Beef Steak ကောင်းကောင်းရတဲ့ Onyx Wine Tree

ဓာတ်ပုံများ - တင်ထက်ပိုင်/ The Irrawaddy

မြန်မာနိုင်ငံမှာ ၂၀၁၂ ခုနှစ် နောက်ပိုင်းစီးပွားရေးပွင့်လင်းမှုတွေ သိသိသာသာ မြင်လာရတဲ့အတွက် နိုင်ငံရဲ့ စီးပွားရေးမြို့တော် ရန်ကုန်မှာလာအလုပ်လုပ်ကြတဲ့ အနောက်တိုင်းသားတွေကိုလည်း အရင်ကထက်     ပိုတွေ့လာရပါတယ်။ အကျိုးဆက်တခုကတော့ ရန်ကုန်မှာ အနောက်တိုင်းစားသောက်ဆိုင်တွေ တဖြည်းဖြည်းများလာတာပါ။

ရရှိနိုင်တဲ့ မီနူး၊ ဈေးနှုန်းအမျိုးမျိုးနဲ့ ဆိုင်အပြင်အဆင်တွေအပေါ် မူတည်ပြီးသူ့အကြိုက်၊ ကိုယ့်အကြိုက် ကွဲနိုင်ပေမယ့် ဒီတပတ်တော့ ရန်ကုန်က နိုင်ငံခြားသားတော်တော်များများအကြိုက်တွေ့တဲ့ Onyx Wine Tree Restaurant အကြောင်းပြောပြချင်ပါတယ်။

Onyx Wine Tree Restaurant ဟာ လတ်တလောမှ ဖွင့်လိုက်တဲ့ ဆိုင်တော့ မဟုတ်ပါဘူး။ ဟိုးအရင် ကတည်းက ရန်ကုန်မြို့၊ ဓမ္မစေတီလမ်းနဲ့ အင်းယားလမ်းထောင့်နားမှာ Onyx Steak ဆိုပြီး နှစ်တော်တော် များများရှိခဲ့ဖူးပါတယ်။ ပြီးခဲ့တဲ့ ဇူလိုင်လမှာတော့ ဗဟန်းမြို့နယ်ထဲက ဗိုလ်ချုပ်ပြတိုက်လမ်းမှာ ကျယ်ကျယ်  ဝန်းဝန်းရှိတဲ့ ဆိုင်အခင်းအကျင်းအသစ်နဲ့ ပြန်ဖွင့်လှစ်လိုက်တာပါ။

Onyx ဟာ သူ့ရဲ့ အရသာရှိပြီး ဈေးချိုတဲ့ Beef Steak တွေကြောင့် နဂိုကတည်းကနာမည်ရပြီးသား ဖြစ်ပါတယ်။Onyx ရဲ့ မီနူးမှာ ဟင်းအမယ်အများကြီးနဲ့ ဆန်းဆန်းပြားပြား နာမည်တွေမဟုတ်ဘဲအရမ်းကို ရိုးစင်းပါ တယ်။ Salad, Pasta, Grilled Dishes, Sandwiches, Desserts နဲ့ Drinks ဆိုပြီးရှိပါတယ်။

Onyx မှာလူကြိုက်အများဆုံး Salad အမျိုးအစားလို့ သိရတဲ့ Green Salad ဟာ ခရမ်းချဉ်သီး၊ ဆလပ်ရွက်တို့နဲ့ အဓိက ပြင်ဆင်ထားတာဖြစ်ပြီး ကြိုက်နှစ်သက်ရာ Bacon ၊ Chicken ၊ Prawn ဒါမှမဟုတ် Cheese ထပ် ထည့်လို့ ရပါတယ်။ Dressing ကတော့ Vinaigrette (ရှာလကာရည်၊ ဆီနဲ့ ဟင်းမွှေးရောစပ်ထားတဲ့အရည်) ဖြစ်ပါတယ်။ ဈေးနှုန်းက ကျပ် ၃၅၀၀ ပါ။

Grilled Dishes မှာတော့ Beef ၊ Pork ၊ Chicken နဲ့ Seafood ဆိုပြီးရှိပေမယ့် လူအမှာအများဆုံးက Beef Steak တွေပါ။ တယောက်စာစားမယ်ဆိုရင်တော့ Tenderloin ၊ Sirloin ၊ Farmer Steak ၊ Minced ၊ Veal Sausage စတာတွေရှိပြီး ၃ ယောက်၊ ၄ ယောက်လောက် ပေါင်းစားချင်ရင်တော့ ကျပ် ၂၀၀၀၀ တန် Beef Filet ကိုညွှန်းချင်ပါတယ်။ Steak ကိုဆမ်းမယ့် ဆော့စ်အမျိုးမျိုးရွေးနိုင်ပြီး Pepper Sauce ၊ MushroomSauce နဲ့ Blue Cheese ကတော့ လူကြိုက်များပါတယ်။ တွဲစားမယ့် အာလူးကိုလည်း Fried wedges ၊ Baked ဒါမှမဟုတ် Mashed စိတ်ကြိုက်ရွေးနိုင်ပါတယ်။

Onyx ရဲ့ တယောက်စာ Steak တွေက တခြားဆိုင်တွေမှာထက် တော်တော်ကို ပိုများပါတယ်။ သိပ်အများ   ကြီးမစားနိုင်သူတွေဆိုရင်တော့ သူ့ဆိုင်က Steak တွေကို ၂ ယောက်လောက် မျှစားနိုင်ပါတယ်။ မီနူးထဲက Beef Steak တွေအတွက် ပြည်တွင်းကအမဲသားကိုပဲ သုံးထားတာဖြစ်ပြီး အားလုံးကျပ် ၆၅၀၀ နဲ့ ၈၅၀၀        ကြားမှာပဲရှိပါတယ်။

Steak ကောင်းကောင်းစားမယ်ဆို ဝိုင်ကောင်းကောင်းလည်းရှိမှဖြစ်မှာပါ။ Onyx ရဲ့ Red Wine နဲ့ White Wine တွေဟာ ပြင်သစ်က House Wine တွေဖြစ်ပါတယ်။ ဝိုင်တခွက်ကို ကျပ် ၄၅၀၀ ကျပ်၊ တပုလင်းဆိုရင်တော့ ကျပ် ၁၈၀၀၀ ဖြစ်ပါတယ်။

တခြားသောက်စရာအတွက်တော့ Soda ၊ Juice ၊ ကော်ဖီနဲ့ လက်ဖက်ရည်အမျိုးမျိုးရပါတယ်။ အားလုံးကျပ် ၂၀၀၀ နဲ့ ၃၀၀၀ အကြားကျသင့်ပါတယ်။

Onyx ဟာနေ့လယ်စာစားချိန်အတွက် မနက် ၁၁ နာရီကနေ ညနေ ၃ နာရီအထိဖွင့်ပြီးညစာအတွက်တော့ ညနေ ၅ နာရီကနေ ည ၁၁ နာရီအထိဖွင့်ပါတယ်။ နေ့လယ်စာအတွက် Reservation လုပ်စရာမလိုပေမယ့် ညစာအတွက်ဆိုရင်တော့ လူအရမ်းများတဲ့အတွက် Reservation မဖြစ်မနေလုပ်မှ နေရာရဖို့ စိတ်ချရမှာပါ။
Beef Steak ကောင်းကောင်းကိုဈေးသင့်သင့်နဲ့ စားချင်သူတွေအတွက် Onyx က သင့်တော်တဲ့ နေရာတခု  ဖြစ်ကြောင်းညွှန်းချင်ပါတယ်။

Onyx Wine Tree Restaurant အမှတ် ၁၂ ဘီ၊ ဗိုလ်ချုပ်ပြတိုက်လမ်း (ဂျာမန် သံရုံးရှေ့)၊ဗဟန်းမြို့နယ်၊   ရန်ကုန်မြို့။ဖုန်း -  ၀၉  ၉၇၇ ၄၄၂ ၉၆၁ ၊ ၀၉ ၅၀၇ ၁၈၄၇


တင်ထက်ပိုင်