လင်းသန့်၊ ဖေဖော်ဝါရီ ၂၁၊ ၂၀၁၁
ဗိုလ်ချုပ်မှူးကြီး သန်းရွှေက ဒေါ်အောင်ဆန်းစုကြည် ရှိနေသရွေ့  လူထုအုံကြွမှု ဖြစ်ပေါ်မလာနိုင်ဟု လွန်ခဲ့သည့် သီတင်းပတ်က နေပြည်တော် အရေးပေါ်အစည်းအဝေးတခုတွင် ပြောကြားလိုက်သည်ဟု သိရသည်။
မကြာသေးမီက တူနီရှားနိုင်ငံမှ စတင်ခဲ့ပြီး တခြား အရှေ့အလယ်ပိုင်း နိုင်ငံများသို့ ကူးစက်ခဲ့သည့် လူထုလှုပ်ရှားမှုများ ဆက်တိုက်ဖြစ်ပေါ်လာပြီး အာဏာရှင်များ အာဏာလက်လွှတ်ပေးခဲ့ရသည့် အခြေအနေများကို မြန်မာနိုင်ငံတွင်လည်း စိတ်ဝင်စားနေကြသည်။
ထိုကဲ့သို့ အရှေ့အလယ်ပိုင်းတွင် လူထုအုံကြွမှုများ ဖြစ်ပေါ်နေစဉ် မြန်မာစစ်ခေါင်းဆောင်များကလည်း အရေးပေါ်အစည်းအဝေးတရပ် ခေါ်ယူခဲ့သည်ဟု သိရသည်။
ထိုအစည်းအဝေးတွင် ဗိုလ်ချုပ်မှူးကြီး သန်းရွှေက တပ်မှူးများတင်ြပလာကြသော အရှေ့အလယ်ပိုင်းနှင့် တချို့ နိုင်ငံများတွင် ဖြစ်ပွားနေသော အထွေထွေ အုံကြွမှု မြန်မာနိုင်ငံတွင် ဂယက်ရိုက်ခတ်လာခဲ့သည်ရှိသော် လုံခြုံရေး ကြိုတင်ပြင်ဆင် ထားနိုင်ရန် ဆွေးနွေးကြကြောင်း သိရသည်။
ထိုကိစ္စနှင့် ပတ်သက်ပြီး ဗိုလ်ချုပ်မှူးကြီး သန်းရွှေက အထက်ပါ အတိုင်း ဒေါ်အောင်ဆန်းစုကြည် ရှိနေသရွေ့ လူထုအုံကြွမှု မဖြစ်နိုင်ဟု မှတ်ချက်ပေးခဲ့ခြင်း ဖြစ်သည်။ သို့သော် အစည်းအဝေးတွင် ဒု ဗိုလ်ချုပ်မှူးကြီး မောင်အေး အပါအဝင် ရန်ကုန်တိုင်း တိုင်းမှူး ဗိုလ်မှူးချုပ် ထွန်းသန်း၊ မန္တလေးတိုင်း တိုင်းမှူး ဗိုလ်မှူးချုပ် ရဲအောင်နှင့် တချို့ တိုင်းမှူး၊ တပ်မမှူးများက ဆန္ဒပြမှုများ ပေါပေါက်လာနိုင်သည်ဟု ခန့်မှန်းကြောင်း သိရသည်။
အဆိုပါသတင်းနှင့် ပတ်သက်၍ Freedom News Group တွင်လည်း ၂၀၀၇ ရွှေဝါရောင် တော်လှန်ရေးတွင် သံဃာများနှင့် ဒေါ်အောင်ဆန်းစုကြည်တို့ မပူးပေါင်းမိခင် သံဃာများကို ဖြိုခွင်းခဲ့ကြောင်း ပြောသည်ဟု အရာရှိတဦးကို ကိုးကားဖော်ပြထားသည်။
ဗုိလ်ချုပ်မှူးကြီးသန်းရွှေ၏ မှတ်ချက်နှင့်ပတ်သက်ပြီး ရန်ကုန်မြို့ရှိ တက်ကြွ လှုပ်ရှားသူ လူငယ်တဦးက ဧရာဝတီသို့ ပြောကြားရာတွင် “ကျနော်တို့ အခု မြန်မာနိုင်ငံမှာ မူဘာရက်လို ဗိုလ်သန်းရွှေ အမြန်ဆုံးအာဏာက ထွက်ပြေးအောင် လူထုလှုပ်ရှားမှု ပေါ်ပေါက်လာရေး၊ သိန်းစိန် အစိုးရ အလိုမရှိ ပိုစတာ ကင်မ်ပိန်းလုပ်နေကြတယ်။ ခက်တာက အန်တီစုက ဒါမျိုးတွေကို စိတ်ဝင်စားတဲ့ ပုံမတွေ့ရတဲ့အပေါ် မူတည်ပြီး ဗိုလ်သန်းရွှေကြီးက အဲဒီလို မှတ်ချက်ပေးတာ ဖြစ်နိုင်တယ်။ ကျနော်တို့ကတော့ တိုင်းပြည် အမြန်ဆုံးပြောင်းဖို့အတွက် ကြိုးစားလုပ်ဆောင်သွားမှာပဲ။ ကျနော်တို့က ပေးဆပ်နေရတာ သိပ်များနေပြီ။ တအိအိ ဆိတ်သုဉ်းနေတဲ့ ဘ၀တွေအတွက် အချိန်က သိပ်တန်ဘိုးရှိတယ်” ဟု ဆိုသည်။
တက်ကြွလှုပ်ရှားသူ လူငယ်များက တွေ့ဆုံ ဆွေးနွေးရေး စားပွဲဝိုင်းသို့ စစ်အာဏာရှင်များ တက်လာစေရေးအတွက် ပြည်တွင်းလူထု လှုပ်ရှားမှုဖြင့် ဖိအားပေးရေးလမ်းစဉ်က စွန့်စားမှု ကြီးသော်လည်း တပ်မတော်ကြားနေပါက တခြားနိုင်ငံများအတိုင်း အောင်မြင်သော အသွင်ကူးပြောင်းရေးကို ဖြစ်ထွန်းမည်ဟု ယုံကြည်နေကြကြောင်း သိရသည်။
နိုင်ငံတကာတွင် အင်တာနက်အွန်လိုင်း အသုံးပြုပြီး လူထုအုံကြွမှု လှုံ့ဆော်မှုများကြောင့် အစိုးရ အပြောင်းအလဲများ ဆက်တိုက်ဖြစ်ပွားလာမှုသည် မြန်မာနိုင်ငံတွင်လည်း သင်ခန်းစာယူ လုပ်ဆောင်နိုင်မည့် အခွင့်အလမ်းများ ဖြစ်ထွန်းလာနိုင်ခြေ ရှိမရှိ မြန်မာ့အရေး လေ့လာသူများအကြား မေးခွန်းထုတ်နေကြသည်ဟု သိရသည်။
သူတို့ဆီမှာစစ်တပ်ကပြည်သူဘက်ကရပ်တည်တာလေ။
ကိုယ့်ဆီမှာကစစ်တပ်ကိုယ်တိုင်ကအာဏာရှင်ဖြစ်နေတာလေ။
တပ်ထဲကအခြားအဆင့်တွေကလဲရတဲ့အရွတ်အရိုးအရီအရွဲအပြိုင်ဆွဲနေကြပြီ။
ပြည်သူကိုခေါင်းထဲမထားနိုင်တော့ဘူး။