ကွယ်လွန် သွားပြီ ဖြစ်တဲ့ ဒါရိုက်တာ မောင်တင်ဦးရဲ့ သင်္ကြန် ခံစားမှုကို ပြန်လည် ခံစားခြင်း

Monday, August 24, 2015


ဒါရိုက်တာ မောင်တင်ဦးနှင့် ဇနီး  

မြန်မာ့ရုပ်ရှင်လောကရဲ့ ဆရာတဆူလို့ အသိအမှတ်ပြုထားခဲ့ရတဲ့ အကယ်ဒမီများရှင် ဒါရိုက်တာ မောင်တင်ဦး ဟာ ဒီကနေ့ သြဂုတ်လ ၂၄ ရက်နေ့ နံနက်၉ နာရီမှာပဲ သူနေထိုင်ရာ မန္တလေးမြို့မှာ အသည်းရောဂါဖြင့် ကွယ်လွန်သွားပါပြီ။ သူ ကွယ်လွန်ချိန်မှာ အသက် ၇၅ နှစ်ရှိပါပြီ။ ပါပါကြီးလို့ အများခေါ်ဝေါ်ကြတဲ့ ဒါရိုက်တာ မောင်တင်ဦးဟာ မြန်မာ့ရုပ်ရှင်ပညာရှင်တွေထဲမှာ အနုပညာရှင် တပည့်မွေးထုတ်တာ တော်တဲ့သူ တပည့်အများဆုံး မွေးထုတ်ပေးနိုင်ခဲ့သူ တဦးပါလို့လည်း သူ့ရဲ့ တပည့်အရင်းဖြစ်သူ အနုပညာရှင် ဇာဂနာက သူ့ရဲ့ ကိုယ်ပိုင်ဖေ့ဘုတ် စာမျက်နှာမှာ ရေးသားထားတာပါ။ ဒါ့အပြင် ဒါရိုက်တာ မောင်တင်ဦးဟာ သရုပ်ဆောင်များသာမကဘဲ ဇာတ်ညွှန်ရေးဆရာ ဖလင်အယ်ဒီတာ စတာတွေကိုပါမွေးထုတ်ပေးနိုင်ခဲ့သူပါတဲ့။ သူမွေးထုတ်ပေးခဲ့သူတွေထဲမှာ နေအောင်၊ ဇင်ဝိုင်း၊ ရန်အောင်၊ မို့မို့မြင့်အောင်၊ မေးသန်းနု၊ မေသဉ္ဇာဦး၊ သိဂီင်္  ထွန်း၊ ဒါရိုက်တာ စင်ရော်မောင်မောင်၊ ဟိန်းစိုး၊ အောင်မင်းသိမ်း၊ ဇာဂနာ၊ ချစ်မင်းလူ၊ နိုင်နုရှိန်(ဖထီး)၊       ကိုဇော်(အာရုဏ်ဦး) စသူတို့တွေလည်း ပါဝင်ပါတယ်လို့ ဦးဇာဂနာက ရေးသားထားပါသေးတယ်။ ဒါရိုက်တာ   မောင်တင်ဦး ရဲ့ ဖန်တီးခဲ့တဲ့ အထင်ကရ ဇာတ်ကားတကားဖြစ်သော သင်္ကြန်မိုးဇာတ်ကားနဲ့ပတ်   သက်လို့ရော သင်္ကြန်ဆိုတဲ့ အရာအပေါ် သူဘယ်လိုခံစားချက်ရှိသလဲဆိုတာတွေရောကို ဧရာဝတီကနေ ၂၀၀၉ ခုနှစ် လောက်က မေးမြန်းဖြစ်ခဲ့ဖူးပါတယ်။ အဲ့ဒီလိုမေးမြန်းဖြစ်ခဲ့တဲ့ အကယ်ဒမီများရှင် ဒါရိုက်တာ   မောင်တင်ဦးရဲ့ အင်တာဗျူးကို ယခု သူကွယ်လွန်ချိန်မှာ အမှတ်တရ အဖြစ်နဲ့ ပြန်လည်ဖော်ပြပေးလိုက်ပါ တယ်။ ဒါရိုက်တာ မောင်တင်ဦးဟာ ကွယ်လွန်သွားပြီဖြစ်တဲ့ သရုပ်ဆောင် အကယ်ဒမီ ဇော်ဝမ်းရဲ့ အကို အရင်းလည်းဖြစ်ပါတယ်။
--------------------------

ဒါရိုက်တာ မောင်တင်ဦးရဲ့ သင်္ကြန်ခံစားမှု

Friday, 10 April 2009 14:32

မြန်မာ့ရိုးရာသင်္ကြန် ယဉ်ကျေးမှုအနုပညာကို သင်္ကြန်မိုး ရုပ်ရှင်ဇာတ်ကားဖြင့် သမိုင်းမှတ်တမ်းဝင်ဖန်တီးခဲ့သည့် ရုပ်ရှင်ဒါရိုက်တာ အကယ်ဒမီ မောင်တင်ဦးအား နှစ်ကူး အတာသင်္ကြန် အမှတ်တရအနေနှင့် ဧရာဝတီက ဆက် သွယ်မေးမြန်း၍ ဖော်ပြလိုက်ပါသည်။

ဒါရိုက်တာ မောင်တင်ဦးသည် ၎င်း ဖန်တီးရိုက်ကူးခဲ့သည့် ရုပ်ရှင်ဇာတ်ကားပေါင်းများစွာထဲမှ ၁၉၇၂ ခုနှစ်က အကယ်ဒမီ စတင် ရရှိခဲ့သည့် နေထွက်သော ည ဇာတ်ကား အပါအ၀င် တခါက တဘ၀ ၊ သင်္ကြန်မိုး ၊ တိုက်ပွဲ ခေါ်သံ၊ နှလုံးလှ လူမိုက် စသည့် ရုပ်ရှင်ကား များဖြင့် အကယ်ဒမီ ၅ ဆုကို ဆွတ်ခူးရရှိထားသူ ဖြစ်သည်။ 

မေး။     ။ သင်္ကြန်အစီအစဉ် ဘာတွေများရှိသလဲ။

ဖြေ။     ။ ကျနော်က သင်္ကြန်အစီအစဉ်တော့မရှိသေးဘူး၊ ဘာဖြစ်လို့လဲဆိုတော့ ကျနော်က သင်္ကြန်ကို မန္တလေးနဲ့ ရန်ကုန် ဘယ်မှာ ကျရမှန်းမသိလို့ လေ၊ အဲဒါတွေဝေနေတာ၊ ဘာလို့ဆို ဒီအချိန်ကျတော့ လေ ကလေးတွေ လုပ် တာ ထိုင်ကြည့်ရတာတမျိုးကောင်းတယ်၊ ကလေးတွေက သူတို့ကလည်း လန်းတာကို ၊ အဲဒီတော့ သူတို့ရဲ့လန်း ဆန်းမှုလေးတွေ ကြည့်ပြီးတော့ ကိုယ်က အင်အားတခုရတာပေါ့ဗျာ၊ ကိုယ်က အသက်ကြီးပေမယ့် သင်္ကြန်ကျတော့ ပျော်ချင်တာပေါ့၊ ပျော်ချင်တယ်ဆိုတာကလည်း ရေပက်ခံလို့လည်း မရတော့ဘူးလေ၊ ကိုယ်က ရေပက်လို့ လည်း မရတော့ဘူး၊ အဲဒီတော့ ရေပက်ခံကြတာကို ရေပက်ကြတာကို ကိုယ်က တနေရာက ထိုင်ကြည့်၊ အဲဒီလို လေးပဲ နေလိုက်တာ ကောင်းတယ်လေ၊ ဒီ့ပြင်လူလိုလည်း တရားစခန်းဝင် ဘာညာ ဆိုတာကလည်း မဖြစ်နိုင်ဘူး၊ အဲဒီလိုလေး။

မေး။     ။ သင်္ကြန်နဲ့ ပတ်သက်ပြီးတော့ အရင် သင်္ကြန်မိုးရုပ်ရှင်ကားမျိုးလို ရုပ်ရှင်အနုပညာ ဖန်တီးမှု အစီအစဉ် တွေကရော…။

ဖြေ။     ။ ကျနော် “အတာရေနဲ့ဆေးပါ့မယ်” ဆိုတာလေ၊ ရေဗက္ကာဝင်း၊ ဟန်ဇာမိုးဝင်းတို့နဲ့ ရိုက်ထားတယ်၊ ဗီဒီယို ကားလေး ပေါ့၊ ရန်ကုန်မှာပဲ ရိုက်တာ၊ အခု ဖြန့်နေတယ်၊ လူငယ်ကြိုက်လေးပေါ့ဗျာ၊ ဇော်ဝမ်းတို့ဘာတို့နဲ့ ပံ့ပိုး ထားတာပေါ့၊ ဇာတ်လမ်းက ကျနော့် ဇာတ်လမ်း၊ ဇာတ်ညွှန်းက မောင်မျိုး(မြန်မာစာ)ပါ။

ရန်ကုန်သင်္ကြန်ပဲ မရိုက်တော့ သလိုဖြစ်နေလို့ လေ၊ ရန်ကုန်သင်္ကြန် အတိုင်းပဲ ရိုက်တာပေါ့နော်၊ ဇာတ်သဘော လေးကတော့ သင်္ကြန်တိုင်း သင်္ကြန်တိုင်းမှာဗျာ၊ မင်းသားက အူတူတူ အတတနဲ့လေ၊ သင်္ကြန်သာကုန်သွား နှစ်တွေသာ ညောင်းသွားတယ်၊ သူက တကိုယ်တည်း လူပျိုကြီးဖြစ်နေတဲ့ ဟန်ဇာမိုးဝင်းပေါ့နော်၊ အဲဒီလို ဇာတ် လမ်းလေး ။ 

မေး။     ။ ဒီကားနဲ့ ဆိုင်တဲ့ သင်္ကြန်ဇာတ်ဝင်တေးတွေ အသစ်လုပ်သုံးတာမျိုးရောရှိလား။

ဖြေ။     ။ မပါဘူး ခင်ဗျ၊ အဲဒါတော့ မပါဘူး၊ ဗီဒီယို ကားအနေနဲ့လည်း ဘယ်လိုမှလုပ်လို့မရပါဘူး၊ ထွက်ပြီးသား သင်္ကြန်တီးလုံးလေးတွေရယ်၊ ရေဗက္ကာရဲ့ Dancer (အက) သီချင်းရယ်၊ နောက် ကလေးတွေရဲ့ Love နဲ့ ပတ် သက် တဲ့ သင်္ကြန်သီချင်းလေးတွေလည်း သူ့ခေတ်နဲ့ အလိုက်ပေါ့နော်၊ ဒါပါပဲ။

ဒီ ဗီဒီယိုကားလေးက ပေါချောင်ကောင်းလေးပါပဲ၊ ဗီဒီယိုဈေးကွက်အတိုင်းလေးပဲ ရိုက်ပေးလိုက်ရတာ၊ ဒီ သင်္ကြန်တွင်းမှာ ပျော်စရာလေးတခုပေါ့၊ ပြုံးလိုက်ရင် တော်ပါပြီ၊ ဒီကားလေးကြည့်ပြီး ပြုံးလိုက်ရင်တော်ပြီ၊ အဲဒီလောက်လေးပါပဲ၊ သင်္ကြန်ကျတော့ ပြုံးကြ ရယ်ကြတာချည်းပါပဲ၊ နည်းမျိုးစုံနဲ့ပေါ့နော်၊ ဗီဒီယိုဈေးကွက်က အကန့်အသတ် နဲ့၊ ဘယ်လောက်ထက်ပို ကုန်ကျစရိုတ်များအောင် မရိုက်ရ ဆိုပြီးတော့ အတားအဆီးတွေကြားက ရိုက်ရတာ၊ စက်မှုပိုင်းပညာသည်တို့ ဘာတို့ နည်းနည်း အလုပ်ရသွားတယ်၊ နောက်တခါ ကိုယ်က အနုပညာ နှလုံးအိမ်  ဆိုတဲ့ ရုပ်ရှင်သင်တန်းလေးရှိတော့ သင်တန်းသူ သင်တန်းသားတွေထည့်သုံးလို့ ရတာပေါ့၊ သူတို့ အတွက် ကလည်း အလေ့အကျင့်လေးတခုရတာပေါ့။

မေး။     ။ သင်္ကြန်ယဉ်ကျေးမှုနဲ့ပတ်သက်ပြီး ရုပ်ရှင်ကားကြီး ထပ်ရိုက်ဖို့ စိတ်ကူး အသစ်ရော ရှိလား။

ဖြေ။     ။ နောက်ပိုင်းမှာ ချဲလင့်လုပ်(စိန်ခေါ်)လိုက်တယ်၊ တန်ခူးလေ ဆိုတဲ့ ကားကို ရိုက်မယ်၊ ဘယ်လောက်အကုန်ခံနိုင်လဲဆိုတော့ တယောက်မှမထွက်တော့ဘူး၊ အဲဒီမှာပဲ ကိုယ်က ဒီအတိုင်းပဲ နေလိုက်တော့တာပေါ့၊ အဲဒါ တန်ခူးလေ ဆိုတဲ့ ဇာတ်ကားတကားက ရင်ထဲမှာတော့ရှိတာပေါ့။ 

ဒါပေမယ့် တန်ခူးလေ သည် ရိုက်ခဲ့ရင် အင်တာနေရှင်နယ် တန်းဝင်ရမယ်၊ ဘာဖြစ်လို့လဲဆိုတော့ ပြည်တွင်း ဈေးကွက်နဲ့ မရဘူး၊ Asia က Burmese Traditional Water Festival ပေါ့၊ ဒါအကုန်လုံး သိနေပါပြီ၊ အသေ အချာ လေး ပြနိုင်ရင် မြန်မာ့ ရိုးရာနဲ့ မြန်မာ့ဓလေ့ ကို တန်ခူးလေ နဲ့ သာ ပြနိုင်ရင် ကောင်းမှာ၊ ဒါပေမယ့် ဒီနေ့က ဟာသ တွေဖြစ်နေတော့ ဘယ်သူမှ စိတ်မ၀င်စားဘူး၊ ဟာသငွေရပဲ၊ ဘယ်သူမှ မလှုပ်ဘူး၊ ဒါပေမယ့် ပညာသည် ဆိုတာ ကတော့ ငွေရှင်မှ မဟုတ်တာ၊ သူ့ စိတ်ကူး စိတ်သန်းတွေကို ရင်မှာ ပိုက်ပြီးတော့ တချိန်ချိန် ပေါ့၊ မသေခင် ရိုက် ဖြစ် ချင်ရင်လည်း ရိုက်ဖြစ်သွားမှာပေါ့။ 

တန်ခူးလေ ထဲမှာ မျောပါတဲ့ တေးသံလေးတွေပေါ့၊ သင်္ကြန်မိုးလေးကြတော့ အဖျက်မိုးလေး မဟုတ်ပါဘူးဆိုတဲ့ Theme (အကြောင်းအရာ)နဲ့ ဇာတ်တည်တာ၊ တန်ခူးလေထဲမှာ တူးပို့ သံလေးတွေနဲ့ ဘယ်လို ဇာတ်တည်မလဲ၊ အဲဒီမှာအရင်တုန်းက ခေတ် မန္တလေးမှာ သင်္ဂဟနဲ့ မြို့မ ပေါ့၊ ဒီအသင်းကြီးတွေဟာ တီးမှုတ်တဲ့ တူရိယာ ၀ိုင်း ကြီး တွေ ကားပေါ်တင်ပြီး သွားကြတာပေါ့၊ တွေ့ပြီဆိုရင် ပြိုင်ကြတာပေါ့၊ အံ့မခန်းပဲ၊ ကားကြီး ၂ စီး ခေါင်းချင်း ဆိုင်ပြီး ရန်လည်း မဖြစ်ဘူး၊ အတီးအမှုတ်တွေနဲ့ ပြိုင်ကြတာ၊ ဂီတ နဲ့ ပစ်ကြခတ်ကြတာ၊ ပြီးတော့ နှုတ်ဆက်ပြီး လက်တွေပြပြီး ထွက်သွားကြတယ်၊ ဘယ်လောက်ပျော်စရာကောင်းလဲ ၊ ဘယ်လောက်ကြည်နူးစရာ ကောင်းလဲ၊ ဘယ်လောက် အားကျစရာကောင်းလဲ၊ အဲဒါမျိုးက သင်္ကြန်မိုးမှာ မရိုက်ခဲ့ရဘူး၊ တန်ခူးလေကြမှ ရိုက်မှာ၊ Flash back (နောက်ကြောင်းပြန်)လေးတွေနဲ့ ရိုက်မှာပေါ့နော်၊Plot(ဇာတ်အိမ်)လေးတွေကတော့ စုထားတာပေါ့၊ ဒါတွေ က ကိုယ့်အတွ့အကြုံမှာ ဖြစ်ခဲ့တာတွေ၊ အသက် ၇ နှစ်လောက်ကတည်းက မြင်ခဲ့ရတာတွေ၊ မှတ်မိနေတယ်။ 

မေး။     ။ သင်္ကြန်မိုး ရုပ်ရှင်က မြို့မငြိမ်းကို အခြေခံရိုက်ထားတာလို့ ကြားရပါတယ်၊ အဲဒါ ဟုတ်ပါသလား။ 

ဖြေ။     ။ အဲဒီလို ကြီးတော့ တိတိကျကျ မဟုတ်ပါဘူး၊ ကျနော်က အနုပညာသမား တယောက်ရဲ့ ပုံရိပ် ကိုယ်စား ပြုလိုက် တာ ပါပဲ၊ ငြိမ်းမောင်နေရာမှာ ဆရာ မြို့မငြိမ်း ၀ိညာဉ် ကိုယ်စားသွင်းပေးလိုက်တာပါပဲ၊   ဒီလောက် ပါပဲ၊ ဆရာ မြို့မငြိမ်းရဲ့ ဇာတ်လမ်းကို ရိုက်တာမဟုတ်ပါဘူး ခင်ဗျ။ 


ဒါရိုက်တာ မောင်တင်ဦး မိသားစု(ဓာတ်ပုံများ - တေဇလှိုင်/ The Irrawaddy)

မေး။     ။သင်္ကြန်မိုးနဲ့ ပိတောက်ပင်လယ်တို့ သင်္ကြန်မိုးရေ တန်ခူးလေတို့ အခု အတာရေနဲ့ ဆေးပါ့မယ် ဆိုတဲ့ ဗီဒီယိုကား တွေမှာ သင်္ကြန်နဲ့ပတ်သက်တဲ့ အနုပညာ ခံစားမှု၊ ဖန်တီးမှု ဘယ်လိုကွာခြားမှု ရှိပါသလဲ။ 

ဖြေ။     ။ သင်္ကြန်မိုးက စကတည်းက Basic ကိုက ၁၉၅၇ ခုနှစ် သင်္ကြန်ဆိုပြီးတော့ ဇာတ်လမ်းဖွဲ့လိုက်တာကိုး၊ အဲဒီ အပေါ် မှာ ဖွဲ့တဲ့အတွက် ၅၇ ခု နှစ်က ရှိတဲ့ သီချင်းတွေ အကုန်လုံး ရှင်သန်နေတာပေါ့၊ ၅၇ ခုနှစ်မှာရှိခဲ့တဲ့ သင်္ကြန်အလှ အပ၊ မဏ္ဍပ် ၊ အလှပြ ကားတွေ အကုန်လုံး ပြန်ရှင်သန် ပေးလိုက်တာပေါ့၊ အဲဒီအတွက် သူက တကယ့် Masterpiece (အကောင်းဆုံးအနုပညာလက်ရာ) တခုလို ဖြစ်သွားတယ်၊ သူက Basic foundation ကို က သိပ်ကောင်းတာ၊ သင်္ကြန်မိုးက စ ရေးတာက တနှစ် လောက်ကြာတယ်၊ ပြီးတော့ ပြင်ဆင်တာက ၄ လ လောက်ကြာတယ်၊ အချိန်လည်း အများကြီးယူတယ်၊ တကယ်လည်း ပြင်ဆင်ထားပြီးဖြစ်တယ်၊ ဇာတ်ညွှန်းနဲ့ လည်း အလိုက်၊ ဘက်ပေါင်းစုံက နေပြီးတော့ အနုပညာသမားတွေ အားထည့် ကြတဲ့အတွက် တကယ့်ကို အပေး အယူမျှပြီးအောင်မြင်သွားတာ၊ အဲဒီလိုကို အောင်မြင် သွားတာ။ ဒါက သင်္ကြန်မိုးနဲ့ ပတ်သက်လို့။

လူကြီး၊ လူငယ် အရွယ်စုံ ခံစားလို့ရတယ်၊ ဒါကလည်း ဆရာမြို့မငြိမ်း သီချင်းတွေနဲ့ ရောမွှေရတဲ့ဟာပါ၊ ဆရာ မြို့မငြိမ်းရဲ့ သင်္ကြန်သီချင်းတွေကလည်း အခုထက်ထိ သင်္ကြန်လေထဲမှာ စီးမျောနေတုန်းပါပဲ၊ တော်တော်လေး foundation က ကောင်းတာကိုး၊ အဲဒီတော့ အခြေခံခိုင်တဲ့ အတွက် ဒီအနုပညာ တခုက ဒီနေ့ အထိ ရှင်သန်နေ တယ်၊ အဲဒါက သင်္ကြန်မိုး။ ဒါကတော့ လုံးဝ ဥသုံ အဲဒီလိုပဲ ပြောချင်ပါတယ်။

နောက်တခါ ပိတောက်ပင်လယ်ကျတော့ စိတ်ကူးက ကဗျာလေး တပုဒ်ပဲ၊ သင်္ကြန်ကို ကဗျာလို လုပ်မယ်ပေါ့၊ ပင်လယ်မှာ ပိတောက်တွေ မဝေနိုင်ဘူး၊ ဒါပေမယ့် ပင်လယ်မှာ ပိတောက်တွေ ဝေပြီ ဆိုတာတော့ ဒါ ကဗျာပဲ၊ ဒါနဲ့ ရင်ခုန်ရအောင်လုပ်ကြမယ်ဆိုတဲ့အခါ မုန်တိုင်း ၀င်လာရော ၁၂ ရက်လုံးလုံး မုန်တိုင်းကျတယ်၊ ပြင်ဆင်မှု တွေ အကုန်လုံးက ဖလက်ပဲ၊ ဆိုတဲ့ အခါမှာ ပါပါကြီးက ရှုတင်မန်နေဂျာ ဖြစ်သွားတယ်၊ အဲဒါနဲ့ ကိုသူရ(ဇာဂနာ) တို့၊ ကိုအောင်မင်းသိမ်းတို့၊ မောင်ဟိန်းစိုး တို့၊ သူတို့ကို အကုန်လုံး တခုချင်း ခွဲ ရိုက်ခိုင်းရတယ်၊ ကျန်တာ တွေ က နောက်ကနေပြီးတော့ ပြန်ပြီး ပစ်ကပ် လုပ်တဲ့ နေရာမှာ ဘယ်လိုမှ လုပ်လို့ မရတော့ဘူး၊ အဲဒီနေရာ ဒေသရော၊ လူတွေရော အားလုံးက ပါပါကြီးနဲ့ ပတ်သက်ကြတာကိုး၊ အဲဒီမှာ ဟိုလိုက်ကြည့် ဒီလိုက်ကြည့်၊ ဟိုမော့တော့ ဒီမော့တော့နဲ့ အဲဒီလိုပြီးသွားတဲ့အခါမှာ ပရိသတ်ကို စော်ကား သလိုဖြစ်သွားတယ်။ 

ရုံလည်း တင်လိုက်ရော တစ်ပူးနဲ့ ရှိုးသလိုပဲ၊ တချပ်မှောက် ဖဲမှာ တစ်ပူးနဲ့ ရှိုးလိုက်သလိုပဲ၊ အားလုံး အဟုတ် မှတ်လို့ ကြည့်လိုက် တာ၊ ဘာကြီးလဲဟ ဆိုပြီးတော့ပေါ့၊ ရသ က မပီ ဘူး၊ ကဗျာလည်း မကျ ဘာလည်း မကျ၊ ကိုးလို့ ကန့်လန့်တွေဖြစ်ပြီး အဲဒီမှာ အားထည့်တာတွေ အကုန်လုံးဟာ ဘယ်လိုမှ အရာမရောက်ဘဲနဲ့ လေထဲ ကို လွင့်သွားသလို ခံစားလိုက်ရတယ်၊ အဲဒီအခါ ကျတော့ အားနာတယ်၊ ဒါကိုလည်း ၀န်ခံပါတယ်၊ ဂျာနယ် စာစောင် တွေမှာလည်း အမျိုးမျိုး ၀န်ခံပြီးသားပါ၊ ၄ နှစ်လုံး ဘာမှ မရိုက်တော့ဘူးဆိုပြီး တနေရာမှာ သွားနေ တယ်၊ အဲဒါ က ပိတောက်ပင်လယ်နဲ့ပတ်သက်တဲ့ ကိုယ့်ကိုယ်ကိုယ် ဖွင့်ဟ ၀န်ခံချက်၊ ဒါလည်း ကိုယ့်ကိုယ်ကိုယ် ဆုံးမ ပြီး ပါပြီ၊ အဲဒီတော့ ပိတောက်ပင်လယ်ကိုတော့ မမေးတာကောင်းပါတယ်။

ပိတောက်ပင်လယ်က ခံစားပြီးတော့ ရင်ထုမနာ ဖြစ်ရတဲ့ ကိစ္စ၊ ဒါကလည်း ဘယ်သူမပြု မိမိမှုပါပဲ၊ ဘာကြောင့် ဆိုတာ ပြောစရာ မလိုဘူး၊ ပရိသတ်ကို ဒါစော်ကားတာ၊ ပရိသတ်ကို စော်ကားတာ ရဲရဲတင်းတင်း ပြောရဲရတယ်၊ ၀န်ခံရဲရတယ်၊ အဲဒါ သတ္တိပဲ။ အဲဒါ ၉၆ လောက်က။ သီချင်းခွေကတော့ ရှင်သန်နေပါသေးတယ်။ 

သင်္ကြန်မိုးရေ တန်ခူးလေကတော့ စင်တင်ပြဇာတ်ပါ၊ သူက ပိတောက်ပင်လယ်ထက်အရင်၊ အမျိုးသား ကဇာတ်ရုံ မှာ ဒွေးရယ်၊ တင့်တင့်ထွန်းရယ်၊ မောင်ဇင်ဝိုင်းတို့နဲ့၊ သင်္ကြန်ပြဇာတ်စင်တင်တာပေါ့၊ ကိုငြိမ်းမင်းကို ကျနော် အား ကိုး ရတာပေါ့၊ ကိုငြိမ်းမင်းရဲ့ ပြဇာတ်နော်၊ ကျနော်က ပြဇာတ်မကျွမ်းဘူး၊ ဒါပေမယ့် အားလုံးက ယုံကြည်ကြတာ ပေါ့၊ ကိုယ့်ကို ပြဇာတ်လည်း ကတတ်မယ် ထင်ကြတယ်၊ တကယ်တော့ မလွယ်ဘူး၊ ပြဇာတ်လည်း ပြဇာတ်ပညာ ပဲ၊ ရုပ်ရှင်က ရုပ်ရှင်ပဲ ၊ အဲဒါလည်း ကိုယ့်ကိုယ်ကိုယ် ဆုံးမရမယ်ဗျ၊ လူဟာလေ အသက်ကြီးလေလေ သင်္ခန်းစာ ရလေလေပဲဗျ၊ အခုက သေ အထိ ရနေမှာ သင်္ခန်းစာက။ 

အသက်ကြီးတိုင်း ကိုယ့်ကိုယ်ကိုယ် ဟုတ်လှပြီ ထင်လို့ မရဘူး၊ ပြဇာတ်ပညာက တမျိုးဗျ၊ အဲဒီမှာ ဇာတ်ညွှန်းရေး တဲ့ ကိုငြိမ်းမင်းက တွဲဖက် ဒါရိုက်တာ အနေနဲ့လုပ်ပေးတာ၊ ပြဇာတ် ဒါရိုက်တာက သီးသန့် ပညာရှင်၊ ပြဇာတ် ပညာ က တမျိုး ၊ အဲဒီမှာလည်း မညှိဘူးပေါ့၊ လုပ်ရတာသာကြာတာလေ၊ ဖတ်ဖတ် မောပြီးတော့လေ၊ အဲဒီတုန်းကလည်း တကယ့်လျှမ်းလျှမ်းတောက်တွေ၊ သရုပ်ဆောင် ပိုင်းရော၊ သီချင်းတွေကလည်း အကုန်လုံးကိုအကောင်း ဆုံးတွေလုပ်တာပေါ့၊ ကာယဇလ အသင်း ရန်ပုံငွေ အဖြစ်ကတာ၊ ကိုယ့်ကိုယ်ကိုယ် အထင်ကြီးပြီးလုပ်တာပေါ့၊ အဲဒါကတော့ ပါပါကြီးရဲ့ ဒုတိယ အမှားအယွင်း သင်္ခန်းစာ ဖြစ်ပြန်ရော၊ အဲဒါ လည်း ပြီးရော ၃ နှစ်လောက် နားရ ပြန်ရော ၊ ကိုယ့်ကိုယ်ကိုယ် ဆုံးဖြတ်ပြီးတော့ မုံရွာနားက မြောင်က ဆင်ခေါင်း တောင် သွားနေတယ်၊ အဲဒီမှာ အဆိုတော် ကိုဟန်တင်က သာသနာပြုနေတာကိုး၊ သူ့ဆီ သွားနေလိုက်တော့ စိတ်ရှင်းတာပေါ့၊ အဲဒီမှာ ဒဏ်ခတ် တာ ၃ နှစ်၊ အရင် ၄ နှစ် ၊ ၇ နှစ်လောက် ဒဏ်ခတ်ဖူးတယ်။ 

သင်္ကြန်မိုး ရော၊ ပိတောက်ပင်လယ်ရော၊ နောက် သင်္ကြန်မိုးရေ တန်ခူးလေ ဆိုတဲ့ အဲဒီ သီချင်းတွေအားလုံး ကိုယ်ရော အနုပညာ အသိုင်းအ၀န်းတွေအားလုံးက ဖန်တီးခဲ့ကြပါတယ်၊ အခုထက်ထိ အဲဒါတွေအားလုံး ၀ဲလည်နေတာ ပါပဲ၊ သင်္ကြန်အချိန်ကျတိုင်း ဒီသီချင်းလေးတွေနဲ့လေ ဖျော်ဖြေနေကြတုန်းပဲ၊ နောက်တခုက ဆရာမြို့မငြိမ်း ဆိုလို့ ရှိရင် သူကတကယ့်ကို Artistic ဖြစ်ပြီးတော့ လေ၊ နောက် သူ့ကို သင်္ကြန်အတွက် သီချင်းရေးဖို့ မွေးဖွားလိုက် သလားတောင် ထင်ရလောက်အောင် အနုပညာ ပြောင်မြောက်မှုရှိတယ်၊ နှစ်ပေါင်း ၆၀ လောက် ကြိုပြီးတော့ မရိုး အောင် ရေးထားနိုင်တာကို၊ အဲဒီ သင်္ကြန်တေးသံ မယ်လိုဒီရော စာသားရောပါ ဒီနေ့ လူကြီး လူငယ် လူလတ်ပါ အကုန်လုံး ကြိုက်ကြပါတယ်။  

မေး။     ။ ကိုယ်တိုင်က ရန်ကုန်သင်္ကြန်ရော၊ မန္တလေး သင်္ကြန်ရော ထိတွေ့ဖြတ်သန်းမှု ရှိတော့ အခုခေတ် သင်္ကြန် နဲ့ အရင်ခေတ် သင်္ကြန် အပေါ် အမြင်ခံစားမှုကို ပြောပြပေးပါ။ 

ဖြေ။     ။ အဲဒါက အသက်အရပဲ ပြောလို့ရမယ်၊ ဟိုဘက်ကာလ ရှိတဲ့ အသက်နဲ့ ဒီဘက်ရှိတဲ့ အသက်က အတော် ကွာ တယ်၊ အခု အသက် က ၆၇ နှစ် ၊ သင်္ကြန်ကို အသက် ၇ နှစ် ကတည်းက ပျော်ပိုက်စွာနဲ့ တနှစ်မှ မပြတ် အောင် နေခဲ့တာ၊ ခေတ်တွေခေတ်တွေ ဖြတ်သန်းခဲ့တဲ့ နှစ်တွေမှာလည်း သင်္ကြန်မှာ အမျိုးစုံပေါ့နော်၊ သံချပ်တွေနဲ့ ဝေဆာ နေတဲ့ သင်္ကြန်၊ အလှအကတွေ ဝေ ဆာ နေတဲ့ သင်္ကြန်၊ အဲဒီ သင်္ကြန်တွေကနေ ပြောင်းလာတာ၊ တနေ ရာတည်းစုတဲ့ သင်္ကြန်ဖြစ်လာတယ်၊ ဒါကတော့ ခေတ်ကာလ ရဲ့ အခြေအနေ ရယ်၊ လူတွေအနေနဲ့ ရေ ဖောဖော သီသီ ပက်နိုင်မယ့်နေရာပေါ့၊ သီချင်းသံတွေက ဖလားနဲ့ ပက်လို့ မရဘူး၊ မပြတ် တီးနေတဲ့ ရက်ပ်တွေ၊ စည်းချက် ၀ါးချက် တွေနဲ့က ရေက တောက်လျှောက်ပန်းထွက်နေရမှာ၊ တကယ်ကို ကျုံးကို ခြေကန်ပက်ကြရ တော့၊ ကျုံး ပတ်ဝန်းကျင်မှာပဲ သင်္ကြန်က ဖြစ်သလို၊ ဒီရန်ကုန်မှာလည်း အင်လျားပတ်ဝန်းကျင်မှာပဲ သင်္ကြန်ဖြစ်တယ်၊ ရေ ဖောဖောသီသီ သုံးနိုင်တဲ့ နေရာမှာ အခုခေတ်ကတော့ သင်္ကြန်ရွေးလိုက်ကြတာ။ 

ငယ်ငယ်တုန်းကတော့ ဖလားလေးနဲ့ ပက်တဲ့ အခါကျတော့ ရပ်ကွက်တွေ ရပ်ကွက်တွေ မှာ အလှအကလေးတွေ နဲ့ပေါ့၊ ဒီဟာကို ခံစားတာ၊ ဒီရပ်ကွက်မှာ စင်တစင်၊ ဟိုမှာ တစင်၊ အဲဒါကိုက လှည့်ပြီး ငေးမောရတဲ့ ခေတ်၊ အခု ကတော့ ငေးမောတဲ့ ခေတ် မဟုတ်ဘူး၊ ရင်ခုန်ပြီးတော့ လှုပ်ရှား ထကြွပြီးတော့ မြူးထူးတဲ့ ခေတ်၊ အဲဒါ ၂ ခုကို ဘယ်ဟာကောင်းတယ်၊ ဘယ်ဟာ မကောင်း ဘူး ဆိုတာကြတော့၊ ကိုယ်က အသက်အရွယ်ကြီးလာတဲ့ အပေါ်မှာ ဆုံးဖြတ်ရ တဲ့အခါကြတော့၊ အနုပညာသမားဆိုတာ မြင်တတ် ရမယ်ဆိုတဲ့ အခါကျတော့လေ၊ အကုန်လုံး ကောင်း တယ်ပဲ ဆုံးဖြတ်ရမှာပေါ့၊ ကလေးတွေ ဘယ်လိုစီးမျောနေတာ၊ ကလေးတွေကို နားလည်ရမယ်၊ သူတို့ကို နား မလည်လို့ မရဘူး၊ သူတို့ကို နေရာပေးရမယ်၊ သူတို့ရဲ့ပျော်ရွှင်မှုကိုလည်း ကိုယ်က အသိအမှတ်ပြုရ မယ်၊ သူတို့လည်း သူတို့ရဲ့စိတ်အင်အား နဲ့ သူတို့ရဲ့အလျင်နဲ့ ထူထောင်နေတာ၊ အဲဒီထူထောင်မှုကို လေးစားရမယ်၊ အသိအမှတ်ပြုရမှာပေါ့၊ မကောင်းဘူးလား ဗျာ။


ဒါရိုက်တာ မောင်တင်ဦး ရရှိခဲ့တဲ့ အကယ်ဒမီရွှေစင်ရုပ်တုများ 


သူ့ရဲ့ နေအိမ်၌ ဈာပနအခမ်းအနားပြုလုပ်ထားပုံ


1 comments :

  1. koko thaw said... :

    သေခြင်း တရားဟာ ရှောင်လွဲလို့ မရပေမဲ့ မြန်မာ့ရုပ်ရှင်လောကအတွက်တော့ အစားထိုးမရ တဲ့ ဆုံးရှုံးမှု ပါဘဲ။ ကောင်းရာသုဂတိလားပါစေ။

Post a Comment

 
Copyright © 2014 Irrawaddy Publishing Group. All Rights Reserved