အရပ်ဘက်ကို ပညာပြတဲ့ အာဆီယံခေါင်းဆောင်တချို့

Thursday, May 15, 2014

~



စနေလင်း ~

 
~
ပြီးခဲ့တဲ့ရက်ပိုင်းအတွင်း နေပြည်တော်မှာ တွေ့ရတဲ့ စလုံး ဝန်ကြီးချုပ် လီရှန်လွန်း၊ မြန်မာသမ္မတ ဦးသိန်းစိန် (ဓာတ်ပုံ - လီရှန်လွန်း ဖေ့စ်ဘုတ်)

 
~
အာဆီယံထိပ်သီးအစည်းအဝေးတွေကိုတက်တာ အစိုးရ ကိုယ်စားလှယ်ချည်းပဲ မဟုတ်ပါဘူး၊ အရပ်ဘက်ကိုယ်စားလှယ်တွေလည်း ပါပါတယ်။

 အာဆီယံဒေသ ခေါင်းဆောင်များနဲ့ လူမှုအဖွဲ့အစည်းတွေရဲ့  ကိုယ်စားလှယ်များ တွေ့ဆုံကြပါတယ်။

တချို့နှစ်တွေမှာတော့ တွေ့ဆုံရေးက အဆင်မပြေပါ။

မြန်မာအစိုးရ အာဆီယံဥက္ကဋ္ဌရာထူး ကိုင်ထားတဲ့ကာလမှာလည်း အဆင်မပြေပါဘူး။

ပြီးခဲ့တဲ့ တနင်္ဂနွေမှာ   တွေ့ဆုံကြ စီစဉ်ပေမယ့် အရက်ဘက်ကိုယ်စားလှယ်တွေကို    နိုင်ငံတချို့က လက်မခံတဲ့အတွက်ကြောင့်  တွေ့ဆုံမှုများ ပျက်ပြယ်သွားပါပြီ တဲ့။

  • မြန်မာအစိုးရ ကြေညာချက်

 မြန်မာ နိုင်ငံခြားရေး ၀န်ကြီးဌာနက ထုတ်ပြန်ချက်မှာတော့ ... ဒီလိုပျက်ပြယ်ရတာဟာ အရပ်ဘက်ကိုယ်စားလှယ်တွေကြောင့်လို့ ဆိုထားပါတယ်။

သက်ဆိုင်ရာ အာဆီယံနိုင်ငံများရဲ့ အတည်ပြုချက် ရဖို့ လုပ်ထုံးလုပ်နည်းနှင့်အညီ ဆောင်ရွက်ခဲ့ပါကြောင်း၊
 ရွေးချယ်ထားသော ကိုယ်စားလှယ်များကို "အာဆီယံ ပြည်သူ့ဖိုရမ် ၂၀၁၄" က လက်မခံတဲ့အတွက်  မူလစီစဉ်ထားတဲ့ တွေ့ ဆုံပွဲကို ကျင်းပနိုင်ခြင်း မရှိပါကြောင်း လို့ ဆိုပါတယ်။

  •  အရပ်ဘက်ကိုယ်စားလှယ်တွေရဲ့ ပြောဆိုချက်

လူထုအခြေပြုအဖွဲ့များက တနိုင်ငံ တယောက် ရွေးချယ်ထားသော ကိုယ်စားလှယ်များ ရှိပါတယ် လို့  အာဆီယံ ပြည်သူ့ဖိုရမ် ၂၀၁၄ လို့ ထင်ရှားတဲ့ အရပ်ဘက်ကိုယ်စားလှယ်များက ပြောပါတယ်။

သို့သော်လည်း
၁။ ကမ္ဘောဒီးယား၊ မလေး၊ စလုံး အစိုးရများက ဒီကိုယ်စားလှယ်တွေကို လက်မခံနိုင်ပါဘူး တဲ့။ ပြီးတော့
၂။ သူတို့စိတ်ကြိုက်ကိုယ်စားလှယ်ကို ရွေးပို့ပါတယ်။ (ကြံ့ခိုင်ရေးအသင်းကိုယ်စားလှယ်မျိုး ထင်ပါရဲ့)
ဒီအချက် ၂ ချက်ဟာ  သတ်မှတ်ထားပြိးသား မူဝါဒကို အတိအလင်းချိုးဖောက်တာပဲဆိုပြီး အစည်းအဝေးကို  မလွှဲမရှောင်သာ မတက်ရောက်ရခြင်းဖြစ်ကြောင်း အာဆီယံ ပြည်သူ့ဖိုရမ်က ကြေညာခဲ့ပါတယ်။

“မြန်မာ၊ လာအို၊ ဘရူနိုင်း၊ အင်ဒိုနီးရှား၊ ဗီယက်နမ်၊ ထိုင်း၊ ဖိလစ်ပိုင်က လူထုအခြေပြု ကိုယ်စားလှယ်တွေကို သက်ဆိုင်ရာ အစိုးရတွေက အသိအမှတ်ပြု တက်ရောက်ခွင့်ပေးပေမယ့် ကျန်တဲ့ ၃ နိုင်ငံကသူတွေကို
အသိအမှတ်မပြုတဲ့အပြင် တခြားသူတွေကို တက်ဖို့လုပ်တော့ ထိုင်းနဲ့ ဖိလစ်ပိုင်က မတက်တော့ဘူး။ ကျနော်တို့ ချမှတ်ထားတဲ့ ကိုယ်ရဲ့ကိုယ်စားလှယ်ကို လွတ်လပ်စွာ ရွေးချယ်ခွင့်ဆိုတဲ့ အချက်နဲ့ ထိခိုက်တယ်”
လို့ အာဆီယံ ပြည်သူ့ဖိုရမ် ၂၀၁၄ မှ ကိုအောင်မျိုးမင်းက ပြောပါတယ်။

အဓိပ္ပာယ်ရှိသော အပြန်အလှန်ပြောဆိုမှု၊ ပြည်သူများ၏ အသံကို အမှန်တကယ် ထင်ဟပ်နိုင်ရန်၊ တဖက်နှင့် တဖက် အပြန်အလှန် လေးစားမှု၊ ကိုယ်ပိုင်ရွေးချယ်ခွင့် စသော မူဝါဒများကို အာဆီယံ ပြည်သူ့ဖိုရမ်က ချမှတ်ခဲ့တယ်၊
အာဆီယံ ဥက္ကဌအဖြစ် ဆောင်ရွက်မည့် မြန်မာနိုင်ငံ၊ နိုင်ငံခြားရေး ၀န်ကြီးဌာနမှ အာဆီယံရေးရာ ညွှန်ကြားရေးမှူးနှင့် တွေ့ဆုံအတည်ပြုခဲ့ပြီးမှ ယခုလို ဖြစ်လာရခြင်းဖြစ်ပါကြောင်း ကိုအောင်မျိုးမင်းက ပြောပါတယ်။

အာဆီယံ လူထုဖိုရမ် အတွင်းရေးမှူးရုံး တာဝန်ခံ ကိုကျော်လင်းဦးကလည်း  ယခုလို   လူထုအခြေပြု ကိုယ်စားလှယ်များကို လက်မခံခြင်းက ထုံးစံလိုဖြစ်နေပြီး ဥက္ကဌအဖြစ် ဆောင်ရွက်သည့် မြန်မာနိုင်ငံအနေဖြင့်လည်း သက်ဆိုင်ရာနိုင်ငံများ အပေါ်တွင် တစုံတရာ ၀င်ရောက်ပြောဆိုမှုလည်း မရှိကြောင်း ဧရာဝတီကို ရှင်းပြပါတယ်။

၂၀၀၉   အာဆီယံ ထိပ်သီးအစည်းအဝေးမှာ မြန်မာ၊ ကမ္ဘောဒီယား၊ မလေးရှား အစိုးရတို့က အရပ်ဖက် အဖွဲ့အစည်း ကိုယ်စားလှယ်များကို လက်မခံခဲ့ဘူး၊
၂၀၁၁ ထိပ်သီးအစည်းအဝေးပွဲမှာလည်း မြန်မာကိုယ်စားလှယ်ကို မြန်မာအစိုးရက ကန့်ကွက်ပြီး ရဲမှူးကြီး ဦးစစ်အေးကို စေလွှတ်ခဲ့တယ်လို့  ကိုကျော်လင်းဦးက  ပြောပါတယ်။

“အာဆီယံအဖွဲ့ကြီးကို အစိုးရ ဗဟိုပြုတဲ့ အဖွဲ့ကနေ ပြည်သူကို ဗဟိုပြုတဲ့ အဖွဲ့ဖြစ်အောင် ကြိုးစားနေချိန်မှာ အခုလို အရပ်ဘက်အဖွဲ့အစည်းတွေရဲ့ ဆွေးနွေးချက်တွေ၊ တင်ပြတောင်းဆိုချက်တွေက အများကြီး အရေးပါပါတယ်။
 အခုဆို ပြည်သူတွေရဲ့ တောင်းဆို တင်ပြချက်တွေက ရေစုန်မျောသွားပြီ။ လူပေါင်း ၁,၅၀၀ ကျော် ဆွေးနွေးခဲ့တဲ့ ပြည်သူ့ဖိုရမ်ရဲ့ ဆုံးဖြတ်ချက်တွေက ခေါင်းဆောင်တွေရဲ့ လက်ထဲကို  ရောက်ဖို့ မဖြစ်နိုင်တော့ဘူး။
အစိုးရတွေနဲ့ ပြည်သူတွေကြားမှာ ရှိနေတဲ့ နားလည်မှု၊ ယုံကြည်မှုတွေလည်း ပျက်သွားပြီ”
လို့ ကိုကျော်လင်းဦးက  ပြောပါတယ်။ 

  • သုံးသပ်ချက်
အာဆီယံဒေသ အစိုးရများထဲ အာဏာရှင်တွေ ပါဝင်နေတာကြောင့် အရပ်ဘက်ကိုယ်စားလှယ်တွေ ပညာအပြခံရခြင်း ဖြစ်တယ်လို့ ယူဆရပါတယ်။
  • ဆက်စပ်သတင်းတချို့

အာဆီယံ ပြည်သူ့ ဖိုရမ် တက်ရောက်မည့်သူများ အတွက် ဗီဇာ အခက်အခဲ စိုးရိမ် http://burma.irrawaddy.org/news/2014/03/06/55885.html

0 comments :

Post a Comment

 
Copyright © 2014 Irrawaddy Publishing Group. All Rights Reserved