ရောက် မြန်မာအလုပ်သမားများ အရေး ဆွေးနွေးပေးပါရန် မြန်မာရွှေ့ပြောင်းအလုပ်သမား အဖွဲ့တခုက တိုက်တွန်းတောင်းဆိုထားတဲ့ ကြေညာချက် မနေ့က ထုတ်ပြန်ထားပါတယ်။
ထိုင်းနိုင်ငံရောက်မြန်မာရွှေ့ပြောင်းအလုပ်သမားတို့၏ အကျိုးစီးပွားအတွက်မြန်မာနှင့် ထိုင်းအစိုးရ ခေါင်း
ဆောင်များ ဆွေးနွေးပွဲတွင် ဆွေးနွေးတောင်းဆိုပေးရန်အချက်များ ထုတ်ပြန်ခြင်း
နေ့စွဲ ၈ အောက်တိုဘာ ၂၀၁၄ခုနှစ်
မကြာမီကာလတွင် ပြည်ထောင်စုမြန်မာနိုင်ငံသို့ ထိုင်းနိုင်ငံ၏၀န်ကြီးချုပ်ဖြစ်သူ ဗိုလ်ချုပ်ကြီး ပရာယွတ် ကျန်အို ချာ လာရောက်မည်ဖြစ်ကြောင်းသိရပါသည်။
မြန်မာနှင့်ထိုင်း ၂နိုင်ငံ ချစ်ကြည်ရေးအတွက်လည်းကောင်း၊ ၂နိုင် ငံအကျိုးစီးပွားများ အတွက်လည်းကောင်း
ဆွေးနွေး တိုင်ပင်ကြမည်ဟုသိရပါသည်။
မြန်မာနိုင်ငံ၏အကျိုးစီးပွား အတွက်ဆွေးနွေးရာတွင် မဖြစ်မနေဆွေးနွေးပေးရမည့်အကြောင်းအရာမှာ ထိုင်းနိုင်ငံရောက် မြန်မာနိုင်ငံသား ရွှေ့ပြောင်းအလုပ်သမားများအရေးကိစ္စဖြစ်ပါသည်။
ထိုင်းနိုင်ငံသို့ လွန်ခဲ့သောနှစ်ပေါင်း၃၀ကျော်ခန့်မှစ၍ မြန်မာနိုင်ငံသားများသည် အကြောင်းအမျိုးမျိုးဖြင့် သွား ရောက်အလုပ်လုပ်ကိုင်ခဲ့ရာ ယခုအချိန်တွင် လူဦးရေ ၃ သန်းခန့်ရှိသွားပြီဖြစ်သည်။
၎င်းတို့အထဲတွင် ၁.၇ သန်း ခန့်သည် နိုင်ငံသားစီစစ်၍ ယာယီနိုင်ငံကူးလက်မှတ်ရရှိထားပြီး နောက်ထပ် ၄ သိန်းခွဲခန့်မှာ ထိုင်းနိုင်ငံမှထုတ် ပေးသော ယာယီအလုပ်သမားကဒ်(ပန်းရောင်ကဒ်) ရရှိထားသည်။
အထောက်အထားမရှိသူများမှာ အနည်း ဆုံး ၅ သိန်းခန့်ရှိဦးမည်ဟု ခန့်မှန်းထားပါသည်။
မည်သို့ပင်ဖြစ်စေ မြန်မာနိုင်ငံသားရွှေ့ပြောင်းအလုပ်သမားတို့ သည် ထိုင်းနိုင်ငံအတွင်း နေထိုင်အလုပ်လုပ် ကိုင်ရာ ၌ ပြဿနာပေါင်းများစွာကို ကြုံတွေ့ရင်ဆိုင်နေကြရဆဲဖြစ် ပါသည်။
အထူးသဖြင့် ထိုင်းနိုင်ငံကအလုပ်သမားဆိုင်ရာဥပဒေများပြဌာန်းထားပြီး တန်းတူခံစားခွင့်ပေးထားသည်ဟု ဆိုသော်ငြားလည်း လက်တွေ့တွင် လုပ်ငန်းရှင်များ၏မလိုက်နာမှု၊ ဌာနဆိုင်ရာဝန်ထမ်းများ၏ လစ်လျူရှုမှု၊ အာဏာအလွဲသုံးမှုများကြောင့် ရသင့်ရထိုက်သော အခွင့်အရေးများဆုံရှုံးနေရပါသည်။
ဖြစ်ပွားနေသောပြဿ နာများမှ အချို့ကို ထုတ်နှုတ်ပြရလျှင် သတ်မှတ်ထားသောအနိမ့်ဆုံးလုပ်အားခ မရရှိခြင်း၊ အလုပ်သမားကာ ကွယ်စောင့်ရှောက်ရေးဥပဒေပါ နားရက်များမရရှိခြင်း၊ အလုပ်ထုတ် နစ်နာကြေးများမရရှိခြင်း၊ လုပ်ငန်းခွင်ဘေး ကင်းလုံခြုံမှုမရှိခြင်း၊ ထိခိုက်ဒဏ်ရာရ သေဆုံးခြင်းများအတွက် နစ်နာကြေးမရရှိခြင်း၊ အလုပ်ရှင်များက လူမှုဖူ လုံရေးမလုပ်ပေးခြင်းကြောင့် ကျန်းမာရေးကုသခွင့်နှင့် အခြားအခွင့်အရေးများမရရှိခြင်း၊ အလုပ်ရှင်က အလုပ်သ မားများ၏စာရွက်စာတမ်းများ ကိုသိမ်းဆည်း ထားခြင်း စသည်တို့ကြုံတွေ့နေရ ပါသည်။
ထို့အတူ ယာယီပတ်စ်ပို့ပြုလုပ်ခြင်း၊ မှတ်ပုံတင်ခြင်း စသည့်လုပ်ငန်းစဉ်များတွင် အကျင့်ပျက် ၀န်ထမ်းများ
နှင့် ပွဲ စားများပူးပေါင်းပြီး ၂ နိုင်ငံအစိုးရက သတ်မှတ်ထားသောဈေးနှုန်းထက် အဆပေါင်းများစွာကောက်ခံ
ခြင်း၊ ထိုင်း ရဲတပ်ဖွဲ့များက အထောက်အထားပြည့်စုံသည့်တရားဝင်အလုပ်သမားများကို ဖမ်းဆီးငွေညှစ်
ခြင်း၊ ထိုင်း လူဝင် မှုကြီးကြပ်ရေးရဲများက ဗီဇာလုပ်ရာတွင် သတ်မှတ်နှုန်းထက်ပိုကောက်ခံခြင်း၊ ရက် ၉၀ ဧည့် စာရင်းတိုင်ရာတွင် ငွေကောက်ခံခြင်း၊ အထောက်အထားမဲ့ ဖမ်းဆီးခံမြန်မာအလုပ်သမားများကို ထိုင်းလူဝင်မှုကြီးကြပ်ရေးရဲတို့က ပြည်နှင်ဒဏ်ပေးရာတွင် မြန်မာအစိုးရထံ မအပ်နှံပဲ နယ်စပ်ရှိ ပွဲစားများ၊ လက်နက်ကိုင် အဖွဲ့များထံသာ အပ်နှံ၍ ငွေညှစ်ခြင်း၊ ထိုင်းငါးဖမ်းလှေများတွင်လည်းကောင်း၊ လိင်ဖျော်
ဖြေရေးလုပ်ငန်းများတွင်လည်းကောင်း၊ စက်ရုံ အလုပ်ရုံများတွင်လည်းကောင်း ကျေးကျွန်ကဲ့သို့ လူကုန် ကူးခံရခြင်း စသည့် ပြဿနာများစွာလည်း ကြုံတွေ့ ခဲ့ရသည်။
၎င်းအပြင် လူသတ်မှု၊ ပစ္စည်းခိုးမှု စသောရာဇ၀တ်မှုများတွင် စွပ်စွဲဖမ်းဆီးခံရခြင်း၊ တရားစွဲဆိုရာတွင် အခြေခံ ရပိုင်ခွင့်ဖြစ်သော ရှေ့နေ၊ စကားပြန် စသည့်အထောက်အကူများမရပဲ တရားစီရင်ခံရခြင်း၊
မြန်မာအလုပ်သမား များအပေါ် သတ်ခြင်း ၊လုယက်ခြင်း ကဲ့သို့သော ရာဇ၀တ်မှုများ ကျူးလွန်ခံရခြင်းများ လည်းဖြစ်ပေါ်လျက်ရှိနေပါ သည်။
ထိုအဖြစ်အပျက်များ မြန်မာရွှေ့ပြောင်းအလုပ်သမားတို့ ကြုံတွေ့နေရသည်မှာ နှစ်ပေါင်း၂၀ကျော်ခဲ့ပြီး ဖြစ်ပါ သည်။
ဥပမာအနေဖြင့် မြန်မာရွှေ့ပြောင်းအလုပ်သမားများ ၂သိန်းကျော် နေထိုင်အလုပ်လုပ်လျက်ရှိ သည့် ထိုင်း-မြန်မာ နယ်စပ် မဲဆောက်မြို့ကိုကြည့်နိုင်ပါသည်။ မဲဆောက်မြို့ရှိ စက်ရုံအလုပ်ရုံပေါင်း ၂၀၀
ကျော် နှင့် စိုက်ပျိုးရေးလုပ်ငန်းများ၊ ၀န်ဆောင်မှုလုပ်ငန်းများတွင် အလုပ်လုပ်နေကြသော မြန်မာ အလုပ် သမား များ သည် ဥပဒေပါပြဌာန်းမှုများအတိုင်း ခံစားခွင့်များမရှိပဲဖြစ်နေပါသည်။
ထိုင်းနိုင်ငံ၏ အနိမ့်ဆုံးလုပ်အားခအဖြစ် သတ်မှတ်ထားသော ဘတ် ၃၀၀ကို မရရှိကြပဲ တစ်နေ့လျှင် ဘတ် ၁၂၀မှ ၁၈၀ ခန့်သာရရှိကြပါသည်။
ဤသို့ အနှိမ်ခံ၊ ဥပဒေချိုးဖေါက်ခံနေရသည်မှာ နှစ်ပေါင်းများစွာကြာမြင့်နေပြီဖြစ်သော်လည်း ထိုင်းအစိုးရ
နှင့် မြန်မာ အစိုးရတို့၏ လစ်လျူရှုခြင်းခံနေရပါသည်။ အခြားသောနယ်စပ်များဖြစ်သည့် စံခဘူရီနှင့် ရနောင်းမြို့များသည် လည်း အလားတူပင်ဖြစ်ပါသည်။
ဆိုခဲ့ပြီးသလို အခက်အခဲအမျိုးမျိုးနှင့် ရင်ဆိုင်ကြုံတွေ့နေရသော မြန်မာရွှေ့ပြောင်းအလုပ်သမားများ အတွက် ဘူးလေးရာ ဖရုံဆင့်အဖြစ်များလည်း ယခုအခါ ဖြစ်ပေါ်လာပြီဖြစ်သည်။
ထိုင်းနှင့်မြန်မာ ၂နိုင်ငံသဘောတူညီ ချက်ဖြင့် နိုင်ငံသားစီစစ်စေပြီး ယာယီနိုင်ငံကူးလက်မှတ်ပြုလုပ်စေခဲ့ရာ အလုပ်သမားပေါင်း ၁.၇သန်းခန့် ယာယီနိုင်ငကူးလက်မှတ်၊ ဗီဇာ၊ အလုပ်ုလပ်ခွင့်လက်မှတ်ရရှိခဲ့ပါသည်။
၎င်းလုပ်ငန်းစဉ်ကိုအမှီပြု၍ မတရား အမြတ်ထုတ်ခဲ့မှုများနှင့်ကြုံတွေ့ခဲ့ရသော်လည်း တရားဝင်အလုပ်သမား အဖြစ် အခွင့်အရေးများရရှိလာသော ကြောင့် ရွှေ့ပြောင်းအလုပ်သမားများမှာ အနည်းငယ်ဖြေသာခဲ့ရပါ သည်။
သို့သော် မူလက ထိုင်းနိုင်ငံနှင့် သဘောတူညီမှုရေးထိုးရာတွင် ဗီဇာ၎နှစ်ပြည့်ပြီးလျှင် ထိုင်းနိုင်ငံအတွင်းမှ ထွက်ခွာရမည်ဟု ပါရှိထားပါသည်။
လက်တွေ့မကျသော ထိုအချက်ကို ကြိုတင်ပြင်ဆင်ရန် မြန်မာနှင့်ထိုင်းအစိုးရတို့ တာဝန်ပျက်ကွက်ခဲ့ကြပါ သည်။
ထို့ကြောင့် မြန်မာရွှေ့ပြောင်းအလုပ်သမားတို့မှာ ၄ နှစ်ဗီဇာကုန်ဆုံးပြီးနောက် မည်သို့ဆက်လုပ်ရမည်ကို မသိရပဲ အဖမ်းခံရနိုး၊ အလုပ်ထုတ်ခံရနိုး အထိတ်တလန့်ဖြစ်ခဲ့ရပါသည်။
နောက်ပိုင်းတွင် မြန်မာနှင့်ထိုင်းအစိုးရတို့ ဆွေး နွေးညှိနှိုင်းမှုများပြုလုပ်ပြီး ၄ နှစ်ဗီဇာ သက်တမ်းကုန်သော အလုပ်သမားများ ထိုင်းနိုင်ငံတွင်ဆက်လက်နေထိုင်အ လုပ်လုပ်ကိုင်ရန်အတွက် လုပ်ငန်းစဉ်များ ချမှတ် ခဲ့ကြ ပါသည်။
သို့သော် ထိုချမှတ်သောလုပ်ငန်းစဉ်နှင့်သတ် မှတ်ချက်အစီအစဉ်များသည် ပြဿနာကို မဖြေရှင်းနိုင်ရုံမျှ မက လက်တွေ့မကျသော မဖြစ်နိုင်သော သတ်မှတ် ချက်နှင့် လုပ်ငန်းစဉ်များသာဖြစ်နေခဲ့ပါသည်။
အထူးသဖြင့် မြန်မာအစိုးရက ရွှေ့ပြောင်းအလုပ်သမားများကိုင်ဆောင်နေသော ယာယီနိုင်ငံကူးလက်မှတ် အစား ပုံမှန်နိုင်ငံကူးလက်မှတ်သို့ပြောင်းလဲရန်သတ်မှတ်ခြင်းသည် ထိုင်းနိုင်ငံရောက် မြန်မာရွှေ့ပြောင်း အလုပ်သမားများအတွက် ဆီလျော်ခြင်းမရှိပေ။
ပုံမှန်နိုင်ငံကူးလက်မှတ်ပြုလုပ်ရန် အစိုးရကတောင်းဆိုသော နိုင်ငံသား မှတ်ပုံတင်နှင့် အိမ်ထောင်စု စာရင်းသည် မြန်မာနိုင်ငံကျေးလက်ဒေသမှလာသော တိုင်းရင်းသားအများစု၌ မရှိ သောအရာများ သာဖြစ်နေသည်။
ဤသို့လက်တွေ့မကျသော လုပ်ငန်းစဉ်နှင့်သတ်မှတ်ချက်များကြောင့် မတ်လ ၂၀၁၃ မှ စတင်သော ဤလုပ်ငန်းစဉ်တွင် ၀င်ရောက်နိုင်သူအရေအတွက်မှာ ဦးရေ၁ထောင်ခန့်သာဖြစ်နေသည်။
ကျန်နေသောဗီဇာကုန်ဆုံးနေသူ လူဦးရေ ၅ သိန်းခန့်မှာ မည်သို့မျှ လုပ်ဆောင်နိုင်ခြင်းမရှိသေးပေ။
နေ့စဉ်လည်း ထောင်းဂဏန်းခန့် ဗီဇာကုန်နေပြီဖြစ်သည်။ ၎င်းအခက်အခဲကိုဖြေရှင်းရန်အတွက် အလုပ်ရှင်
နှင့် အလုပ်သမားများသည် အခြားရွေးချယ်စရာလမ်းအဖြစ် ၎င်း ယာယီနိုင်ငံကူးလက်မှတ်ကို မကိုင်ဆောင်
တော့ပဲ လက်ရှိထိုင်းအစိုးရကစီစဉ်ပေးသော ယာယီအလုပ်လုပ်ခွင့် လက်မှတ်(ပန်းရောက်ကဒ်)ကို ပြု လုပ်လာကြတော့သည်။
ဤသို့လုပ်ဆောင်ခြင်းမှာလည်း မှန်ကန်သောနည်း လမ်းမဟုတ်ပဲ ထိုပန်းရောင်ကဒ်ကိုင်ဆောင်သူများ သည် ၂၀၁၅ ခုနှစ် မတ်လ ၃၁ မတိုင်ခင် ပုံမှန်နိုင်ငံကူးလက် မှတ်ပြုလုပ်ရမည်ဖြစ်သည်။
ယာယီနိုင်ငံကူးလက်မှတ်ကိုင်ဆောင်စဉ်ကပြုလုပ်ထားသော လူမှုဖူလုံရေးခံစားခွင့် များကို ဆုံးရှုံးရမည့် အပြင် ပုံမှန်နိုင်ငံကူးလက်မှတ်ကိုလည်း ပြုလုပ်ရမည့် မူလပြဿနာကို ပြန်လည်ကြုံရဦးပေ မည်။
ထို့ကြောင့် ထိုင်းနိုင်ငံရောက် မြန်မာရွှေ့ပြောင်းအလုပ်သမားတို့အတွက် မူလရှိနေသောပြဿနာများ သာမက ၂ နိုင်ငံအစိုးရတို့ ထပ်မံဖန်တီးပေးသော ပြဿနာအသစ်များနှင့် ထပ်မံကြုံတွေ့ရမည့်ကိန်းဆိုက်
နေပေသည်။
သို့ ဖြစ်ပါ၍ ယခုကဲ့သို့ မြန်မာအစိုးရအကြီးအကဲနှင့်ထိုင်းအစိုးရ အကြီးအကဲတို့တွေဆုံကြမည့် အချိန် တွင် မြန်မာရွှေ့ ပြောင်းအလုပ်သမားတို့အတွက် အကျိုးဖြစ်ထွန်းနိုင်စေရန် အောက်ပါအချက်အလက်များ ကို ညှိနှိုင်းဆွေးနွေး ပေးပါရန် ထိုင်းနိုင်ငံရောက်ရွှေ့ပြောင်းအလုပ်သမားများကိုယ်စား ကျွန်ုပ်တို့ ရွှေ့ပြောင်း အလုပ်သမားအခွင့် အရေးကွန်ရက်(Migrant Worker Rights Network)က တင်ပြတောင်းဆိုအပ်ပါ သည်။
၁။ မြန်မာအစိုးရကချမှတ်ထားသော ပုံမှန်နိုင်ငံကူးလက်မှတ်လုပ်ဆောင်မည့်အစီအစဉ်ကိုဖျက်သိမ်း၍ မူလကိုင် ဆောင်နေသော ယာယီနိုင်ငံကူးလက်မှတ်ကိုသာ လုံလောက်သောသက်တမ်းတိုးပေးရန်နှင့် လွယ်ကူမြန်ဆန် သော ဗီဇာသက်တမ်းတိုးမှုအစီအစဉ်များချမှတ်ပေးရန်
၂။ ထိုင်းနိုင်ငံရောက် မြန်မာရွှေ့ပြောင်းအလုပ်သမားများအတွက် ပြဌာန်းထားသောဥပဒေများနှင့်အညီ အကျိုးခံ စားခွင့်ရရန်အတွက် ထိုင်းအစိုးရနှင့်အထူးညှိနှိုင်းဆောင်ရွက်ပေးရန်။
၃။ မြန်မာရွှေ့ပြောင်းအလုပ်သမားတို့အပေါ် မတရားအမြတ်ထုတ်နေသာ အကျင့်ပျက်ဝန်ထမ်းများ၊ ထိုင်းနှင့်မြန် မာပွဲစားများကို ထိရောက်စွာအရေးယူပေးရန်။
၎။ ဖမ်းဆီးခံအလုပ်သမားများကို ပြည်နှင်ဒဏ်ပေးရာတွင် တရားဝင်လမ်းကြောင်းဖြင့်သာ ပြည်နှင်ခြင်း၊ လက်ခံ ခြင်းများပြုလုပ်ရန်။
၅။ ရွှေ့ပြောင်းအလုပ်သမားများ၏အခက်အခဲများကို ထိရောက်စွာဖြေရှင်းပေးနိုင်ရန်အတွက် ထိုင်းနိုင်ငံ ဆိုင်ရာ မြန်မာသံရုံးတွင် အရည်အချင်းပြည့်ဝသော သံအရာထမ်း၊ အမှုထမ်းများတိုးချဲ့ခန့်အပ်ဤ ကူညီမှုပေးရန်။
မှတ်ချက်။။ ရွှေ့ပြောင်းအလုပ်သမားအခွင့်အရေးကွန်ရက် (Migrant Worker Rights Network M.W.R.N) သည် ထိုင်း နိုင်ငံ စမွတ်စာခွန်ခရိင်(မဟာချိုင်) ရောက် မြန်မာရွှေ့ပြောင်းအလုပ်သမားများက မိမိတို့အရေး မိမိတို့ကိုတိုင်တောင်းဆိုနိုင်ရန်အတွက် ၂၀၀၉ ခု နှစ်မှ စတင်ဖွဲ့စည်းခဲ့သော ရွှေ့ပြောင်း အလုပ်သမားအခြေပြုအဖွဲ့အစည်းဖြစ်သည်။
ရွှေ့ပြောင်းအလုပ်သမားတို့၏ အခွင့်အရေး၊ ပညာရေး၊ လူမှုရေးရာများကို ကိုယ်တိုင်သော်လည်း
ကောင်း၊ မြန်မာနှင့်ထိုင်းအစိုးရဌာနများနှင့်လည်းကောင်း၊ မြန်မာနှင့်ထိုင်း အခြေစိုက်အဖွဲ့အစည်း များနှင့် လည်းကောင်း၊ အပြည်ပြည်ဆိုင်ရာအဖွဲ့အစည်းများနှင့်လည်းကောင်း ပူးပေါင်းဆောင်ရွက်လျက်ရှိပါသည်။
ယခုအခါ ရွှေ့ပြောင်းအလုပ်သမားအဖွဲ့ဝင်ပေါင်း ၃၈၈၆ ဦးရှိပြီဖြစ်ပါသည်။
စုံစမ်းဆက်သွယ်ရန်
ဦးစိန်ဌေး (ဥက္ကဌ) ရွှေ့ပြောင်းအလုပ်သမားအခွင့်အရေးကွန်ရက်(ရန်ကုန်ရုံး) +95(0)9 4927 8500
ဦးအောင်ကျော် (ဒု-ဥက္ကဌ) ရွှေ့ပြောင်းအလုပ်သမားအခွင့်အရေးကွန်ရက် (မဟာချိုင်ရုံး) +66867555337
Mr.Andy Hall (International Affairs Advisor) +66846119209
0 comments :
Post a Comment