ခင်ပွန်းသည်အလောင်းနဲ့ အိမ်မှာ ၉ လကြာနေထိုင်သူ တရားရင်ဆိုင်ရဖွယ်ရှိ

Monday, August 11, 2014

အမေရိကန်ပြည်ထောင်စု အင်ဒီယားနားပြည်နယ်က မုဆိုးမတဦးဟာ သူ့ခင်ပွန်းရဲ့အလောင်း နဲ့ ၉ လကြာ အတူရှိနေခဲ့ပါတယ်။ ဒါကြောင့် သူဟာ အိမ်မှာ အလောင်းပုပ်ပွသည်အထိ ထားပြီး ခင်ပွန်းသည် သေဆုံးသွားတာကို သတင်းမပို့ခဲ့တဲ့အတွက် တရားစွဲခံရဖို့ ရှိနေပါပြီ။ 

 ဓာတ်ပုံ- The Mirror

သူက ပြောတာ ကတော့ သူ့ခင်ပွန်းဟာ သူ့ခန္ဓာကိုယ်ကို ငှက်တွေကို အစာအဖြစ် ကျွေးချင်ခဲ့တာကြောင့်လို့ ဆိုတယ်။ ခင်ပွန်းသည်ရဲ့ ဆန္ဒကို ဖြည့်ဆည်းပေးလိုတာကြောင့်လို့ ဆိုတယ်။ 

အသက် ၅၄ နှစ်ရှိပြီဖြစ်တဲ့ မစ္စ Ila Solomon အဆိုအရ ခင်ပွန်းဖြစ်သူ ဒုတိယကမ္ဘာစစ် စစ်ပြန်ကြီး မစ္စတာ Gerald Gavan ရဲ့ အလောင်းဟာ သူတို့ အိမ်မှာ ၅ ရက်ပဲ ထားခဲ့တာပါတဲ့။ ဒါပေမယ့် စုံစမ်းစစ်ဆေး သူတွေပြောတာကတော့ ဒီထက် ကြာပါတယ် တဲ့။ 

အသက် ၈၈ နှစ်အရွယ်မှာ ကွယ်လွန်ခဲ့တဲ့ ခင်ပွန်းသည်ရဲ့ အလောင်းကောင်က ပုပ်ပွလာတော့မှ မုဆိုးမဟာ သူ့ခင်ပွန်း အလောင်းကို အိမ်မှာရှိတာကို ထုတ်ပြောလိုက်တာလို့ ဆိုတယ်။ 

သူတို့ အကြင်လင်မယားပိုင်တဲ့ အိမ်မှာ ၉ လကျော်ကြာ အလောင်းကိုထားမှုနဲ့ မုဆိုးမ အီလာဆော်လမွန်က တရား စွဲခံရဖွယ် ရှိနေပါပြီ။ အလောင်းအိမ်မှာ ထားရှိတာကို ပြီးခဲ့တဲ့ မေလ တုန်းက တာဝန်ရှိသူတွေက တွေ့ခဲ့တာပါ။ 

မုဆိုးမက ဒုတိယကမ္ဘာစစ် စစ်ပြန်ကြီး ဆုံးသွားပြီဆိုတာကို သတင်းသမားတဖွဲ့ကို သူ့အိမ်ကို ခေါ်ပြီး သတင်းစာ ရှင်းလင်းပွဲလည်း လုပ်လိုက်ပါသေးတယ်။ 

 “အမေရိကန်ပြည်ထောင်စုအတွက် အမြောက်အများ စွမ်းဆောင်ပေးခဲ့သူ တစုံတဦးဟာ သူဆန္ဒအတိုင်းပဲ သေခြင်း တရား ကို စီမံသင့်ပါတယ်။ သူက ဘဝသံသရာတခုမှာ ငှက်ဖြစ်ခဲ့တယ်လို့ ယုံကြည်ပြီး သူ့အလောင်းကောင်ကို ငှက်စာကျွေးချင်ခဲ့တာ” လို့ မုဆိုးမက သတင်းသမားတဖွဲ့ကို ပြောပါတယ်။

သေသူရဲ့ ဆန္ဒက သူ့အလောင်းကို အိမ်ပြင် ထုတ်ပြီး ငှက်တွေ စားသောက်လို့ ရမယ့်နေရာမှာ ထားဖို့ စီစဉ်ခိုင်းခဲ့တယ်လို့ ဆိုတယ်။ 

မုဆိုးမ အီလာဆော်လမွန်ဟာ စစ်ပြန်ကြီး မစ္စတာ Gerald Gavan ဆုံးပါးသွားခဲ့တာကို သက်ဆိုင်ရာ အာဏာပိုင်တွေကို သတင်းပို့ဖို့ ပျက်ကွက်ခဲ့တာဟာ တရားဥပဒေကို ချိုးဖောက်တာဖြစ်တယ်လို့ The Mirror သတင်းတပုဒ်က ရေးပါတယ်။ 

မုဆိုးမကတော့ သူ့ခင်ပွန်း ဆန္ဒကို ဖြည့်ဆည်းပေးတဲ့အနေနဲ့ အိမ်ထဲမှာ အလောင်းကို ထား၊ အိမ်တံခါးကို ဖွင့်ထားပြီး ငှက်တွေ လာစားမယ်လို့ မျှော်လင့်ခဲ့တာလို့ ဆိုပါတယ်။ 

  ရဲဌာနက ခန့်မှန်းတွက် ချက် တာက ၉ လ ဝန်းကျင်ရှိခဲ့ပြီလို့ ပြောတယ်။ ထူးခြားတာက ဘာကြောင့်သေဆုံးသွားတယ်ဆိုတာ အခုထိ မသိရသေးတာပါဘဲ။ 

သေဆုံးသွားခဲ့ပေမယ့်လည်း ခင်ပွန်းသည်အတွက် အသက်အာမခံငွေကိုလည်း ဆက်သွင်းနေခဲ့တယ်တဲ့။ ဒါပေမယ့် ဆော်လမွန်ဟာ ငွေပြန်ရမယ်ဆိုတာကြောင့် အသက်အာမခံမူဝါဒကို ချိုးဖောက်ပြီး အကြွေးလည်း ထုတ်ယူခဲ့တယ်လို့ သတင်းကဆိုတယ်။ 

သေဆုံးသူ မစ္စတာ ဂါဗန်ရဲ့ သေတမ်းစာအရ သူ့ရုပ်အလောင်းကို အိန္ဒိယနိုင်ငံကို ပို့ပြီး ဓလေ့ထုံးစံနည်းတခုအရ ငှက်စာ ကျွေးဖို့ ရေးထားတယ်လို့လည်း သိရပါတယ်။ 

  ခင်ပွန်းသည်ရဲ့ ဆန္ဒကို ဖြည့်ဆည်းဖို့ ကြိုးစားပေးခဲ့ တာကြောင့် အခုတော့ သင်ခန်းစာကြီးတခု ရတယ်လို့ ယူဆပြီး ဝမ်းနည်းပူဆွေးမှုတွေဖြစ် လာနေပြီး နှစ် သိမ့် ပညာပေးရေးတခုကိုလည်း လက်ခံနာခံရမယ့် အခြေဆိုက်နေပြီလို့ ပြောထားပါတယ်။ 

အခုတော့ ဒီအဖြစ်က လူအများကို စိတ်ဝင်စားစရာဖြစ်နေပါပြီ။ 


အိမ့်သံစဉ် ~ 











0 comments :

Post a Comment

 
Copyright © 2014 Irrawaddy Publishing Group. All Rights Reserved