ကလေးတို့ရဲ့ ဗီဇသဘာဝနဲ့ ဝန်းကျင်

Saturday, May 10, 2014

~



 


  • ခေတ်ဘုန်းသစ် ~

ပြီးခဲ့တဲ့ တပတ်ကျော်က (ကလေးများကို တံဆိပ်မကပ်ဖို့) ဆိုတဲ့ ဆောင်းပါးလေးကို ဧရာဝတီမှာ ကျမ ရေးသားတင်ပြခဲ့ ပါတယ်။ အဲဒီဆောင်းပါးနဲ့ ပတ်သက်ပြီးတော့ တချို့က ကလေးတွေဟာ မွေးရာပါ ဗီဇကိုက ဆိုးသွမ်းတဲ့အကျင့်စရိုက် ပါလာတတ်ကြ တာမို့ ဗီဇဆိုတာ ပြင်ဖို့၊ ဖျောက်ဖို့ ခဲယဉ်းတယ်လို့ ကျမကို စောဒကတတ်ကြပါတယ်။ အဲဒီ ဗီဇနဲ့ပတ်သက်ပြီး ဆောင်းပါးတစောင်တော့ သီးခြားရေးမှဖြစ်မယ်လို့ တွေးမိတာကြောင့် အခုတပတ်မှာတော့ ကလေးတို့ရဲ့ ဗီဇ၊ ပတ်ဝန်းကျင်နဲ့ မွေးရာပါ ကိုယ်ရည် ကိုယ်သွေးများအကြောင်းကို ဆွေးနွေးတင်ပြပါ့မယ်။

ကျမတို့ မြန်မာလူမျိုး တော်တော်များများဟာ ကလေးမကောင်းတာ တခုခုလုပ်တိုင်းမှာ “ဗီဇကိုက မကောင်းတာ၊ မွေးရာပါ သန္ဓေကိုး” စသဖြင့် လွယ် လွယ်ပဲပြောတတ်ကြပါတယ်။ ကလေး ဘာကြောင့် ဆိုးနေသလဲ၊ ကလေးရဲ့ မကောင်းတဲ့အပြုအမူဟာ ဘာကိုဘယ်လို အခြေခံလာသလဲဆိုတာကို ဆန်းစစ် စဉ်းစားဝေဖန်မှု အင်မတန် နည်းကြပါတယ်။

ကလေးများနဲ့ ပတ်သက်ပြီး ဆောင်းပါးတွေ ရေးတိုင်း ကျမ အကြိမ်ကြိမ် ဆွေးနွေးခဲ့ဖူးတဲ့အတိုင်း ပါပဲ။ လူသားရဲ့ဦးနှောက်ဟာ မွေးကတည်းကတခြား ကိုယ်တွင်း အင်္ဂါများလိုပဲ အပြည့်အစုံ၊ အကုန်အစင် ဖွံ့ဖြိုးပြီး ပါလာတာမဟုတ်ပါဘူး။ မွေးပြီးအပြင်ရောက် တော့မှ ဆက်ပြီးကြီးထွားရတာပါ။ အဲဒီလို ကြီးထွား လာတာနဲ့အမျှ သင်ယူစရာမှန်သမျှကို အပြင် (လူ့ လောကထဲ) ရောက်မှ ပတ်ဝန်းကျင်ကနေတဆင့် သင်ယူကြရတာပါပဲ။ ဒါကြောင့်မို့လို့ ကလေးတို့ရဲ့ ပတ်ဝန်းကျင်ဟာ သိပ်ကိုမှ အရေးကြီးလှပါတယ်။

ကလေးတယောက် ကိုယ့်ကိုယ်ကိုယ် ယုံကြည်မှု ရှိဖို့၊ လိမ္မာယဉ်ကျေးဖို့၊ မဆဲမဆိုတတ်ဖို့၊ ကိုယ်ချင်းစာ တရားရှိဖို့၊ မကောက်ကျစ်ဖို့၊ တကိုယ်ကောင်းမဆန် ဖို့ဆိုတဲ့ အရာတွေဟာ ဗီဇနဲ့ လုံးဝကိုမဆိုင်ပါဘူး။ ပတ်ဝန်းကျင်နဲ့သာဆိုင်ပါတယ်။ ကလေးကို ဘယ်လို ထိန်းကျောင်းသလဲ၊ ဘယ်လိုဆက်ဆံသလဲ ဆိုတဲ့ ပတ်ဝန်းကျင်ကို လိုက်ပြီးတော့ ကလေးတို့ရဲ့ အမူ အကျင့်တွေ ပြောင်းလဲသွားရတာပါပဲ။

နည်းနည်း ထပ်ဆင့်ပြောရရင် ကလေးအနေနဲ့ ပတ်ဝန်းကျင်ကနေ လူ့သဘာဝအတိုင်း လေ့လာသင် ယူမှုတွေ ပြုလုပ်တဲ့အခါ ဝန်းကျင်က ဘာတွေရမလဲ၊ အကျင့်စာရိတ္တကောင်းတဲ့ ဝန်းကျင်လား၊ ဆိုးယုတ် ညစ်ပတ်တဲ့ ဝန်းကျင်လား၊ စာနာတတ်တဲ့ ဝန်းကျင် လား၊ ရိုင်းစိုင်းတဲ့ ဝန်းကျင်လား။ ကလေးခမျာမှာ တော့ ဘယ်လိုဝန်းကျင်မျိုးဆိုတာကို ရွေးချယ်ခွင့်မရှိ၊ ရွေးလည်းမရွေးတတ်ပါဘူး။ သို့ပေမယ့် လူကြီးတွေ ကတော့ ကိုယ့်ကလေးကို ဘယ်လိုဝန်းကျင်မျိုး ဆို တာကိုတော့ ရွေးချယ်ပေးခွင့် ရှိပါတယ်။
တမိသားစုတည်းက  မွေးပေမယ့်  တ ယောက်နဲ့ တယောက်  စရိုက် သဘာဝချင်း မတူညီကြပါဘူး။

ဒါကို ကလေး ၂ ယောက်၊ ၃ ယောက် မွေးဖူးသူ မိဘများအနေနဲ့ သတိထားမိကြပါလိမ့်မယ်။ ဒီလို စရိုက်သဘာဝ မတူညီမှုဟာ ဆိုးသွမ်းတဲ့ ဗီဇသန္ဓေ၊ လိမ္မာ ယဉ် ကျေးတဲ့ဗီဇသန္ဓေတွေ ပါလာတာကြောင့် မဟုတ် ပါဘူး။ ကလေးတို့ဟာ တယောက်နဲ့ တယောက် စရိုက်သဘာဝ မတူတာတော့ မှန်တယ်။ ဒါပေမယ့် အဲဒီ  စရိုက်သဘာဝဆိုတာ  လိမ္မာတာ၊  အကျင့် ကောင်းတာ၊ မကောင်းတာ၊ ယုတ်မာတာ၊ မယုတ် မာတာတွေနဲ့ ကလေးရဲ့ မူရင်းစိတ်သဘာဝနဲ့ မဆိုင် ပါဘူး။ ဒီလိုမျိုး ဆိုးတာ၊ လိမ္မာ တာ၊ အကျင့် ကောင်းတာ၊ မကောင်းတာတွေ ဖြစ်လာရတာဟာ   ကလေး အပေါ် ပတ်ဝန်းကျင်နဲ့ မိဘ၊ အသိုင်းအဝိုင်းများရဲ့  တုံ့ ပြန် ဆက်ဆံမှုကြောင့်ပါပဲ။

ဥပမာ – ပထမ ကလေး ကတော့ အေးတယ်၊ ဒုတိယ ကလေးကတော့ သွက်တယ် ဆိုပါတော့ အေး တာကိုကြိုက်တဲ့ မိဘက အေးတဲ့ကလေးကို အမြဲ ချီးကျူးပြီး သွက်တဲ့ကလေးကို အမြဲတမ်း နှိမ်ချ ပြောဆိုနေမယ်ဆိုရင် ကလေးရင်ထဲမှာ ကိုယ့်ကိုယ်ကိုယ် ယုံကြည်စိတ်၊ ကိုယ့်ကိုယ်ကိုယ် အကောင်းထင်မြင်စိတ်တွေ ပျောက်လာမှာပါပဲ။ အဲဒီလို ပျောက်လာခြင်းကြောင့် ပတ်ဝန်းကျင်ကို အရွဲ့တိုက်စိတ်၊ မနာလိုစိတ်၊ ကောက်ကျစ်စိတ်တွေ ကလေးတို့ရင်ထဲမှာ ဝင်လာစေပါတယ်။

ကလေးတို့ရဲ့ စရိုက်သဘာဝ အမျိုးမျိုးအကြောင်း ကို ကျမအနည်းငယ် တင်ပြချင်ပါတယ်။

တချို့ကလေးများဟာ  အပေါင်းသင်းဆံ့တဲ့ ကလေး (sociable) ဖြစ်ကြပါတယ်။ ဒီလိုကလေး မျိုးဟာ အခုမှတွေ့ရတဲ့ သူစိမ်းကလေး၊ သူစိမ်း လူကြီးများကို အလွယ်တကူပဲ ခင်မင်တတ်ကြပါတယ်။ “သားသား လာဦး” လို့ဆိုရင် တချက်နောက် မတွန့်ဘဲ အလွယ်တကူ သွားတတ်တဲ့ ကလေးမျိုးပါ။ ဘယ်သူနဲ့မဆို ပြောဆို၊ ရင်းနှီးလွယ်ပါတယ်။ စကား တတ်ကြတယ်။ စကားပြောရတာ၊ လူရာဝင်ကြရတာ ကိုကြိုက်တယ်။ တီတီတာတာနဲ့ ပြောတတ် ဆိုတတ် ကြတဲ့ ကလေးများပါ။

သူနဲ့ ဆန့်ကျင်ဘက်ကတော့ ခပ်အေးအေးနေ တတ်တဲ့ကလေးမျိုးပါပဲ။ အဲဒီလိုကလေးမျိုးက သူနဲ့ မရင်းနှီးတဲ့ သူစိမ်းတရံဆံတွေနဲ့ စကားပြောဖို့၊ ဆော့ကစားဖို့ နောက်တွန့်တတ်ပါတယ်။ အများအားဖြင့် သူ့ဘာသာသူ ခပ်အေး အေးပဲ တယောက်တည်း နေတတ် တယ်၊ နည်းနည်း ရှက်တတ်တယ်၊ ဧည့်သည်အဖြစ်   အိမ်တွေကို အလည်သွားရင် လူကြီး ပေါင် ပေါ်ကနေမဆင်းဘဲနဲ့ လူကြီး အနားမှာပဲ ကပ်နေတတ်တဲ့ ကလေးမျိုးပါ။

သွက်သွက်လက်လက်၊ ချက်ချက်ချာချာနဲ့ပြော တာဆိုတာကိုကြိုက်တဲ့ မိဘများက ဒီလို ခပ်အေးအေးနဲ့ တယောက်တည်းနေချင်တဲ့ ကလေးမျိုးကို မွေးမိတဲ့အခါမျိုးမှာ အားမလို၊ အားမရနဲ့ ဆူပူတတ်၊ ကြိမ်းမောင်းတတ်ပါတယ်။ ယောကျာ်းလေးဆိုရင်  “မင်း အခြောက်လား၊ နေရာတကာ ကြောက်ရွံ့ ကြောက်ရွံ့နဲ့” လို့ဆိုပြီးတော့ ကလေးကို ရက်ရက် စက်စက် ပြောဆိုတတ်တဲ့ မိဘမျိုးတောင်မှ ရှိတတ်ပါတယ်။ အေးအေးနေတတ်တဲ့ကလေးကို အတင်း အကျပ် တွန်းအားမပေးဘဲနဲ့ တခြားကလေးများနဲ့ များများကစားခိုင်း၊ ဆော့ခိုင်းဖို့ လိုပါတယ်။ လူကြီး အပြင်ထွက်တဲ့အခါမှာ ခေါ်သွားတာမျိုး၊ ဧည့်သည် လုပ်၊ လည်ပတ်တမ်းကစားနည်းမျိုး၊ ဧည့်သည်လာ ရင်ဧည့်ခံတမ်း စတဲ့ ကစားနည်းမျိုးတွေနဲ့ ကစားရင်း သွန်သင်တာမျိုး လုပ်ပေးရင် မိဘတွေလိုလားသလို ကလေးကို ပြုပြင်ယူနိုင်ပါတယ်။

ကျမရဲ့ သားလေးဆိုရင် အေးအေးနေချင်တဲ့ ကလေးအမျိုးအစားထဲမှာ ပါပါတယ်။ အပြင်ထွက် ရတာကို သူ သိပ်မကြိုက်ပါဘူး။ တယောက်တည်း ပုံဆွဲရတာ၊ စာဖတ်ရတာကို ပိုနှစ်သက်ပါတယ်။
ဟိုး ငယ်စဉ် သုံးလေးနှစ်လောက်ကဆို သူနဲ့ မသိတဲ့ သူစိမ်းတယောက်က သူ့ကိုစကားလာပြောရင် ပြန်မ ပြောတတ်ပါဘူး။ အခု ခုနစ်နှစ်အရွယ်မှာ သားကို တွေ့တဲ့သူတိုင်းက အရမ်းသွက်တာပဲလို့ ပြောကြပါတယ်။
သားဟာ နဂိုဗီဇအားဖြင့် အေးအေးနေတတ် တဲ့ ကလေးဆိုတာ ကျမသိထားပါတယ်။ အသွက် လေး မဟုတ်ဘူး။ အသွက်လေးလို့ ထင်ရအောင် ကျမ သူ့ကို မသိမသာ ပြုပြင်ပေးထားရတာပါ။ သားဟာ အိမ်ကိုဧည့်သည်လာရင် စကားထွက်ပြော ဧည့်ခံတတ်၊ တီတီတာတာ ပြောတတ်တယ် ဆိုပေ မယ့် အခုအချိန်အထိ အိမ်မှာ လူတွေများလာ၊ ရှုပ် လာရင် သူစိတ်ရှုပ်နေတတ်ပါတယ်။ သူ့အခန်းထဲ ဝင်ပြီး ခုတင်ပေါ်မှာ စာအုပ်သွားဖတ်နေတတ်ပါတယ်။ ဒါပေမယ့် လူထဲသူထဲ ဝင်မဆံ့လောက်အောင် အထိ ရှက်တတ်၊ ရွံ့တတ်၊ ကြောက်တတ်တဲ့ ကလေး တော့ မဟုတ်တော့ပါဘူး။ ကျမ ဆိုလိုချင်တာက ကလေးတို့ကို စိတ်ပိုင်းဆိုင်ရာ မထိခိုက်စေဘဲနဲ့ သူတို့ရဲ့ စရိုက်လက္ခဏာလေးတွေကို ပတ်ဝန်းကျင်နဲ့ ညှပ်ပြီးတော့ အနည်းငယ် ပြင်ဆင်ပေးလို့ရပါတယ်။ ဒါပေမယ့် မွေးရာပါ အသွက်စရိုက်ရှိတဲ့ ကလေးကို မွေးရာပါ အအေးစရိုက်ရှိတဲ့ ကလေးလိုမျိုး ဖြစ် သွားအောင်တော့ လုပ်လို့မရပါဘူး။

ဒီလိုပဲ တချို့ကလေးများဟာ မွေးကတည်း ကိုက နို့စို့ချိန် စို့တယ်၊ အိပ်ချင်တဲ့အချိန် အိပ်တယ်။ သိပ်မငိုတတ်ကြပါဘူး။ ဒါဟာ ဘာ ကြောင့်လဲဆိုတော့ သူတို့ နံဘေးနားမှာ ရှိနေတဲ့ အသံတွေ၊ အလင်းတွေ၊ အရောင် တွေဟာ သူတို့ကို စိတ်အနှောင့်အယှက် သိပ်မပေးနိုင်လို့ပါ။ သိပ်ပြီး ထိလွယ် ရှလွယ် မဖြစ်တဲ့ ကလေးမျိုးပေါ့။ ဘေးက အသံတွေဆူညံနေလည်း နှစ်နှစ်ခြိုက်ခြိုက်နဲ့ အိပ်ချင်အိပ် နေတာပါပဲ။

ဒါပေမယ့် တချို့ကလေးများကတော့ အသံ (သို့မဟုတ်) အလင်း တခုခုကို သိပ်ပြီး ထိလွယ် ရှလွယ် ဖြစ်တတ်ကြပါတယ်။ အဲဒီ လို ကလေးမျိုးဟာ ထစ်ခနဲဆို ငိုတတ်၊ လန့်နိုးတတ်ပါတယ်။ အဲဒီလို အခါမျိုးမှာ ကျမ တို့ မြန်မာမိဘ တော်တော်များများဟာ ကလေး ဘာကြောင့် ဖြစ်ရသလဲဆိုတာကို ဆန်းစစ်ကြည့်ဖို့ ထက် ကလေးက အကြီးကောင်နဲ့ မတူဘူး၊ ငိုတတ် တယ်၊ ပူတယ်၊ အိမ်ပူတယ် ဆိုပြီးတော့ ပြောတတ် ကြပါတယ်။

ဒီလိုပါပဲ၊ တချို့ကလေးများက အပြင်ထွက်ပြီး ကစားရတာကို ကြိုက်တတ်ကြတယ်။ ခြံထဲမှာ ဘောလုံးကန်ရတာ၊ ပြေးလွှား ခုန်ပေါက်ရတာကို ကြိုက်ကြတယ်။  အကောင်းဆုံးကတော့ အပြင်မှာ ကစားရတာကိုကြိုက်တဲ့ ကလေးမျိုးကို လုံခြုံစိတ်ချ စွာနဲ့ ကစားလို့ရတဲ့ နေရာမျိုးလေး အပြင်မှာ ဖန်တီး ပေးထားမယ်ဆိုရင်ဖြင့် အဆင်ပြေသွားမှာပါပဲ။

တကယ်တော့ ကျမတို့ဟာ ကိုယ်နဲ့အကျင့် သဘာဝချင်းတူရင် ကောင်းတယ်ထင်ပြီးတော့၊ ကိုယ်နဲ့အကျင့်သဘာဝ မတူတဲ့အခါမျိုးမှာ မကောင်း ဘူးလို့ ထင်တတ်ကြပါတယ်။ ဒါဟာ တော်တော် လွဲမှားတဲ့ အယူအဆတရပ်ပါပဲ။ ကလေးများဟာ တကယ်တော့ ကျမတို့ရဲ့ ကိုယ်ပွားလေးတွေ မဟုတ် ကြပါဘူး။ သူတို့မှာ သီးခြားခံစားချက်၊ သီးခြား အကျင့်သဘာဝရှိတဲ့ သီးခြားလူများပါ။ ကျမတို့က သူတို့ရဲ့ကိုယ်ပိုင် စရိုက်သဘာဝ လက္ခဏာများကို နားလည်ပေးပြီးတော့ ချစ်ခြင်းမေတ္တာနဲ့ ထိန်းကျောင်း ပေးသွားမယ်ဆိုရင်ဖြင့် အနာဂတ်အတွက် တန်ဖိုး ရှိတဲ့လူသားလေးတွေ ဖြစ်လာမှာပါပဲ။



.

0 comments :

Post a Comment

 
Copyright © 2014 Irrawaddy Publishing Group. All Rights Reserved