သောကြာနေ့၊ မြန်မာငြိမ်းချမ်းရေးစင်တာ(MPC)တွင် ပြုလုပ်သွားမည်ဖြစ်ကြောင်း ဂရုဏာလူမှု ဘ၀ မြှင့်တင်ရေးအဖွဲ့မှ တာဝန်ရှိသူတစ်ဦးကပြောသည်။
ယင်းအလုပ်ရုံဆွေးနွေးပွဲသို့ ကျောင်းသားမိဘများနှင့် လူမှုရေးအဖွဲ့အစည်းများတက်ရောက်နိုင်ကြောင်း လည်း သိရသည်။
ထို့ပြင် ကျောင်းမနေနိုင်သည့် မိဘမဲ့နှင့် ဆင်းရဲနွမ်းပါးကလေးငယ်များအတွက် ယခုနှစ်မှစတင်၍ ကျောင်း ထားပေးသွားမည့်အစီအစဉ်ကိုလည်း ရှင်းပြ ကာ၊ တနိုင်ငံလုံးမှကလေးငယ်များအတွက် မည်သို့လုပ်ဆောင် သင့်သည်ကိုလည်း ပညာရှင်များနှင့်အပြန်အလှန်ဆွေးနွေးအဖြေရှာသွားမည်ဖြစ်ကြောင်း အလုပ်ရုံ
ဆွေးနွေးပွဲကို ဦးဆောင်ပြုလုပ်မည့် ဂရုဏာအဖွဲ့မှ အထွေထွေအတွင်းရေးမှူးကပြောသည်။
ဂရုဏာလူမှုဘ၀မြှင့်တင်ရေးအဖွဲ့သည် တိုင်းရင်းသားပေါင်းစုံပါဝင်ပြီး၊ ဘာသာရေးလူမှုရေးမခွဲခြားဘဲ ကူညီထောက်ပံ့သွားရန်အတွက် ၂၀၁၂ခုနှစ်တွင် စတင်ဖွဲ့စည်းခဲ့သည့် ပြည်တွင်းအဖွဲ့အစည်းတစ်ခုဖြစ် သည်။
“အဓိကတော့ တနိုင်ငံလုံးမှာရှိတဲ့ ကျောင်းမနေနိုင်တဲ့ကလေးတွေအတွက် ပညာရှင်တွေနဲ့ တာဝန်ရှိ သူတွေက ဘယ်လိုစဉ်းစားထားသလဲ၊ ကျနော်တို့က ဘာတွေလုပ်နေသလဲဆိုတာတွေ ဆွေးနွေး မယ်။ ကျောင်းမနေနိုင်တဲ့ ကလေး ၁၃၀၀ ကျော်ကို ဒီနှစ်ကစပြီး ကျနော်တို့ ကျောင်းထားပေးသွားမယ်။ အဲဒီ ကလေး တွေကို ကျောင်းအပ်မယ့်မြို့နယ်အလိုက် ကျောင်းအုပ်ကြီးတွေကိုလည်း ဖိတ်ခေါ်ထားပါ တယ်”ဟု အထွေထွေအတွင်းရေးမှူး ဦးကျော်မြင့်ဦးက ပြောသည်။
ရန်ကုန်တိုင်းအတွင်းရှိ လှိုင်သာယာ၊ ထောက်ကြန့်၊ရွှေပြည်သာ၊ မှော်ဘီ၊ ထန်းတပင် စသည့် မြို့နယ်များမှ ပုဂ္ဂလိက မိဘမဲ့ဂေဟာ ၁၂ခုနှင့် ရပ်ကွက် အတွင်းရှိ ဆင်းရဲနွမ်းပါးကလေးငယ်များအတွက် ပြည်တွင်း အလှူရှင်များ၏အကူအညီဖြင့် ယခုပညာသင်နှစ်က စတင်ကာ ကျောင်းစရိတ်ထောက်ပံ့ပေး သွားမည်ဖြစ်ကြောင်း သူကပြောသည်။
“ကျနော်တို့က နိုင်ငံတော်အဆင့်အထိသွားဖို့ စဉ်းစားထားပါတယ်။ တတိုင်းပြည်လုံးအတိုင်းအတာ အထိလုပ်သွားဖို့ စီစဉ်ထားတယ်” ဟု ဦးကျော်မြင့်ဦး က ဆက်လက်ပြောကြားသည်။
မြန်မာနိုင်ငံတွင် မူလတန်းအဆင့် အခမဲ့ပညာရေးစနစ်ကို ကျင့်သုံးလျက်ရှိသော်လည်း၊ အခြေခံပညာ
ကျောင်းများကို နှစ်စဉ် ကျောင်းသား ၆သိန်းကျော် ပညာရေးကို စွန့်ခွာလျှက်ရှိကြောင်း ၂၀၁၀-၁၁ ပညာသင်နှစ်နှင့် ၂၀၁၁-၂၀၁၂ ပညာသင်နှစ် တိုင်းဒေသကြီးနှင့် ပြည်နယ်အလိုက်တက်ရောက်ခဲ့ သည့် ကျောင်းသားအင်အားစာရင်းအရ သိရသည်။
မြတ်စုမွန်~
0 comments :
Post a Comment