ဖုန်းဈေးကျမှာကို လွှတ်တော်က ဘာကြောင့် ကြောက်နေသလဲ

Thursday, June 27, 2013

ဆက်သွယ်ရေးအော်ပရေတာ လုပ်ပိုင်ခွင့်ရတဲ့ ကုမ္ပဏီအမည် ကြေညာမယ့် အစီအစဉ်ကို ရွှေ့ဆိုင်းပေးဖို့ အစိုးရကို တိုက်တွန်းကြောင်း  မနေ့က ပြည်သူ့လွှတ်တော်မှာ ကန့်ကွက်သူမရှိ ဆုံးဖြတ်လိုက်ပါပြီ တဲ့။

သို့သော်လည်း ဆက်သွယ်ရေးဌာနကတော့ စီစဉ်ထားတဲ့အတိုင်း ဒီကနေ့ ကြေညာပါ့မယ် ဆိုတဲ့အကြောင်း ဆက်သွယ်ရေးအော်ပရေတာလုပ်ငန်း တင်ဒါခေါ်ယူရေး ကော်မတီ ဥက္ကဋ္ဌ ဦးဆက်အောင်ကို ကိုးကားပြီး  The Voice Daily သတင်းစာမှာ မျက်နှာဖုံးသတင်းအဖြစ် ရေးထားပါတယ်။

လုပ်ငန်း လုပ်ပိုင်ခွင့်ရမယ့်  ကုမ္ပဏီ ၂ ခု အမည် ကြေညာမယ်လို့ သတင်းထွက်ကတည်းက ဖုန်းကို သင့်လျော်တဲ့ဈေးနဲ့ ကိုင်လိုသူတွေက ၀မ်းသာနေကြတာပါ။
အရံကုမ္ပဏီ ၁ ခု အမည်လည်း ကြေညာမယ်လို့ သိရပါတယ်။

ပြည်သူ့လွှတ်တော်ရဲ့ ဆုံးဖြတ်ချက်နဲ့ ပတ်သက်ပြီး ဒီကနေ့ The Voice Daily အယ်ဒီတာ့အာဘော်မှာလည်း အခုလို ဝေဖန်ထားပါတယ်။

"နှစ်ပေါင်းများစွာ မြန်မာဆက်သွယ်ရေး လုပ်ငန်း၏ တစ်ဖက်သတ် အနိုင်ကျင့်သကဲ့သို့ အပေါ်စီး ယူလွန်းသည်ကို ခေါင်းငုံ့ ခံခဲ့ရသည့် ပြည်သူလူထုအတွက် နိုင်ငံတကာ အဆင့်မီ ဈေးသက်သာသော မိုဘိုင်းလ် ဆက်သွယ်ရေး လုပ်ငန်းများဖြင့် ဝန်ဆောင်မှု ပေးစေလိုသော စီမံကိန်းတစ်ရပ်ကို ဥပဒေပြုမဏ္ဍိုင်သည် သန်းခြောက်ဆယ်သော ပြည်သူလူထု မျက်နှာနှင့် လက်တစ်ဆုပ်စာ လူတစ်စု မျက်နှာ နှစ်ဖက်အနက် မည်သည့်ဘက်ကို ကြည့်မည်နည်းဟု မေးခွန်းထုတ်ရမည် ဖြစ်သည်"

 ပြည်သူ့လွှတ်တော်မှာ ထိုင်နေတဲ့ အမတ်မင်းတွေ ဘယ်သူ့မျက်နှာကြည့်မှာလဲ လို့ ဗြောင် မေးထားတာပါ။

အမတ်မင်းတွေက ပြည်သူ့မျက်နှာ မကြည့်တဲ့အတွက် အဲဒီလို ဆုံးဖြတ်လိုက်ကြတာ ရှင်းနေပါတယ်။

အမတ်မင်း ဆိုရာမှာ ဒေါ်အောင်ဆန်းစုကြည်တို့လို NLD က ပြည်သူ့လွှတ်တော်ကိုယ်စားလှယ်တွေ၊ ကြံ့ခိုင်ရေးပါတီနဲ့ တခြားပါတီများက ပြည်သူ့လွှတ်တော်ကိုယ်စားလှယ်တွေ၊ တမတ်သား ကိုယ်စားလှယ်တွေကို ဆိုလိုတာပါ။

သူတို့က တယ်လီဖုန်းကိုယ်စီ ခါးထိုးထားနိုင်သူတွေ ဆိုတော့ ပြည်သူ့မျက်နှာ ဘယ်ကြည့်တော့မလဲ။

ရွှေ့ဆိုင်းရေး အဆိုကို ကန့်ကွက်သူမရှိ ဆုံးဖြတ်တယ် ဆိုတော့ ပြည်သူ့လွှတ်တော်မှာ တယ်လည်း ညီညွတ်ကြပါလားလို့ ဆိုရပါမယ်။

ကန့်ကွက်သူမရှိ သဘောတူတယ် ဆိုတာကိုလည်း ဒီနေ့ထုတ်

ကြံ့ခိုင်ရေးပါတီ သတင်းစာမှာ ရေးထားပါတယ်။
ရွှေ့ဆိုင်းရေး အဆိုတင်သွင်းသူကတော့ တနိုင်းမဲဆန္ဒနယ် ကြံ့ခိုင်ရေးပါတီ အမတ်မင်း ဦးမျိုးဆွေ ဖြစ်ပါတယ်။

"ရေရှည်ယှဉ်ပြိုင်ဆောင်ရွက်ရာမှာ ပြည်တွင်း ကုမ္ပဏီများအနေဖြင့် အခက်အခဲများ၊ ဆုံးရှုံးမှုများနှင့် ရင်ဆိုင်ရနိုင်ပြီး ပြည်ပကုမ္ပဏီများရဲ့ လက်ဝါးကြီးအုပ် ၀ါးမျိုခြင်း ခံရနိုင်တယ် လို့ ပြည်သူလူထုအကြား စိုးရိမ်မှုများ ဖြစ်ပေါ်နေပါတယ်" စသဖြင့် သူက အဆိုတင်သွင်းကြောင်း ကြံ့ခိုင်ရေးပါတီ သတင်းစာ မျက်နှာဖုံးမှာ ရေးထားပါတယ်။

ကုမ္ပဏီတွေ ပြိုင်ဆိုင်ကြတာ ဘယ် ပြည်သူလူထုက  စိုးရိမ်မှာလဲ။
စားသုံးသူဆိုတာ ကုမ္ပဏီတွေ ပြိုင်ဆိုင်တာကို သဘောကျတာ နိုင်ငံတကာရဲ့ ထုံးစံပါ။

ဆက်သွယ်ရေးကုမ္ပဏီတွေ "အခက်အခဲများ၊ ဆုံးရှုံးမှုများ" ရင်ဆိုင်ရတာလည်း နိုင်ငံတကာရဲ့ ထုံးစံပါ။
မြန်မာစစ်ဗိုလ်ချုပ်ကြီးတွေ အာဏာသိမ်းအုပ်ချုပ်တဲ့ကာလမှာတော့ လုပ်ပိုင်ခွင့် ရတဲ့ ဆက်သွယ်ရေးကုမ္ပဏီတွေက ဒီလို ဘယ်ရင်ဆိုင်ရပါ့မလဲ။

အမတ်မင်း ဦးမျိုးဆွေရဲ့ အခြေအမြစ်မရှိတဲ့ အထက်ပါ စကားလုံးတွေကို သူ့ပါတီက အမတ်တွေ၊ တမတ်သား အမတ်တွေ သဘောတူတာကြတော့ သဘာဝကျပါတယ်။
ဒေါ်အောင်ဆန်းစုကြည် နဲ့ တခြား အတိုက်အခံအမတ်မင်းများက သဘောတူလိုက်ကြတာကတော့ အံ့သြဖွယ်ပါပဲ။ ဘာကြောင့် ထောက်ခံလိုက်တာလဲ။ အိပ်ငိုက်နေတာကြောင့်များလား။
ပြည်သူတွေ တယ်လီဖုန်း ဖောဖောသီသီ အသုံးပြုချင်တာကို မသိလို့လား။
ပြည်သူတွေ ဘာလိုချင်တယ် ဆိုတာကို မသိဘူး ဆိုရင်တော့ ပြည်သူတွေကြားထဲ မသွားဘဲ နေပြည်တော်မှာ သွားထိုင်တာ သိပ်များသွားပြီလို့ ဆိုရပါမယ်။

ဖုန်းဈေးကျမှာကို လွှတ်တော်က ဘာကြောင့် ကြောက်နေသလဲ လို့ ပြည်သူတွေက မေးကြပါတော့မယ်။

အခုလောက် ဆိုရင် ပြည်သူ့လွှတ်တော် အမတ်မင်းတွေဟာ  "ဘာကြောင့် သဘောတူလိုက်ကြတာလဲ" ဆိုတဲ့ သတင်းထောက်များရဲ့ မေးခွန်းကို  ဖြေဆိုနိုင်ဖို့ ဥာဏ်နီဥာဏ်နက် ထုတ်နေကြပြီလို့ ယူဆပါတယ်။
 


.

3 comments :

  1. Anonymous said... :

    နိုင်ငံတကာစံနှုန်းများနှင့် ပထမဆုံးဆောင်ရွက်တဲ့ ကိစ္စကို မျက်နှာပျက်စရာဖြစ်နိုင်တယ်ဆိုတာ ထည့်စဉ်းစားဖို့ လိုပါမယ်၊ ဒီကိစ္စ စတင်ကတည်းက လ နှင့်ချီနေပြီပဲ၊ အဲဒီတုန်းက ဘာလို့ မပြောတာပါလဲ၊ ကြေညာမဲ့ရက် မတိုင်မီ တစ်ရက်ကျမှ လုပ်တာကတော့ အဓိပါယ် အမျိုးမျိုးရှိနေပါတယ်၊
    ကြားရတဲ့သတင်းတစ်ခု မှန်ရင်တော့ ပြည်သူ့လွှတ်တော် ဥက္ကဌ အတွက် သိက္ခာမဲ့စရာဖြစ်ပါမယ်၊
    သားဖြစ်သူရဲ့ Red Link ကုမ္မဏီပါတဲ့ အဖွဲ့က ပဏာမ (၁၂)ဖွဲ့ စါရင်းမှာ မပါလို့ အခုလို လွှတ်တော်ကို အသုံးချပြီး အဖျက်လုပ်ငန်း လုပ်တာလို့ ဆိုပါတယ်၊ ဒီသတင်းမှန်ခဲ့ရင်တော့ ဥက္ကဌ လုပ်ခဲ့တဲ့အလုပ်တွေ အားလုံး ရေစုန်မျောပါမယ်၊ ပြီးတော့ ခရိုနီအလတ်စားဖြစ်နေတဲ့ အောင်သက်မန်း နဲ့ တိုးနိုင်မန်း-သားနှစ်ယောက်အကြောင်းလည်း ပေါ်လာမှာမို့ ဘယ်လိုစိတ်ကူးမျိုးနဲ့ လုပ်တာပါလဲလို့ စဉ်းစားမရပါ၊ မဟုတ်နိုင်ဘူးလို့လည်း မျှတစွာ စဉ်းစားမိပါတယ်။

  1. Anonymous said... :

    ......ဒေါ်အောင်ဆန်းစုကြည် နဲ့ တခြား အတိုက်အခံအမတ်မင်းများက သဘောတူလိုက်ကြတာကတော့ အံ့သြဖွယ်ပါပဲ....
    ဟုတ်ပါတယ်၊ တကယ်အံ့သြရလောက်အောင် နားမလည် ဖြစ်ရပါတယ်။

  1. Anonymous said... :

    why never give chance to Japan company.why choose Quarter bae company?

Post a Comment

 
Copyright © 2014 Irrawaddy Publishing Group. All Rights Reserved