ထိုင်းဘုရင့်မွေးနေ့မှာ ဘန်ကောက်ဆန္ဒပြမှုများ ရပ်နား

Thursday, December 5, 2013

~

 


ဘန်ကောက်မှာ နေ့စဉ်ရက်ဆက်ဆန္ဒပြခဲ့ကြပေမယ့် ဒီကနေ့တော့ ထိုင်းဘုရင်ကို လေးစားချစ်ခင် ဂါရ၀ပြုသောအားဖြင့် ဆန္ဒမျိုးစုံပြနေတာတွေကို အနားပေးလိုက်ကြပါပြီ။

မနေ့က ဘုရင့်ပုံကိုင်ထားတဲ့ ထိုင်းနိုင်ငံက ကလေးတယောက် (Photo: Reuters)

ဒီကနေ့ ဒီဇင်ဘာ ၅ ရက်နေ့ဟာ ထိုင်းဘုရင်ရဲ့ ၈၆ နှစ်ပြည့် မွေးနေ့ ဖြစ်ပါတယ်။

ဘုရင်က မွေးနေ့မိန့်ခွန်းပြောရာမှာ ဘာတွေများ အကြံပေးမလဲ ဆိုတာကို နားစွင့်ခဲ့ကြပါတယ်။

ယခင့်ယခင် ပဋိပက္ခတွေ ဖြစ်ပွားရာမှာလည်း ဘုရင်က ကြားဝင်ဖြေရှင်းပေး၊ သဘောထားပေးခဲ့ဖူးပါတယ် တဲ့။

ဧရာဝတီပင်မစာမျက်နှာသတင်းတပုဒ်ဖြစ်တဲ့ Thailand Awaits King’s Word on Political Conflict  မှာ ဖော်ပြထားပါတယ်။  http://www.irrawaddy.org/asia/thailand-awaits-kings-word-political-conflict.html မှာ အပြည့်အစုံ ဖတ်နိုင်ပါတယ်။

အခြေခံဥပဒေအရ ထိုင်းဘုရင်ဟာ နိုင်ငံရဲ့အကြီးအကဲ ဖြစ်ပါတယ်။ နိုင်ငံရေးရာထူးတော့ ရယူထားခြင်း မရှိပါ။
ပြည်သူလူထု၊ အစိုးရ၊ စစ်တပ်တို့က ဘုရင့်ကို လေးစား တန်ဘိုးထားကြပါတယ်။

ဒီကနေ့ မွေးနေ့မိန့်ခွန်းမှာ ဘုရင်က ... နိုင်ငံကောင်းကျိုးအတွက် ကိုယ့်တာဝန်ကိုယ်ကျေပွန်ကြဖို့ ပြည်သူတွေကို တိုက်တွန်းလိုက်ပါတယ်။
မိန့်ခွန်းထဲမှာ လက်ရှိ နိုင်ငံရေး အကျပ်အတည်းအကြောင်းကိုတော့ တိုက်ရိုက် ညွှန်းဆိုထားခြင်း မရှိပါ။

ဝန်ကြီးချုပ် ရင်လတ်ရှင်နာဝပ်အစိုးရကို ကန့်ကွက်သူ အများအပြားက ဘန်ကောက်မှာ ရက်ပေါင်းများစွာ ကန့်ကွက် ဆန္ဒပြခဲ့ကြပါတယ်။ လုံခြုံရေးတပ်ဖွဲ့ဝင်တွေနဲ့ ထိပ်တိုက် တွေ့ပါတယ်။
အစိုးရကို ထောက်ခံသူတွေကလည်း အကြီးအကျယ် တန်ပြန် ဆန္ဒပြကြတဲ့အတွက် သူတို့နဲ့လည်း ထိပ်တိုက် တွေ့ပါတယ်။

ထောက်ခံသူ နဲ့ ဆန့်ကျင်သူတို့ ထိပ်တိုက်တွေ့ခြင်းက ပိုဆိုးပါတယ်။
မနေ့ကအထိ သေဆုံးသူ ၄ ဦး ရှိပါတယ်။ ဒဏ်ရာရသူကတော့ အများအပြားပါပဲ။

လာမယ့်ရက်ပိုင်း အခြေအနေတွေက ပိုမို ကြီးကျယ်လာဖွယ်မရှိဘူးလို့ ယူဆစရာ အချက်တခု ရှိနေပါတယ်။ အဲဒါကတော့  အစိုးရထောက်ခံသူတွေက လာမယ့် ဒီဇင်ဘာ ၁၀ ရက်နေ့မှာ ဆန္ဒ အကြီးအကျယ် ပြကြမယ်၊  နေရာကိုတော့ အယုဒ္ဓယမြို့ကို ရွေးထားပါတယ် ဆိုပြီး ကြေညာလိုက်လို့ပါပဲ။

အဲဒီမြို့ကို ရွေးချယ်ရခြင်းက ဘန်ကောက်မှာ အခြေချဆန္ဒပြသူတွေနဲ့ ထိပ်တိုက်မတွေ့အောင်လို့ပါ ဆိုပြီး ထိုင်းနိုင်ငံက နာမည်ကြီး နေးရှင်းသတင်းစာ အွန်လိုင်း အထူးသတင်းတပုဒ်မှာ စောစောက ရေးထားပါတယ်။ 

ဘန်ကောက်သတင်းတွေကို ဧရာဝတီမြန်မာပိုင်းစာမျက်နှာမှာ http://burma.irrawaddy.org မှာလည်း ဖတ်ရှုနိုင်ပါတယ်။



.

0 comments :

Post a Comment

 
Copyright © 2014 Irrawaddy Publishing Group. All Rights Reserved