ကရင်အမျိုးသားအစည်းအရုံး (KNU) လုပ်မယ့် ငြိမ်းချမ်းရေးဟာ ကရင်တွေအတွက်ဖြစ်ပါစေ။ လူတစုအတွက် မဖြစ်ပါစေနဲ့ လို့ လှိုင်းဘွဲ့မြို့နယ် ကျေးလက်ဒေသမှာ နေထိုင်သူ အများအပြားက သူတို့ဆီ ရောက်လာတဲ့ KNU ခေါင်းဆောင်တချို့ကို ဗုဒ္ဓဟူးနေ့က ပြောလိုက်ပါတယ်။လှိုင်းဘွဲ့မြို့နယ်၊ မဲဆမိတ်ရွာမှာ ဒေသခံတွေနဲ့ KNU တာဝန်ရှိသူတွေ တွေ့ဆုံဆွေးနွေးရာမှာ အဲဒီလို ပြောလိုက်ကြတာ ဖြစ်ပါတယ်။
တွေ့ဆုံပွဲမှာ KNU ဗဟို ကော်မတီဝင် ၄ ဦးဖြစ်တဲ့ ပဒိုအားတိုး၊ ပဒိုဘထွန်း၊ ပဒိုလားစေး၊ ဒု-ဗိုလ်မှူးကြီး မန်းတင်လှိုင်တို့ တက်ရောက်ပါတယ်။ သူတို့က မြန်မာအစိုးရနဲ့KNU တို့ အကြား လတ်တလော ငြိမ်းချမ်းရေးဆိုင်ရာ လုပ်ငန်းစဉ်တွေ၊ သူတို့ရဲ့မူဝါဒတွေကို ရှင်းလင်းပြောဆိုခဲ့ကြပါတယ်။
ဒေသခံတွေဘက်ကတော့ လှိုင်းဘွဲ့မြို့မြောက်ပိုင်း ကျေးရွာပေါင်း ၄၀ လောက်က ရွာသူရွာသား ၅၀၀ ကျော် တက်ရောက်ခဲ့ကြပါတယ်။
ဒေသခံတို့က KNU နဲ့ ပတ်သက်တဲ့သူတို့ရဲ့ သဘောထားတွေကို ပွင့်ပွင့်လင်းလင်းပြောဆိုခဲ့ကြပါတယ်။
အရင့်အရင်က ကရင်အမျိုးသားတွေအတွက် လုပ်ပေးမယ် ဆိုပြီး ပြန်လာကြတဲ့အဖွဲ့တွေ လက်တွေ့မှာ ဘာမှ မလုပ်နိုင်ခဲ့ဘူး။
တကယ်လုပ်မယ်ဆိုရင် ဖြစ်အောင်လုပ်ပါ။ အပြောတခြား အလုပ်တခြား မလုပ်ပါနဲ့၊ ဒီပုတ်ထဲက ဒီပဲ မဖြစ်ပါနဲ့။ အားကိုးလောက်ပါစေ၊
KNU ဟာ သူတို့ရဲ့နောက်ဆုံးအားထားရာပဲလို့ သဘောထားတွေပေးကြပါတယ်။
KNU တာဝန်ရှိသူတွေကလည်း လူထုရဲ့တောင်းဆိုချက်တွေကို ကြိုးစားလုပ်ဆောင်သွားမယ်လို့ ဆိုပါတယ်။
ဒေသခံဘုန်းတော်ကြီးတပါးကတော့ - အမျိုးသားရေးလုပ်နေတဲ့ နိုင်ငံရေးဦးဆောင်အဖွဲ့ထဲမှာ KNU ပဲ ရှိတယ်။ လူထုတောင်းဆိုချက်ကို သူတို မလုပ်ဆောင်နိုင် ခဲ့ရင်တော့ သူတို့ကို နှစ်ပေါင်း ၆၀ ကျော် အားပေးထောက်ခံခဲ့တဲ့ လူထုတွေရဲ့ အနာဂတ်ကို တွေးသာကြည့်တော့လို့ ဧရာဝတီသတင်းဌာနကို မိန့်ကြားခဲ့ပါတယ်။
တွေ့ဆုံပွဲ မြင်ကွင်း ဓာတ်ပုံ တချို့ကို ဖော်ပြပေးလိုက်ပါတယ်။
ဟုတ႙တယ႙။ အရင႙ ငြိမ႙းချမ႙း႘ရးယူပြီး နယ႙ခြား႘စာင႙့တပ႙ လုပ႙သွားတဲ့ မင႙းချစ႙သူတို့ဆို သူတို့ကိုယ႙တိုင႙ ချမ႙းသာ႘ပမယ႙့ ကရင႙လူထုအတွက႙ ဘာမှ မလုပ႙႘ပးနိုင႙ခဲ့ဘူး။ ဗမာ အာဏာရှင႙က႘န ကရင႙အာဏာရှင႙ ဖြစ႙သွားတာပဲ ထူးတယ႙။ သင႙ခန႙းစာက႘တာ့ အခုဖြစ႙႘နတဲ့ ဒုက္ခသုက္ခအားလုံးဟာ အာဏာရှင႙စံနစ႙က႘န လာတာ၊ ဘယ႙လူမျိုးအပြစ႙မှ မဟုတ႙ဘူး။ ဗမာဖြစ႙ဖြစ႙၊ တိုင႙းရင႙းသားဖြစ႙ဖြစ႙ အာဏာရှင႙ ဖြစ႙လာရင႙ ပြည႙သူကို ဒုက္ခ႘ပးမိကြမှာပဲ။