တရုတ်-မြန်မာ ယဉ်ကျေးမှု သံတမန် ဒေါ်ဝတီသွင်

Friday, July 4, 2014

ဒေါ်ဝတီသွင်ဟာ တရုတ်နိုင်ငံ တောင်ပိုင်း ဂွမ်ရှီးကျန် ကိုယ်ပိုင်အုပ်ချုပ်ခွင့်ရ ဒေသမှာ ရှိတဲ့ နိုင်ငံသားများ ဆိုင်ရာ ဂွမ်ရှီး တက္ကသိုလ် ( Guangxi University of Nationalities ) မှာ လူကြိုက်များတဲ့ မြန်မာစာ ဆရာမ တဦးပါ။ 

 စာသင်ခန်းထဲက ဒေါ်ဝတီသွင်၊ ဓာတ်ပုံ- China.org.cn

ဂွမ်ရှီး တက္ကသိုလ်မှာ ဒေါ်ဝတီသွင်က ၂၀၀၈ ခုနှစ်က စတင်အလုပ်ဝင်လုပ်ခဲ့ပြီး အခုဆို ၆ နှစ်တောင် ရှိပါပြီ။ အရင်က ဒေါ်ဝတီသွင်ဟာ ရန်ကုန်တက္ကသိုလ်နဲ့ ရန်ကုန်နိုင်ငံခြားဘာသာသင် တက္ကသိုလ်မှာလည်း စာသင် ကြားပေးခဲ့ရင်း တရုတ်လူမျိုး တပည့်တော်တော်များများနဲ့ တွေ့ဆုံဖြစ်ခဲ့ပါတယ်။ 

“ကျမရဲ့ တပည့်တယောက်ကြောင့် ဒီ ဂွမ်ရှီးတက္ကသိုလ်ကို ရောက်လာခဲ့တာ၊ သူက အရင် မြန်မာစာဌာန က တာဝန်ခံ တန် ကျူကျန်လေ။ ကျမကို ဒီမှာ စာလာသင်ဖို့ သူပဲ ဖိတ်ကြားခဲ့တာ” လို့ ဒေါ်ဝတီက မျက်ရည်တွေ ဝိုင်းပြီး ပြောပြနေတယ်လို့ China.org.cn က ဆိုပါတယ်။ 

တန်ကျူကျန်က ရန်ကုန်နိုင်ငံခြားဘာသာတက္ကသိုလ်မှာတုန်းက ဒေါ်ဝတီရဲ့ တပည့်တယောက်ဖြစ်ခဲ့ပြီး အမေနဲ့ သား ဆက်ဆံရေးလို နှစ်ပေါင်းများစွာ ရှိခဲ့တာလို့ သိရပါတယ်။ 

 မြန်မာနိုင်ငံနဲ့ တရုတ်နိုင်ငံတို့မှာ ဆယ်စုနှစ် ၂ ခုကြာ မြန်မာစာဆရာမအဖြစ် ဒေါ်ဝတီသွင်ဟာ တရုတ် လူမျိုး မြန်မာစကား ပြောသူလိုသူတော်တော်များများကို မြေတောင်မြှောက်ပေးနေပါတယ်။ 

ဒေါ်ဝတီသွင်သင်ကြားပေးတဲ့ မြန်မာစာ၊ မြန်မာစကားပြောလိုသူတွေထဲမှာပဲ တရုတ် ပက်ကင်း တက္ကသိုလ် က ပရော်ဖက်ဆာတွေဖြစ်ကြတဲ့ ဟန်ဒေယိန်း နဲ့ ဝမ်ဒန်နီယန်တို့လို ပုဂ္ဂိုလ်တွေပါဝင်သလို  မြန်မာနိုင်ငံ မှာ တာဝန်ထမ်းဆောင်တဲ့ တရုတ် လူမျိုး သံတမန်တော်တော်များများလည်း ပါဝင်ပါတယ်။ 

တရုတ်- အာဆီယမ် Expo ပြပွဲကြီးကို ဂွမ်ရှီးမှာ ကျင်းပပြီးနောက်ပိုင်းမှာ အာဆီယံ အဖွဲ့ဝင်နိုင်ငံတွေနဲ့ ပိုမို ရင်းနှီးလိုမှုတွေ နဲ့ သူတို့ရဲ့ ဘာသာစကားတွေ သင်ကြားလိုမှုတွေ အတော်မြင့်မားလာနေတာပါ။ 

ဂွမ်ရှီး တက္ကသိုလ် လူအရင်းအမြစ်နှင့် လူမှုဘဝလုံခြုံးရေးဌာနအဆိုအရ အာဆီယံနိုင်ငံတွေက ကျွမ်းကျင် ပညာရှင် ၃၆ဝ ဦး ဟာ ဂွမ်ရှီးမှာ ၂ဝ၁ဝ ခုနှစ်ကတည်းက အလုပ်လုပ်ကိုင်နေကြပြီး အဲဒီထဲက ၁၂ ရာ ခိုင်နှုန်း ကပဲ ဒေသခံတွေ ဖြစ်တယ်လို့ ဆိုပါတယ်။ 

“ဂွမ်ရှီးက ဒေသဆိုင်ရာ ဓလေ့ ထုံးစံ၊ ရာသီဥတုနဲ့ စားသောက်ဖွယ်ရာတွေကလည်း ကျမအမိနိုင်ငံက စားစရာတွေနဲ့ ပုံစံတူကြပါတယ်။ ဒါကြောင့် ကျမ ဒီမှာ အလုပ်လုပ်ရတာနဲ့ကျမ ဘဝမှာ သိပ်ပြီး ဖိအား လည်း မရှိပါဘူး။ ဒီ တက္ကသိုလ်မှာ ကျမ ဆန္ဒရှိတဲ့အတိုင်း အလုပ်လုပ်နိုင်ပါတယ်”လို့ ဒေါ်ဝတီသွင်က ဆိုပါတယ်။ 

Chian.org.cn မှာ ယနေ့ ဖော်ပြထားတဲ့ Waddy Thwin, China-Myanmar cultural ambassador ကို အဆင်ပြေအောင် ကြိုးစားဘာသာပြန်ဆို ဖော်ပြပေးလိုက်ပါတယ်။ 



အိမ့်သံစဉ် ~ 












0 comments :

Post a Comment

 
Copyright © 2014 Irrawaddy Publishing Group. All Rights Reserved