခဲ့တဲ့ ထွန်းကိုကို ဖြစ်ပါတယ်။
နန်းခင်ဇေယျာ
“ညီမတို့လို အခုခေတ်လူငယ်တွေ အများစုကလည်း သွားနဲ့ခံတွင်း ကျန်းမာရေးကို ဂရုမစိုက်ကြတာကို တွေ့ရတယ်။
အရင်တုန်းက သွားပိုးစားတာကို သွားပိုးစားတယ်လို့ပဲ သတ်မှတ်ထားတယ်။
တကယ်က သွားပိုးစားတာလည်း ရောဂါတစ်ခုပဲပေါ့နော်။
ဒီသွားပိုးစားတာကို အစကတည်းက ဂရုမစိုက်ရင် ရေစီးကမ်းပြိုဖြစ်လာနိုင်တယ် ဆိုတာကိုလည်း အခု သိရတယ်။
တစ်ယောက်နဲ့တစ်ယောက် Communication ပြုလုပ်တဲ့အခါမှာ သွားဟာ အဓိက အရေးပါတယ်။
သွားတွေကျဲနေမယ်၊ သွားပိုးတွေစားနေမယ်ဆိုရင် လူကိုရုပ်ဆိုးစေတယ်ပေါ့နော်။
သွားတိုက်တံကလည်း တဖြောင့်တည်း ဖြစ်ရမယ်။
ပြီးတော့ တစ်ယောက်နဲ့တစ်ယောက် ပါးစပ်ချင်းနမ်းတာကနေလည်း သွားပိုး ကူးတာကိုလည်း သိရတယ်။
အဲဒီအချက်ကို မြန်မာပြည်သူတွေကို သိစေချင်တယ်။ လူတိုင်းလူတိုင်း တစ်ရက် နှစ်ကြိမ် သွားတိုက်သင့်တယ်လို့ပြောချင်တယ်”
ထွန်းကိုကို
“ခံတွင်းကင်ဆာက ကျွန်တော်တို့မြန်မာပြည်မှာအဖြစ်များလာတယ် ၊ ကွမ်းစား ဆေးလိပ်သောက်ရင် ပိုပြီး ဖြစ်နိုင်ချေ များပါတယ်။
ကျွန်တော်နဲ့ နန်းခင်ဇေယျနဲ့က သွားဘက်ဆိုင်ရာ ဆရာဝန်ကြီးတွေကို အင်တာဗျူးလုပ် ထားပါတယ်။
ဒါနဲ့ ပတ်သက်ပြီးတော့ ထုတ်လွှင့်တဲ့အချိန်မှာ ပြည်သူတွေလည်း ပိုပြီး သိရှိလာမှာပါ”
ဒေါက်တာဘမြင့်
ပါမောက္ခဒေါက်တာဘမြင့်က သွားဘက်ဆိုင်ရာဆရာဝန်အသင်း ဗဟိုအလုပ်မှုဆောင်အဖွဲ့ နယက ဖြစ်ပါတယ်။
သူက ခံတွင်းကင်ဆာနဲ့ ပတ်သက်ပြီး လူတွေ သိပ်မသိကြသေးဘူး၊ ကွမ်းစားတဲ့သူ အများစုမှာ အဖြစ်များတယ်၊ သူတို့တွေက လုံးဝ မသိတာတော့ မဟုတ်ဘူး၊ သူတို့ ပိုပြီး သိလာအောင် ပညာပေးဖို့လိုပါတယ်လို့ ပြောပါတယ်။
မြန်မာနိုင်ငံရဲ့ အမျိုးသား ကျန်းမာရေး အစီစဉ်တွေထဲမှာ ကွမ်းစားတာကြောင့်ဖြစ်တဲ့ ခံတွင်းကင်ဆာလို ရောဂါမျိုးအတွက် ပိုမိုထိရောက်တဲ့ ပညာပေးအစီစဉ်တွေ လိုအပ်နေသေးတာကတော့ အသေအချာပဲ ဖြစ်ပါတယ်။
ရွက်စိမ်း ~
0 comments :
Post a Comment