နော်ဝေဘုရင်မိန့်ခွန်း

မြန်မာနိုင်ငံသို့ လေးရက်တာ အလည်အပတ်ခရီးအဖြစ်ရောက်ရှိနေတဲ့ နော်ဝေနိုင်ငံရဲ့ ပဉ္စမမြောက် ဟယ်ရယ်လ် ဘုရင်မင်းမြတ် ရန်ကုန်တက္ကသိုလ် ဘွဲ့နှင်းသဘင်ခန်းမမှာ ဒီကနေ့ ဒီဇင်ဘာ ၂ ရက်နေ့မှာ ဟောပြောခဲ့တဲ့ မိန့်ခွန်းကို ဧရာဝတီဘလော့ဂ် ပရိတ်သတ်တွေ အတွက် ဖော်ပြပေးလိုက်ပါတယ်။

ဓာတ်ပုံ- ဂျေပိုင်/ ဧရာဝတီ

 ၀န်ကြီးများ၊ ပါမောက္ခချုပ်၊ လူကြီးမင်းများနှင့် ကျောင်းသူ၊ ကျောင်းသားများ ခင်ဗျား ၊

ဤသမိုင်းဝင် ဘွဲ့နှင်းသဘင်ခန်းမဆောင်ကြီးတွင် လူကြီးမင်းတို့ကို မိန့်ခွန်းပြောကြားခွင့်ရသည့်အတွက် ဂုဏ်ယူမိပါတယ်။ မြန်မာရဲ့ ဧည့်ဝတ်ကျေပွန်မှု၊ နွေးထွေးပျူငှာမှု၊ ကြွယ်ဝတဲ့ ရိုးရာဓလေ့ထုံးစံများ၊ မြန်မာနိုင်ငံရဲ့ လှပတင့်တယ်ခြင်းများကို သူများတွေပြောကြတာကို ကြားဖူးပါတယ်။ ပိုမိုကောင်းမွန်တဲ့ အနာဂါတ်ကို တည်ဆောက်နိုင်ဖို့၊ ကုန်လွန်ခဲ့တဲ့ ခြားနားချက်များကို ကျော်လွှားနိုင်ဖို့ ချမှတ်ထားတဲ့ ရည်မှန်းချက်၊ ဦးတည်ရာလမ်းကြောင်းနှင့် ၎င်းတို့ကိုအကောင်အထည်ဖော်ရန် ကြိုးစားနေကြတဲ့ မြန်မာတွေရဲ့ သတ္တိကိုမြင်တွေ့ရတာ ကျွန်တော်တို့အားလုံးအတွက် စိတ်ဓါတ်တက်ကြွစရာ ဖြစ်ကြောင်း ထပ်လောင်း ပြောဆိုလိုပါတယ်။

ကမ္ဘာပေါ်မှာ ပြည်သူများအကြားဖြစ်ပွားခဲ့သည့် အရှည်အကြာဆုံးသောစစ်ပွဲများကို ရဲရင့်တဲ့ ပုဂ္ဂိုလ်များက အံ့သြဖွယ်ကောင်းသော ဥာဏ်ပညာဆုံးဖြတ်ချက်များဖြင့် ပြီးဆုံးအောင်လုပ်ဆောင် နိုင်ခဲ့ကြပါတယ်။
တန်းတူညီမျှမှု၊ လွတ်လပ်မှု၊ ငြိမ်းချမ်းမှု၊ ဒီမိုကရေစီ အစရှိသည့် တန်ဖိုးရှိသည့်အရာများကို ကျွန်တော်တို့ နော်ဝေနိုင်ငံမှာ မိမိတို့ရဲ့ ကိုယ်ပိုင်ရပိုင်ခွင့်ဆိုပြီး အမှတ်မထင် ယူဆခဲ့ကြတာတွေကို မြန်မာတွေက စိတ်အားထက်သန်စွာ ဆုံးဖြတ်ချက်ချကာ ရယူနိုင်ရန် ကြိုးပမ်းအားထုတ်နေတာကိုတွေ့ရတဲ့အတွက် ကျွန်တော်တို့ အားကျမိပါတယ်။ ခက်ခဲတဲ့ အတိတ်ကာလကို မျှော်လင့်ချက်ရှိတဲ့ အနာဂါတ်အဖြစ်ပြောင်းလဲရန် သန္နိဌာန် ချထားခြင်းကို ချီးမွမ်းပါတယ်။ ခင်ဗျားတို့ ရှေ့ဆက် လုပ်ဆောင်ရမယ့် အင်မတန် ခက်ခဲတဲ့ ရှေ့လုပ်ငန်းများကို အထောက်အကူပေးဖို့ ကျွန်တော်တို့ဒီမှာရောက်ရှိနေခြင်းဖြစ်ပါတယ်။

မြန်မာနိုင်ငံမှာ လူငယ့် စွမ်းပကားကြွယ်ဝမှုမှာ သိသာထင်ရှားပါတယ်။ ပညာရေး နှင့် လူ့အင်အား အရင်းအမြစ်ဖွံ့ဖြိုး တိုးတက်အောင် ဆောင်ရွက်ခြင်းဟာ ကြွယ်ဝချမ်းသာတဲ့ အနာဂါတ်အတွက် သော့ချက်များ ဖြစ်ပါတယ်။

အတတ်ပညာလက်ဆောင်သည် မိမိတို့နှင့် တသက်လုံးတည်ရှိနေပြီး မိမိတို့အိပ်မက်များ၏ အထွဋ်အထိပ်သို့ ပို့ဆောင်ပေးနိုင်ပါတယ်။ ပညာရေးသည် ကမ္ဘာကြီးကိုပြောင်းလဲပစ်ရန်အသုံးပြုနိုင်သော အင်အားအရှိဆုံး လက်နက်တခုဖြစ်သည်ဟု၊ နယ်လ်ဆင်မယ်န်ဒယ်လား(Nelson Mandela) ကပြောခဲ့ပါတယ်။

မြန်မာနိုင်ငံဖွံ့ဖြိုးတိုးတက်ရေးအတွက် နော်ဝေနိုင်ငံမှ ပါဝင်ဆောင်ရွက်ခဲ့သည်မှာ ကြာပြီဖြစ်ပါ
သည်။ မြန်မာနိုင်ငံရဲ့ဒီမိုကရေစီလှုပ်ရှားမှုနဲ့ လူထုအခြေပြုအဖွဲ့အစည်းများကို ကျွန်တော်တို့ ဆက်လက် အထောက်အကူပြုလျက်ရှိပါတယ်။ လွန်ခဲ့သည့်တစ်နှစ်အထိ ဒီမိုကရက်တစ်မြန်မာ့အသံ၊ (Democratic Voice Of Burma) ဟာ Oslo (အော်စလို) မြို့မှာအခြေပြုခဲ့ပါတယ်။ ဆိုက်ကလုန်း နာဂစ် (Cyclone
Nargis) ရဲ့နောက်ဆက်တွဲ အကြီးအကျယ်ပျက်စီးမှုများအတွက် ကျွန်တော်တို့ လူသားချင်း စာနာ ထောက်ထားသည့် အထောက်အကူများပေးခဲ့ပါတယ်။ ရေရှည်ဖွံ့ဖြိုးရေး ပူးပေါင်းဆောင်ရွက်ခြင်းများလည်း တည်ဆောက်ခဲ့ကြပါတယ်။

နော်ဝေနိုင်ငံမှ ကုမ္ပဏီများ မြန်မာနိုင်ငံမှာလုပ်ငန်းများစတင်ဆောင်ရွက်နေပါပြီ။ ကျွန်တော်တို့နှစ်
နိုင်ငံ ပြည်သူများအကြား ဆက်ဆံရေးများ ကြီးပွားတိုးတက်လာတာကို မြင်တွေ့ရတာ ကျွန်တော်ဂုဏ်ယူမိပါတယ်။ ကျွန်တော်တို့ တစ်ဦးထံမှတစ်ဦးအပြန်အလှန် သင်ယူစရာတွေ အများကြီးရှိပါတယ်။

လူကြီးမင်းများခင်ဗျား၊ နော်ဝေနိုင်ငံရဲ့ ဖွဲ့စည်းပုံအခြေခံဥပဒေ နှစ် ‘၂၀၀’ ပြည့်တဲ့အထိမ်းအမှတ်ကို ဒီနှစ် နော်ဝေနိုင်ငံမှာ ဂုဏ်ပြုကျင်းပလျက်ရှိပါတယ်။ ကျွန်တော်တို့ရဲ့အခြေခံဥပဒေဟာ ပြောင်းလဲနေတဲ့ သဘောသဘာဝရှိတဲ့ ကျွန်တော်တို့ရဲ့လူ့အဖွဲ့အစည်းကိုအခြေခံပြီး၊ ကျွန်တော်တို့ရဲ့ လူမှုအခွင့်အရေးများကို ထိန်းသိမ်းစောင့်ရှောက်ထားသော၊ အသက်ရှင်သော ပဋ္ဌိန်ဥာဉ်တစ်ခုဖြစ်ပါသည်။ ၎င်းကိုလက်ခံသဘောတူ လိုက်နာကျင့်သုံးခဲ့သည့် ၁၈၁၄ ခုနှစ်မှစ၍ယခုတိုင် အကြိမ်ပေါင်း ၂၀၀ ထက်မနည်း ပြောင်းလဲပြင်ဆင်ပြီး ခဲ့ပါပြီ။

ယခုနှစ် ‘၂၀၀’ ပြည့် နှစ်ပတ်လည်နေ့မှာ ကျွန်တော်တို့ရဲ့ အဓိကအချက်အချာကျတဲ့ တန်ဖိုးများကို ပြန်လည်သတိရ၊ အတည်ပြုနိုင်မယ့် အရေးကြီးသည့်အခွင့်အရေးများဖြစ်ပါတယ်။ ကျွန်တော်တို့ရဲ့ အခြေခံဥပဒေဟာ ပြည်သူများရဲ့အခွင့်အရေးများကို ကာကွယ်စောင့်ရှောက်ပြီး၊ ဒီမိုကရေစီကို တည်တံ့ ခိုင်မြဲစေပါတယ်။ လူ့အဖွဲ့အစည်းဝင်တဦးအနေနဲ့ ရပိုင်ခွင့်များရှိသလို တာဝန်ဝတ္တရားများလည်းရှိကြောင်းကို ကျွန်တော်တို့ကိုသတိပေးနေပါတယ်။

ဥပဒေအရပြဋ္ဌန်းထားသည့် ဖွဲ့စည်းပုံအခြေခံဥပဒေမှာပါရှိမယ့် အချက်အလက်များဟာ ပြည်သူများအတွက် အကောင်းဆုံးအကျိုးသက်ရောက်မှုမရှိခဲ့လျှင်၊ ၄င်းတို့ကို ပြင်သင့်သည်၊ ပြင်လည်းပြင်ရမည်ဟု ကျွန်တော်တို့ရဲ့ အခြေခံဥပဒေတွင် ဆိုထားပါတယ်။ ဤပြင်ဆင်မှုများသည် ဖွဲ့စည်းပုံအခြေခံဥပဒေကို ဆီလျော်မှုရှိအောင်နဲ့ အရည်အသွေးရှိရန် သေချာစေပါတယ်။ ၁၉၁၃ ခုနှစ်မှာ အမျိုသမီးများကို မဲပေးပိုင်ခွင့်ပြုတဲ့ အရေးကြီးတဲ့ ပြင်ဆင်ချက်တရပ်ကို ကျွန်တော်တို့ပြုလုပ်ခဲ့ပါတယ်။

ကျွန်တော်တို့ရဲ့ လူ့အဖွဲ့စည်းဟာ မျိုးဆက်သစ်တစ်ခုမှ တစ်ခုသို့ လျင်မြန်စွာပြောင်းလဲနေပါတယ်။ ဤကဲ့သို့ စဉ်ဆက်မပြတ် ပြောင်းလဲနေတဲ့ဖြစ်စဉ်မှာပင် ကျွန်တော်တို့ရဲ့ နော်ဝေပြည်သူများဟာ အများ လက်ခံ သဘောတူတဲ့ ရည်မှန်းချက်ပန်းတိုင်များပေါ်အခြေခံပြီး စည်းလုံးညီညွတ်မှုရှိကြသည်မှာ နော်ဝေနိုင်ငံကို ကျော်လွန်ပြီး ဆက်နွယ်မှုရှိနေသည်ကို ကျွန်တော်ယုံကြည်ပါတယ်။ လူတိုင်းတန်းတူ အခွင့်ရေးရနိုင်တဲ့၊ အားလုံးပါဝင်နိုင်တဲ့ လူဘောင်အဖွဲ့အစည်းတစ်ခုကို မျှော်မှန်းပြီး ကျွန်တော်တို့
တည်ဆောက်ပါတယ်။ ကျွန်တော်တို့နိုင်ငံဟာ ပွင့်လင်းမြင်သာမှုနဲ့အမျိုးသား၊ အမျိုးသမီး တန်းတူညီမျှမှုရရှိ ရေးကိုတန်ဖိုးထားပါတယ်။ ကျွန်တော်တို့နိုင်ငံဟာ အဓိကကျသည့် နိုင်ငံတကာစံနှုန်းထားများကို ထိန်းသိမ်းပြီး ပိုမို ကောင်းမွန်တိုးတက်ဖွံ့ဖြိုးလာအောင် ဆောင်ရွက်ကြပါတယ်။ ယနေ့နော်ဝေနိုင်ငံရဲ့ ဆန်းသစ်စုံလင် များပြားလှတဲ့ ယဉ်ကျေးမှုများနှင့်လူဘောင်အဖွဲ့အစည်းတစ်ခုကို လက်ခံနိုင်ရန် ကျွန်တော်တို့ကြိုးပမ်းနေပါ တယ်။

၁၉၀၅ ခုနှစ်မှာ ကျွန်တော်တို့၏အိမ်နီးချင်းနိုင်ငံဖြစ်သည့် ဆွီဒင် (Sweden) နိုင်ငံမှပြည့်ဝသည့် လွတ်လပ်ရေးကို ငြိမ်းချမ်းစွာရရှိခဲ့ပါတယ်။ ဒုတိယကမ္ဘာစစ်မှာ ကျွန်တော်တို့နိုင်ငံကို သိမ်းပိုက်ခြင်းကို ခံခဲ့ရပါတယ်။ ကလေးတစ်ယောက်အနေနဲ့ အဆိုပါနှစ်များမှာ ကျွန်တော် ကိုယ့်တိုင်းပြည် ရဲ့ ပြင်ပမှာနေထိုင်ခဲ့ရပါတယ်။ ၁၉၄၅ ခုနှစ်နောက်ပိုင်းမှာ ကျွန်တော်တို့ရဲ့ လူဘောင်အဖွဲ့အစည်းကို ပြန်လည် တည်ဆောက်ရေးမှာ ကြီးမားစွာ အားထုတ်မှုပြုခဲ့ရပါတယ်။ နော်ဝေနိုင်ငံဟာ ဆင်းရဲတဲ့နိုင်ငံတစ်ခုဖြစ်ခဲ့ ပါတယ်။ များပြားလှတဲ့ သဘာဝသံယံဇာတများကို သတိကြီးစွာ နှင့် စီမံခန့်ခွဲနိုင်ခဲ့မှုကြောင့်၊ ကျွန်တော်တို့ နော်ဝေပြည်သူများဟာ အဆင့်အတန်းမြင့်မားပြီး အရည်အသွေးရှိတဲ့ လူမှုဘ၀ကို ခံစားနေရပါပြီ။ ဒါထက်ပိုအရေးကြီးတာက ရင်းနှီးမြုပ်နှံမှုများကို ရေရှည်တည်တန့်ခိုင်မြဲတဲ့ ပညာရေး နှင့် ကျန်းမာရေးနယ်ပယ်မှာ ရင်းနှီးမြုပ်နှံခဲ့ခြင်းအားဖြင့် ကျွန်တော်တို့ရဲ့လူ့အရင်းအမြစ်များကို ဖွံ့ဖြိုးတိုးတက်အောင်လုပ်နိုင်ခဲ့ခြင်း ဖြစ်ပါတယ်။

လူကြီးမင်းများခင်ဗျာ။

အကူးအပြောင်းဖြစ်စဉ်မှပင် အသင်တို့ ရင်ဆိုင်ရမည့်အခက်အခဲများကို ကျွန်တော်တို့ကောင်းစွာ နားလည် သဘောပေါက်ပါတယ်။ ပွင့်လင်းမြင်သာမယ့် စီးပွားရေးစနစ်သို့ ကူးပြောင်းရာမှာ အသင်တို့ ကျော်လွှားရမယ့် အခက်အခဲများရှိပါလိမ့်မယ်။ ဆက်လက်ဖော်ဆောင်နေတဲ့ ငြိမ်းချမ်းရေးဖြစ်စဉ်မှာလည်း စိန်ခေါ်မှုများစွာကို ရင်ဆိုင်ရဦးမယ်။ ရေရှည်တည်တန့်ခိုင်မြဲမည့် ငြိမ်းချမ်းရေးရယူတည်ဆောက်တဲ့ဖြစ်စဉ်မှာ အချိန်ယူရပါမယ်။
ရေရှည်တည်တန့်ခိုင်မြဲတဲ့ ဒီမိုကရေစီနိုင်ငံတည်ဆောက်နိုင်မယ့် မျှော်မှန်းချက်ကို အကောင်အထည်ဖော်
ရာမှာ သင်တို့တိုင်းပြည်၏ ပြည်သူပြည်သားတိုင်းရဲ့ဆုံးဖြတ်ချက်နှင့် ပါဝင်လုပ်ဆောင်မှုလိုအပ်ပါ
တယ်။ ကျွန်တော်တို့ရဲ့အတွေ့အကြုံများကိုအသုံးပြုပြီးသင်တို့ကိုထောက်ပံ့ကူညီနိုင်သည့် နယ်ပယ်များမှာ ထောက်ပံ့ ကူညီနိုင်ရန်ကို ကျွန်တော်တို့ရဲ့တာဝန်တစ်ရပ်အနေဖြင့် မြင်ပါကြောင်းအခိုင်အမာ ပြောကြားလိုပါတယ်။ ကျွန်တော်တို့ တချို့သောနယ်ပယ်မှာ သဘောထားကွဲလွဲမှု ရှိကောင်း၊ ရှိပါလိမ့်မယ် ရိုးသားဖြောင့်မတ်ပြီး စစ်မှန်သည့်မိတ်ဆွေတစ်ဦးအနေနဲ့ ကျွန်တော်တို့ ဆက်လက် ကူညီထောက်ပံ့သွားပါမည်။
မြန်မာနှင့်နော်ဝေနိုင်ငံတို့ အတူတကွပူးပေါင်းလုပ်ဆောင်နိုင်မည့် နည်းလမ်းများစွာရှိပါတယ်။ မြန်မာနိုင်ငံ၏ စီးပွားရေးကို တိုးတက်အောင်ပြုလုပ်ရန် အသုံးဝင်နိုင်မည့် နည်းပညာနှင့်ကျွမ်းကျင်မှုများ နော်ဝေနိုင်ငံမှာ ရှိပါတယ်။ စီးပွားရေးပူးပေါင်းဆောင်ရွက်မှုနှင့် လုပ်ငန်းများ အတူတကွတိုးချဲ့ဆောင်ရွက်ရန်မျှော်လင့်ပါတယ်။ သင်တို့ရဲ့သဘာဝပတ်ဝန်းကျင်ကို ထိန်းသိမ်းကာကွယ်စောင့်ရှောက်ခြင်းဟာ သင်တို့ရဲ့ ဦးစားပေးလုပ်ငန်း များထဲက တစ်ခုဆိုတာကို နားလည်သဘောပေါက်ပါတယ်။

ကျွန်တော်တို့လည်း ဒီလိုခံယူချက်မျိုးရှိပါတယ်။ မြန်မာနိုင်ငံဟာ ကမ္ဘာပေါ်မှာကျန်ရှိနေတဲ့ အလွန်ကြီးမားသော ကွဲပြားခြားနားတဲ့ သစ်ပင်နှင့်သတ္တဝါမျိုးစိပ်များတည်ရှိရာ ဗဟိုအချက်အချာတစ်ခုဖြစ်ပါတယ်။ နော်ဝေနိုင်ငံ၏ အတွေ့အကြုံများမှ ဤကိစ္စနှင့်ပတ်သက်ပြီးတန်ဖိုးရှိတဲ့ အကြံဥာဏ်များနဲ့ ကျွမ်းကျင်မှုများကို မျှဝေပေးရာမှာ အသုံးတည့်လိမ့်မယ်လို့ မျှော်လင့်ပါတယ်။

မြန်မာနိုင်ငံဖွံ့ဖြိုးရေးအတွက် ရေရှည်တည်တန့်ခိုင်မြဲမယ့် စွမ်းအင်ထုတ်လုပ်ရရှိနိုင်ရေးနှင့် ကျေးလက်ဒေသ လျှပ်စစ်ဓါတ်ရရှိနိုင်ရေးတို့ဟာ မရှိမဖြစ်လိုအပ်ချက်များဖြစ်ပါသည်။ ဤနယ်ပယ်များအတွက် နည်းပညာနှင့် ကျွမ်းကျင်မှုအထောက်အကူများ မျှဝေပေးရန် နော်ဝေးနိုင်ငံသည်အဆင်သင့် ဖြစ်နေပါပြီ။

မြန်မာနိုင်ငံရဲ့အနာဂတ်ဟာ ကျွန်တော်နှင့်အသက်အရွယ်တူသူများရဲ့လက်ထဲတွင်မရှိပါဘူး။ မျိုးဆက်သစ် လူငယ်များရဲ့လက်ထဲတွင်သာရှိပါတယ်။ ဤအခြေနေနှင့် ဆက်စပ်ပြီး မြန်မာနိုင်ငံကျောင်းသူကျောင်းသား များအတွက် နော်ဝေနိုင်ငံမှထောက်ပံ့မည့် ပညာသင်ဆု ရံပုံငွေ မတည်ထားကြောင်း ယနေ့ အခမ်းအနားမှာ ကြေငြာအပ်ပါတယ်။ ဤရံပုံငွေကို David Taw ပညာသင်ဆုဟုအမည်ပေးချင်ပါသည်။ သူဟာ ဤ တက္ကသိုလ်မှ ဘွဲ့ရခဲ့သော ထင်ရှားကျော်ကြားသော ကျောင်းသားတဦးဖြစ်ပြီး၊ ငြိမ်းချမ်းရေးရရှိရေးအတွက် ဆုံးဖြတ်ချက်ချပြီး မယိမ်းမယိုင် တသက်လုံး ကြိုးစားအားထုတ်ခဲ့သူတဦးဖြစ်ပါသည်။

David Taw ကဲ့သို့ ငြိမ်းချမ်းရေးကို လိုလားပြီး ငြိမ်းချမ်းရေးအတွက် အစဉ်တစိုက် ကြိုးစား အားထုတ်ရန် ခိုင်မာသောဆုံးဖြတ်ချက်ချထားသည့် မည်သည့် ကျောင်းသူ ကျောင်းသားမဆို ဤ ပညာသင်ဆုကို လျှောက်ထားနိုင်ပါသည်။ ဤပညာသင်ဆုကို အသုံးပြုပြီး သမိုင်းနှင့်လူမှုဆိုင်ရာဘာသာရပ်များကို ဝိဇ္ဇာနှင့် မဟာဝိဇ္ဇာအတန်းများ တက်ရောက်သင်ကြား နိုင်ပါသည်။

အရာခပ်သိမ်းတွင်အောင်မြင်ကြပါစေဟုဆုမွန်ကောင်းတောင်းလိုက်ပါတယ်။ သင်တို့ဟာ တိုင်းပြည် ကိုပြောင်းလဲရန်လုပ်ဆောင်နေရုံမဟုတ်ပါဘူး။ နက်နဲသိမ်မွေ့ပြီး ငြိမ်းချမ်းတဲ့ အပြောင်းအလဲ ဖြစ်နိုင်တယ် ဆိုတာကိုတကမ္ဘာလုံးကိုပြနေခြင်းဖြစ်ပါတယ်။