ကြောင်း Myanmar Capacity Development Initiative(MCDI) အဖွဲ့မှ တာဝန်ရှိသူတစ်ဦးက ပြော သည်။
.jpg)
ပြည်ပရင်းနှီးမြုပ်နှံမှု ၀င်လာမည့်အချိန်တွင် မြန်မာလုပ်ငန်းရှင်များက ယှဉ်နိုင်ရန် ကြိုတင်ပြင်ဆင်ထားရန် လိုအပ်နေပြီး၊ မိမိတို့အဖွဲ့အနေဖြင့် လိုအပ်ချက်များကို ကူညီဖြေရှင်းပေးသွားနိုင်ရန် စီစဉ်ထားကြောင်း MCDI အတွင်းရေးမှူးက ပြောသည်။
“နိုင်ငံခြားရင်းနှီးမြုပ်နှံမှုတွေလာရင် တန်းတူအခွင့်အရေးတွေ ပေးရတော့မယ်။ Free Game ဖြစ်လာ မယ်။ နိုင်ငံခြားရင်းနှီးမြုပ်နှံမှုတွေကို ဘယ်လိုယှဉ်ကြမလဲ။ မြန်မာနိုင်ငံမှာ အလိုအပ်ဆုံးအချိန်လို့ ယူဆလို့ ကျနော်တို့ ၀ိုင်းလုပ်မှာပါ”ဟု ဒေါက်တာသန်းဇော်က ယမန်နေ့က ပြုလုပ်သည့် သတင်းစာရှင်းလင်းပွဲ တွင် ပြောသည်။
ပုဂ္ဂလိက စက်မှုလုပ်ငန်းဥပဒေမှ အသေးစားနှင့် အလတ်စား လုပ်ငန်းများဆိုင်ရာ သတ်မှတ်ချက်တွင် လူဦးရေ ၇၀ အောက် ရင်းနှီးမြှုပ်နှံမှု ကျပ်သန်းငါးရာအောက်ရှိသည့် ကုန်ထုတ်လုပ်ငန်းများနှင့် လူဦးရေ ၅၀ အောက် ရင်းနှီးမြှုပ်နှံမှု ကျပ်သန်းနှစ်ရာအောက်ရှိသည့် ၀န်ဆောင်မှု လုပ်ငန်းများကို အသေးစား လုပ်ငန်းများ၊ လူဦးရေ ၇၀ မှ ၁၅၀ ကြား ရင်းနှီးမြှုပ်နှံမှု ကျပ်သန်းငါးရာမှ တစ်ထောင်ထိရှိသည့် ကုန်ထုတ် လုပ်ငန်းနှင့် လူဦးရေ ၅၀ မှ ၁၀၀ ကြား ရင်းနှီးမြှုပ်နှံမှု ကျပ်သန်းနှစ်ရာမှ ငါးရာထိရှိသည့် ၀န်ဆောင်မှု လုပ်ငန်းများကို အလတ်စားလုပ်ငန်းများဟု သတ်မှတ်ထားသည်။
အောက်တိုဘာလ ၇ ရက်နေ့က ကမ္ဘာ့ဘဏ်က ကြီးမှူးကျင်းပသည့် အရှေ့အာရှနှင့် ပစိဖိတ်ဒေသ စီးပွားရေးဆိုင်ရာ အွန်လိုင်း ဆွေးနွေးပွဲတွင် စီးပွားရေး ပညာရှင် Khwima Nthara က ၂၀၁၅ ခုနှစ်တွင် အကောင်အထည်ဖော်ရန် ရှိနေ သည့် အာဆီယံ လွတ်လပ်သော ကုန်သွယ်ရေးဧရိယာသည် ဆယ်စု
နှစ်ပေါင်းများစွာ ကမ္ဘာနှင့် ကင်းပြတ်၍ အထီးကျန် ဖြစ်နေခဲ့ရသော မြန်မာပြည်တွင်း စီးပွားရေးလုပ်ငန်းများ ဆက်လက်ရပ်တည် ရှင်သန်ရေး အတွက် ခြိမ်းခြောက်မှု ဖြစ် နေသည်ဟု ပြောကြားခဲ့သည်။
MCDI အဖွဲ့ဝင်များသည် လုပ်ငန်းခွင် စီမံခန့်ခွဲရေးပညာရပ်များနှင့် သက်ဆိုင်သည့် သီးခြားကိုယ်ပိုင် လုပ်ငန်းများကို လုပ်ကိုင်နေသူများဖြစ်ရာ ထိုစီးပွားရေးလုပ်ငန်းများမှ ရရှိသည့်အမြတ်အစွန်းများကို ယခုကဲ့သို့ အသိပညာဖြန့်ဝေရေး စီမံကိန်းတွင် ပြန်လည်အသုံးချသွားခြင်းဖြစ်ကြောင်း သိရသည်။
မြန်မာ၊ နိုင်ငံတကာနှင့် အာဆီယံ စသည့် ဖြစ်ပေါ်လာနိုင်သည့်ဈေးကွက်များအတွင်း မြန်မာလူငယ်များ၊ လုပ်ငန်းရှင်များ၊ အသေးစားနှင့် အလတ်စား လုပ်ငန်းပိုင်ရှင်များ၊ စက်ရုံအလုပ်ရုံပိုင်ရှင်များ၊ လုပ်သားများ အတွက် လူ့စွမ်းအား အရင်းအမြစ် စီမံခန့်ခွဲမှုပညာ၊ ဈေးကွက် ထိုးဖောက်ဖြန့်ဖြူးမှုပညာ၊ ငွေကြေးစီမံခန့်ခွဲမှု ပညာ၊ မဟာဗျူဟာမြောက် စီမံခန့်ခွဲမှုပညာ၊ စီမံခန့်ခွဲမှု အတွေးအခေါ်သမိုင်း၊ ခေါင်းဆောင်မှုနှင့် လူမှုရေး အတွေးအခေါ်များ စသည့်ခေါင်းစဉ်များ အပါအ၀င် ဘာသာရပ်ပေါင်း ၄၇ ခုကို ပြန်လည်ဖြန့်ဝေသွားရန် စီစဉ်ထားကြောင်း ယင်းအဖွဲ့က ဆိုသည်။
“အရင်ခေတ်က ပါမစ်ရရင် လက်ဝါးကြီးအုပ်လို့ရတယ်။ ပိုက်ဆံရှိရင် သူဋ္ဌေးလုပ်လို့ရတယ်။ အခုခေတ်က အရင်လို သေနတ်တွေနဲ့ စစ်တိုက်ရတာ မဟုတ်တော့တဲ့အတွက် စစ်သူရဲကောင်းတွေ မလိုတော့ဘူး။ စီးပွားရေးသူရဲကောင်းတွေ အများကြီး လိုအပ်နေတယ်။ ကျနော်တို့နိုင်ငံမှာ အဲလိုလူတွေ မွေးထုတ်ပေး တဲ့နေရာတွေ ရှားပါးနေတယ်။ တက္ကသိုလ်တွေ၊ စာသင်ကျောင်းတွေက သင်ပေးလိုက်တဲ့ ဘာသာရပ်တွေ က လက်တွေ့ လုပ်ဖို့အတွက် ဘယ်လောက်အသုံးဝင်သလဲဆိုတာ သံသယဖြစ်စရာကောင်းတယ်”ဟု MCDI အဖွဲ့ဝင်တစ်ဦးဖြစ်သည့် စီမံခန့်ခွဲမှုဆိုင်ရာ အကြံပေးပုဂ္ဂိုလ် ဦးအောင်ဆန်းက ပြောသည်။
MCDI အဖွဲ့တွင် စီးပွားရေးဆိုင်ရာ စီမံခန့်ခွဲမှု ကျွမ်းကျင်သူ၊ ဥပဒေပညာရှင်များပါဝင်ပြီး ပြည်တွင်းမြို့နယ် များ၊ နယ်စပ်မြို့များ၊မြို့ငယ်များရှိ မည်သည့်အဖွဲ့အစည်းနှင့် စက်ရုံအလုပ်ရုံမဆို အခက်အခဲများကို ပညာရပ်ပိုင်းဆိုင်ရာအရသော်လည်းကောင်း၊ အလုပ်သမားများ ကြုံတွေ့ရ သည့် လုပ်ငန်းခွင်ပြဿနာများ၊ အလုပ်ရှင် အလုပ်သမား ပြဿနာများကို ၎င်းတို့တတ်နိုင်သည့် ကဏ္ဍက ကူညီအကြံပေးသွားမည်ဟု သိရသည်။
“ကုမ္ပဏီတွေ၊ လုပ်ငန်းခွင်တွေအနေနဲ့ ကျနော်တို့ကို အချိန်မရွေးဖိတ်နိုင်ပါတယ်။ လုပ်ငန်းခွင်တွေက စီမံခန့်ခွဲမှုဆိုင်ရာပြဿနာတွေကို ကျနော်တို့ဆွေးနွေးပေးမယ်။ လူငယ်တွေအနေနဲ့လည်း လုပ်ငန်းခွင်
ပြဿနာ၊ အလုပ်ရှ၊င်အလုပ်သမားပြဿနာတွေကြုံလာရင် ဆွေးနွေးချင် ရင် ကျနော်တို့ရုံးခန်းကို အခမဲ့ လာဆွေးနွေးနိုင်ပါတယ်”ဟု ဒေါက်တာသန်းဇော်က ပြောသည်။
MCDI ရုံးခန်းကို ကမာရွတ်မြို့နယ်၊ ဦးထွန်းလင်းခြံလမ်း၊ သပြေညို ကွန်ဒို၊ ၄ လွှာတွင်ဖွင့်လှစ်ထားပြီး၊ ဆက်သွယ်နိုင်သည့် ဖုန်းနံပတ်မှာ ၀၁-၅၀၀၀၂၇၊ ၀၁- ၅၀၄၇၁၁၊ ၀၁-၂၃၀ ၄၂၅၅ တို့ဖြစ်သည်။
မြတ်စုမွန် ~
0 comments :
Post a Comment