နိုင်ငံရေး အကျဉ်းသားတွေ ဘာလို့ မလွတ်တာလဲ
“ဒေါ်အောင်ဆန်းစုကြည် ပြောတာက နိုင်ငံရေးအကျဉ်းသားတွေနဲ့ ပတ်သက်လို့ သူနဲ့ အစိုးရ အကြား အချိန် တခု သတ်မှတ် သဘောတူထားတယ်၊ အဲ့ဒီအချိန်ကို မရောက်သေးဘူး၊ ဘယ်တော့လည်းဆိုတာတော့ ထုတ်မပြောဘူး”ဟု ၈၈ မျိုးဆက်ကျောင်း သား ခေါင်းဆောင် တဦးဖြစ်သော ကိုဉာဏ်လင်း၏ညီ ကိုဆန်းလင်းကပြောသည်။ ... ဒေါ်အောင်ဆန်းစုကြည်က ဆက်လက်ပြီး သမ္မတ ဦးသိန်းစိန်အပေါ်တွင် ယုံကြည်မှုရှိကြောင်း၊ သို့သော်လည်း အစိုးရအဖွဲ့အတွင်း သဘောထားကွဲလွဲမှုဖြစ်ပေါ်နေသည် ဟု ထင်ကြောင်း၊ အစိုးရအနေဖြင့် နိုင်ငံရေးအကျဉ်းသားများနှင့် ပတ်သက်၍ သဘောတူညီ ထားရှိသည့်အတိုင်း အကောင်အထည် ဖော်ဆောင်ရွက်ခြင်းမရှိပါက လုပ်စရာရှိသည်ကို ဆက်လက်လုပ်ဆောင်မည်ဟု ကတိပေး ပြောကြားကြောင်းလည်း ကိုဆန်းလင်းက ပြောဆိုသည်။ (Source: ဧရာဝတီ)
နှစ်သစ်မှာ စိတ်ပျက်လက်ပျက် ဖြစ်ပြီး ဦးသိန်းနဲ့ အစိုးရအဖွဲ့ မေတ္တာအပို့ခံရဆုံးသတင်းကတော့ လွတ်ငြိမ်းချမ်းသာခွင့် သတင်းပါပဲ။ ကာယကံရှင်တွေဖြစ်တဲ့ နိုင်ငံရေးအကျဉ်းသားတွေရဲ့ မိသားစုတွေက ဒေါ်အောင်ဆန်းစုကြည်ကို တိုက်ရိုက်ပဲ သွားမေးကြပါပြီ။ ဧရာဝတီက သိထားတဲ့ သတင်းတချို့အရတော့ လွတ်ငြိမ်း မကြေညာခင်ကတည်းက ပြည်ထဲရေးဝန်ကြီးက ဒေါ်အောင်ဆန်းစုကြည်ကို လွတ်စေချင်တဲ့သူတွေ ပါလာမှာ မဟုတ်ဘူးဆိုတာ ကြိုတင် ပြောပြီးပြီဆို ဆိုပါတယ်။ လွှတ်တော့လွှတ်မယ် သူတို့မပါဘူး၊ ကြိုပြောထားတာဆိုတဲ့ မလှိမ့်တပတ် အကွက်မျိုးပါ။
တချို့ ပြည်တွင်းသတင်းရပ်ကွက်တွေကလည်း လွှတ်တော့လွှတ်မယ်၊ ဒါပေမယ့် ဧပရယ်ဖူးလ် ကြားဖြတ်ရွေးကောက်ပွဲပြီးမှလို့လည်း ခန့်မှန်းနေပါတယ်။ ကိုခက်အနေနဲ့ကတော့ ဒါဟာ အန်တီစု ပြောတဲ့ “ဥပဒေရှုထောင့်က ကြည့်ရင် အရင်အစိုးရလက်ထက်က ချမှတ်ခဲ့တဲ့ ပြစ်ဒဏ်တွေကို အစိုးရသစ်အနေနဲ့ ပယ်ဖျက်လို့မရသေးဘူး၊ လျှော့ပေါ့လို့ပဲရမယ်၊ ဒါကြောင့် ဥပဒေစိုးမိုးရေးနဲ့ ဖွဲ့စည်းပုံပြင်ရေး အတွက် လွှတ်တော် နိုင်ငံရေးကို လုပ်ရမယ်” ဆိုတာ သတိထားမိပါတယ်။ သမ္မတ ဦးသိန်းစိန်က လွှတ်စေ မောင်မင်းများ လုပ်ရုံနဲ့ မပြီးပါဘူး။ သူက လွှတ်စေချင်တာတွေကို ကာကွယ်ရေးဦးစီးချုပ် ဗိုလ်ချုပ်ကြီး မင်းအောင်လှိုင်တို့ပါတဲ့ ကာလုံ ခေါ် နိုင်ငံတော်ကာကွယ်ရေးနဲ့ လုံခြုံရေးကောင်စီရဲ့ သဘောတူညီမှု လိုတယ်။ သမ္မတ လုပ်ပိုင်ခွင့်ကို ဗိုလ်ချုပ်တွေနဲ့ ပြန်ချုပ်ထားတယ်။ ပိုက်ဘောတွေ မိနေတယ်။ နိုင်ငံရေးအကျဉ်းသားတွေ လွတ်ရေးက ရင်လေးစရာ ဆက်ဖြစ်နေတုန်းပါပဲ။
သမ္မတ ဦးသိန်းစိန်ကိုယ်နှိုက်က နိုင်ငံရေးအကျဉ်းသားဆိုတာ မရှိပါဘူးလို့ ထုတ်ပြောပြီးတဲ့နောက်တော့ ပွဲက ပြတ်နေပါပြီ။ ဒီနေ့ အစိုးရသတင်းစာမှာလည်း ကြည့်ပါ၊ သူတို့ အခေါ် ယုံကြည်ချက်ကြောင့် အကျဉ်းကျနေသူတွေအတွက် စကားလုံးတခုတောင် ပေးမထားပါ။ ရာဇဝတ်မှုကျူးလွန်သူလို့ သတ်မှတ်သူတွေနဲ့ အုတ်အရောရော ကျောက်အရောရော ဖြစ်နေတာပါ။ ဗိုလ်ချွတ်ကနေ အစိုးရတက်လုပ်သူတွေကတော့ နိုင်ငံရေးအကျဉ်းသားဆိုတာ လက်ခံတာနဲ့ ကိုယ့်ပေါင်ကိုယ် လှန်ထောင်းရုံမက လမ်းကြိတ်စက်နဲ့ပါ အကြိတ်ခံရသလို ဖြစ်မှာ ကြောက်နေကြတယ် ထင်ပါတယ်။
မီးလောင်ပေါက်ကွဲမှု ဘဲဥအစရှာမရ
မီးလောင်ပြီး ပေါက်ကွဲခဲ့သောကြောင့်ဖြစ်ပေါ်ခဲ့သော မေတ္တာမွန်ဂိုထောင်အမှတ် ၇၉ ရှိ ကျင်းအနီးမှ ယနေ့နံနက်ပိုင်းက ယမ်းစိမ်းအိတ် ၁၀အိတ်ကျော်ထပ်မံတူးဖော်တွေ့ရှိကြောင်း ရန်ကုန်တိုင်းမီးသတ်ဦးစီးဌာနမှ ဦးစီးမှူး ဦးသင်းဌေးရွှေကပြောသည်။ ရန်ကုန်မြို့အနီးတစ်ဝိုက်တွင် ရစ်ချက်တာစကေး ၂.၃ အင်အားရှိ ငလျင်အသေးစားတစ်ခု လှုပ်ခတ်သည်အထိ ပေါက်ကွဲအားပြင်းထန်ခဲ့သော ထိုပေါက်ကွဲမှု့တွင် ယမ်းစိမ်းအိတ်များကျန်ရှိပြီး မပေါက်ကွဲခြင်းမှာ အံ့သြစရာကောင်းကြောင်း ဓာတုဗေဒပညာရှင်တစ်ဦးကမှတ်ချက်ပေးသည်။
ထို့အပြင် ဓာတုပစ္စည်းများထည့်ထားသော တိုင်ကီများကိုလည်းထပ်မံတွေ့ရှိရကြောင်း သတင်းရရှိသည်။ထို့ကြောင့် စီအိုင်ဒီ အပါအ၀င် သက်ဆိုင်ရာအဖွဲ့အစည်းများမှ တာဝန်ရှိသူများက စစ်ဆေးနေကြသည်ဟုဆိုသည်။ (Source: 7 Day ဂျာနယ် ဖေ့စ်ဘုတ်)
လူတွေ အတော်တုန်လှုပ်ခြောက်ခြားခဲ့ရတဲ့ ၂၀၁၁ နှစ်ကုန် မင်္ဂလာတောင်ညွန့် မီးလောင်ပေါက်ကွဲမှုကြီးဟာ ဖြစ်ပျက်ပုံ အကြောင်းရင်းကို အခုထိ ဘဲဥအစရှာမရ ဖြစ်နေပါတယ်။ ဝါယာလျှော့ ဆိုရင်လည်း လျှပ်စစ်ဌာနက ငြင်းပါတယ်။ မီးလောင်နဲ့ အက်ဆစ်အပေါ် ရေဖြန်းမိတာလို့ ပြောရင်လည်း မီးသတ်က ငြင်းပါတယ်။ ဒါနဲ့ပဲ ဟိုလိုလို ဒီလိုလို ဖြစ်နေပါတယ်။ ၁၂ ပေလောက်နက်အောင် ကျင်းကြီးဖြစ်သွားစေတဲ့ ပေါက်ကွဲမှုဆိုတာ နည်းနည်းနောနော ပြင်းအားမဟုတ်ပါ။ စုံစမ်းရေး ကော်မရှင်ဖွဲ့ပြီး သေချာ စုံစမ်းစစ်ဆေးသင့်သလို မြန်မာနိုင်ငံမြိ်ု့ပြတွေ ဒီလို အမှုအမှတ်မဲ့ အန္တရာယ်ရှိလောက်တဲ့ ကိစ္စမျိုး ရှိသလားဆိုတာလည်း တဆက်တည်း လျှင်လျှင်မြန်မြန် ဆောင်ရွက်သင့်တဲ့ ကိစ္စမျိုးပါ။
အမှုဟောင်းတွေ ပြန်ဖော်နိုင်
ယုံကြည်ချက်ကြောင့် အကျဉ်းကျခံရသူများ အပါအဝင် ယခင်အစိုးရလက်ထက်က မည်သည့်အမှုဟောင်းများကိုမဆို မိမိပြစ်ဒဏ်ကျခဲ့စဉ်က မမှန်ကန်၊ မမျှတခဲ့ကြောင်း၊ အဂတိ တရားများရှိခဲ့ကြောင်း အထောက်အထားခိုင်လုံစွာ တိုင်ကြားလာပါက ပြည်သူ့လွှတ်တော် တရားစီရင်ရေးနှင့် ဥပဒေရေးရာ ကော်မတီက သက်ဆိုင်ရာ တရားလွှတ်တော်ရုံးများသို့ လွှဲအပ်ပြီး ပြန်လည်စိစစ်စေမည်ဟု ၎င်းကော်မတီ ဥက္ကဋ္ဌ သူရဦးအောင်ကိုက ဒီဇင်ဘာလ ၂၉ ရက်နေ့က မီဒီယာများကို ပြောသည်။
“အခုဆိုရင် ယုံကြည်ချက်ကြောင့် အကျဉ်းကျခံနေရတဲ့ နိုင်ငံရေး အကျဉ်းသားတွေလည်း ပြန်လွတ်လာတော့မှာပါ။ မှန်ကန်ပါလျက်နဲ့ နစ်နာမှုတွေရှိခဲ့တဲ့ အမှုဟောင်းတွေကို ကျွန်တော်တို့ဆီကို ပြန်တင်ပေးပါ။ ဆက်ပြီးတော့ ဆောင်ရွက်ပေးပါမယ်။ အဲဒီ အမှုဟောင်းတွေဟာ ငါးနှစ်ပဲကြာကြာ၊ ၁၀ နှစ်ပဲ ကြာကြာ ပြန်တင်ပေးပါ။ တစ်ခုတော့ရှိပါတယ်။ ကာလစည်းကမ်းသတ်မှတ်ချက်ရှိတဲ့ တရားမမှုမျိုး၊ စည်ပင်သာယာ အက်ဥပဒေနဲ့ ဆိုင်တဲ့ ဥပမာ- လမ်းပိတ်ဆို့မှုမျိုး စတာတွေကလွဲရင် ဘယ်အမှုဟောင်းတွေပဲ ဖြစ်ဖြစ် တင်ပေးလာရင် ဆောင်ရွက်ပေးပါမယ်” ဟု ၎င်းက ပြောသည်။ (Source: မြန်မာတိုင်းမ်)
ဒီသတင်းကတော့ မြန်မာတိုင်းမ်မှာ ဖော်ပြထားတာပါ။ တကယ်သာ စိစစ်လက်ခံမယ်ဆို တိုင်စရာအမှုတွေ နည်းမယ် မထင်ပါဘူး။ အသေးအဖွဲ မတရားမှုတွေကအစ သံလျင်ရေနံချက်စက်ရုံ ဗုံးခွဲပါတယ်ဆိုပြီး မတရားစွပ်စွဲ သေဒဏ်ချခံရသူတွေ အဆုံးပါ။ စစ်အစိုးရ လက်ထက်မှာ အမြင်ကတ်ပုဒ်မတွေနဲ့ အာဏာအားကိုး အနိုင်ကျင့်ထားတာတွေ ပြောမကုန်နိုင်ဖွယ်ပါပဲ။ သူရဦးအောင်ကို ဒီဇင်ဘာလကုန်တုန်းက ပြောသွားတာမှာ “ယုံကြည်ချက်ကြောင့် အကျဉ်းကျခံနေရတဲ့ နိုင်ငံရေး အကျဉ်းသားတွေလည်း ပြန်လွတ်လာတော့မှာပါ” လို့ ပါပါတယ်။ အခု လွတ်လာတော့ ၃၅ ယောက်လောက်ပဲ ပါတာကို ကြည့်ရင် ဦးသိန်းစိန်အစိုးရထဲမှာ ဘယ်လောက် တယောက်တပေါက် ဖြစ်နေကြတယ်ဆိုတာ မှန်းနိုင်မှာပါ။
ဖာသည်
ပြည်တွင်း သတင်းစာ ဆရာများအပေါ် ပြောဆိုခဲ့သည့် ဇေကမ္ဘာ ဦးခင်ရွှေ၏ ပြောစကားများမှာ နိုင်ငံတော်နှင့် နိုင်ငံသားတို့ အကျိုးစီးပွားအတွက် ရည်ရွယ်၍ စေတနာ သန့်သန့်ဖြင့် ပြောကြားခဲ့သည့် အကြံပြုချက်များသာ ဖြစ်ကြောင်း အမျိုးသားလွှတ်တော် ပြည်သူတို့၏တိုင်ကြားစာနှင့် အသနားခံစာဆိုင်ရာ ကော်မတီဥက္ကဋ္ဌ ဦးအောင်ငြိမ်းက ရှင်းလင်းပြောကြားသည်။ .... ဒေါက်တာ ခင်ရွှေအနေဖြင့် ယင်းသို့ ပြည်တွင်း မီဒီယာများ အပေါ် ဝေဖန် ပြောဆိုခြင်းနှင့် ပတ်သက်၍ ဂျာနယ်ပေါင်း ၅၄ စောင်မှ စာနယ်ဇင်းသမား ၁၉၅ ဦးတို့က ဝိုင်းဝန်းလက်မှတ် ရေးထိုး ကာ သက်ဆိုင်ရာသို့ အသိပေး အကြောင်းကြားမှု များ ပြုလုပ်ခဲ့ ကြောင်း သိရသည်။ (Source: ပေါ်ပြူလာ သတင်းဂျာနယ်)
ပေါ်ပြူလာသတင်းဂျာနယ်မှာ ဖတ်မိတဲ့ သတင်းပါ။ ဖတ်ပြီးတော့ အချင်းချင်းတော့ ဖာထေးကြသား၊ လူရွှင်တော်တွေ ပြောသလို အပြစ်ဟူသမျှ လိုက်ဖာထေးရလို့ သူ့မှာ ဖာသည်ကြီးကို ဖြစ်လို့ဆိုတာ သွားသတိရပါတယ်။ မီဒီယာသမားတွေကြားမှာ ပွက်လောရိုက်ခဲ့တဲ့ ဦးခင်ရွှေရဲ့ ရင့်သီးတဲ့ စကားတွေကို အစိုးရဟစ်တိုင်ကော်မတီက ဖာထေးတာပါ။ ဂျာနယ် ၅၄ စောင်က ဂျာနယ်လစ် ၁၉၅ ဦးက တိုင်တယ်ဆိုတာ နည်းနည်းနောနော် ဖိအားမဟုတ်ပါ။ ဂျာနယ် ၃-၄ စောင်က ဆော်တာတောင် ပုဂ္ဂလိက သူဌေးဆေးရုံတချို့ ပျားအတော် တုပ်ကြပါသည်။ သို့သော် ကြံ့ဖွတ်လူကြီး ဦးခင်ရွှေကို ဟစ်တိုင်ကော်မတီက ဖာထေးပေးတာတော့ လွန်တယ်ထင်ပါတယ်။ အမျိုးသားလွှတ်တော် ပြည်သူတို့၏ တိုင်ကြားစာနှင့် ဖာထေးရေးဆိုင်ရာ ကော်မတီလို့သာ အမည်ပြောင်းဖို့ အကြံပြုချင်ပါတယ်။
ကိုခက်
နိုင်၊ကျဉ်းတွေကို လွတ်မရတဲ့ ပြဿနာအဓိက က ဘာလဲဆိုတာလေးတခု မောင်ကောင်းဝင်လျှာရှည်ပါရစေ၊ နိုင်ကျဉ်းတွေကိုလွှတ်ရင် ခင်ညွန့်ပါလွှတ်ရတော့မှာကိုး၊ ခင်ညွှန့်လွှတ်တာနဲ့ သန်းရွှေနဲ့အဖွဲ့ ဖင်ကြားတလျှော်ညှပ်(မရိုသေ့စကား) ရတော့မှာ သူတို့အားလုံးကြားမှာ သိနေတယ် သိနေကြတယ်၊ နဝတ၊ နအဖ ခေတ် အဓိက ဇတ်လိုက်က ခင်ညွန့် ယူဂျီအင်အားအကောင်းဆုံး ခင်ညွန့်၊ UWSA နောက်ခံအင်အားအရဆုံးခင်ညွန့်.. ၊ အဲ့ဒါ နိုင်ကျဉ်းတွေ ပဲလှော်ကြားက ဆားတွေဖြစ်ရရှာတာ၊ တွေးကြ တောကြအုန်း ဖင်ပိတ်ပြီး နိုင်ကျဉ်း နိုင်ကျဉ်း အော်မနေကြနဲ့အုန်း။