အမေရိကန်သတင်းထောက်ကို IS စစ်သွေးကြွက ခေါင်းဖြတ်သတ်

Wednesday, August 20, 2014

ဒီနေ့အတွက် ကမ္ဘာတလွှား သတင်းလောကမှာ နာမည်ကြီးနေတာကတော့ အမေရိကန်နိုင်ငံသား သတင်းထောက်တဦးကို အစ္စလမ်မစ်နိုင်ငံတော် IS စစ်သွေးကြွအဖွဲ့က ခေါင်းဖြတ် သတ်လိုက်တဲ့ ဗွီဒီယိုကိစ္စပါဘဲ။ 



အမေရိကန်နိုင်ငံသား ဂျိမ်းဖိုလေဟာ AFP နဲ့ အမေရိကန် ဂလိုဘယ်ပို့စ် သတင်းဌာနတွေအတွက် အလုပ်လုပ်ပေးနေရင်း ၂၀၁၂ ခုနှစ် နိုဝင်ဘာလကတည်းက ဆီးရီးယားနိုင်ငံ အနောက်မြောက်ဖက် တူရကီ နယ်စပ်နားမှာ ပျောက်ဆုံးသွားခဲ့ တာဖြစ်ပြီး အခုရက်ပိုင်းအတွင်းပဲ သူ့ကို IS အဖွဲ့က ခေါင်းဖြတ် သတ်ပုံရတဲ့ ဗီဒီယိုကို အင်တာနက်ပေါ် အင်္ဂါနေ့က တင်ခဲ့တာဖြစ်ပါတယ်။ 

ဗွီဒီယိုထဲမှာ လိမ္မော်ရောင် ၀တ်စုံဝတ်ထားတဲ့ သတင်းထောက် ဂျိမ်းဖိုလေ က သူ့ကို ဖမ်းဆီးထားသူတွေ 
ပြော ခိုင်းတဲ့ သတင်းစကားကို ဖတ်နေပုံရပါတယ်။ 

သူက တကယ့် လူသတ်သမားဟာ အမေရိကားဖြစ် တယ် ဆိုပြီး ပြောဆိုကာ သူ လွတ်မြောက်လိုကြောင်းနဲ့ သူ့မိသားစုနဲ့ နောက်ထပ်တကြိမ် ပြန်ဆုံလိုကြောင်းပြောထားပါတယ်။ 

သူ့ကို ခေါင်းဖြတ်သတ်ပုံရတဲ့ အမည်းရောင်အဝတ်အစားဝတ် မျက်နှာကိုလည်း ဖုံးကွယ်ထားတဲ့ IS စစ်ကြွေး ကြွ တဦးက အင်္ဂလိပ်လို ခြိမ်းခြောက်ပြောကြားရာမှာ အမေရိကန်သမ္မတ အိုဘားမားကို ရည် ရွယ်ပြီး အီရတ်မှာ IS အခြေစိုက်စခန်းတွေ ကို ထိုးစစ်ဆင်တိုက်ခိုက်မှုတွေကြောင့် သေဆုံးမှုတွေဟာ အမေရိကန်မှာ တာဝန်ရှိပြီး အမေရိကန်နိုင်ငံသား တဦးသေဆုံးမယ့် ကိစ္စကလည်း အမေရိကန်မှာ တာဝန်ရှိတယ်လို့ ဆိုပါတယ်။ 

ဂျိမ်းဖိုလေကို ခေါင်းဖြတ်သတ်ပြီးပုံရတဲ့ ဗွီဒီယို ပြကွက်အပြီးမှာ နောက်ထပ် လိမ္မော်ရောင်ဝတ် နောက်ထပ် အမေရိကန်နိုင်ငံသား သတင်းထောက် တဦးကိုလည်း IS စစ်သွေးကြွက ပြသကာ သူ့ကံကြမ္မာဟာ အမေရိကန်ရဲ့နောက်ထပ် ခြေလှမ်း အပေါ် မူတည်တယ်လို့ ခြိမ်းခြောက်ပြောဆိုထားပါတယ်။ 

အမေရိကန်အရာရှိတွေကတော့ ဒီဗွီဒီယိုဟာ အစစ်လား၊ လုပ်ကြံထားတာလားဆိုတာ စိစစ်နေဆဲဖြစ် တယ် လို့ ဆိုပါတယ်။ 

ဒါပေမယ့် အမျိုးသားလုံခြုံရေး ကောင်စီ ပြောခွင့်ရ Caitlin Hayden က ပြောတာကတော့ အခု အမေရိကန် သတင်း ထောက် ဂျိမ်းဖိုလေကို ခေါင်းဖြတ်သတ်တာ ထောက်လှမ်းရေးသတင်း အချက် အလက် များအရ တကယ်ဖြစ်နိုင်ပုံရကြောင်း နဲ့ သတင်းအချက်အလက် ရသမျှ ဆက်လက်ထုတ်ပြန် သွားမယ်လို့ ပြောရင်း မိသားစုနဲ့အတူ ထပ်တူကြေကွဲရကြောင်း လည်း ဆိုသွားပါတယ်။ 

 သေဆုံးသူ ဂျိမ်းဖိုလေရဲ့ မိခင် Diane ကတော့ သူ့ လူမှုကွန်ရက်စာမျက်နှာမှာ သားဖြစ်သူအတွက် ပူဆွေးမှုနဲ့ ဆုတောင်း စာကို ရေးသားထားပါတယ်။ 

သားဖြစ်သူ ဟာ ဆီးရီးယားပြည်သူတွေ ခံစားနေရတဲ့ ဒုက္ခကို သူ့အသက်ရင်းပြီး ကမ္ဘာကြီးကို သိအောင် 
ပြသ သွားတာလို့ လည်း Diane က ဆိုပါတယ်။ 

အခုတလော နာမည်ကြီးနေတဲ့ IS အဖွဲ့ဆိုတာ အရင်က ISIS အဖြစ်နာမည်ခံယူခဲ့ပြီး ဆီးရီးယား၊ အီရတ်
နိုင်ငံတွေက နယ် မြေတော်တော်များများကို သိမ်းယူကြီးစိုးကာ အစ္စလမ်မစ်နိုင်ငံထူထောင်ရေး လှုပ်ရှား
နေကြတဲ့ စစ်သွေးကြွ အဖွဲ့ဖြစ်ပါတယ်။ 

လွန်ခဲ့တဲ့ ရက်ပိုင်းတွေကလည်း ကာဒ် နယ်တဝိုက်က ယာဇီဒီ ဒေသခံတွေ၊ ခရစ်ယာန်တွေကို အစုလိုက် အပြုံလိုက် သတ် ဖြတ်တဲ့ ကိစ္စတွေကိုလည်း ကျူးလွန်နေတဲ့ အဖွဲ့လို့ ယုံကြည်ရပါတယ်။ 

ဒီလိုကိစ္စတွေကြောင့် အမေရိကန်က အီရတ်က IS စစ်သွေးကြွတွေရဲ့ အဓိက စခန်းတွေကို ဗုံးကြဲ တိုက်ခိုက်မှုတွေ ဆက် တိုက်လုပ်လာပြီး ဒေသခံ ထွက်ပြေးသူတွေအတွက် စားရေ ရိက္ခာချပေးတာနဲ့ ကယ်ဆယ်ရေး လုပ်ငန်းတွေ လုပ်ဆောင် နေတာဖြစ်ပါတယ်။ 





အိမ့်သံစဉ် ~ 











0 comments :

Post a Comment

 
Copyright © 2014 Irrawaddy Publishing Group. All Rights Reserved