ယနေ့ည ဆူးလေ စေတီ မြောက်ဘက်မုတ်တွင် လျှပ်စစ်မီး ၂၄ နာရီ ရရှိရေး ဆုတောင်းနေကြပုံ ဓာတ်ပုံ -Myint Thiri's facebookရန်ကုန်မြို့တွင် ၂၄ နာရီ လျှပ်စစ်မီးရရှိရေး ဆန္ဒပြုပွဲ ၅ ရက်မြောက်နေ့အဖြစ် ယနေ့ ည ၇ နာရီ ခွဲခန့်တွင် မြို့တော်ခန်းမအနီး ဆူးလေဘုရား မြောက်ဘက်မှ စတင်ကာ ချီတက် ဆန္ဒပြုကြသည်။ ( CJ 452)
ရဲလုံခြုံရေးများက မေတ္တာရပ်ခံ တားမြစ်ကြောင်း၊ ထို့နောက် ဆန္ဒဖော်ထုတ်သူများက အေးချမ်းစွာဖြင့် ဖယောင်းတိုင်မီးများ ကိုင်ဆောင်ကာ ဆူးလေ စေတီ မြောက်ဘက်ကမုတ်တွင် သံပြိုင် ဆုတောင်းခဲ့ကြကြောင်း သတင်းရရှိသည်။
လူအင်အား ၃၀၀ ၀န်းကျင်ရှိပြီး အားပေးသူ ထောင်ချီ၍ ရှိကြောင်း ဆန္ဒဖော်ထုတ်သူ တဦးက ပြောသည်။
ဆန္ဒဖော်ထုတ်သူများက အကြိမ်းဖက် ဥပဒေမဲ့လုပ်ရပ်များကို ရှောင်ရှားပြီး တနိုင်ငံလုံအတိုင်းအတာဖြင့် လျှစ်စစ်မီး ၂၄ နာရီ ရရှိရေး၊ ရေတို တပွဲထိုး ဖြေရှင်းနည်းဖြစ်သည့် မီးစက်များဖြင့် ဓာတ်အားပေးဝေနေခြင်း သည်လည်း မကြာမီ စရိတ်မျှပေး မီးလင်းရေး ဖြစ်လာမည့် လက္ခဏာများ မြင်နေကြရကြောင်း၊ ယခု မီးပေးသည့် စနစ်ဖြစ်သည့် ၁၂ နာရီ မီးလာ၊ ၆ နာရီ မီးပျက်စနစ်ကလည်း ယခုထိ အဆင်မပြေသေးကြောင်း၊ မီးလာသည့် အချိန်တွင် မီးအားမပြည့်သည့်အတွက် မီးပူ၊ ရေခဲ့သေတ္တာ၊ ရုပ်မြင်သံကြားစက်သုံးခြင်းများ သုံးစွဲ မရကြောင်း ပြောဆိုကြသည်။
"တပွဲထိုး ဖြေရှင်းပေးနေတာကတော့ မလုံလောက်ပါဘူး။ ကျမတို့ ပြည်သူကို အသိအမှတ်ပြုတာကို လက်ခံပါတယ်။ လေးစား ပါတယ်။ ဒါပေမယ့် ဒီပြဿနာက တနိုင်ငံလုံး အတိုင်းအတာနဲ့ ၂၄ နာရီ လျှပ်စစ်မီး ရရှိရေး နိုင်ငံတော်အပိုင်း က သေချာ လုပ်ဆောင်ပေးသွားဖို့ပဲ။ ကျမတို့အပိုင်းက စည်းကမ်းရှိရှိ ဥပဒေနဲ့ အညီဆန္ဒဖော်ထုတ်နေတာ၊ ဘာအကြမ်းဖက်မှုကိုမှ ကျမတို့ ဘက်က မလုပ်ဘူး" ဟု ဆူးလေးစေတီ အနီးသို့ ဖယောင်းတိုင်ကိုင်ကာ ဆန္ဒပြနေသူ မငြိမ်းငြိမ်းက ဧရာဝတီကို ပြောသည်။
ယခုဆန္ဒဖော်ထုတ်မှုကို မည်သူ တဦးတယောက် ဦးဆောင်မှု၊ သွေးထိုးလှုံ့ဆော်မှုဖြစ် လုပ်နေသည် မဟုတ်ကြောင်း၊ တဦးချင်း အသိစိတ်ဖြင့် အခက်အခဲကို နိုင်ငံတော် အကြီးအကဲများ သိရှိပြီ စနစ်တကျ ငြိမ်းချမ်းစွာ ဖြေရှင်းရေးအတွက် သတင်း စကားပါး နေခြင်းသာဖြစ်ကြောင်း သူက ဆက်ပြောသည်း
အလားတူ တောင်ဥက္ကလာ၊ သင်္ကန်းကျွန်း၊ တောင်ဒဂုံ၊ စသည့်မြို့နယ်များတွင်လည်း ဖယောင်တိုင်မီးများ ကိုင်ဆောင်ကာ ငြိမ်းချမ်းစွာ ဆန္ဒဖော်ထုတ်ကြကြောင်း သတင်းများ ရရှိသည်။
ဆူးလေ စေတီကို ဖယောင်းတိုင်များ ကိုင်ကာ လှည့်ပတ်ပူဇော်၍ ဆုတောင်းပုံ
ေ၇ာ် ခက်ပြီ တန်ခိုါ်ရှင်တွေမှမဟုတ်လဲကွဝ်ခဏတော့စောင့်ပေးလိုက်ပါ