 |
| ပုသိမ်မြို့ ရွှေမုဌော ဘုရားအနီးက ကဗျာဈေးဆိုင် (ဓာတ်ပုံ - ဆလိုင်းသန့်စင်/ The Irrawaddy) |
ဧရာဝတီတိုင်းအတွင်းရှိ ရေဘေးသင့်ပြည်သူတွေကို ကူညီလှူဒါန်းဖို့အတွက် မြန်မာနိုင်ငံတ၀ှမ်းက ကဗျာဆရာတွေက ပုသိမ်မြို့မှာ ကဗျာဈေှးဆိုင်ဖွင့်ပြီး သူတို့ပိုင်ဆိုင်တဲ့ ကဗျာတွေကို ပန်းချီသရုပ်ဖော် ပုံတွေနဲ့တွဲဖက် ပြီး ပြန်လည်ရောင်းချကာ ရံပုံငွေ ရှာဖွေနေကြပါတယ်။
ပုသိမ်မြို့၊ ရွှေမုဌောဘုရားအနီးမှာ သြဂုတ်လ ၁၅ ရက်နေ့က စတင်ဖွင့်လှစ်ခဲ့တဲ့ ကဗျာဈေးဆိုင်မှာတော့ မောင်အောင်ပွင့်၊ အောင်ဝေး၊ မောင်သင်းမိုး၊ တိုးဝေ၊ မနော်ဟရီစတဲ့ မြန်မာပြည်ရဲ့ နာမည်ရ ကဗျာဆရာတွေအပါအ၀င် ကဗျာဆရာပေါင်း ၃၀ ကျော်ရဲ့ကဗျာပန်းချီတွေကို ခင်းကျင်းပြသထားပါတယ်။
“ပြည်သူတွေရေဘေးကြုံနေချိန်မှာ ကျနော်တို့လည်း တတပ်တအား ပါဝင်လှူဒါန်းချင်တယ်။ ဒါပေမယ့် တချို့ကျတော့လည်း လှူချင်ပေမယ့် ငွေကြေးပိုင်းအားနည်းချက်လေးတွေရှိကြတော့ ကျနော်တို့ ပိုင်ဆိုင်တဲ့ အနုပညာပစ္စည်းတွေကို တန်ဖိုးတခုသတ်မှတ်ပြီး ရောင်းချတာပါ။ ရောင်းလို့ရသမျှ အကုန်လှူဒါန်း သွားမှာပါ”လို့ ပုသိမ်မြို့မှ ကဗျာဆရာ လူဖန်ခါးက ဧရာဝတီကို ပြောပါတယ်။
ကဗျာဈေးဆိုင်တွေကို ရန်ကုန်မြို့မှာလည်း ဖွင့်လှစ်ထားပြီး ဧရာဝတီတိုင်းမှာတော့ ပုသိမ်မြို့မှာ ပထမဆုံး ဖွင့်လှစ်ခြင်းဖြစ်ပါတယ်။ ကဗျာပန်းချီတချပ်ကို ငွေကျပ် ၂ သောင်းနဲ့ ရောင်းချနေခဲ့ရာမှာ ပုသိမ်မှာ စရောင်းတဲ့နေ့မှာပဲ ကဗျာဆရာ မောင်အောင်ပွင့်နဲ့ အောင်ဝေးတို့ရဲ့ ကဗျာတွေကို အနုပညာမြတ်နိုးသူတချို့က လာရောက်ဝယ်ယူသွားခဲ့ကြောင်း သိရပါတယ်။
ဧရာဝတီတိုင်းအတွင်းမှာ ဇူလိုင်လကုန်ပိုင်းကတစင်ပြီး ရေကြီးနစ်မြုပ်မှုများ ဖြစ်ပွားနေခဲ့ရာမှာ အိမ်ထောင်စုပေါင်း ၁ သိန်းကျော်က လူဦးရေ ၄ သိန်းခွဲကျော် ရေဘေးဒုက္ခ ရင်ဆိုင်နေရပြီး ဒေသအများစုမှာ စားနပ် ရိက္ခာနဲ့ သောက်ရေသန့်တွေ လိုအပ်နေကြပါတယ်။
ဆလိုင်းသန့်စင်
0 comments :
Post a Comment