ဒလမြို့နယ်မှာ တောင်ကိုရီးယားက အထူးစီးပွားရေးဇုံလုပ်ချင်ဟု ဆို

Sunday, June 23, 2013

တောင်ကိုရီးယားနိုင်ငံက ရန်ကုန် တဖက်ကမ်း ဒလမြို့နယ်မှာ စက်မှုဇုံတည်ဆောက်ဖို့ စိတ်ဝင်စားနေ တယ်လို့ သိရပါတယ်။ 

ရန်ကုန် – ဒလ ကူးတို့ ဇက်သင်္ဘောတစီးကို မြင်တွေ့ရပုံ (ဓာတ်ပုံ – ဧရာဝတီ)

၂၀၁၃ ခုနှစ်ကနေ ၂၀၁၇ ခုနှစ်အတွင်း မြန်မာကို တောင်ကိုရီးယားက အမေရိကန် ဒေါ်လာ သန်း ၅၀၀ ကို ချေးပေးမယ်လို့ ၂ နိုင်ငံ သဘောတူပြီးလည်းဖြစ်ပါတယ်။ 

ဒလဘက်မှာ စက်မှုဇုံကြီးတခု တည်ဆောက်ဖို့အတွက် အခြေခံကောင်းတွေဖြစ်တဲ့ အလုပ်သမား ပေါတာ၊ 
ရေလမ်းလည်း အဆင်ပြေတာ၊ မြေနေရာလည်း ကျယ်ဝန်းတာတွေ ပါဝင်တယ်လို့  ယနေ့ထုတ် မြန်မာ့ အလင်း သတင်းစာမှာတော့ ထိုင်းနိုင်ငံ ချင်းရိုင်တိုင်းမ် သတင်းစာကို ကိုးကားပြီး သတင်းတပုဒ် ဖော်ပြ ထားပါတယ်။ 

ရန်ကုန်-ဒလ မြစ်ကူးတံတား တည်ဆောက်ရေးပါ အစီအစဉ်ရှိတယ်လို့လည်း ဆိုပါတယ်။ 

မြန်မာ-တောင်ကိုရီးယား ၂ နိုင်ငံခေါင်းဆောင်တွေကတော့ စီးပွားရေးလုပ်ငန်းတွေ ပူးပေါင်း လုပ်ဆောင်ဖို့ ညှိနှိုင်းနေတာတွေ ရှိပါတယ်။


ဂျပန်ကလည်း သီလ၀ါအထူးစီးပွားရေး ဇုန်ကို လုပ်မှာမို့ ပြိုင်ဖက် တောင်ကိုရီးယားက ဒလ ကို ရွေးချယ် တယ်လို့လည်းဆိုပါတယ်။ 

ဒီသတင်းဟာ ဒလက မြေဈေးတွေလည်း တက်လာနိုင်ဖွယ်ရှိပြီး တကယ်တမ်း တောင်ကိုရီးယားက အထူး စီးပွားရေး ဇုံ တည်ဆောက်မယ်ဆိုရင်တော့ ရန်ကုန်ရဲ့ အနီးဆုံးဖြစ်ပြီး ဖွံ့ဖြိုးတိုးတက်ဖို့ နောက်ကျကျန် နေ တဲ့ ဒလ ဟာ အလားအလာကောင်းတွေ ဖြစ်လာပြီး ဖွံ့ဖြိုးမှုတွေ ရှိလာနိုင်ပါတယ်။ 

အ်ိမ့်သံစဉ် ~

0 comments :

Post a Comment

 
Copyright © 2014 Irrawaddy Publishing Group. All Rights Reserved