ထူးထူးခြားခြားဖြစ်သွားအောင် မီးဖိုချောင်သုံး Kitchen Gadget ပစ္စည်းတမျိုးနဲ့ မိတ်ဆက်ပေးချင်ပါတယ်။ အဲဒါကတော့ ကြက်ဥကို အချောင်းလိုက်ကြော်တဲ့စက်လေးပါ။ ဒီစက်လေးက ကြက်ဥကို သာမန်အတိုင်းကြော်မစားချင်သူတွေ၊ သာမန် ကြက်ဥကြော်ကို ဒီအတိုင်း ကြော်စားရတာရိုးအီလာလို့ ပုံစံတမျိုးပြောင်းပြီး တီထွင်ဖန်တီးကြော်စားချင်သူတွေ အတွက် အထူးဖန်တီးပြုလုပ်ထားတဲ့ စက်လေးပါ။
အသုံးပြုပုံက လွယ်ကူပါတယ်။ စက်လေးထဲကို ဆီအနည်းငယ်ဆွတ် (Spray ဆီဘူးနဲ့ ဖြန်းပေးရင် ပိုအဆင်ပြေ)၊ စက်မီနီကို မီးစိမ်းတဲ့အထိစောင့်၊ မီးစိမ်းလာတာနဲ့ ကြက်ဥတလုံးထည့်၊ အဆာပလာကြိုက်သူတွေက မိမိနှစ်သက်ရာ အဆာပလာတွေကို ကြက်ဥနဲ့အတူ ရောမွှေထည့်လို့ ကြော်နိုင်ပါတယ်။ ကြက်ဥ အချောင်းလေးက တဖြည်းဖြည်း အပေါ်ကို တက်လာတဲ့အခါတုတ်ချောင်းလေးနဲ့ ထိုးလို့ အချဉ်နဲ့တို့ပြီး အဆင်သင့်စားသုံးလို့ရပါပြီ။
ဒီစက်လေးက Facebook Online Shopping တွေမှာ အိမ်ရှင်မတွေ အကြိုက်အဝယ်များတဲ့ စက်လေးပါ။ စက်ရဲ့ ဈေးနှုန်းက တံဆိပ်အမျိုးအစားပေါ်မူတည်ပြီး တသောင်းခွဲ၊ နှစ်သောင်း၊ နှစ်သောင်းခွဲထိ အစားစားရှိတယ်လို့ သိရပါတယ်။
သီဟတိုး
0 comments :
Post a Comment