The Irrawaddy's Blog: လက်ပံတောင်းထက် ပိုကြီးကျယ်တဲ့ ချင်းပြည်နယ် မြွေတောင်စီမံကိန်း

~

ချင်းပြည်နယ် မြွေတောင်သတ္ထုစီမံကိန်းနဲ့ ပတ်သက်ပြီး ဒေသခံများသဘောထားထုတ်ပြန်တဲ့ သတင်းစာရှင်းလင်းပွဲကို ရန်ကုန်မြို့မှာ ဒီကနေ့ နေ့ခင်းပိုင်းက ပြုလုပ်ခဲ့ပါတယ်။

ချင်းပါတီလေးခု နဲ့ ဒေသခံများရဲ့ ရှင်းလင်းပွဲ ဖြစ်ပါတယ်။

စီမံကိန်းနဲ့ ပတ်သက်ပြီး ကွင်းဆင်းလေ့လာတွေ့ရှိချက်တွေကို ရှင်းလင်းပွဲမှာ ဖြန့်ဝေခဲ့တဲ့ ၅ မျက်နှာပါ ထုတ်ပြန်ချက်ကို ဒီစာစုရဲ့ အဆုံးမှာ ဖတ်နိုင်ပါပြီ။

ဒီစီမံကိန်းကြီးဟာ လက်ပံတောင်းဒေသစီမံကိန်းထက် ပိုပြီး ကြီးမားတယ်လို့ ရှင်းလင်းပွဲမှာ ဦးဆောင် ရှင်းပြသူတို့က ပြောပါတယ်။

ဧရာဝတီသတင်းဌာနရဲ့ သတင်းတပုဒ်ဖြစ်တဲ့ "လက်ပံတောင်း ပဋိပက္ခက တိုင်းရင်းသား ဒေသတွေအတွက် သင်ခန်းစာလား" http://burma.irrawaddy.org/archives/37158 ဆိုတဲ့ သတင်းမှာ
မြွေတောင်၊ ဖားတောင် နီကယ်သတ္တုတူးဖော်ရေး စီမံကိန်းနဲ့ ပတ်သက်ပြီး အချက်အလက် အများအပြား ထည့်သွင်းခဲ့ပြီး ဖြစ်ပါတယ်။
အဲဒီ အချက်တွေကို ကောက်နုတ် ဖော်ပြလိုက်ပါတယ်။

ကုလသမဂ္ဂ ဖွံ့ဖြိုးရေး အစီအစဉ် (UNDP) စစ်တမ်းအရ မြန်မာနိုင်ငံ၏ အဆင်းရဲဆုံး ပြည်နယ်ဖြစ်သည့် ချင်းပြည်နယ်တွင် လတ်တလော ရင်ဆိုင်နေရသော သဘာဝ သယံဇာတဆိုင်ရာ ကိစ္စရပ်တခုမှာ ချင်းပြည်နယ် မြောက်ဖျားပိုင်းရှိ မြွေတောင်၊ ဖားတောင် နီကယ်သတ္တုစီမံကိန်းပင် ဖြစ်သည်။

ယင်းစီမံကိန်းနှင့် ပတ်သက်၍ ချင်းတောင်ဒေသ သဘာဝသယံဇာတ စောင့်ကြည့်ရေးအဖွဲ့ကလည်း မတ်လ ၂၆ ရက်စွဲဖြင့် ကြေညာချက်တစောင် ထုတ်ပြန်ထားသည်။

ယင်းထုတ်ပြန်ချက်တွင် “မြွေတောင်သည် ချင်းပြည်နယ် နယ်နိမိတ်အတွင်း တည်ရှိနေသဖြင့် ချင်းလူထုတရပ်လုံးနှင့် ဆိုင်သော ကိစ္စဖြစ်ကြောင်း၊ မြွေတောင် သတ္တုတူးဖော်ရေး စီမံကိန်းကိစ္စများအတွက် မူလတာဝန်ရှိသူများမှာ ဒေသခံ ချင်းပြည်သူလူထုနှင့် နိုင်ငံတော် အစိုးရဖြစ်ကြောင်း၊ ယင်းစီမံကိန်းကို ဒေသခံပြည်သူများနှင့် အစိုးရမှ ပူးပေါင်း တူးဖော်နိုင်သည်အထိ ဆိုင်းငံ့စေလိုကြောင်း” ဖော်ပြထားသည်။

ဆလိုင်း ကျဲအိုဘိခ်ထောင်က လက်ပံတောင်းတောင် ကိစ္စကို ကျနော်တို့ တိုင်းရင်းသားတွေ အများကြီး ကိုယ်ချင်းစာတယ်။ ဒါဟာ ဗမာအရေးဖြစ်တယ်၊ တိုင်းရင်းသားအရေး မဟုတ်ဘူးလို့ မယူဆဘူး။ ဒါပေမယ့် တိုင်းရင်းသား ဒေသတိုင်းမှာလည်း ကိုယ့်ပြဿနာနဲ့ကိုယ် လုံးပမ်းနေရတော့ တယောက်ကိုတယောက် ကူညီ မဖြေရှင်းပေးနိုင်ဘူး ဖြစ်နေတယ်” ဟု ပြောသည်။

-----

တိုင်းပြည်ဖွံ့ဖြိုးရေးအတွက် သဘာဝ သယံဇာတများကို ထုတ်ယူသုံးစွဲရမည်ဆိုသည့် အချက်ကို လက်ခံသော်လည်း၊ မည်သို့ ထုတ်ယူသုံးစွဲမည်၊ မည်သည့်အချိန်တွင် ထုတ်ယူသုံးစွဲမည်၊ မည်သူနှင့် အကျိုးတူပူးပေါင်းမည် ဆိုသည့် အချက်များကိုမူ အမှန်တကယ် တတ်ကျွမ်းနားလည်ပြီး ၊ ဘက်မလိုက်သော ပညာရှင်များ၏ အကြံဉာဏ်ကိုယူကာ လုပ်ဆောင်သင့်သည်ဟုလည်း တိုင်းရင်းသားခေါင်းဆောင်များက ဆိုသည်။

တိုင်းရင်းသားများ၏ စိုးရိမ်မှုနှင့် အကြံပြုချက်များကို အာဏာပိုင်များနှင့် စီးပွားရေး ရင်းနှီးမြှုပ်နှံမည့် သူများက မည်ကဲ့သို့ အရေးတယူ လက်ခံကျင့်သုံးမည် ဆိုသည်ကိုမူ စောင့်ကြည့်ရဦးမည်ဖြစ်ကြောင်း လေ့လာသူများက ပြောဆိုကြသည်။