တရားစွဲ ခံရတဲ့ စကား တခွန်း

Saturday, April 20, 2013

စကားတခွန်းကြောင့် တရားစွဲခံရတဲ့ သတင်းတပုဒ်ကို စိတ်ဝင်စားစရာအဖြစ် ဒီကနေ့ မြန်မာ့အလင်း သတင်းစာမှာ တွေ့လိုက်ရပါတယ်။ 



သတင်းခေါင်းစဉ်က အတူအိပ်ရင်း စကားပြောမည် ဆိုသူ အရေးယူခံရ ဆိုတဲ့ ခေါင်းစဉ်မို့ စိတ်ဝင်စားစရာ ပါ။ 



 ဖြစ်ပွားခဲ့တာက မိတ္ထီလာ ခရိုင် သာစည်မြို့နယ်မှာ ဖြစ်ခဲ့တဲ့ အမှုတခုပါ။ ရွာမှာ ရေခပ်ဆင်းထွက်တဲ့ အမျိုး သမီးတဦးကို မကြားဝံ့မနာသာ စကား တခွန်း ပြောလိုက်ပြီး အချင်းများကာ ကိုယ်ထိလက်ရောက် အိနြေ္ဒ ထိခိုက်အောင် ကျူးလွန်ခဲ့လို့ မဆို စကား ပြောခဲ့သူ အမျိုးသားကြီးတဦး အခုတော့ အမှုဖွင့် တိုင်ကြားခံရ တယ်လို့ ဆိုပါတယ်။ 

စကားပြောတဲ့အခါ မခံချင်အောင် ပြောမိဆိုမိတော့ အခုလို အမှုဖွင့် တိုင်ကြားခံလိုက်ရပါပြီ။ 

ဒါကြောင့် ရှေးစကားပုံ တခုကို သွားသတိရပါတယ်။ 

ချစ်အောင်ပြောတာလည်း ဒီပါးစပ်၊ မုန်းအောင်ပြောတာလဲ ဒီပါးစပ် တဲ့။ 

အခုတော့ အမျိုးသားကြီးခမျာ ချစ်စကားကို မုန်းအောင်ပြောလို့ အရှက်တကွဲ တရား ရင်ဆိုင်ရပါတော့ မယ်။  


အိမ့်သံစဉ် ~


0 comments :

Post a Comment

 
Copyright © 2014 Irrawaddy Publishing Group. All Rights Reserved