စင်ကာပူနိုင်ငံမှလုပ်ငန်းလုပ်ပိုင်ခွင့်ရယူပြီး Pastamania Italian Restaurant ရန်ကုန်တွင်ဖွင့်မည်

Monday, August 3, 2015


ဓာတ်ပုံများ -သီဟတိုး/ The Irrawaddy

ပါစတာ၊ ပီဇာ ၊ စပါကတီ စတဲ့ အီတာလျံ အစားအစာတွေကို ရရှိနိုင်မယ့် Pastamania Italian Restaurant (ပါစတာမေးနီးယား အီတာလျံ စားသောက်ဆိုင်) ကို မြန်မာနိုင်ငံ Root of Asia ကုမ္ပဏီမှ     စင်ကာပူနိုင်ငံကနေ Franchise (လုပ်ငန်းလုပ်ပိုင်ခွင့်)ယူပြီး ရန်ကုန်မြို့မှာ လာရောက် ဖွင့်လှစ်တော့မှာပါ။

အဆိုပါ Pastamania အီတာလျံ စားသောက်ဆိုင်ကို ပထမဦးဆုံး နံပါတ် (၇)၊ အင်းယားလမ်း၊ ကမာရွတ်   မြို့နယ်၊ ရန်ကုန်မြို့မှာ ဒီနှစ်ကုန်ပိုင်းလောက် စတင်ဖွင့်လှစ်သွားဖို့ ရည်ရွယ်ထားတယ်လို့ ဇူလိုင်လ ၂၈     ရက်နေ့က ရန်ကုန်မြို့၊ ကန်တော်ကြီး ဗိုလ်ချုပ်ပန်းခြံ၊ Royal Garden Restaurant မှာ ကျင်းပပြုလုပ်ခဲ့တဲ့  သတင်းစာ ရှင်းလင်းပွဲအရ သိရပါတယ်။

တနှစ်အတွင်း ရန်ကုန်မြို့ရဲ့ အချက်အချာကျတဲ့ နေရာတွေမှာ Pastamania ဆိုင် စုစုပေါင်း ဆိုင်(၃) ဆိုင်  ဖွင့်လှစ်သွားဖို့ စီစဉ်ထားပါတယ်တဲ့။


“ကျနော် Pastamania ကို စပြီး Franchise ယူဖို့ ရွေးချယ်ဖြစ်ခဲ့တာတော့ မြန်မာနိုင်ငံမှာ Pasta ကို Franchise ယူပြီး လုပ်တဲ့ Restaurant တွေမရှိဘူး။ အီတာလျံ အစားအစာဆိုင်တွေ အများကြီး ဖွင့်လာတာ တွေ့ရပေမယ့် ပါစတာကို အဓိကထားပြီး Focus လုပ်တာ မတွေ့ရဘူး။ ပီဇာကိုပဲ အဓိကထားတာ တွေ့ရတယ်။ နောက်ပြီး ကျနော်ကိုယ်တိုင်ကလည်း ပါစတာကို နှစ်သက်လို့ ရွေးခဲ့တာပါ။ ပြီးတော့ မြန်မာပြည်သူ ပြည်သား တွေနဲ့ ဒီ ပါစတာ taste အရသာ ကိုက်ညီအပ်စပ်မယ်ထင်လို့ ကျနော် တင်သွင်းခဲ့တာ ဖြစ်ပါ တယ်” လို့ Root of Asia ကုမ္ပဏီရဲ့ မန်နေဂျင်း ဒါရိုက်တာ ကိုအေးချမ်းကိုကို က ပြောပါတယ်။

ဆက်လက်ပြီး သူက “ကျနော့်ဆိုင်က ကျောင်းသူ၊ကျောင်းသားတွေ လာစားတာပဲဖြစ်ဖြစ်၊ မိသားစုတွေ လာစားတာကအစ ကျနော့်ဆိုင်ထဲကို ဝင်ရောက်တာနဲ့ အီတလီကို ရောက်သွားတဲ့ ခံစားချက်မျိုး ဖြစ်သွား         အောင်  ဆိုင်ကို ပြင်ဆင်ထားပါတယ်” လို့ ဆိုပါတယ်။

ဆိုင်အတွင်းပိုင်း အပြင်အဆင်က စားသုံးသူတွေကို အီတလီနိုင်ငံ မြို့တမြို့ရဲ့ City Square ကို ရောက်သွား သလို ခံစားရအောင် ပြင်ဆင်ပေးထားတယ်လို့ သိရပါတယ်။ Customer တွေ ဆိုင်ထဲ ဝင်ရောက်လာတာနဲ့ နံရံပတ်လည်မှာ Italian New-stand, The Neighborhood Pasta Shop, Grocery Store နဲ့ Italian Traditional Bakery အစရှိတဲ့ Station တွေကို တွေ့မြင်ရမှာပါ။



Restaurant Structure အနေနဲ့က Ground Floor နဲ့ First Floor ဆိုပြီး အထပ်နှစ်ထပ် ရှိမှာဖြစ်ပြီး ပထမထပ်မှာဆိုရင် Private Room အခန်းနှစ်ခန်း ပါရှိမှာဖြစ်ပါတယ်။

“ကျမတို့ရဲ့ အဓိက ရည်ရွယ်ချက်က ကျန်းမာရေးနဲ့ ညီညွှတ်ပြီး အရသာရှိမယ့် နိုင်ငံတကာ အစားအစာတွေ တင်သွင်းချင်တာပါ။ အခုဆိုရင် အရမ်း တိုးတက်နေတဲ့ခေတ်မှာ လူတွေက ဖုန်းတွေနဲ့ပဲ ဒေတာတွေ ဖွင့်ပြီး အင်တာနက်ပဲ သုံးနေကြတာများတယ်။ ဒီလိုမျိုး လူချင်းတွေ့ဆုံပြီး စကားပြောတာ အရမ်းနည်းသွားပြီ။ အဲဒီတော့ ကျမတို့ Root of Asia ကုမ္ပဏီက ဘယ်လိုဖြစ်စေချင်တာလဲ ဆိုတော့ သူငယ်ချင်းတွေစုပြီး အပြင် သွားပြီး လျှောက်စားကြမယ်။ မိသားစုနဲ့ အပြင်ထွက်စားကြမယ်ဆိုရင် နေရာကောင်းကောင်းတခုမှာ အစားအသောက်အကောင်းကောင်းနဲ့ စားစေချင်တဲ့ ရည်ရွယ်ချက်ကြောင့် ဒီဆိုင်ကို ဖွင့်ဖြစ်တာ ဖြစ်ပါတယ်” လို့ Root of Asia ကုမ္ပဏီရဲ့ အထွေထွေမန်နေဂျာ မဖြူစင်သန့်က ပြောပါတယ်။

Pastamania အီတာလျံ အစားအစာဆိုင်မှာ ပီဇာလို Fast Food (အမြန်စာ) ကို အချိန်ကြာကြီး စောင့်ဆိုင်း စရာ မလိုအောင် အချိန်တိုတွင်း ပြုလုပ်ချိန် ငါးမိနစ်နဲ့ အလျင်မြန်ဆုံး ဝန်ဆောင်မှု ပေးသွားနိုင်ရန် စီစဉ်ထား ပြီး အစားအသောက် Menu ထဲမှာ Ice-Cream နဲ့ Pizza ပေါင်းစပ်ထားတဲ့ Dessert Pizza တွေကိုလည်း ထည့်သွင်းထားတယ်လို့ သိရပါတယ်။

“ကျနော်တို့ အီတာလျံ အစားအစာတွေကို ကြိုက်နှစ်သက်တဲ့ လူငယ်တွေ၊ နိုင်ငံခြားသား ဧည့်သည်တွေ၊ သံရုံးက ဝန်ထမ်းတွေနဲ့ မိသားစုတွေကို အဓိက Focus လုပ်ထားပါတယ်။ Menu ထဲမှာဆိုရင်လည်း Vegetarian Menu (သတ်သတ်လွတ် မီနူး) ကိုပါ စီစဉ်ထားတာကြောင့် သတ်သတ်လွတ်စားသူတွေ     အတွက်လည်း အဆင်ပြေနိုင်အောင် ရည်ရွယ်ထားပါတယ်” လို့ Root of Asia ကုမ္ပဏီရဲ့Operation Manager ကိုတေဇာခိုင်စိုးက ပြောပါတယ်။

Pastamania အီတာလျံ စားသောက်ဆိုင်က စင်ကာပူနိုင်ငံမှာ အောင်မြင်မှုရရှိနေတဲ့ အကြီးဆုံး Italian Restaurant ကြီးပဲ ဖြစ်ပါတယ်။ ၁၉၉၈ ခုနှစ်မှာ ပထမဦးဆုံး ဆိုင်ကို စတင်ဖွင့်လှစ်ခဲ့ပြီး အခုဆိုရင်      အရှေ့တောင်အာရှနိုင်ငံတွေနဲ့ Middle East လို့ခေါ်တဲ့ အရှေ့အလယ်ပိုင်း ဒေသတွေမှာပါ အားလုံးပေါင်း (၁၀) နိုင်ငံနဲ့ ဆိုင်ပေါင်း (၅၀) ကျော် ဖွင့်လှစ်နိုင်ခဲ့တဲ့ Italian Chain(အီတာလျံဆိုင်ခွဲ) တခုပဲ ဖြစ်ပါတယ်။


သီဟတိုး

0 comments :

Post a Comment

 
Copyright © 2014 Irrawaddy Publishing Group. All Rights Reserved