"မိုးကုတ်သူ မိုးကုတ်သားတွေ လက်ဗလာဖြစ်ကုန်ပါလိမ့်မည်"

မိုးကုတ်ရတနာမြေအတွင်း နိုင်ငံတော်နှင့် အကျိုးတူကျောက်မျက်တူးဖော်ရေးကုမ္ပဏီများသို့ အိတ်ဖွင့်ပေးစာ

        မိုးကုတ်ရတနာနယ်မြေဟာ ခေတ်အဆက်ဆက် အေးချမ်းသာယာပြီး နယ်မြေခံပြည်သူလူထုဟာ ကျောက်မျက်ရတနာ တူးဖော်ရောင်းဝယ်ရေးလုပ်ငန်းနဲ့ ရှင်သန်ရပ်တည်ခဲ့တာဟာ အားလုံးအသိပင်ဖြစ်ပါသည်။

မိုးကုတ်မြို့ပြင် လုပ်ငန်းခွင်တခုအနီးမှ မြင်ကွင်းတခု (ဓာတ်ပုံ - လောအယ်စိုး)

        ယခုအခါ နိုင်ငံတော်နှင့် အကျိုးတူဟုအမည်ခံ ကုမ္ပဏီအချို့  ရဲ့ ဖိနှိပ်ချယ်လှယ်မှုအောက်ကို မိုးကုတ်ရတနာနယ်မြေဟာ ကျရောက်ရတော့မယ့် အခြေအနေဖြစ်ပါသည်။

         အကျိုးတူ အမည်ခံပြီး ပွင့်လင်းမြင်သာမှု မရှိတာတွေအများအပြားနဲ့ လုပ်ချင်ရာကို လုပ်ကြတော့မယ် သဘောတရား အငွေ့အသက်တွေ မိုးကုတ်မြို့နေ မိဘပြည်သူအပေါင်း တရှိုက်မတ်မတ်ခံစားရရှိနေပါပြီ။

        အကြောင်းအရင်းကတော့ ဒီလိုပါ

သတ္တုတွင်းဝန်ကြီးဌာန၊ မြန်မာ့ကျောက်မျက်ရတနာရောင်းဝယ်ရေးလုပ်ငန်းဟာ မိုးကုတ်ဒေသမှာ ဖော်ထုတ်လုပ်ကွက်လျှောက်ထားခြင်းတွေကို မူဝါဒတွေနဲ့ စီမံခန့်ခွဲအုပ်ချုပ်သူ ဌာနဆိုင်ရာ လူကြီးမင်းအချို့   အလိုကျ ချထားပေးခြင်းကို ကန့်သတ်ချုပ်ချယ်ခြင်းနှင့် ပိုင်ရင်ပိုင်သလို အကွက်အတွင်းထည့်ပြီး တည်းဖြတ်ချထားပေးခြင်းကလည်း အကျိုးတူတွေ၊ ဦးပိုင်တို့က လုပ်ကွက်နေရာဦးခြင်းနှင့် အခွင့်ထူးခံ ကုမ္ပဏီလုပ်ငန်းရှင်ကြီးများရဲ့ လက်ကိုင်တုတ်တွေ ဖြစ်လာခဲ့ကြပါတယ်။

ယခုခေတ်သစ်တွင်  နိုင်ငံတော်နှင့် အကျိုးတူဆိုတဲ့ ခေါင်းစဉ်နဲ့ ဦးထောင်လာပါတော့တယ်ဆိုတာကို မိုးကုတ်ရတနာနယ်မြေ မျက်နှာစာမှာ မြင်တွေ့ရကြောင်းပါ။

         မိုးကုတ်မြို့ နယ်လွတ်တော် ကိုယ်စားလှယ်ကြီးဦးဘဌေးတီထွင်လိုက်တဲ့ တနိုင်တပိုင်ဆိုတဲ့ ခေါင်းစဉ်နဲ့ မဲအနည်းအများအတွက် ကြိုးစားလိုက်ရတဲ့ Project ကြီးကလည်း မိုးကုတ်ဒေသခံပြည်သူအကျိုးအတွက် ထင်သလောက်အရာမရောက်တော့ ကိုယ်စားလှယ်ကြီးခင်ဗျာ နောင်လာမယ့်သက်တမ်းနေရာဟာ စိတ်မချရဘဲ မရေမရာဖြစ်နေပါတယ်။

        နိုင်ငံတော်နှင့် အကျိုးတူဆိုတဲ့ခေါင်းစဉ်တပ်ပြီး မိုးကုတ်မြို့တစ်ခုလုံးကိုသိမ်းပိုက်ြပီးတော့ တောတောင်သဘာဝကို ဖျက်ဆီးပစ်ဖို့ ကြိုးစားနေတာတွေကို ဒီနေရာကနေပြီးပြတ်ပြတ်သားသား ကန့်ကွက်ပါတယ်။

        မိုးကုတ်ဒေသတွင် တနိုင်တပိုင်နှင့် ပုဂ္ဂလိကလုပ်ကွက် ကုမ္ပဏီများကလည်း တာဝန်သိ၊ တာဝန်ရှိစွာ တူးဖော်ရေးလုပ်ငန်းများကိုလည်း စနစ်တကျလုပ်ဆောင်ကြရန် တိုက်တွန်းလိုပါတယ်။

ကျောက်မျက်ထွက်ရှိမှုကိုသာ အသားပေးရှေ့  တန်းတင်လုပ်ကိုင်ကြပြီး သဘာဝပတ်ဝန်းကျင် ထိန်းသိမ်းရေးလုပ်ငန်းတွေကိုပါ ထည့်သွင်းပြင်ဆင်လုပ်ကိုင်ကြဖို့လိုပါတယ်။

ခက်ခဲတာတွေကို သက်ဆိုင်ရာကို အချိန်နဲ့ တပြေးညီ ပွင့်လင်းမြင်သာထိရောက်စွာညှိနှိုင်း တင်ပြ ဆောင်ရွက်ဖို့လိုပါတယ်။

        ကျောက်မျက်ဌာနအုပ်ချုပ်သူ အစိုးရအဖွဲ့အစည်းအဆင့်ဆင့်များကလည်း အောက်ခြေအထိ မှန်ကန်သော သတင်းအချက် အလက်များ၊ ဘက်လိုက်မှုရှိသောလိုရာရည်ညွန်း တင်ပြချက်များကို စီစစ်ဆောင်ရွက်ဖို့ အားနည်းနေကြောင်းကိုလည်း ထည့်သွင်းထောက်ပြလိုပါတယ်။

        တဆက်တည်း ကျောက်မျက်ဌာန လူကြီးမင်းများကျင့်သုံးတဲ့နည်းဥပဒေ၊ ညွန်ကြားချက် ဥပဒေတွေ၊ လုပ်ထုံးလုပ်နည်းတွေက ဘက်မလိုက်ဘဲ ဖြစ်သင့်ဖြစ်ထိုက်တာကို ပြုပြင်ပြောင်းလဲလုပ်ဖို့ အချိန်ရောက်ပြီဖြစ်တာကို သတိပေး လိုပါတယ်။

ဌာနရဲ့  မညီမျှတဲ့ မူဝါဒတွေကို သူ့တစ်မျိုး ကိုယ့်တစ်မျိုး ကျင့်သုံးတာတွေကိုရော အမြန်ဆင်ခြင်ပြုပြင်ပြောင်းလဲဖို့ လိုနေပါပြီ။ တနိုင်တပိုင် ပုဂ္ဂလိကနဲ့ အကျိုးတူ တို့ အခွင့်အရေးမတူတာဟာ လက်တွေ့ မိုးကုတ်ရတနာနယ်မြေမှာ အများပြည်သူအသိပင်ဖြစ်ပါတယ်။

လက်ရှိအနေအထားအရ အရင်းအနှီးကြီးမားတဲ့ ကျောက်တွင်းလုပ်ငန်းကုမ္ပဏီကြီးများဟာ ပိုမိုကြီးထွားလာကြပြီး အရင်းအနှီးနည်း ၊ အရင်းအနှီးမဲ့ ဒေသခံပြည်သူတို့အတွက်မှာမူကား မည်သို့သောအထောက်အပံ့မှ မရရှိပဲ ကျောက်မျက်ရတနာတူးဖော်ရေး၊ ရောင်းဝယ်ရေးလုပ်ငန်းဌာနရဲ့   မပြောင်းလဲသော ဟောင်းနွမ်းဆွေးမြည့်နေသော ဘက်လိုက်မူဝါဒများဟာ မိုးကုတ်မြို့ကို ပိုမိုအကျဉ်းတန်စေမှာပါ။

        နိုင်ငံတော်နှင့်အကျိုးတူလုပ်တဲ့ မိုးကုတ်မြို့ နယ်က ကုမ္ပဏီတွေလေ့လာစီစစ်ကြည့်လျှင် ခေတ်အဆက်ဆက် ကျောက်မျက်လူကြီးမင်းများ မကင်းရာ မကင်းကြောင်းနဲ့  အကျိုးတူလုပ်ကြတဲ့ ကုမ္ပဏီတွေချည်းပဲ ဖြစ်ပါတယ်။

        ဒီအထဲမှာ ငွေရင်းငွေအားကြီးကြီးမားမားနဲ့ ငွေသုံးပြီး အင်ပါယာချဲ့ထွင်တဲ့ ငြိမ်းချမ်းရေအဖွဲ့အစည်းနောက်ခံ ကုမ္ပဏီတွေရှိသလို အချို့ကုမ္ပဏီတွေကတော့ အပေါ်ဖားအောက်ဖိနဲ့ ပြည်သူပိုင်ခြံမြေတွေ အတင်းအဓမ္မသိမ်းပိုက်တူးဖော်နေတဲ့ ကုမ္ပဏီတွေလဲ ပါတာဖြစ်ပါတယ်။

 ဒါကြောင့် အရှုပ်အရှင်းနဲ့ နပန်းလုံးနေကြတဲ့ ကုမ္ပဏီတွေလဲ မတရားလုပ်စားတာတွေကို မလုံ့တလုံနဲ့ ရှေ့  ဖုံးနောက်ပေါ်ရှင်းရတော့မယ့် အခြေအနေရှိတဲ့ ကုမ္ပဏီတွေရှိနေတာကိုလည်း ကြားသိရကြောင်းပါ။

        တကယ်ကို တိုင်းပြည်ကောင်းစားဖို့ခင်ဗျားတို့အလုပ်လုပ်နေတယ်ဆိုရင် လုပ်ကိုင်ကျင့်သုံးနေတာတွေ၊ တာဝန်ယူ တာဝန်ခံ ဖြေရှင်းချမှတ်တာတွေဟာ သမာသမတ်ရှိဖို့၊ လူတစ်စုအတွက်မဟုတ်ဘဲ အများပြည်သူအကျိုးစီးပွားကို အထောက်အကူရဖို့ လိုနေတာ သေချာနေပြီဖြစ်ပါတယ်။

        မိုးကုတ်ဒေသခံပြည်သူများကလည်း ဆန္ဒဖော်ထုတ်ပြောကြားလျှင်လည်း ရဲရဲဝံ့ဝံ့ပြော၊ မှန်မှန်ကန်ကန်ဖြစ်အောင် သက်ဆိုင်ရာ အဆင့်ဆင့်တင်ပြကြဖို့ လိုပါတယ်။ ဒါမှလည်း အားလုံး တိုးတက်မှာဖြစ်ပါတယ်။
လွှတ်တော်အမတ်တွေပဲ အားကိုးနေရင် ဒေသခံမိုးကုတ်သူ မိုးကုတ်သားတွေ လက်ဗလာဖြစ်ကုန်ပါလိမ့်မည်။

        ကျွန်တော်တို့ဒေသခံပြည်သူတွေ အနေနဲ့ကပြောင်းလဲလာတဲ့ ခေတ်သစ်စနစ်သစ်မှာ မည်သို့သောမတရားမှုမျိုးကိုမှ လက်ပိုက်ကြည့်နေမှာမဟုတ်တဲ့အကြောင်း မတရားတာတွေလုပ်ဖို့ ကြံစီနေတဲ့ အကျိုးတူ အမည်ခံကုမ္ပဏီများကို လက်သင့်ခံမှာ မဟုတ်တဲ့အကြောင်း၊ ကြံစည်နေတာတွေ ရပ်တန်းကရပ်ရန် သတိပေး ပြောကြားလိုပါတယ်။

        မြန်မာ့ကျောက်မျက်ရတနာလုပ်ငန်းကိုလည်း ဘက်လိုက်တဲ့ကျင့်ထုံးတွေနဲ့ အကျိုးတူဆိုတမျိုး၊ တနိုင်တပိုင်နှင့် ပုဂ္ဂလိက လုပ်ကွက်ဆိုရင်တပုံနှင့် ဆက်ဆံတဲ့ မူဝါဒတွေကို အမြန်ပြင်နိုင်အောင်လည်း ကောင်းသောအကြံပြုလိုပါတယ်။

        နိဂုံးချုပ်အနေနဲ့ တင်ပြလိုတာက သဘာဝပတ်ဝန်းကျင် ထိန်းသိမ်းရေး မပျက်ဆီးဖို့စတာတွေ တသွင်သွင်ပြောနေပေမဲ့ မြို့  ကတောင်ဖြိုဖို့ ကြိုးစားနေတဲ့ ကုမ္ပဏီကြီးများ  ပြည်သူလူထုကို နားလှည့်ပါးရိုက်အကွက်နဲ့ လိမ့်ဖို့ ပြင်ဆင်နေတဲ့ ကုမ္ပဏီကြီးများ၊ ငွေအင်အား ဖေါဖေါသီသီသုံးပြီး လိုချင်တာပဲ သိတဲ့ ရွာသိမ်းတိုက်ပွဲဆင်နွဲနေတဲ့ ကုမ္ပဏီကြီးများ၊ အထက်လူကြီးနှင့်ပေါင်းပြီး အများပြည်သူ ခြံမြေယာမြေ များသိမ်းပိုက်ပြီး ရောင်းစားနေသော အတ္တကြီး အကျိုးတူအမည်ခံ ကုမ္ပဏီများအားလုံးကို အတ္တစိတ်များ လျှော့ကြဖို့ အလေးအနက် အသိပေးပြောကြားလိုက်ပါတယ်။

မိုးကုတ်မြို့ကို ထာဝရသာယာလှပ ချမ်းသာစေလိုသူ မိုးကုတ်သားတစ်ဦး