ဒီပဲယင်းအကြမ်းဖက်မှုအကြောင်း ဦးခင်ညွန့်မှာ ပြောစရာမရှိ

 ~



  မိသားစုလုံခြုံရေးကို အာမခံမယ် ဆိုရင် ဒီပဲယင်းဒေသ အကြမ်းဖက်မှုအကြောင်း ဖွင့်ချမယ်ဆိုပြီး အွန်လိုင်းမှာ ရေးသားထားတာတွေကို ဗိုလ်ချုပ်ကြီးဟောင်းခင်ညွန့်က ပယ်ချလိုက်တယ်လို့ ဒီကနေ့ (စက်တင်ဘာ ၁၉ ) ရက်စွဲတပ် Popular News ဂျာနယ်မှာ ရေးထားပါတယ်။


အနောက်နိုင်ငံ သံရုံး ကိုယ်စားလှယ်တဦးနဲ့ လျှို့ဝှက်တွေ့စဉ်မှာ ပြောလိုက်တာဖြစ်ကြောင်း ဒီရက်ပိုင်းအတွင်း အင်တာနက်မှာ ရေးသားနေကြတဲ့အတွက် သွားရောက်မေးမြန်းရာမှ အဲဒီလို ငြင်းလိုက်တာပါ တဲ့။

"အဲဒီ Subject (အကြောင်းအရာ) ကို ပြောစရာအကြောင်းလဲ မရှိဘူး" လို့
ဗိုလ်ချုပ်ကြီးဟောင်းခင်ညွန့်က ပြောကြောင်း ဂျာနယ်မှာ ရေးထားပါတယ်။
ဒီပဲယင်းဒေသ အကြမ်းဖက်မှုဟာ ၂၀၀၃ မေ ၃၀ ရက်နေ့မှာ ဖြစ်ခဲ့တာပါ။
ဒေါ်အောင်ဆန်းစုကြည်ရဲ့ယာဉ်တန်း စစ်ကိုင်းတိုင်း ဒီပဲယင်းမြို့ တနေရာမှာ ထောင်နဲ့ချီတဲ့လူအုပ်ရဲ့ တိုက်ခိုက်မှုကို ခံရတဲ့ဖြစ်ရပ်ပါ။
ယာဉ်တန်းမှာ ပါဝင်တဲ့ လူတချို့  သေဆုံး၊ အများအပြား ဒဏ်ရာရ၊ အဖမ်းခံကြရတဲ့ဖြစ်ရပ်ပါ။

လုပ်ကြံခံရတဲ့အချိန်ကစပြီး ထောင်ထဲရောက်သွားတဲ့ ဒေါ်အောင်ဆန်းစုကြည်က အခုတော့ ဒီဖြစ်ရပ်အတွက် ကြေအေးစကား ပြောပါတယ်။

ဗိုလ်ချုပ်ကြီးတွေကတော့ ဘာမှ မပြောပါဘူး။
ဗိုလ်ချုပ်ကြီးဟောင်းခင်ညွန့်ကလည်း အဲဒီလိုပါပဲ၊ အထက်မှာ ရေးထားသလို -
"အဲဒီ Subject (အကြောင်းအရာ) ကို ပြောစရာအကြောင်းလဲ မရှိဘူး" တဲ့။

ဒီဖြစ်ရပ်ကို ဖန်တီးသူဟာ ဘယ်သူဘယ်ဝါ ဖြစ်မှာပဲ လို့ မြန်မာ့နိုင်ငံရေးမှာ အနည်းနဲ့အများ ပါဝင်သူတို့ရဲ့ တွက်ဆချက်တွေဟာ တူညီနေတတ်ပါတယ်။




I Saved Suu Kyi at Depayin Massacre: Ex-Spy Chief
http://www.irrawaddy.org/archives/2316

တကြော့ပြန် ရုပ်သံပေါ်က ဦးခင်ညွှန့်
http://burma.irrawaddy.org/archives/35903

A Decade Later, Victims Still Seeking Depayin Massacre Justicehttp://www.irrawaddy.org/archives/36124
ကျူးလွန်ခဲ့မှုများအတွက် တာဝန်ခံဖို့ လိုသည်
http://burma.irrawaddy.org/archives/19736
 
 

• ဧရာဝတီ Facebook / ဧရာဝတီ Twitter

.