ကြားဖြတ်ရွေးကောက်ပွဲဟာ အလွန်စိတ်ဝင်စားစရာကောင်းပါတယ်
ရွေးကောက်ပွဲမှာ ကြံ့ဖွံ့ရှုံးတာကို သုံးသပ်ထားတာ ၀က်ဆိုက်တွေမှာမတွေ့ရသေးပါဘူး
ကြံ့ဖွံ့နဲ့ပက်သက်ပြီး ရေးထားတာလေးကို ဧရာဝတီမှာ ဖော်ပြချင်လိ်ုပါ
အခြေအနေလေးအကြောင်းပြန်ပေးစေလိုပါတယ်
ဇာခြည်
ကြံ့ဖွံ့ပါတီဘာ့ကြောင့် ရှုံးရတာလဲ၊
ဆောင်းပါးရှင် - ကိုမြန်မာ
ကြားဖြတ်ရွေးကောက်ပွဲကြီးကတော့ ပြီးဆုံးသွားပါပြီ။ အမျိုးသားဒီမိုကရေစီအဖွဲ့ ချုပ်က(၄၅)နေရာမှာ (၄၃)နေရာ ရရှိသွားတဲ့အတွက် ( ၉၆ )ရာခိုင်နှုန်းနဲ့ အနိုင်ရရှိသွားခဲ့ပါတယ်။
ကြားဖြတ်ရွေးကောက်ပွဲမှာ ကြံ့ဖွံ့ပါတီ ရဲ့ရှက်ဖွယ်လိလိအရှုံးကို ပြန်လည်ဆန်းစစ်ကြည့် လိုက်ရင် ပါတီအတွင်း စည်းလုံးညီညွတ်မှုမရှိခြင်း၊ မီဒီယာလှုံ့ဆော်မှုအားနည်းခြင်း၊ အပြောင်းအလဲလုပ်လိုသော ပြည်သူများကို မစည်းရုံးနိုင်ခြင်း တို့ကြောင့် ဖြစ်ပါတယ်။
ပါတီအတွင်း စည်းလုံးညီညွတ်မှုမရှိခြင်း
နေ့စဉ်အင်တာနက် သတင်းတွေမှာပါရှိနေတဲ့ ကြံ့ဖွံ့ပါတီအကွဲအပြဲသတင်းတွေအရ ပါတီဝင်အချင်းချင်း စည်းရုံး မှုရှိအောင်မလုပ်နိုင်ဘူးဆိုတာ ထင်ရှားနေပါတယ်။ အစိုးရအဖွဲ့အတွင်းနေရာမရတဲ့ ကြံ့ဖွံ့အမတ်တွေက နေရာရနေတဲ့ သူတွေကို မကျေမနပ်ဖြစ်ပြီး တိုက်ခိုက်နေမှုတွေဟာ ပြည်သူလူထုရဲ့ယုံကြည်မှုကို ကျဆင်းစေတဲ့ အဓိကအချက်ဖြစ် ပါတယ်။
မီဒီယာလှုံ့ဆော်မှုအားနည်းခြင်း
ပြည်တွင်းမှာရှိတဲ့ ဂျာနယ်၊ မဂ္ဂဇင်း များနှင့် ပြည်ပအခြေစိုက် အင်တာနက်မီဒီယာများ အပါအ၀င် အနောက်နိုင်ငံ အသံလွှင့်ဌာနများမှ NLD ပါတီကို ပြည်သူလူထုမှ အုံးအုံးကြွက်ကြွက်ဖြစ် လာအောင် ၀ိုင်းဝန်းပံ့ပိုးပေးခဲ့ကြပါတယ်။
မီဒီယာများအပြင် နိုင်ငံအနှံ့က မြို့ပေါ်ကျေးလက်ပါမကျန် အားလုံးသိကြတဲ့အနုပညာရှင်တွေက NLD ဖျော်ဖြေ ရေးအသွင်စည်းရုံးမဲဆွဲတာဟာလည်း ကြံ့ဖွံ့ပါတီကို အားလျော့စေခဲ့ပါတယ်။ ဒီနေရာမှာ နောက်ကွယ်က ဆရာကြီးတွေရဲ့ မီဒီယာလွှမ်းမိုးမှုအပေါ် NLD မှ ထိရောက်စွာအသုံးချနိုင်ချိန်မှာ ကြံ့ဖွံ့ပါတီအနေနဲ့ မီဒီယာတုံ့ပြန်နိုင်မှု လုံးဝမပြုလုပ်နိုင်ဘူး ဆိုတာကို တွေ့ရှိရမှာဖြစ်ပါတယ်။
ဒေါ်အောင်ဆန်းစုကြည်နဲ့ ဗိုလ်ချုပ်အောင်ဆန်းပုံပါတဲ့ ဂျာနယ်တွေဟာ ရောင်းအားတက်ခဲ့သလို ဖွင့်လိုက်သမျှ ရေဒီယိုအသံလှိုင်းများမှာလည်း သူတို့အသံ သူတို့အကြောင်းတွေ ကိုသာ အမြဲတမ်းကြားသိနေရပါတယ်။ ဒီလိုအခြေအနေ ဒီလိုအချိန်မျိုးမှာ ကြံ့ဖွံ့ ပါတီကတော့ ပါတီလှုပ်ရှားမှု သတင်းစဉ်လေးတောင် မထုတ်ဝေနိုင်ခဲ့ပါဘူး။
တစ်ခါတစ်လေ မီဒီယာစာမျက်နှာမှာတွေ့ရတဲ့ ကြံ့ဖွံ့ပါတီရဲ့ ဒေသဖွံ့ဖြိုးရေးလုပ်ငန်းတွေကလည်း ပါတီကလုပ်ပေး တာလား အစိုးရကလုပ်ပေးတာလားမကွဲပြားပဲ ပြည်သူတွေကို ရှင်းရှင်းလင်းလင်း သတင်းထုတ်ပြန်နိုင်တာ မရှိပါဘူး။
ကြံ့ဖွံ့ပါတီရဲ့ အမှားများစွာထဲက အဆိုးရွားဆုံးအမှားကတော့ ကြံ့ဖွံ့ပါတီကခန့်အပ်ထားတဲ့ အောက်ခြေ ရပ်ကွက်၊ ကျေးရွာအုပ်ချုပ်ရေးမှူးများ၊ ကိုယ်ကျိုးစီးပွားရှာမှုနယ်မြေအလိုက် စည်းရုံးရေးတာဝန်ပေးထားတဲ့ ပြည်သူ့ ဆက်ဆံရေးတာဝန်ခံများရဲ့ မောက်မာမှုပဲ ဖြစ်ပါတယ်။
ကြံ့ဖွံ့ပါတီကခန့်အပ်ထားတဲ့ ရပ်ကွက်/ကျေးရွာ အုပ်ချုပ်ရေးမှူးများဟာ ရပ်ရွာကောင်းကျိုးထက် သူတို့ရဲ့ ကိုယ်ကျိုးစီးပွားအတွက်သာ လုပ်နေခြင်းများကြောင့် ကြံ့ဖွံ့ပါတီအပေါ် ပြည်သူလူထုထောက်ခံမှု ကျဆင်းလျက်ရှိပါတယ်။ အထူးသဖြင့် ရပ်ကွက်၊ ကျေးရွာတွေမှာ စည်းရုံးရေးမှူး(ပြည်သူ့ဆက်ဆံရေးတာဝန်ခံ)အဖြစ် တာဝန်ပေးထားသူများဟာ ပြည်သူလူထုကို ရင့်သီးမောက်မာစွာ ဆက်ဆံမှု၊ နိုင်လိုမင်းထက်ပြုမှုများကြောင့် အောက်ခြေလူတန်းစားအလွှာမှာ ကြံ့ဖွံ့ပါတီကို မုန်းတီးနာကြဉ်းနေပြီး NLD နောက် လူထုပါသွားခြင်းဖြစ်ပါတယ်။ ဒီလိုပါတီရဲ့ မူဝါဒပိုင်းဆိုင်ရာ အားနည်းချက်တွေကို အချိန်မှီပြုပြင်နိုင်ခြင်းမရှိသလို ကြားဖြတ်ရွေးကောက်ပွဲဝင်ခဲ့တဲ့ ကိုယ်စားလှယ်များကလည်း ပြည်သူတွေကို ထိတွေ့စည်းရုံးမှု အားနည်းခဲ့ပါတယ်။
အပြောင်းအလဲတွေပေါ်မူတည်ပြီး NLD ပါတီ နေရာပေါင်းစုံကနေ တက်ညီလက်ညီ လှုပ်ရှားစည်းရုံးနေချိန်မှာ ကြံ့ဖွံ့ပါတီက အပြောင်းအလဲလုပ်လိုတဲ့ ပြည်သူလူထုကို မစည်းရုံးနိုင်ခဲ့လို့ ထောက်ခံမှုကျဆင်းခဲ့ရတယ်ဆိုတာတော့ ရှင်းရှင်းလေးပါ။ မဲရလဒ်တွေအရ အပြောင်းအလဲဖြစ်ရင်ပြီးရောဆိုပြီး မျက်စိမှိတ် မဲပေးခဲ့ကြတာကိုကြည့်ရင် ပြည်သူ လူထုကအပြောင်းအလဲကို လိုလားနေတယ်ဆိုတာ တတိယအရေးကြီးဆုံးအချက်အဖြစ် မြင်တွေ့ရမှာဖြစ်ပါတယ်။
ဘယ်သူမှာတာဝန်ရှိသလဲ
မြန်မာလူမျိုးတွေရဲ့ ပင်ကိုယ်စိတ်နေသဘောထားအရ သူရဲကောင်းကို လေးစားတဲ့စိတ်က အလိုလိုရှိပြီးသားပါ။ ဗိုလ်ချုပ်အောင်ဆန်းဆိုတာနဲ့ ဒေါ်အောင်ဆန်းစုကြည်ကို ပြည်သူလူထုက သိရှိထားကြသလို မီဒီယာတွေနဲ့ နိုင်ငံတကာ ပုံရိပ်တွေကြောင့် NLD ပါတီရဲ့ Icon ဟာ ဒေါ်အောင်ဆန်းစုကြည်ဖြစ်နေပါတယ်။ NLD ရဲ့ Icon က ဒေါ်အောင်ဆန်း စုကြည်ဖြစ်သလို ကြံခိုင်ရေးပါတီရဲ့ Icon က ဘယ်သူလဲလို့ မေးလာလိုက်ရင် ဘယ်သူဘယ်ဝါမှန်း ကွဲကွဲပြားပြား မသိရ ပါဘူး။ ပါတီကို ဦးဆောင်ပေးနေတဲ့ Icon ဆိုတာ ဦးရွှေမန်းလား၊ ဦးဌေးဦးလားဆိုတာ ရှင်းရှင်းလင်းလင်းမသိရပဲ သို့လော သို့လော ဖြစ်နေပါတယ်။ ဒုဥက္ကဌတာဝန်ယူထားတဲ့ ဦးရွှေမန်းကရော ဘာလုပ်နေလဲ? ပါတီအောင်နိုင်ရေး အတွက် ဦးရွှေမန်း ဘယ်လိုနည်းဗျူဟာတွေ ချမှတ်ခဲ့ပါသလဲ? ပါတီစည်းရုံးရေးအတွက် ဘာတွေလုပ်ခဲ့ပါသလဲ? ပါတီတွင်းစည်းလုံး ညီညွှတ်မှုမရှိတာကို မသိခဲ့တာလား၊ မသိချင်တာလား?ဆိုတဲ့ မေးခွန်းတွေ မေးစရာဖြစ်လာပါတယ်။ ဦးရွှေမန်းကိုယ်တိုင် ပြောဆိုလုပ်ကိုင်နေတာတွေဟာ ကြံ့ဖွံ့ပါတီတွင်း စည်းလုံးညီညွှတ်မှု မရှိဘူးဆိုတာကို ပြည်သူ လူထုကို ပြောပြနေသလိုဖြစ်နေပါတယ်။
NLD ပါတီရဲ့ Icon ဟာ ဒေါ်အောင်ဆန်းစုကြည်နဲ့ခွပ်ဒေါင်း ဖြစ်သလို ဦးရွှေမန်းသာအမှန်တကယ် သတ္တိရှိ တယ်ဆိုရင် ကြံ့ဖွံ့ပါတီရဲ့ Icon ဟာလည်း ဦးရွှေမန်းနဲ့ခြင်္သေ့ ဖြစ်သင့်ပါတယ်။ နိုင်ငံတကာမှာဆိုရင် ရွေးကောက်ပွဲရှုံးခဲ့ ရင်တော့ ပါတီတာဝန်ရှိသူက ပါတီကနေနှုတ်ထွက်ပေးရတယ်ဆိုတာ လေ့လာသိရှိရပါတယ်။ ၂၀၁၂ ကြားဖြတ် ရွေးကောက်ပွဲမှာ ကြံ့ဖွံ့ပါတီ ရှက်ဖွယ်ကောင်းလောက်အောင်ရှုံးရခြင်းအတွက် ဆောင်းပါးရှင် ကောင်းကင်မင်းသား မေးသလို အဘမန်း ဘာလုပ်မှာလဲ အဘမန်းဘယ်လဲ လို့ မေးလိုက်ချင်ပါတယ်။
ဒါကြောင့်၂၀၁၅ ရွေးကောက်ပွဲအကြို ပါတီရဲ့ ပုံရိပ်(Image)ပြန်လည်ကောင်းမွန်လာစေရေးအတွက် ကြံ့ဖွံ့ပါတီအနေနဲ့ မဟာဗျူဟာ၊ နည်းဗျူဟာများကို ဘယ်လိုချမှတ်မလဲဆိုတာ စောင့်ကြည့်ကြရပါတော့မယ်။
ဖယောင်းများများဝယ်စုထားလိုက်ပေါ့