အခုလို ပြန်တွေ့ချိန်မှာ အသက် ၄၁ နှစ်အရွယ် သားဖြစ်သူ ဟိုဗန်လန်း က သန်မာပေမယ့် အသက် ၈၂ အ ရွယ် ဖခင်ဖြစ်သူက မသန်မာတော့လို့ တောထဲကနေ ထမ်းစင်နဲ့ ခေါ်လာခဲ့ရပါတယ်။
သူတို့ဟာ တကယ်တော့ စစ်ပြေး ဒုက္ခသည်တွေဖြစ်ပါတယ်။ တချိန်က အမေရိကန်- ဗီယက်နမ်စစ်ပွဲကာလ စစ်ကို ရှောင်တိမ်းပြေးရှောင်ရင်း လူ့ပတ်ဝန်းကျင်နဲ့ ကင်းကွာရာတောတောင်တွေထက် ကျင်လည်ကျက် စားခဲ့ကြပါတယ်။ ဇနီးနဲ့ သား ၂ ယောက် မိုင်းနင်းမိပြီး ကွယ်လွန်သွားပြီးနောက် သူတို့ သားအဖ လူသူ ဝေး တဲ့ တောတွင်းမှာပဲ နေထိုင် ရှင်သန်လာကြတယ်လို့ ဆိုပါတယ်။
ဘာသာစကားအာဖြင့် တိုင်းရင်းသား စကားကို သားဖြစ်သူက နည်းနည်းသာ နားလည်ပြီး ဖခင်က အဖြစ်အပျက်တွေကို ပြန်ပြောပြလို့ သိရတာလည်း ဖြစ်ပါတယ်။
သူတို့ဟာ ဓားနဲ့ မြှားကို အသုံးပြုပြီး အမဲလိုက်စားသောက် ရှင်သန်နေခဲ့ကြတာပါ။ ဗီယက်နမ် တာဇံ သားအဖလို့ ပြောရမလားပါဘဲ။ အခုတော့ သူတို့ကို ပြန်ခေါ်လာပြီး ကျန်းမာရေး ဆေးစစ်မှုတွေ လုပ်ပေးနေတယ်လို့ ဗီယက်နမ် သတင်းတွေက ဆိုပါတယ်။
အခုတော့ နှစ် ၄၀ ကျော်ကြာ စစ်ပွဲတွေရဲ့ အကျိုးဆက်အဖြစ် တာဇံတွေလို နေခဲ့ကြတဲ့ သားအဖ ၂ ဦး
ခေတ်သစ် လူ့ပတ်ဝန်ကျင်ထဲပြန်လည်ဝင်ဆန့်ရေးအတွက် အားလုံးက ကြိုးပမ်းနေတယ်လို့ ဆိုပါတယ်။
ဒီလိုမျိုး တောတွင်းမှာပဲ တာဇံလို အသက်ရှင် ရပ်တည်ခဲ့သူ မြန်မာနိုင်ငံ ချင်းပြည်နယ်က ချိုင်းဒီ ဆိုတဲ့ အမျိုးသမီးကိုလည်း ယမန်နှစ်က နှစ်ပေါင်း ၄၀ နီးပါးလောက်မှာ ပြန်လည် တွေ့ခဲ့ရဘူးပါတယ်။
သူ့အကြောင်းနဲ့ပတ်သက်လို့လည်း ဧရာဝတီက ချင်းနွယ်ဖွား အမျိုးသမီးတာဇံ ချိုင်ဒီ ဆိုပြီး ယမန်နှစ်က ဖ်ာပြခဲ့ဖူးပါ တယ်။ဤနေရာ ( http://blog.irrawaddy.org/2012/09/blog-post_9316.html ) ကို သွားကြည့်နိုင်ပါ တယ်။
မူရင်း ဗီယက်နမ် သတင်းဖော်ပြမှုကိုလည်း ဆက်လက်ဖော်ပြပေးလိုက်ပါတယ်။
0 comments :
Post a Comment