အိန္ဒိယ သမုဒ္ဒရာ တောင်ပိုင်းတွင် မလေးရှား လေယာဉ် MH 370 အပိုင်းအစများ
တွေ့ လိမ့်နိုးနှင့် ဝေဟင် ကနေ ရှာဖွေနေ သော သြစတြေးလျ လေတပ် လေယာဉ်တစီးပေါ်မှ
ရှာဖွေရေးသမား တဦး(ဓာတ်ပုံ – Time)
တလနီးပါးရှိပြီဖြစ်တဲ့ လေယာဉ်ပျောက်ဆုံးမှုကို အာဏာပိုင်တွေအနေနဲ့ ဘယ်တော့မှ အဖြေရှာနိုင်မှာ မဟုတ်ကြောင်း၊ ဘာကြောင့်လဲဆိုတော့ မလေးရှား အာဏာပိုင်တွေဟာ လေယာဉ်ပျောက်ဆုံးမှုကို ရာဇ၀တ် မှု တခုလို သဘောထားပြီး ရှာဖွေနေတာကြောင့် ဖြစ်တယ်လို့လည်း သတင်းမှာ ဆက်လက်ရေး သား ထားပါတယ်။
ရဲတပ်ဖွဲ့ အကြီးအကဲ ခါလစ် အဘူဘာကို ကိုးကားပြီး ရေးသားထားတဲ့ AP သတင်းမှာတော့ “စုံစမ်းမှုတွေ ကို နောက်ဆုံး အချိန်အထိ ဆက်လုပ်သွားမယ်၊ ဒါပေမယ့် စုံစမ်းမှုတွေ ပြီးရင်တောင်မှ ဖြစ်ရတဲ့ အကြောင်း အရင်းမှန်ကို သိချင်မှ သိမယ်”လို့ ပါရှိတယ်။
ဂြိုဟ်တုကရရှိတဲ့ သတင်း အချက်အလက် သစ်တွေအရ ရှာဖွေရေး ဧရိယာကို သြစတြေးလျရဲ့ အနောက်
မြောက်ဘက် ကမ်းခြေနဲ့ နီးကပ်တဲ့နေရာကို ပြောင်းရွှေ့ခဲ့တယ်လို့ တာဝန်ရှိသူတွေက ပြီးခဲ့တဲ့ မတ်လ ၂၈ ရက်နေ့မှာ ကြေညာခဲ့ပါတယ်။
ဧပြီလ ၁ ရက်နဲ့ ၂ ရက်နေ့တွေမှာလည်း ထပ်ပြောင်းခဲ့ပေမယ့် သိသိ သာသာတော့ မဟုတ်ပါဘူး။ ဒီနေ့မှာလည်း မြောက်ဘက်ကို နည်းနည်း ထပ်ရွှေ့ခဲ့ပါတယ်။ ဒီနေ့မှာ ဧရိယာ စတုရန်းမိုင် ၉၁၅၀၀ ရှိတဲ့ နယ်မြေအတွင်းက လေယာဉ် ၈ စီးနဲ့ ရှာဖွေနေတယ်လို့ သြစတြေးလျ ရေကြောင်း လုံခြုံရေး အာဏာပိုင်အ ဖွဲ့က ပြောပါတယ်။
ရှာဖွေမှုမှာ ရေယာဉ် ၉ စီးပါဝင်တဲ့ အထဲမှာ ဗြိတိန် ရေငုပ်သင်္ဘော တစီးလည်း ပါဝင်ပြီး လေယာဉ်ရဲ့ Black Box က သင်္ကေတ ထုတ်လွှင့်ပေးနေမှု ရပ်ဆိုင်းမသွားခင် အချိန်မီရှာတွေ့နိုင်ဖို့ ကြိုးစားနေပါတယ် လို့ CNN သတင်းမှာလည်း ဖော်ပြထားပါတယ်။
သြစတြေးလျ ၀န်ကြီးချုပ် တိုနီ အက်ဘော့က အခုလေယာဉ်ပျက် ရှာဖွေခြင်းဟာ လူသားသမိုင်းမှာ အခက်အခဲဆုံးလို့ ဒီနေ့ ပြော ကြားလိုက်ပြီး ပြန်တွေ့မယ်လို့ အာမခံချက် မရှိဘူးလို့လည်း သူက သတိပေးလိုက်ပါတယ်။
“MH 370 လေယာဉ်ရှာဖွေရေးဟာ နောက်ဆုံးမှာ အောင်မြင်မှုရမယ်လို့ ကျနော်တို့ မသေချာပါဘူး။ ဒါပေမယ့် ကျနော်တို့ အား ထုတ်မှုကို လျှော့ချမှာ မဟုတ်ဘူးဆိုတာတော့ သေချာပါတယ်။ ကျနော်တို့ လူသားတွေလုပ်နိုင်တာ အားလုံးကို လုပ်ပြီးတဲ့ အချိန် အထိ ကျနော်တို့ ရပ်နားမှာ မဟုတ်ပါဘူး”လို့ တိုနီအက်ဘော့က Perth မြို့မှာ မလေးရှား ၀န်ကြီးချုပ် Najib နဲ့ အတူ သတင်း သမားတွေကို ပြောကြားခဲ့ ပါတယ်။
မလေးရှား ၀န်ကြီးချုပ်ကလည်း လေယာဉ်ပျောက်ဆုံးမှုကို အဖြေထုတ်နိုင်တဲ့ အချိန်ရောက်တဲ့အထိ အားထုတ်မှုကို မရပ်တန့်ပါ ဘူးလို့ ကတိပြုကြောင်း AFP သတင်းမှာလည်း ပါရှိပါတယ်။
“ကျနော်တို့ အဖြေရှာချင် ပါတယ်။ ခရီးသည်နဲ့ ၀န်ထမ်းတွေရဲ့ မိသားစုတွေကိုလည်း ဖြေသိမ့်ပေး ချင်ပါတယ်။ အဖြေကို တကယ် ရှာတွေ့တဲ့ အချိန်အထိ ကျနော်တို့ မရပ်တန့်ပါဘူး”လို့ မလေးရှား ၀န်ကြီးချုပ်က ဒီနေ့ပြောခဲ့ပါတယ်။
မလေးရှားလေယာဉ်ပျောက်ကို နိုင်ငံစုံက ပူးပေါင်းပါဝင်ရှာဖွေမှုပြ ဇယား
ဧရာဝတီ Facebook / ဧရာဝတီ Twitter
0 comments :
Post a Comment