.jpg)
တော်လှန်ရေးအတွက် သီချင်းရှိရမယ် (သို့မဟုတ်) နော်ဝေရောက် အဆိုတော် မွန်းအောင် ဆိုတဲ့ ခေါင်းစဉ်နဲ့ပါ။
အပြည့်အစုံကို http://burma.irrawaddy.org/archives/37881 မှာ ဖတ်နိုင်ပါတယ်။
ဒီအင်တာဗျူးကို ဒီလ ၁ ရက်နေ့ ရက်စွဲနဲ့ ထုတ်တဲ့ နံနက်ခင်း ဂျာနယ်မှာ ကူးယူ ဖော်ပြထားပါတယ်။ ခွင့်ပြုချက်ရယူခြင်း မရှိဘဲ ဖော်ပြတာပါ။ တပတ်ကျော်ခဲ့ပေမယ့်လည်း ဆက်သွယ် အသိပေးခြင်း မရှိပါ။
ဧရာဝတီနဲ့ဗျူးထားတဲ့ ထဲက ကောက်နုတ် ဖော်ပြသည် လို့တော့ ရေးထားပါတယ်။ ဒီလောက်ဆိုရင် လုံလောက်ပြီလို့ ယူဆနေကြဟန် တူပါရဲ့။
ဆက်စပ် ဖတ်ရှုရန် -
ကူးယူဖော်ပြခြင်း နဲ့ ဧရာဝတီရဲ့ သဘောထား
http://blog.irrawaddy.org/2013/05/blog-post_3583.html
မေးခွန်း တခု နဲ့ အဖြေ တချို့ကို ဖြုတ်ထားတာ တွေ့ရတယ်။
ဦးသိန်းစိန်အကြောင်း ပြောဆိုချက်တွေ နဲ့ ကာချုပ်အကြောင်း သုံးသပ်ချက်တခုကို ဖြုတ်တာပါ။
ဖြုတ်ထားတဲ့ ၃ ခုကို အောက်မှာ ဖော်ပြပေးလိုက်ပါတယ်။
၁။ မေး။ ။ လာမယ့် မေလ ၄ ရက်နဲ့ ၅ ရက်နေ့တွေမှာ သမ္မတကြီး ဦးသိန်းစိန် နိုဘဲလ်ဆု မရရေး ကမ်ပိန်းတခု စပြီးလှုပ်ရှားမှုမှာ ကိုမွန်းအောင် ပါမယ်လို့ ကြားတယ်။ ဘယ်သူတွေ ဦးဆောင်လုပ်မှာလဲ၊ ဘာကြောင့် ပါဝင်လှုပ်ရှားဖြစ်သလဲ၊ ဘယ်လို မျှော်မှန်းချက်တွေနဲ့ ဘာတွေ လုပ်ကြမှာလဲ။
ဖြေ။ ။ လာမယ့် မေလ ၄ ရက်နေ့ကစပြီး အပါတ်တိုင်း စနေနေ့တွေမှာ ၂၀၁၃ ငြိမ်းချမ်းရေး နိုဘဲလ်ဆုအတွက် ဦးသိန်းစိန်အမည် စာရင်း တင်ထားတာကို ကန့်ကွက်ကြောင်း လှုပ်ရှားမှုတွေ လုပ်ဖို့ စီစဉ်နေပါတယ်။ ကျနော်နဲ့အတူ မြန်မာ့အရေး လှုပ်ရှားသူတွေ စုပေါင်းပြီး အကောင်အထည်ဖော်ဖို့ လုပ်နေကြတယ်။ ဦးသိန်းစိန်ဟာ စစ်အစိုးရ အဆက်ဆက်မှာ တာဝန်ယူခဲ့တဲ့ စစ်ဗိုလ် တယောက် ဖြစ်တယ်။ ဗိုလ်ချုပ်မှူးကြီး သန်းရွှေနဲ့ တခြားစစ်ဗိုလ်ချုပ်တွေရဲ့ အလိုအရ အရပ်ဝတ်လဲပြီး သမ္မတ တက်လုပ်ခဲ့သူဖြစ်တယ်။ ဒီလိုလူတယောက်ဟာ ငြိမ်းချမ်းရေး နိုဘဲလ်ဆုနဲ့ဘယ်လိုမှ မထိုက်တန်သူသာ ဖြစ်တယ်။ ဒီအတွက်ကြောင့် ကန့်ကွက်တဲ့ လှုပ်ရှားမှုကို စတင်ဖို့ ကြိုးစားနေပါတယ်။
လက်ရှိ မြန်မာနိုင်ငံမှာ ဖြစ်နေတဲ့ အဖြစ်အပျက်တွေကို လက်ကမ်း စာစောင်မှာ အကျဉ်းချုပ်ရေးပြီး ဝေမယ်။ ကျနော်တို့ လှုပ်ရှားမှုကို ထောက်ခံသူတွေရဲ့ လက်မှတ်တွေ စုဆောင်းပြီး နိုဘဲလ်ဆုရွေးချယ်ရေး ကော်မတီကို ပို့မယ်လို့ စီစဉ်ထားတယ်။ စာရွက်ဝေခြင်း လက်မှတ်စုဆောင်းခြင်း လုပ်နေစဉ်မှာပဲ သီချင်းတွေဆိုဖို့လည်း စီစဉ်ထားတယ်။
ဒါ့အပြင် ယနေ့လက်ရှိ မြန်မာပြည်မှာဖြစ်နေတဲ့ အခြေအနေတွေကို နော်ဝေး ပြည်သူတွေနဲ့ နော်ဝေးသတင်းဌာနတွေကို တတ်နိုင်သလောက် အသိပေးဖို့လည်း ကြိုးစားသွားမှာ ဖြစ်တယ်။ ဒီလှုပ်ရှားမှုဟာ နော်ဝေး – မြန်မာ ကော်မတီနဲ့ မည်သို့မျှ ပတ်သက်ခြင်းမရှိကြောင်း အတိအလင်း ပြောထားပြီးသားလည်း ဖြစ်တယ်။ ဘာဖြစ်လို့လဲဆိုတော့ မြန်မာပြည် ဒီမိုကရေစီရရှိရေးကို အကြောင်းပြပြီး အခကြေးငွေယူ အလုပ်လုပ်နေတဲ့ မည်သူ့ကိုမှ ဒီလှုပ်ရှားမှုမှာ မပါဝင်စေချင်ဘူး။ ..............
၂။ မြန်မာပြည်မှာ ပြုပြင်ပြောင်းလဲမှုတွေ လုပ်နေတယ်ဆိုတာကို မျက်စိပိတ် နားပိတ်ပြီး ငြင်းနေတာ မဟုတ်ပါဘူး။ ဗိုလ်သန်းရွှေ အစိုးရလက်ထဲကနေ ဦးသိန်းစိန်အစိုးရအဖြစ် ပြောင်းလာတဲ့ ဖြစ်စဉ် အဆင့်ဆင့်ကို ကြည့်မယ်ဆိုရင် စစ်တပ်ဟာ အာဏာကို ဆက်လက် ဆုပ်ကိုင်ထားဖို့ အစီအစဉ် ရှိရှိ ဆောင်ရွက်နေတုန်းပဲလို့ ကျနော် မြင်တယ်။ စစ်တပ်ဟာ လွန်ခဲ့တဲ့ နှစ် ၅၀ အတွင်း မြန်မာပြည်သူတွေကို နည်းမျိုးစုံနဲ့ အကြိမ်ပေါင်းများစွာ လိမ်ခဲ့ပြီးပြီ။
ပြောရမယ်ဆိုရင် ဗိုလ်စောမောင်ခေတ်က ရွေးကောက်ပွဲပြီးရင် စစ်တန်းလျားကို ပြန်ပါ့မယ်ဆိုပြီး ၁၉၉၀ ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ်က အပြတ်အသတ် နိုင်ခဲ့ပေမယ့် အာဏာကိုလွှဲ မပေးခဲ့ဘဲ ဆက်ပြီးအုပ်ချုပ်တယ်။ ဒါပေမယ့် နိုင်ငံတကာက သူတို့ကို တရားမ၀င် အစိုးရလို ဆက်ဆံနေတော့ ဒီမိုကရေစီ အသွင်ကူးပြောင်းရေးလို့ ကြွေးကြော်ပြီး သူတို့ သဘောနဲ့သူတို့ စိတ်ကြိုက် အခြေခံဥပဒေကို ရေးဆွဲတယ်။ နာဂစ်မုန်တိုင်းကြောင့်လူတွေ ဒုက္ခရောက်တာတွေ ဘာတွေကို ဂရုမစိုက်ဘူး။ မရအရ အတည်ဖြစ်အောင် လုပ်ခဲ့တယ်။ ပြီးတော့ အဓိက အတိုက်အခံမပါတဲ့ ရွေးကောက်ပွဲ လုပ်ခဲ့တယ်။ အဲဒီမှာလဲ ကြိုတင်မဲတွေ ဟိုမဲတွေ ဒီမဲတွေနဲ့ ကြံ့ဖွံ့ပါတီအပြတ်အသတ် အနိုင်ရပြီး ဦးသိန်းစိန် သမ္မတ ဖြစ်လာတယ်။ သူတို့ အခိုင်အမာ နေရာတွေ ယူထားပြီးတဲ့နောက်မှာမှ နိုင်ငံတကာမှာ မျက်နှာပန်း လှစေဖို့  ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေကို တသုတ်စီ တသုတ်စီ လွတ်ပေးတယ်။ တကယ်ဆိုရင် ဒီအကျဉ်းသားတွေဟာ နဂိုကတည်းက ထောင်ထဲမှာ ဖမ်းထည့်ထားသင့်တဲ့သူတွေ မဟုတ်ဘူး။ ..............
၃။ တချိန်တည်းမှာပဲ စစ်တပ်က ကချင် တိုင်းရင်းသားတွေကို ထိုးစစ်ဆင်တယ်။ ကချင်လူမျိုးအများစုက ခရစ်ယာန်ဘာသာဝင် တွေဖြစ်တယ်။ ခရစ်ယာန်ဘာသာဝင်တွေ အထွဋ်အမြတ်ထားတဲ့ ခရစ်တော်ရဲ့ မွေးနေ့လို ရက်မျိုးမှာ စစ်တပ်က လေကြောင်း ကနေ တိုက်ခိုက်ခဲ့တယ်။ ဘယ်မှာလဲ အမျိုးသားပြန်လည်သင့်မြတ်ရေးဆိုတာ။ တကယ်ဆိုရင် တိုင်းရင်းသားတွေ ကျောင်းသားတွေ ရဟန်းတွေ ပြည်သူတွေနဲ့ လှည့်ပတ်ပြီး ဒိုင်ခံ ရန်ဖြစ်နေတာက စစ်တပ်ပဲဗျ။
ကျနော့် အနေနဲ့ကတော့ စစ်တပ်က လိမ်တတ်တယ် ဆိုတာ သိနေတော့ သူတို့ ဘာပြောပြော သူတို့ လုပ်ရပ်ကို ကြည့်ပြီး ယုံကို မယုံနိုင်သေးဘူး။ မကြာသေးခင်က ထပ်ကြားရတဲ့ ဗိုလ်မင်းအောင်လှိုင်ရဲ့ မိန့်ခွန်းထဲမှာ စစ်တပ်ဟာ အနာဂတ်နိုင်ငံရေး ဦးဆောင်မှု အခန်းကဏ္ဍမှာ ပါဝင်နေဦးမယ်လို့ ပြောခဲ့တာကလည်း ဒီမိုကရေစီ စံနှုန်းနဲ့ ဖီလာဆန့်ကျင်ဖြစ်နေတယ်။
..............
.
0 comments :
Post a Comment