၂၀၁၀ ရွေးကောက်ပွဲကို ဒေါ်စုသပိတ်မှောက်ခဲ့တယ်။ နိုင်ငံရေးအရ ရဲရင့်တဲ့ ဆုံးဖြတ်ချက်ဖြစ်ပါတယ်။ နိုင်ငံတကာအဖြစ်အ ပျက်တွေမှာ ရွေးကောက်ပွဲ သပိတ်မှောက်လိုက်လို့ ပါတီအင်အား ကျဆင်းခဲ့တာတွေရှိပါတယ်။ တစ်ချို့နိုင်ငံတွေမှာ အတိုက်အခံတွေက သပိတ်မှောက်လိုက်တယ်။ မိမိတို့ လိုလားချက်တွေကို လူထု အင်အားနဲ့ ဒီမိုကရေစီ လှုပ်ရှားမှုတွေ ဖေါ်ဆောင်နိုင်လို့ အင်အား ကြီးထွားလာတာ အာဏာ ရရှိလာတာတွေလဲ ရှိခဲ့ပါတယ်။ ဒါ့ကြောင့်မို့ အထွေထွေ ရွေးကောက်ပွဲ တွေမှာ အကြောင်းမျိုးစုံကြောင့် သပိတ် မှောက်သင့် မသင့် ဆိုတာနိုင်ငံတစ်ခုနဲ့ တစ်ခု ခြားနားချက်တွေရှိပါတယ်။ အတိုက်အခံအင်အားစုတွေ အာဏာရှင်တွေနဲ့ ရင်ဆိုင်ယှဉ် ပြိုင်ရတာမှာ ပုံသေကားချနည်းလမ်း မရှိပါ။ သက်ဆိုင်ရာနိုင်ငံတွေမှာရှိနေကြတဲ့နိုင်ငံရေးခေါင်းဆောင်များရဲ့ ဉာဏ်ပညာကြီးရင့်မှုအပေါ်မှာမူတည်နေပါတယ်။
ဒေါ်စုက၂၀၀၈ဖွဲ့စည်းပုံဥပဒေကိုဆန့်ကျင်ခဲ့တယ်။ ၂၀၁၀ ရွေးကောက်ပွဲ ကော်မရှင် ဥပဒေနဲ့ နိုင်ငံရေးပါတီများ မှတ်ပုံတင်ဥပဒေတို့ကို အသိအမှတ် မပြုနိုင်တဲ့အတွက် ၂၀၁၀ ပါတီစုံဒီမိုကရေစီ ရွေးကောက်ပွဲ ကို သပိတ်မှောက်ခဲ့တယ်။ နိုင်ငံရေးအရ ကြီးမားတဲ့ လုပ်ဆောင်ချက်လို့ ပြောနိုင်ပါလိမ့်မယ်။ မတရားသင်း ကျေညာခံရမဲ့ အန္တရာယ်ကြီး ရှိနေပါတယ်။
ဒေါ်စုမှားသွားသလား? မှန်ကန်တယ်လို့ ပြောနိုင်ပါတယ်။ ဘာ့ကြောင့် ဆိုတော့ ၂၀၀၈ဖွဲ့စည်းပုံ ဥပဒေ ဆိုတာ ပါတီစုံဒီမိုကရေစီစနစ်ကို ဖေါ်ဆောင်ရေး မဟုတ်ပါ။ ကြံ့ဖွံ့ တစ်ပါတီအာဏာရှင်စံနစ်ကို သက်ဆိုးရှည်အောင် ရေးဆွဲထားလို့ဖြစ်ပါတယ်။ ထို့အတူ ၂၀၁၀ကော်မရှင်ဥပဒေနဲ့ ပါတီမှတ်ပုံတင်ဥပဒေ တို့ဟာ ကြံ့ဖွံ့ပါတီ အနိုင်ရရေးအတွက် ပြဋ္ဌာန်းထားလို့ ဖြစ်ပါတယ်။ လွတ်လပ်တရား မျှတတဲ့ ရွေးကောက်ပွဲ မဟုတ်ခဲ့ပါ။ ကုလသမဂ္ဂ အပါအ၀င် နိုင်ငံတကာအစိုးရ တွေကလဲထောက်ခံမှု အသိအမှတ်ပြုမှု မပေးခဲ့ကြပါ။
ဒါ့ကြောင့်မို့ပြည်ထောင်စုလွှတ်တော်က ရွေးကောက် တင်မြှောက်လိုက်တဲ့ ဦးသိန်းစိန်အစိုးရ ဟာသူတို့ရဲ့ အထီးကျန်ဖြစ်နေမှုကို သုံးသပ် ဝေဘန်မိပုံရပါတယ်။
၂၀၁၁ ခုနှစ်မတ်လ (၃၀) ရက်နေ့မှာအာဏာရလာတဲ့ ကြံ့ဖွံ့အစိုးရဟာ ပြုပြင်ပြောင်းလဲမှု တစ်ချို့ပြုလုပ်ဖို့ စဉ်းစားလာရပါ တယ်။ ကုလသမဂ္ဂ အပါအ၀င် နိုင်ငံတကာသံတမန်တွေကို ဖိတ်ခေါ်တာ တွေ့ဆုံ ဆွေးနွေးတာတွေ လုပ်ဆောင်လာပါတယ်။ အ ကောင်းဘက်ကို တစ်စုံတရာ ရွေ့ရှားတာလို့ မှတ်ယူနိုင်ပါလိမ့်မယ်။ အာဏာရှင်စနစ်နှစ်ပေါင်း (၅၀) တည်တန့်ခဲ့တဲ့ မြန်မာနိုင်ငံမှာပြု ပြင်ပြောင်းလဲမှုတွေ လုပ်ဆောင်ဖို့ မြောက်များစွာ ကျန်နေပါသေးတယ်။
လက်ရှိအစိုးရ သစ်ကဒီနှစ်အတွင်းမှာကြားဖြတ် ရွေးကောက်ပွဲတွေ ကျင်းပပေးမယ် လို့ ကျေညာထားပါတယ်။ ဒီ ရွေးကောက်ပွဲ တွေမှာ ဒီမိုကရေစီ အင်အားစုတွေက ရာနှုံးပြည့်အနိုင်ရတဲ့ တိုင်အောင် နိုင်ငံတော်အာဏာ (၃) ရပ်ကိုဘယ်လိုမှ လက်လှမ်းမှီနိုင်စွမ်း မရှိပါ။
ဒါ့ကြောင့်မို့ဒေါ်စုဟာ တစ်စုံတစ်ရာ ပွင့်လင်းလာတဲ့ လွတ်လပ်မှုတွေ အခွင့်အလမ်းတွေကို အသုံးချပြီး ပါတီ တည်ဆောက်ရေးကို နက်နက်ရှိုင်းရှိုင်း အလေးထားဖို့ လိုပါတယ်။ ဒီ/ချုပ်ပါတီဟာ ပြည်သူလူထု ထောက်ခံမှု ရနေပေမဲ့ အင်အား တောင့်တင်းတဲ့ ကြံ့ခိုင်တဲ့ ပါတီတစ်ရပ် မဟုတ်ပါ။ ပါတီကေဒါတွေ ပါတီဝင်တွေ ပြုစုပျိုးထောင်ပေးဖို့ ပါတီဗဟိုမှာ များစွာ တာဝန်ကြီးလေးပါတယ်။
မြန်မာနိုင်ငံဟာ အာဏာရှင်စနစ်မှ ဒီမိုကရေစီစနစ်ဆီ အသွင် ကူးပြောင်းနေချိန် ဖြစ်ပါတယ်။ ဒီလို အချိန်အခါမျိုးမှာ ပါတီ တည်ဆောက်ရေးဟာ အထူး အရေးကြီးပါတယ်။
ဒေါ်စုနည်းဗျူဟာ လမ်းစဉ်သစ်ကျင့်သုံးနေတာ တစ်နှစ် ရှိခဲ့ပြီ။ စီးပွားရေး၊ နိုင်ငံရေး၊ သံတမန်ဆက်ဆံရေး နယ်ပါယ်တွေမှာ အောင်မြင်မှု တစ်ချို့ ရနေပါတယ်။ ဒေါ်စု ရင်ဆိုင်နေရတာက နယ်ပါယ် (၃) ခုမှာ အောင်မြင်မှုမရ ဖြစ်နေပါတယ်။ နိုင်ငံရေး အကျဉ်းသားများ လွတ်မြောက်ရေး၊ ပြည်တွင်းစစ် လုံးဝ ရပ်စဲရေးနဲ့ တရားဥပဒေ စိုးမိုးရေးတို့ ဖြစ်ပါတယ်။
တစ်နှစ်လောက်အတွင်းမှာ နိုင်ငံတကာအခြေအနေ ပြည်တွင်း အရပ်ရပ် အခြေအနေတွေကို လေ့လာသုံးသပ်ပြီး လာမဲ့ ရွေး ကောက်ပွဲမှာ ၀င်ရောက် ယှဉ်ပြိုင်နိုင်ရေးအတွက် ပါတီ မှတ်ပုံတင်မယ် လို့ ဒေါ်စုက ကျေညာလိုက်ပါတယ်။ ပြည်တွင်းပြည်ပ ဒီမိုကရေစီအင်အားစုတွေ အံ့အားသင့်သွားကြပါတယ်။ သူတို့တတွေဟာ၂၀၀၈ဖွဲ့စည်းပုံနဲ့ ၂၀၁၀ ရွေးကောက်ပွဲတွေကို ဆန့်ကျင်ခဲ့သူတွေ ဖြစ်ကြပါတယ်။
ပါတီစုံဒီမိုကရေစီစနစ်ဖေါ်ဆောင်ရေးဆိုတာက ဒီ/ချုပ်ရဲ့ မဟာဗျူဟာ လမ်းစဉ် ဖြစ်ပါတယ်။ ရွေးကောက်ပွဲ ၀င်မယ် ဆိုတာက နည်းဗျူဟာ လမ်းစဉ်မှာ အကြုံးဝင်ပါတယ်။
ကြားဖြတ် ရွေးကောက်ပွဲ မှာဒီ/ချုပ်ပါတီ ရွေးကောက်ပွဲ အနိုင်ရနိုင်ပေမဲ့ ပါတီကေဒါတွေ၊ ပါတီဝင်တွေ ရွှင်လန်း အားတက်မှု မရှိဘူး ဆိုရင် နည်းဗျူဟာ လမ်းစဉ်မှားယွင်းနေပြီလို့ အကဲဖြတ်နိုင်ပါတယ်။ ဘာ့ကြောင့်ဆိုတော့ နိုင်ငံရေးပါတီတစ်ခုဆိုတာက နည်းဗျူဟာ လမ်းစဉ်တွေကို အကောင်အထည်ဖေါ်ရာမှာ အောင်မြင်မှုရ၊ မရဆိုတာ ကေဒါတွေအပေါ်မှာ မှီတည်နေပါတယ်။ လူထုအများစုကြီးနဲ့ ဆက်စပ် လှုပ်ရှားရတာက ကေဒါတွေဖြစ်ပါတယ်။ ပြည်သူတွေက ပါတီလမ်းစဉ်တွေကို တက်ကြွစွာထောက်ခံကြတယ် ဆိုရင် ကေဒါတွေ ရွှင်လန်းအားရဖြစ်ကြပါတယ်။
ဒေါ်စုကြားဖြတ် ရွေးကောက်ပွဲ ၀င်လိုက်လို့ ပြည်သူတွေရဲ့ တက်ကြွလန်းဆန်းတဲ့ ထောက်ခံမှုမရဘူး ဆိုရင် ကြံ့ဖွံ့ပါတီရဲ့ နောက်လိုက်ပါတီဘ၀ ကျရောက်သွားပြီလို့ သုံးသပ်ရမှာဖြစ်ပါတယ်။
ဒေါ်စုအပါအ၀င်ဗဟိုခေါင်းဆောင်များကို နိုင်ငံရေးအရ အကြံပြုလိုပါတယ်။
(၁) ပါတီကေဒါတွေပါတီဝင်တွေကိုနိုင်ငံရေးသမားတိုင်း ကျင့်ကြံအားထုတ်ရမဲ့ ကျင့်ဝတ်တွေ၊ နှုံးစံတန်ဖိုးတွေ မြင့်မားအောင် မွေးမြူ တည်ဆောက်ပေးရမဲ့အချိန်အခါ ဖြစ်ပါတယ်။
(၂) ကုလသမဂ္ဂအပါအ၀င် နိုင်ငံတကာ သံတမန်များနဲ့ ပြောဆို ဆက်ဆံရာမှာ ပါတီဗဟိုမှာ ကြီးလေးတဲ့ တာဝန်တွေ ရှိနေပါတယ်။
(၃) ပြည်တွင်း/ပြည်ပမီဒီယာသမားတွေနဲ့ ဆက်ဆံရာမှာလဲ ဒေါ်စု ကိုယ်တိုင် တာဝန်ယူသင့်ပါတယ်။
(၄) လူငယ်ကျောင်းသားများ၊ အမျိုးသမီးများ၊ လူမျိုးစုများနဲ့ ဆွေးနွေးပြောဆိုရာမှာ နိုင်ငံရေးအရ အထူးအရေးကြီးပါတယ်။ လူထုလူတန်းစား အဖွဲ့အစည်းမျိုးစုံတို့ကိုလဲ ခေါင်းဆောင်မှု ပေးနိုင်စွမ်းရှိရပါ့မယ်။
အထက်မှာဖေါ်ပြထားတဲ့ တာဝန် ၀တ္တရားတွေဟာ ဒေါ်စုနေ့စဉ် ကြုံတွေ့ ဖြေရှင်းရမဲ့ လုပ်ငန်း တာဝန်တွေ ဖြစ်ပါတယ်။ ဒါ့ ကြောင့်မို့ ပါတီတစ်ရပ်လုံး၊ ပြည်သူ တစ်ရပ်လုံးကို ခေါင်းဆောင်မှု ပေးနေသင့်ပါတယ်။
လွန်ခဲ့တဲ့နှစ်ပေါင်း (၅၀) အတွင်း တင်ကျန်နေတဲ့ သမိုင်းအမဲစက်တွေကို ချေဖျက်နိုင်စွမ်းမရှိပေမဲ့ နောက်ထပ်အမှားတွေ မကျူးလွန်မိဘို့ အထူးအရေးကြီးလှပါတယ်။ အာဏာရှင်စနစ် သက်တန်းတစ်လျှောက်မှာ မြေပေါ်မြေအောက် နိုင်ငံရေးသမားတွေဟာ ကျင့်ဝတ်နီတိတွေ၊ နှုံးစံတန်ဖိုးတွေ ပြည့်စုံကြပေမဲ့ စွန့်လွှတ် အနစ်နာခံခဲ့ကြပေမဲ့ အာဏာရှင်စနစ်ကို အနိုင် မတိုက်နိုင်ခဲ့ကြပါ။
အရင်းခံအကြောင်းတွေကဘာဖြစ်ပါသလဲ? ပေါင်းချုပ် သုံးသပ်လိုက်ရင် အခြေခံအကျဆုံး အကြောင်း (၂) ချက်မျှသာ ရှိပါတယ်။
(၁) လက်ဝဲပါတီတွေကသဘောတရားခံယူမှုနဲ့ မဟာဗျူဟာ လမ်းစဉ် ရေးဆွဲချမှတ်ရာမှာ အမှားတွေ အကြိမ်ကြိမ် ကျူးလွန်ခဲ့ကြတယ်။
(၂) လက်ျာပါတီတွေကလဲ အရင်းရှင်စနစ် ဖွံ့ဖြိုးတိုးတက်ရေး နဲ့ ပါလီမန်စနစ်ကို ယုံကြည်ကြပေမဲ့ တက်ကြွရဲရင့်တဲ့ပါတီဝင်တွေ၊ ကေဒါတွေကို မွေးမြူ တည်ဆောက်ပေးနိုင်စွမ်း မရှိကြပါ။ ဘုရားသုံးဆူဒေသမှာ အခြေစိုက်ခဲ့တဲ့ (၃) ပါတီတပ်ပေါင်းစုပြိုကွဲမှုက အထင်ရှားဆုံးဖြစ်ခဲ့တယ်။
(၈၈) ခုနှစ်ဒီမိုကရေစီ အရေးတော်ပုံနောက်ပိုင်းမှာဒီ/ချုပ်ပါတီဟာ မြန်မာပြည်သူတွေကို အတွေးအခေါ်အရ နိုင်ငံရေးအရ ခေါင်းဆောင်မှုပေးနေပါတယ်။ ဆယ်စုနှစ် နှစ်စုကျော်လာပေမဲ့ ဒီမိုကရေစီစနစ်ကို အကောင်အထည်ဖေါ်နိုင်စွမ်း မရှိသေးပါ။
ဒီကနေ့မြန်မာနိုင်ငံရေးမှာဒေါ်စုရဲ့ ဉာဏ်ပညာကြီးရင့်မှုဟာ အရေးပါနေဆဲ ဖြစ်နေပါသေးတယ်။ တိုင်းရင်းသားပေါင်းစုံပြည်သူတွေကလဲ သူမအပေါ်မှာ ယုံကြည်ကိုးစားနေဆဲဖြစ်ပါတယ်။ သူမရဲ့ ပျော့ပြောင်းတဲ့နည်းဗျူဟာလမ်းစဉ်သစ်ဟာ အောင်မြင်မှုရ၊ မရ လာမဲ့ (၂/၃) နှစ် မြန်မာ့နိုင်ငံရေးဖြစ်ရပ်မှန်တွေက သက်သေထုတ်ပြပါလိမ့်မယ်။
မြန်မာပြည်သူတွေကသမိုင်းကိုပုံဖေါ်ပေးကြပါလိမ့်မယ်။
ကိုးကိုးကျွန်းပြန်တစ်ဦး
21-12-11
ဖတ်မိတာမှားပါတယ်