ပါကစ္စတန် ကရာချိ အပြည်အပြည်ဆိုင်ရာ လေဆိပ်မှာ စစ်သွေးကြွများ တိုက်ခိုက်စဉ်၊ ဓာတ်ပုံ- ဘန်ကောက်ပို့စ်
အဲဒီလို တိုက်ခိုက်မှု ဖြစ်စဉ်မှာ ကရာချိ နိုင်ငံတကာ လေဆိပ်မှာ ခရီး တထောက် ရပ်နားတဲ့ ထိုင်း အပြည်ပြည် ဆိုင်ရာ လေကြောင်းလိုင်းက (TG- THAI) လေယာဉ်တစီးပေါ်မှာပါတဲ့ ခရီးသည်တွေ နဲ့ လေယာဉ် အမှု ထမ်းတွေ အားလုံး ဘေးကင်းလုံခြုံတယ်လို့ ဘန်ကောက်ပို့စ် သတင်း တပုဒ်က ပြောပါတယ်။
ထိုင်းလေကြောင်းလိုင်း ရဲ့ ယာယီ ဥက္ကဋ္ဌဖြစ်သူက ပြောရာမှာတော့ အိုမန်နိုင်ငံကနေ ထွက်ခွာလာ တဲ့
လေယာဉ်ဟာ ဘန်ကောက်ကို ပျံသန်းလာရင်း ခရီး တထောက် ပါကစ္စတန် ကရာချီ လေဆိပ်ကို ဆင်းသက် ခဲ့တာဖြစ်ပြီး ခရီးသည် စုစုပေါင်း ၂၉၆ ဦးပါဝင်ကာ လေယာဉ်မှူး ၃ ဦး၊ လေယာဉ်အမှုထမ်း ၁၆ ဦးတို့
လေယာဉ်ပေါ် ပါရှိခဲ့တာလို့ ဆိုပါတယ်။
စစ်သွေးကြွတွေရဲ့ တိုက်ခိုက်မှုက တခြား တာမင်နယ်မှာ ဖြစ်ခဲ့တာဖြစ်ပြီး ထိုင်း လေယာဉ်ကတော့ နည်း နည်း လှမ်းတဲ့ တာမင်နယ်မှာ ရပ်နားခဲ့တာလို့ သိရပါတယ်။
ကျိုတိုသတင်းဋ္ဌာန အဆိုအရ စစ်သွေးကြွတွေ ရဲ့ အကြမ်းဖက်တိုက်ခိုက်မှုကြောင့် လုံခြုံရေးတပ်ဖွဲ့ဝင်တွေနဲ့ အပြန် အလှန် ပစ်ခတ်မှုမှာ လေယာဉ်တစီး မီးလောင်ဆုံးရှုံးတယ်လို့ ဖော်ပြပြီး လူ ၂၃ ဦးသေဆုံးတယ်လို့ ဆိုပါတယ်။
အခုတော့ စစ်တပ်က လေဆိပ်ကို လုံခြုံရေးကြပ်မတ်လိုက်ပြီး လေယာဉ်ကွင်း ကိုလာတဲ့ လမ်း တွေကို လည်း ပိတ်ထားလိုက်တယ်လို့ သိရပါတယ်။
လင်းသန့် ~
0 comments :
Post a Comment