အမျိုးသား ဒီမိုကရေစီ အဖွဲ့ချုပ်၏ ဥပဒေရေးရာကော်မတီက ၂၀၀၈ ဖွဲ့စည်းပုံအခြေခံဥပဒေ တွင် ပြင်ဆင်ရမည့်ပြဋ္ဌာန်းချက်များကို အသေးစိတ် စတင်ဆွေးနွေးခဲ့ကြပြီး လတ်တလော မည်သည့် အချက်များ ဆွေးနွေးသည်ကို ထုတ်ဖော်ပြောဆို၍ မရသေးကြောင်း၊ မေလ ၂၇ ရက်နောက်ပိုင်းမှသာလျှင် ၂၀၀၈ ဖွဲ့စည်းပုံအခြေခံဥပဒေတွင် NLD က ပြင်ဆင်စေလိုသော အချက်အလက်များကို တရားဝင် ထုတ်ဖော်မည်ဖြစ်ကြောင်း ဦးဥာဏ်ဝင်းက ဧရာဝတီသို့ အတည်ပြု ပြောသည်။
"ဖွဲ့စည်းပုံအခြေခံဥပဒေမှာ ပြင်ရမယ့်ပြဋ္ဌာန်းချက်တွေကိစ္စ ဒေါ်အောင်ဆန်းစုကြည်အပါအ၀င် စတင်ဆွေး
နွေးမှုတွေလုပ်နေပါပြီ။ လက်ရှိမှာတော့ ဘာကိုမှ ထုတ်ဖော်ပြောလို့မရသေးပါဘူး။ အချောကိုင်ပြီးတဲ့ အခါမှာတော့ ထုတ်ဖော်ပြောပါ့မယ်" ဟု ဦးဥာဏ်ဝင်းက ရှင်းပြသည်။
NLD ဥက္ကဋ္ဌ ဒေါ်အောင်ဆန်းစုကြည်က အာဏာရ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီအနေနှင့် ဖွဲ့စည်းပုံအခြေခံဥပဒေကို အမှန်တကယ်ပြင်ဆင်ရန် ဆန္ဒရှိမည်ဆိုပါက ပူးပေါင်းဆောင်ရွက်သွား မည်ဖြစ်ကြောင်း တရားဝင်ထုတ်ဖော်ပြောဆိုထားပြီး ဖြစ်သည်။
0 comments :
Post a Comment