အသည်းကြားကမဲတပြားက ဘယ်လောက်အထိအရေးကြီးသလဲဆိုတာ အနုပညာရှင်တွေက ဒီလိုပြောကြတယ်

ဓာတ်ပုံ - ဂျေပိုင်/ The Irrawaddy

မဝေးတော့တဲ့ ကာလလောက်မှာ ကျင်းပပြုလုပ်တော့မယ့် ၂၀၁၅ ရွေးကောက်ပွဲကြီးကလည်း တဖြည်းဖြည်း နီးလို့လာပြီပေ့ါလေ။ ဒီတော့ အသည်းကြားက မဲတပြားပေးရဖို့အရေး တချို့သော ပြည်သူတွေကလည်း ကိုယ့်နာမည် ကိုယ့်မိသားစု မဲစာရင်းထဲမှာ ပါမပါ တက်တက်ကြွကြွနဲ့ သွားကြည့်ကြ ပြင်ဆင်ကြနဲ့ ပြုလုပ် နေ

ကြသလို တချို့တချို့တွေကျတော့လည်း ကိုယ်နဲ့ မဆိုင်သလိုပဲ အေးရာအေးကြောင်း နေနေ သေးတဲ့ သူတွေလည်းရှိနေပါသေးတယ်။

ပိုဆိုးတာက အနုပညာရှင်တွေအနေနဲ့ ကိုယ့်နာမည် မဲစာရင်း မပါလာတာတို့ မှားနေတာတို့တွေဖြစ်ပြီ ဆိုရင် ကိုယ်ပိုင်ဖေ့ဘုတ်စာမျက်နှာတွေကတဆင့် အော်ကြပြောကြလေတော့ မဲစာရင်းကိစ္စက အရင်ကထက် စာရင် နည်းနည်းပွဲဆူလာတယ်လို့ ပြောရမလိုပင်။ မဲရုံမှာ မဲသွားပေးဖို့ အနုပညာရှင်တွေကို လှုံဆော်မှုတခုအနေနဲ့ လက်ရှိအစိုးရတရပ်က အားကိုးတကြီး လှုံဆော်ခိုင်းဖို့နေနေသာသာ လှုံဆော်ပေးရမယ့် အနုပညာရှင်တွေကိုယ် တိုင် မဲစာရင်းမှာ ပါမလာဘူး မှားနေသေးတယ်ဆိုတာမျိုးကျတော့ ဘာဆက်ပြောရမယ်မှန်းမသိအောင် ဖြစ်နေပါပြီ။ 

နာမည်ကျော် တေးသံရှင် ဖြူဖြူကျော်သိန်းက သူ့မိသားတစုလုံး မဲစာရင်းမှာ ပါမလာတဲ့အကြောင်း သူ့ကိုယ်ပိုင် ဖေ့ဘုတ်စာမျက်နှာကတဆင့် သူ့ပရိတ်သတ်ကို အခုလို အသိပေးလိုက်တာပါပဲ။

“ချစ်ပရိသတ်ကြီးရေ...ဖြူဖြူ့နာမည်လည်းမဲစာရင်းမှာမပါဘူးရှင်!

ဒီနေ့မူရင်းအိမ်ထောင်စုစာရင်းရှိတဲ့စမ်းချောင်း(တောင်)ရပ်ကွက်ရုံးမှာသွားကြည့်တာဖြူဖြူရော၊ဖေဖေနဲ့မာမီရောနာမည်မပါကြဘူး။

ဧည့်စာရင်းနဲ့နေတဲ့ကြည့်မြင်တိုင်မြို့နယ်မှာလည်းသွားစစ်ကြည့်ရပါအုံးမယ်...နှစ်ခုလုံးမှာမပါခဲ့ရင်တော့ပုံစံ(၃)နြဲ့ ပန်သွင်းရမှာပါ...မဲစာရင်းစစ်ဆေးပြင်ဆင်ခွင့်ကလည်းဇူလိုင်(၅)ရက်နေ့ထိပဲဆိုတော့(၁၀)ရက်ပဲကျန်ပါတော့တယ်...

ဖြူဖြူတို့တစ်ယောက်ဆီရဲ့အသည်းကြားကမဲတစ်ပြားဟာရှေ့ရေးအတွက်သိပ်အရေးကြီးတာမို့မဲစာရင်းစစ်ဖို့ချစ်ပရိသတ်ကြီးကိုလက်တို့လိုက်ပါရစေနော်!”

နောက် အဆိုတော် တူးတူးကလည်း သူ့ဖေ့ဘုတ်စာမျက်နှာထက်မှာ မဲစာရင်း သွားကြည့်တာနဲ့ ပတ်သက်လို့ ဓာတ်ပုံနဲ့တကွ အခုလို ပြောထားတာက..

“ထူးဆန်းပါပေ့ ကတွတ်ပီရယ် ဒီည ဓါတ်ဆီထည့်ရင်းရပ်ကွက်ရုံးမှာမဲစာရင်းတွေသွားကြည့်တာ ကိုယ့်မိသားစု စာရင်းကတော့ မှန်ပါရဲ့၊ဆက်ကြည့်လိုက်တာ အံ့ရောဗျာ အံ့ရော ကိုယ့်အကို (ဗစ်တာခင်ညို)ရဲ့မိသားစု ၄ယောက်က မွေးတဲ့နှစ်သာကွာတယ် တစ်လထဲ တစ်ရက်ထဲမွေးကြတာကိုး။ လူသိများတဲ့သူတွေကိုတောင် ဒီလိုလုပ်ရင် နယ်တွေကျေးရွာတွေကဖက်က မပြောရဲမဆိုရဲတဲ့သူတွေ မသိနားမလည်တဲ့သူတွေရဲ့ စာရင်းတွေဆို ဘယ်လောက်များလိမ်နေကြမယ်ဆိုတာ စဉ်းစားသာကြည့်ကြတော့ဗျို့”

ကဲ အသည်းကြားက မဲတပြားဟာ ဘယ်လောက်အထိ အရေးကြီးပါသလဲ။ နိုင်ငံတနိုင်ငံရဲ့ ရွေးကောက်ပွဲဟာ ဘယ်လောက်အထိ အရေးကြီးပါသလဲ။ ဒီ့အပေါ် အနုပညာရှင်တွေက သူတို့ရဲ့အမြင်တွေ၊ ဘယ်လို ရှိသလဲဆိုတာ့ ဧရာဝတီကို ပြောပြထားသမျှတွေကို ဖော်ပြပေးလိုက်ချင်ပါတယ်။

တေးရေး ရွှေဂျော်ဂျော်

နိုင်ငံတကာမှာတော့ ဒီမိုကရေစီစနစ် မဲစနစ်ဆိုတာ ကိုယ့်ဆန္ဒနဲ့ နီးနီးစပ်စပ် ဖန်တီးလို့ရတဲ့ လူ့အဖွဲ့အစည်းပေါ့ဗျာ။ ဒါနိုင်ငံတကာရဲ့ နိုင်ငံရေးစနစ်ပေါ့။ တချို့တွေ စိတ်မ၀င်စားကြဘူး ဆိုတာကျတော့လည်း ကိုယ်ဖန်တီးသလိုမျိုး ဖြစ်ဖို့ တော်တော်လေး ခက်တာမျိုး ပေ့ါနော်။ နဂိုထက်စာရင်တော့ နည်းနည်းနီးစပ်တာတော့ရှိလာပြီပေ့ါ။ ဒါပေမယ့်လည်း ကြန့်ကြာစရာရှိတာတွေ ကြန့်ကြာနေတယ်။ နောက်ပြန် သွားနေတာတွေက နောက်ပြန်သွားနေတယ်။ မတရားလုပ်တာတွေ မတရားလုပ်နေသလိုဖြစ်နေတဲ့အခါ ကျတော့ တချို့ကလည်း မျှော်လင့်ချင်စိတ် နည်းနည်းကုန်ဆုံးလာတာလည်းဖြစ်မှာပေ့ါလေ။ တချို့ကျတော့ လက်ရှိပါတီတွေကို အားမရတဲ့သူတွေလည်းရှိတာပေါ့နော်။ အားမရတဲ့အခါကျတော့ ဒီအတိုင်းဆိုရင်တော့ ထူးမယ်မထင်ပါဘူးဆိုပြီး ဒီလိုစဉ်းစားတဲ့သူလည်းစဉ်းစားမှာပေ့ါ။ ဒီအချိန်မှာအားလေးထည့်ပြီးတော့ လုပ်ရမယ် လို့ ယူဆတဲ့သူလည်း ယူဆမှာပေ့ါနော်။ သူများနိုင်ငံထက်စာရင် ကျနော်တို့နိုင်ငံရေး ပုံသဏ္ဍန်က ပိုပြီးတော့ သိမ်မွေ့ရှုပ်ထွေးတယ်လို့ထင်ပါတယ်။ ပြတ်ပြတ်သားသားတခုခုလုပ်ဖို့ ပြည်သူဘက်က ရွေးချယ်ဖို့က ထင်းနေ အောင် မြင်ရတယ်ဆိုရင်လည်း ဒါဟာ အမှန်တရားတခုပါပဲ။ သံသယတွေနဲ့ စိတ်ညစ်နေရတယ်ဆိုရင်လည်း ဒါဟာ အမှန်တရားတခုလို့ ကျနော်တော့မြင်တာပဲ။ စိတ်ညစ်နေတာ ဘယ်နှစ်ရာခိုင်နှုန်း၊ တက်ကြွနေတာ ဘယ်နှစ်ရာခိုင်နှုန်း ဆိုတာတော့ ကျနော်လည်းမပြောတတ်ဘူး။ 

နိုင်ငံတကာက လူထုလိုပဲ ကျနော်ကတော့ ဖြစ်စေချင်တာပါ။ ကိုယ့်ရဲ့ ရပိုင်ခွင့် လုပ်ပိုင်ခွင့်ကိုတော့ အထိမခံ တာမျိုး အညစ်မခံတာမျိုး လက်သင့်မခံတာမျိုးပေါ့ဗျာ အဲ့သလိုမျိုး နိုးနိုးကြားကြားရှိရင်တော့ အကောင်းဆုံးပေ့ါ ဗျာ။ အရင်ဆုံးက ဖြစ်ချင်စိတ်လေးပေ့ါဗျာ။ တကယ်ပြောင်းလဲသွားချင်စိတ်လေး ရှိဖို့တော့ လိုလိမ့်မယ်ဗျ။ အားလုံးရဲ့ တက်ကြွမှုကတော့ အမှားအမှန်ဆုံးဖြတ်ဖို့အတွက် အတော်လေးအရေးကြီးပါတယ်။ ဥပမာ- မြင်ရတာဆိုရင် ဟုတ်ဟုတ်မဟုတ်ဟုတ် တချို့ပရောဂျက်တွေကို စိတ်ဝင်တစားကန့်ကွက်တာမျိုးရှိရင် ခဏပဲ ဖြစ်ဖြစ်ပေါ့ဗျာ၊ ရပ်သွားတာမျိုးတော့ ရှိတာပေ့ါဗျာ။ အားလုံးက မဟုတ်ရင်မခံဘူး။ ကိုယ်ကိုယ်တိုင်လည်း မဟုတ်တာမလုပ်ဘူး။ သူများလုပ်ရင်လည်း မခံဘူးဆိုတဲ့ စိတ်ဓာတ်တွေ ပိုများလာမယ်ဆိုရင် အဲ့ဒီလမ်းကြောင်းပေါ်ရောက်သွားမယ်လို့ ထင်ပါတယ်။ 

ကျနော်ကတော့ မအားတဲ့အတွက် ကျနော်အိမ်က နိုးနိုးကြားကြားလုပ်တာမျိုးရှိပါလိမ့်မယ်။ မဲပွဲတိုင်းကလည်း တော်တော်များများက တက်ကြွစရာတော့မရှိခဲ့ဘူး။ တက်ကြွစရာရှိလာတာက သိပ်မကြာသေးဘူး။ 

ကျနော်ကတော့ ပါတီဆိုတာထက် အမှန်တရား ဘယ်သူ့ဆီမှာရှိလည်းဆိုတာ ထင်သာမြင်သာပါတယ်လို့။ 

ဒါရိုက်တာ ကြည်ဖြူသျှင်

ကျမက အခုလက်ရှိလည်း NLD ပါတီမှာ ဗဟိုကော်မတီဝင်တယောက်အနေနဲ့ ပါနေတာကိုး။ ဒါပေမယ့် ကျမ ပြောမယ့်စကားကတော့ ပါတီဝင်တယောက်အနေနဲ့ပြောမှာမဟုတ်ဘူး။ ပြည်သူတယောက်အနေနဲ့ အနုပညာ သမားတယောက်အနေနဲ့ပြောမှာပါ။ ဒီ ၂၀၁၅ ရွေးကောက်ပွဲဖြစ်ဖို့ကို ၈၈ ဆိုတဲ့ ကာလကတည်းကိုက ကျောင်းသားလူငယ်တွေ နိုင်ငံအရေးကို တကယ်စိတ်ဝင်စားတဲ့သူတွေဟာ သူတို့ရဲ့ ဘ၀တွေ အသက်တွေအများကြီး ပေးဆပ်ပြီးတော့မှ နှစ်ပေါင်းများစွာ ဒီအချိန်ထိရောက်အောင် စောင့်လာခဲ့ရတာ။ ထောင်ထဲမှာ ဘ၀ပျက်သွားခဲ့တဲ့သူတွေ ပေးဆပ်ခဲ့ရတဲ့သူတွေလည်းအများကြီးပဲ။ အရမ်းရင်းနှီးခဲ့ရတယ်။ ပေးဆပ်ခဲ့ရတယ်။ ကြားမှာ မဲထည့်ခဲ့ရတယ်ဆိုလို့ ကြားဖြတ်ရွေးကောက်ပွဲတကြိမ်တည်းပဲ သေချာထည့် ခဲ့ရတယ်။ ပြည်သူတွေ စိတ်တိုင်းကျပေါ့နော်။ ဒါဟာလည်း မြို့နယ်အားလုံးမပါဘူး။ တနိုင်ငံလုံးနဲ့ ယှဉ်မယ် ဆိုရင် မြို့နယ် နည်းနည်းလေးပဲ ပါခဲ့ရတယ်။ ဒီ ၂၀၁၅ ရွေးကောက်ပွဲကသာ တကယ် တနိုင်ငံလုံး အတိုင်း အတာနဲ့ ပြည်သူတွေ မျှော်လင့်တဲ့ ၈၈ ကာလ တိုင်းပြည်ပျက်ခဲ့တဲ့ ကာလရဲ့ အောင်မြင်မှုပန်းတိုင်ကြီးက ဒီ ၂၀၁၅ ရွေးကောက်ပွဲပဲ။ ၁၉၉၀ တုန်းက တနိုင်ငံလုံး ရွေးကောက်ပွဲကြီး ကျင်းပခဲ့တယ်။ မဲတွေ ထည့်ကြတယ်။ ဒါပေမယ့် ရွေးကောက်ပွဲ ရလဒ်ရဲ့ အဖြေတွေကို အဲ့ဒီအချိန်ကာလက အုပ်ချုပ်ခဲ့သူတွေက မပေးခဲ့ဘူး။ အောင်မြင်မှုရတယ်ဆိုပေမယ့်လည်း ဒီအောင်မြင်မှုရဲ့ အသီးအပွင့်ကို မခံစားခဲ့ရဘူး။ ကာလဆိုးကြီးတခုကို ပြန်ပြီး ဖြတ်သန်းခဲ့ရတယ်။ အခု ၂၀၁၅ ရွေးကောက်ပွဲကြီးက ဘာပဲပြောပြော နိုင်ငံတကာ စောင့်ကြည့် လေ့လာသူတွေ၊ ပြည်တွင်းမှာလည်း စောင့်ကြည့်လေ့လာသူတွေရှိလာပြီးတော့ တကယ်ကို ကျင်းပခွင့် ရခဲ့တယ်။ ဒီအချိန်မှာ နောက်တဆင့်ဘာတခုရှိလည်းဆိုတော့ ကိုယ့်မဲစာရင်းမှာ ကိုယ့်နာမည်ပါမပါ စောင့်ကြည့်ရတဲ့ အလုပ်တခုပိုလာတယ်ပေ့ါ။ ပြည်သူအများစုက ဘာထင်နေသလဲဆိုရင် ငါတို့ အဲ့ဒီနေ့ မဲသွားပေးရင်ရတာပဲ။ အဲ့ဒီနေ့ကျမှ ငါတို့နာမည်မပါလည်း ငါတို့ ပြောလို့ရတယ်လို့ ထင်နေတယ်။ တကယ်တမ်းကျတော့ မဟုတ်ဘူး။ ဒီနှစ်ရဲ့ပေါ်လစီအရ ကြိုတင်ပြီးတော့ မဲစာရင်းမှာ ကိုယ့်နာမည်ပါမပါ သွား ကြည့်ရတယ်။ ပြီးတော့မှ မပါဘူးဆိုရင်လည်း သူတို့ဖြည့်ရတဲ့ ဖောင်တွေ ပုံစံတွေရှိတယ်။ သေချာဖြည့်ရတယ်။ လူတွေဟာ စားဝတ်နေရေးအရ အလုပ်အရမ်းများတဲ့အခါမှာ မဲစာရင်းသွားကြည့်ဖို့ အချိန်မပေးနိုင်ကြဘူး။ ကိုယ့်တိုင်းပြည်ရဲ့ ပြောင်းလဲမှုတခု ကောင်းသွားဖို့အတွက်ကို ဒီတရက်ကလေးကို ဘာလို့ အချိန်မပေး နိုင်ရတာလဲ။ ဒီတိုင်းပြည်ကောင်းဖို့အတွက် ဘ၀တွေ အသက်တွေ အများကြီးပေးဆပ်ခဲ့တဲ့သူတွေထက်စာရင် ကိုယ်တရက်လောက်လေးပဲ အချိန်ယူရတာ ဘာမှ မဟုတ်ပါဘူး။ တိုင်းပြည်ကောင်းရင် ကိုယ်လည်းကောင်းမှာ ပဲ။ ကိုယ်တွေ စားဝတ်နေရေးကျပ်တည်းနေတယ်ဆိုတာ တိုင်းပြည်စီးပွားရေး ပေါ်လစီ အခြေအနေတွေကြောင့် ပျက်ဆီးနေတာ။ တကယ်တမ်းကျတော့ ကိုယ်ကောင်းဖို့အတွက် ဒီတရက်တည်းပေးဆပ်ရတာပဲ။ ဒီတော့ ကိုယ်ကောင်းဖို့အတွက် မဲစာရင်းကို သွားကြည့်သင့်တယ်။ မဲစာရင်းမှာ ကိုယ့်နာမည်မပါဘူးဆိုရင်လည်း သူတို့ ဖြည့်ခိုင်းတဲ့ ဖောင်စာရွက်တွေ ဘယ်လောက်များများဖြည့်လိုက်ပါ။ ကျမပြောချင်တာ ဒါနိုင်ငံရေးပဲ။ နောက်ဆုံး ကိုယ့်အရေးပဲ။ ဘယ်အစိုးရတက်တက် ဘယ်သူတက်တက် ငါတို့နဲ့ မဆိုင်ဘူးဆိုတဲ့ စကားကိုပြောကြပါနဲ့။ ကိုယ်ကြိုက်တဲ့သူကို မဲပေးဖို့အတွက် ကိုယ်ရွေးချယ်တဲ့သူကို မဲပေးဖို့အတွက် ဒီမဲစာရင်းလေးတော့ ကြည့်ကြပါ။ တအိမ်လုံးမအားဘူးဆိုရင်တောင် တယောက်လောက်တော့ သွားကြည့်လို့ရပါတယ်။ ကျမတို့အိမ်မှာဆိုရင် လည်း မိသားစုအကုန်အလုပ်များတာပဲ။ အဲ့ဒီအခါမှာ အမေကနေပြီး တအိမ်လုံးအတွက်ကို သန်းခေါင်စာရင်း ယူသွားပြီးတော့ သွားကြည့်တယ်။ ပြီးတော့ လိုတာကို ဖြည့်မယ်ပေ့ါနော်။ ဒါပေမယ့်မလိုပါဘူး။ ကျမတို့အိမ်က တမိသားစုလုံးမှန်ပါတယ်။ ဒါကြောင့် အားလုံကြည့်ကြပါ။ ကိုယ့်တိုင်းပြည်အတွက် ၂ ရက်လောက်တော့ ပေးဆပ်သင့်ပါတယ်။ ဒါမှလည်း တာဝန်ကျေတဲ့ နိုင်ငံသားကောင်းတယောက် ဖြစ်မယ်လို့လည်း ထင်ပါတယ်။ မဟုတ်ရင် ငါ့နိုင်ငံအတွက် ဒီ ၂ ရက်ကလေးတောင်မှ မပေးဆပ်လိုက်ရပါလားဆိုတာ နောင်တရစရာ ဖြစ်နေပါလိမ့်မယ်။ 

ကျမကတော့ NLD ပါတီဝင်တယောက်ဖြစ်တယ်။ ဒီပါတီထဲ ပါဝင်ရတယ်ဆိုတာကလည်း အမေစုကိုချစ်တဲ့ စိတ်၊အမေစုကို ဘယ်လောက်ကိုယ်ကူညီပေးနိုင်မလဲဆိုတဲ့ စိတ်တခုတည်းနဲ့ ပါတီထဲဝင်ခဲ့တာ။ အဓိကကတော့ ကျမတို့ တိုင်းပြည်ရဲ့ ကောင်းမွန်တဲ့ အပြောင်းအလဲ တခုကို အမေ ဒေါ်အောင်ဆန်းစုကြည်က ပြောင်းလဲပေးနိုင်မယ်လို့လည်း ယုံကြည်တယ်။ ပါတီဝင်တယောက် အနေနဲ့ကတော့ ကျမယုံကြည်တဲ့ ဒီ NLD ပါတီကိုပဲ မဲပေးမှာပါ။ 

Miss International Queen Myanmar 2014 မျိုးကိုကိုစန်း(ခေါ်) ချစ်လမင်းငယ်

ကျမတို့ နိုင်ငံရွေးကောက်ပွဲဆိုတာကလည်း နိုင်ငံ တိုးတက်ပြောင်းလဲရေးအတွက် နိုင်ငံကို ဦးဆောင်နိုင်မယ့် သူကို ပြည်သူတွေအားလုံးက ရွေးချယ်တဲ့ပွဲပေ့ါ။ နိုင်ငံသားအားလုံးနဲ့ မဖြစ်မနေ လုံးဝသက်ဆိုင်ပါတယ်။ ကျမတို့ အကုန်လုံးသည် ရွေးကောက်ပွဲ မဲစာရင်းဆိုတာ သွားကို ကြည့်ရပါမယ်။ ကျမလည်း အစကတော့ သွားမကြည့်တော့ဘူးလုပ်တာ။ ဒါပေမယ့် ဖေ့ဘုတ်မှာ မဲစာရင်းမှားတာတွေ မဲစာရင်းနာမည်မပါတာတွေကို တွေ့နေရတော့ ကျမတို့လည်း သွားကြည့်ရတော့မယ်။ တကယ်လို့ သွားကြည့်လို့ မပါခဲ့ဘူးဆိုရင် ပုံစံ(၃)နဲ့အတူ ပြန်လုပ်ရင် မဲစာရင်းထဲ ပါနိုင်မယ်လို့တော့ ပြောတယ်။ အဲ့ဒါကြောင့် ပြည်သူတွေအကုန်လုံးလည်း သွားကြည့်သင့်ပါတယ်။ ကိုယ်သဘောကျ နှစ်သက်တဲ့ နိုင်ငံခေါင်းဆောင်တယောက်ရဖို့အတွက် ကိုယ်ကိုယ်တိုင်မဲပေးဖို့က အဓိကကျပါတယ်။ ကိုယ်ထည့်ရမှာ တမဲတည်းဆိုပေမယ့် မဲတွေ အများကြီးပေါင်းသွားပြီဆိုရင် ငါမပေးလို့လည်း ဘာမှ မဖြစ်ပါဘူး။ သူများတွေလည်း ပေးမှ ဖြစ်မှာပါဆိုပြီး မနေကြပါနဲ့လို့။ စဥ့်အိုးထဲ နွားနို့ဖြည့်တဲ့ပုံစံလိုမျိုးပေါနော်၊ ငါရေတခွက်ရောထည့်လိုက်လို့ နွားနို့က မပျက်သွားပါဘူးဆိုပြီး ကိုယ်လိုလူမျိုးတွေ များလာရင် စဥ့်အိုးထဲမှာ နွားနို့မရှိဘဲ ရေတွေပဲ ပြည့်နေပါလိမ့်မယ်။ ဒါကြောင့် နိုင်ငံသားတွေအကုန်လုံး မဲကို သေချာသွားပေးကြပါ။ မဲစာရင်းကို သေချာကြည့်ကြပါ။ ကိုယ်တကယ်လိုချင်တဲ့ ခေါင်းဆောင်မျိုး နိုင်ငံကိုဦးဆောင်နိုင်မယ့်သူမျိုး ကိုယ်ယုံကြည်တဲ့ သူမျိုးကို မဲသွားပေးကြပါ။ ကျမအနေနဲ့ကတော့ ဘယ်သူက နိုင်ငံအကျိုးကို ဒီ ၅ နှစ်အတွင်းမှာ ပိုပြီး သယ်ပိုး နိုင်မလဲဆိုတဲ့အချက်ကိုပဲ ကြည့်ပြီး မဲပေးသွားမှာပါ။

ဒါရိုက်တာ ကျော်ဇောလင်း(အတွေးပုံရိပ်)

မဲစာရင်း မကြည့်ရသေးဘူးဗျ။ ကားရိုက်တာနဲ့ နယ်တွေ သွားနေတာနဲ့ ရန်ကုန် တရက်နှစ်ရက်ပြန်ရောက်လိုက် နဲ့ ဆိုတော့မကြည့်ဖြစ်သေးဘူးဖြစ်နေပါတယ်။

မဲနဲ့ပတ်သက်ရင် စိတ်ဝင်တစား ဂရုတစိုက်တော့ ရှိသင့်တာပေ့ါနော်။ ဘာကြောင့်လည်းဆိုတော့ တိုင်းပြည်နဲ့ ပြည်သူလူထုအပေါ်မှာ မိသားစုလို စိတ်ဓာတ်မျိုးထားပေးနိုင်မယ့် သူမျိုးက ကိုယ့်မဲတမဲကြောင့် အောင်မြင်သွား တယ်ဆိုရင် အားလုံးအတွက် အကျိုးရှိနိုင်သလို ကိုယ်တွေကို ထပ်ပြီး နှိပ်စက်မယ့် လူမျိုးက ကိုယ့်မဲတမဲ ပါသွားတယ်ဆိုရင် အားလုံးအတွက် ပိုပြီးတော့ ထိခိုက်နစ်နာစရာတွေ ဖြစ်လာနိုင်တယ်လေ။ ကိုယ့်မဲတမဲသည် ဘာမဆိုဖြစ်သွားနိုင်တယ်ဆိုတာလေးကို အာရုံစိုက်ထားရင် ပိုကောင်းတာပေ့ါနော်။ 

တဦးတယောက်ကို ဦးတည်ထားတာမျိုးမရှိသေးပါဘူး။ ကျနော်တို့ လေ့လာရမှာပေ့ါ။ ကျနော်တို့ အားလုံးအတွက် အဆင်ပြေမယ့် ကျနော်တို့အားလုံးနဲ့ အံဝင်ဂွင်ကျဖြစ်မယ့် မိသားစုလိုစိတ်ဓာတ်မျိုးရှိမယ့် အဖွဲ့အစည်း တခုပေါ်ပေါက်လာဖို့ကို ကျနော်တို့ အာရုံစိုက်ပြီးတော့မှ အဲ့ဒီအချိန်ကျမှ တကယ်ပေးသင့်တဲ့သူကို ပေးမှာပါ။

ကိုယ့်ရဲ့ ဆန္ဒမဲသည် ကိုယ့်ရဲ့ ဆန္ဒအစစ်နဲ့ ကိုယ့်ရဲ့ ဆုံးဖြတ်ပိုင်ခွင့်နဲ့ အခွင့်အရေးတခုဆိုတာ မမေ့ကြပါနဲ့လို့ ပြောချင်ပါတယ်။ 

အဆိုတော် မီမီဝင်းဖေ

ကျမကတော့ ဒါနဲ့ပတ်သက်လို့ သိပ်ပြီးတော့ စကားကြွယ်ကြွယ်၀၀တော့ မပြောတတ်ပါဘူး။ ဒါပေမယ့် သိပ်အရေးကြီးတယ်ဆိုတာကိုပဲ ကျမအတိုချုပ်ပြီးပြောချင်ပါတယ်။ အားလုံး အေးအေးချမ်းချမ်းနဲ့ မှန်မှန် ကန်ကန်ဖြစ်သွားဖို့က အားလုံး တယောက်ချင်းစီက တာဝန်လေးတွေ ယူသွားရင် စကားတွေမပြောရတော့ဘူး ပေ့ါ။ အေးအေးချမ်းချမ်းနဲ့ ကိုယ့်တာဝန်ကိုယ်ယူသွားကြရင် ကောင်းမှာပါလို့ ပြောချင်တာပါ။ အေးအေးချမ်း ချမ်းနဲ့ မှန်မှန်ကန်ကန်လည်းဖြစ်စေချင်တယ်။ ခင်ခင်မင်မင်နဲ့လေ ဘယ်သူနဲ့ ဘယ်သူ့မှ အကွဲကွဲအပြဲပြဲတွေ နဲ့လည်း မဖြစ်ချင်ဘူး။ သူ့ဘောင်နဲ့ စနစ်ထဲမှာပဲ မှန်ပြီးတော့ ပြီးသွားတဲ့ ကိစ္စမျိုးပဲဖြစ်ချင်ပါတယ်။ ကျမ မဲစာရင်းကိုလည်း သွားကြည့်ပြီးပါပြီ။ ကိုယ့်မိတ်ဆွေကိုလည်း တိုက်တွန်းပါတယ်။ သွားကြည့်ကြပါ။ မှားနေတဲ့ information တွေရှိတတ်တယ်လေ။ မွေးသက္ကရာဇ်မှားနေတာတို့ မှတ်ပုံတင်မှားနေတာတို့တွေပေ့ါ။  နောက်မှ စစ်တဲ့အခါကျတော့ တာဝန်ရှိတဲ့သူတွေကိုပြော သူတို့တွေက မမီတော့တဲ့အခါကျတော့ ကိုယ့်အခွင့်အရေး ဆုံးရှုံးတာပေ့ါနော်။ အဲ့တော့မှ ပြသနာတွေဖြစ်ရ လက်ညိုးထိုးစရာဖြစ်ရ အဲ့လိုမျိုးတွေ မဖြစ်စေချင်ပါဘူး။ ကျမကတော့ လက်ရှိအစိုးရကိုလည်း အစိုးရတရပ်အနေနဲ့ လေးစားပါတယ်။ ဒါပေမယ့် အမှန်အတိုင်းပြောရင် ကျမတို့ အပြောင်းအလဲလည်းလိုချင်ပါတယ်။ အပြောင်းအလဲလေး လိုချင်တဲ့အတွက် ကျမ ရည်ရွယ် ထားပါတယ်။