မြေထဲပင်လယ်ဒေသအစားအစာတွေရရှိနိုင်တဲ့ “Olive Garden” Mediterranean Restaurant

ဓာတ်ပုံများ - တင်ထက်ပိုင်/ ဧရာဝတီ

 တရုတ်၊ ဂျပန်၊ ကိုးရီးယား၊ ထိုင်း၊ မလေးရှား၊ အိန္ဒိယအစရှိတဲ့ အာရှအစားအစာတွေနဲ့ အမေရိကန်၊ ဥရောပ၊ အီတလီစတဲ့ အနောက်တိုင်းကအစားအစာတွေကိုစားချင်ရင်  ရောင်းချတဲ့ဆိုင်တွေ များပြားတာမို့ အလွယ်တကူရှာဖွေပြီးသွားရောက် စားသောက်နိုင်ပေမယ့် တူရကီ၊ စပိန်လိုမျိုး Mediterranean လို့ခေါ်တဲ့ မြေထဲပင်လယ်ဒေသ နိုင်ငံတွေက အစားအစာ ဆိုင်တွေကတော့ ခပ်ရှားရှားပါ။

မြေထဲပင်လယ်ဒေသ အစားအစာတွေက အများအားဖြင့် အသီးအရွက်၊ ဟင်းရွက်ဆီ၊ သံလွင်ဆီအစရှိတာတွေ ပါဝင်တာကြောင့် စားသုံးသူတွေအတွက် ကျန်းမာရေးအထူးကောင်းမွန်စေပြီး နှလုံးသွေးကြောကျဉ်းစတဲ့ ရောဂါ ဖြစ်ပွားမှုနှုန်းကိုလည်း လျော့ကျစေပါတယ်။

နိုင်ငံတကာက အစားအစာအမျိုးမျိုးရဲ့ အရသာအသစ်အဆန်းတွေကို မြည်းစမ်းလိုသူတွေနဲ့ မြေထဲပင်လယ် ဒေသဘက်ကလာတဲ့ နိုင်ငံခြားသားတွေကတော့ အထူးသဖြင့် တူရကီအစားအစာတွေနဲ့ အခြားမြေထဲပင်လယ်ဒေသ အစားအစာတွေကို ရှာဖွေ စားသောက်လိုကြပါတယ်။

ဒီတပတ်မှာတော့ The Irrawaddy ရဲ့ အစားအသောက်ကဏ္ဍကနေ မိတ်ဆက်ပေးချင်တာက မြေထဲပင်လယ် ဒေသအစားအစာတွေနဲ့ အနောက်တိုင်းအစားအစာအချို့ကိုပါ ရရှိနိုင်မယ့် ရန်ကုန်မြို့က “Olive Garden” Mediterranean Restaurant နဲ့ မိတ်ဆက်ပေးချင်ပါတယ်။
ဆိုင်ကဗိုလ်အောင်ကျော်လမ်းမှာရှိတာကြောင့် မြို့ထဲမှာအလုပ်လုပ်သူတွေနဲ့ ရန်ကုန်မြို့ကိုခြေဆန့် သွားလာနေတဲ့ နိုင်ငံခြားသားခရီးသွားဧည့်သည် Tourist တွေ အလွယ်တကူသွားရောက် စားသောက်နိုင်ပါတယ်။

ရနိုင်တဲ့ အစားအသောက် Menu ကိုဆိုင်အပြင်မှာ ထားရှိပေးတာကြောင့် ဆိုင်ထဲမဝင်ခင် ဆိုင်မှာရရှိနိုင်မယ့် အစားအစာတွေကို ကြိုတင် ဖတ်ရှုနိုင်ပြီးတနေ့တခါ ဆိုသလိုဆိုင်ရဲ့ Special Menu ကလည်းအပြောင်းအလဲရှိတာမို့ ကိုယ်ကြိုက်နှစ်သက်တဲ့ အစားအစာရရှိနိုင်မယ့်နေ့ကိုရွေးချယ်ပြီးသွားရောက် စားသုံးနိုင်ပါတယ်။
ဆိုင်ကအပြင်ဘက်ကကြည့်ရင်တော့ အနည်းငယ်ကျဉ်းတယ်လို့ ထင်ရပေမယ့် ဆိုင်ထဲကိုရောက်ရှိသွားချိန်မှာ အတော်အတန်ကျယ်ပြီး ဧည့်သည်အရေအတွက်များများ ကျယ်ကျယ်ဝန်းဝန်းနဲ့ အေးအေးဆေးဆေးလာရောက် စားသောက်နိုင်တဲ့ အနေအထားမျိုးကိုတွေ့ရပါတယ်။

ဆိုင်မှာအပေါ်ထပ်၊ အောက်ထပ် ဆိုပြီး နှစ်ထပ်ရှိပြီး စားရင်းသောက်ရင်း အေးအေးလူလူ စကားပြောချင်သူတွေ အပေါ်ထပ်ကိုရွေးချယ်နိုင်ပြီး ဆိုင်အတွင်းက Non- Smoking Area ဖြစ်တာကြောင့် ဆေးလိပ်သောက်သူတွေကတော့ ဆိုင်အပြင်မှာထိုင်ပြီး စားသောက်နိုင်ပါတယ်။
ဆိုင်မှာအလှဆင်ထားတဲ့ ကြွေထည်ပစ္စည်းတချို့နဲ့ ကြွေပန်းကန်၊ ကြွေအိုးအစရှိတာတွေက တူရကီစတဲ့ မြေထဲပင်လယ်ဒေသနိုင်ငံတွေကနေဝယ်ယူထားတဲ့ ဒေသထွက် ရိုးရာပစ္စည်းတွေနဲ့ အလှဆင်ထားတာကိုတွေ့ရပါတယ်။

ဆိုင်အတွင်းဘက်မှာတော့ အခြား အနောက်တိုင်းအစားအစာဆိုင်တွေလိုပဲ မီးရောင်မှိန်မှိန်နဲ့ ဖွင့်ထားတဲ့ တီးလုံးသံက ငြိမ့်ငြိမ့်ညောင်းညောင်းလေး ဖြစ်နေတာကြောင့် အစားအစားတွေကိုမှာယူပြီး အေးအေးငြိမ့်ငြိမ့် စားသုံးပါတယ်။

ဆိုင်မှာမနက်စာ၊ နေ့လယ်စာ၊ ညစာရရှိနိုင်ပြီးဆိုင်ရဲ့ Menu လာချတဲ့အခါမှာ ပထမဦးဆုံးအအေးစာ Cold Starter အဖြစ် Humus (၃၅၀၀ ကျပ်)၊ Salad အဖြစ် Gavurdagi Salad (၃၅၀၀ ကျပ်)၊ Soup အနေနဲ့ MercimekGorba Lentil Soup (၄၀၀၀ ကျပ်)၊ Main Dish အဖြစ် Kazu Sis (တသောင်းကျပ်) နဲ့ Turkish Bread (Oven meat pita- pide) ၅၀၀၀ ကျပ်တို့ကိုမှာယူလိုက်ပါတယ်။

ဆိုင်နာမည် “Olive Garden” ကတော့ မြေထဲပင်လယ်ဒေသကထွက်ရှိတဲ့ Olive (သံလွင်ပင်) ကို ကိုယ်စားပြု ထားတာဖြစ်လို့ သိရပါတယ်။ သံလွင်ပင်ကို လူသားတွေအတွက် အကျိုးပြုတဲ့ အပင်လို့  မြေထဲပင်လယ်ဒေသမှာ နေထိုင်သူတွေက လက်ခံထားပြီး သံလွင်ဆီကို ကျန်းမာရေးအတွက် ကောင်းမွန်တဲ့ ဆီလို့ ကမ္ဘာတဝှမ်းက လက်ခံထားပါတယ်။ ဆိုင်မှာရောင်းချတဲ့ အစားအစာအများစုကို သံလွင်ဆီနဲ့ ချက်ပြုတ်ထားတယ်လို့ သိရပါတယ်။

အစားအသောက်အရသာတွေကို မြည်းစားကြည့်တဲ့အခါ Humus က Chickpea လို့ခေါ်တဲ့ ဆင်ခေါင်းပဲကို ကြိတ်ပြီး အပေါ်က Lemon juice ဆမ်းထားကာအဲဒီပဲအနှစ်ကိုပေါင်မုန့်နဲ့ တို့စားရတာပါ။ ပေါင်မုန့်က မီးကင်ထားတာကြောင့် အနည်းငယ်ကြွပ်ရွနေပြီး စားရတာနံပြားကိုပဲပြုတ်နဲ့ တို့စားရသလိုပုံစံမျိုး ဖြစ်ပြီး ဒီအစားအစာကိုတော့ နိုင်ငံခြားသား အများစုက မနက်စာအဖြစ် စားသုံးလေ့ရှိကာအရမ်း ကြိုက်ကြတယ်လို့ သိရပါတယ်။

Gavurdagi Salad ကတော့ ခရမ်းချဉ်သီး၊ သခွားသီး၊ သစ်ကြားသီး၊ ကြက်သွန်နီစတာတွေကိုရောနယ်ပြီး သုပ်ထားတာ ဖြစ်ပြီး ထူးခြားတာက သလဲသီး Sauce နဲ့ သုပ်ထားတာကြောင့် အရသာကချဉ်ချဉ်စုပ်စုပ် အရသာမျိုး ခံစားရပါတယ်။ Lentil Soup ကိုသောက်ကြည့်ချိန်မှာ Red Lentil လို့ ခေါ်တဲ့ ပဲနီလေးကိုကြိတ်ပြီး Lemon juice နဲ့ အထူးပြုလုပ်ထားတဲ့ Soup ဖြစ်တာကြောင့် အရသာကတမျိုးထူးကဲနေပါတယ်။ Soup ဟာတူရကီလူမျိုးတွေရဲ့ ထမင်းဝိုင်းမှာမပါမဖြစ်ပါတဲ့။
Main Dish ဖြစ်တဲ့ Kazu Sis (Lamb Sis) ကို မြည်းစမ်းကြည့်တဲ့အခါ Grilled လုပ်ထားတဲ့ Breast Lamb ကို ကြက်သွန်ဖြူ၊ ကြက်သွန်နီ၊ ခရမ်းချဉ်သီးတို့နဲ့ အတူ yogurt source လို့ခေါ်တဲ့ ဒိန်ချဉ်ဆော့စ် ပါဝင်ပြီးထမင်းနဲ့ တွဲ စားရတာဖြစ်လို့ အရသာက ပြောမပြတတ်အောင် ထူးဆန်းနေပြီး မြန်မာပါးစပ်နဲ့တော့ စားနေကြ တခြားဟင်းလျာတွေနဲ့ အရသာမတူဘဲ စိမ်းနေမှာတော့အမှန်ပါ။

Turkish Bread (Oven meat pita- pide) ကတော့ တူရကီပေါင်မုန့်ကြားမှာအမဲသားကိုကြိတ်၊ Tomato paste ခရမ်းချဉ်သီး အနှစ်ထည့်ထားတာမျိုးဖြစ်ပြီး အရသာက ပီဇာစားရသလိုမျိုးမို့စားပြီး သွားတဲ့အခါ ပါးစပ်ထဲမှာ ချဉ်ချဉ်စုပ်စုပ်လေးနဲ့ စူးပြီးကျန်နေတာကြောင့် မြန်မာပါးစပ်နဲ့ ခံတွင်းတွေ့လှမယ့် အစားအစာ မဟုတ်ပေမယ့် နိုင်ငံခြားသားတွေ၊ ပီဇာချစ်သူတွေတော့ ကြိုက်နိုင်မယ့် အရသာမျိုးပါ။

ထပ်မံပြီးတော့ ဆိုင်ကနေ Today Special Menu ဖြစ်တဲ့ Grilled Salmon ကိုစားကြည့်တဲ့အခါ Salmon ငါးကိုပူပူနွေးနွေးလေး Grilled လုပ်ပြီးကင်ထားတာကြောင့် ခါတိုင်းစားနေကျ ညှီစို့စို့ ဆယ်လ်မွန်ငါးအစိမ်းနဲ့ အရသာ လုံးဝကွဲပြားတာကို ခံစားမိပါတယ်။ Grilled Salmon မှာဆိုရင် Broccoli၊ ကညွှတ်၊ မှို၊ မုန်လာဥနီအစရှိတဲ့ Grilled Vegetables တွေနဲ့အတူ ထမင်းလည်းပါဝင်တာကြောင့် Main Dish အနေနဲ့ ဝဝလင်လင် အာဟာရရှိစွာ စားသုံးနိုင်ပါတယ်။

စားတဲ့ကဏ္ဍ ပြီးသွားတဲ့အခါမှာလည်း တူရကီကော်ဖီအရသာကိုမြည်းစမ်းကြည့်ခဲ့ပါသေးတယ်။ တူရကီကော်ဖီက တူရကီကော်ဖီမှုန့်ကိုရေအေးထည့်၊ မီးမြိုက်ပြီးရေနှစ်ခါပွက်တဲ့အထိ နှစ်ခွက်စာ ထည့်မွှေပြီး ကျိုထားတာမျိုးပါ။ ကော်ဖီဖျော်စပ်ထားတာက စိတ်ဝင်စားစရာကောင်းအောင် ဆန်းကြယ်ပြီးအရသာကလည်း အခြားသော အီတလီကော်ဖီတွေနဲ့ မတူဘဲအချို၊ အခါးမပြင်းဘဲ သောက်ရတာတမျိုး ထူးခြားပါတယ်။

ဆိုင်မှာရှိတဲ့ စားဖိုမှူးတွေကို ကမ္ဘာကျော်မင်းသမီး၊ တေးရေး၊ အဆိုတော်၊ အကပညာရှင် Jennifer Lopez တူရကီနိုင်ငံကို အလည်သွားရောက်စဉ်က Part Time Chef အနေနဲ့ ခေါ်ယူခဲ့တဲ့ တူရကီလူမျိုးစားဖိုမှုး Mr.Aydin ကိုယ်တိုင် တလ တိတိ လာရောက် Training ပေးသွားခဲ့တာလို့ ဆိုင်မန်နေဂျာ ကိုစောကလိုဆဲ က ပြောပါတယ်။

“Olive Garden” Mediterranean စားသောက်ဆိုင်ကိုဖွင့်လှစ်ခဲ့တာ ၃ ပတ်ကျော်ပဲ ရှိသေးတာ ဖြစ်ပြီး လက်ရှိမှာ ဆိုင်ခွဲ ဖွင့်လှစ်ထားတာမရှိသေးပါဘူးတဲ့။ ဒါကြောင့် မြေထဲပင်လယ်ဒေသအစားအစာတွေကို လေယာဉ်လက်မှတ်ဖိုး အကုန်ခံစရာမလိုဘဲသွားရောက် မြည်းစမ်းကြည့်လိုတယ်ဆိုရင်တော့ ဆိုင်လိပ်စာအမှတ် (၁၇၀/၁၇၆)၊ ဗိုလ်အောင်ကျော်လမ်း (အောက်ဘလောက်)၊ နယူးဧရာဟိုတယ်ဘေး၊ ဗိုလ်တထောင်မြို့နယ်၊ ရန်ကုန်မြို့ မှာသွားရောက် သုံးဆောင်နိုင်ကြကြောင်း လက်တို့လိုက်ရပါတယ်။


သီဟတိုး
 

"အပတ်စဉ်ထုတ် ဧရာဝတီဂျာနယ် အတွဲ ၂ အမှတ်စဉ် ၆ မှ ကူးယူဖော်ပြသည်"