သာသနာရေးဝန်ကြီးဌာနကို ဖျက်သိမ်းဖို့ ဝိုင်းဝန်းတောင်းဆိုသင့်ကြောင်း ဒီတပတ်ထုတ် The Messenger ဂျာနယ် ဆောင်းပါးတပုဒ်မှာ ရေးပါတယ်။
ဆောင်းပါးရှင်က ရဲမြင့်ကျော်၊ ဆောင်းပါးခေါင်းစဉ်က - အနာဂတ်သာသနာမှာ မရှိအပ်တဲ့ သာသနာရေးဝန်ကြီးဌာန။
ဒီမိုကရေစီစနစ်ဖော်ဆောင်မယ်ဆိုရင် ဒီဌာနဟာ မရှိအပ်ဘူး၊ အပိုဖြစ်နေတယ်လို့ ဆောင်းပါးရှင်က ဆိုပါတယ်။
"မြန်မာနိုင်ငံ ဗုဒ္ဓဘာသာ တိုးတက်ဖို့နဲ့ အခြားဘာသာများနဲ့ ငြိမ်းချမ်းစွာ အတူယှဉ်တွဲ သာသနာပြုနိုင်ဖို့အတွက် အရာရာ ချုပ်ကိုင်ထားတဲ့ သာသနာရေး ၀န်ကြီးဌာနကို ဖျက်ပစ်ရပါမယ်" လို့ သူက ရေးပါတယ်။
ဒီမိုကရေစီနိုင်ငံဆိုရင် ဒီဌာန မရှိသင့်၊ အီရန် ဆော်ဒီ ပါကစ္စတန်တို့မှာတော့ အစ္စလာမ်ကို နိုင်ငံတော်ဘာသာ ပြဋ္ဌာန်းပြီး အစိုးရက ဘာသာရေးအကြောင်းပြ လူထုကို ထိန်းချုပ်ဖို့ ဒီလို ဝန်ကြီးဌာန ထားခြင်းဖြစ်တယ်လို့ ဆိုတယ်။
ရှေးဘုရင်တွေက သူတို့ တရားဝင်မှုအတွက် သာသနာ လွန်စွာ ပြုကြတယ်၊ လွတ်လပ်ရေးရပြီးနောက်ပိုင်း အစိုးရခေါင်းဆောင် ဦးနုက ဒီမိုကရေစီထွန်းကားတည်မြဲရေးကို အားမစိုက်ဘဲ ဆဋ္ဌသင်္ဂါယနာတင်ဖိုပဲ အာရုံကျ လုံ့လပြုနေတာကြောင့် စစ်အုပ်ချုပ်ရေးအောက် တိုင်းပြည်ရောက်ပြီး ငါးပါးမှောက်ခဲ့ရပါတယ် တဲ့။
သာသနာရေးဌာနလူကြီးတွေ ဒီဆောင်းပါးဖတ်မိရင်တော့ သူတို့ဌာန မည်သို့မည်ပုံ လိုအပ် အရေးပါကြောင်း ရေးသားကြ၊ တုန့်ပြန်ကြဖွယ် ရှိပါတယ်။
သို့တည်းမဟုတ် ဒီဌာနဟာ သံဃမဟာနကယအဖွဲ့ကြီးကို ကြိုးကိုင် ... အဲ.... အထောက်အကူပြုနေတယ် ဆိုတဲ့သဘော အသံထုတ်လာတာမျိုးလည်း ဖြစ်နိုင်ပါတယ်။ ဒီဆောင်းပါးကို လျစ်လျူရှုထားတာမျိုးလည်း ဖြစ်နိုင်ပါတယ်။
.
0 comments :
Post a Comment