အစိုးရ ၀န်ကြီး ဦးစိုးသိန်းနှင့် ၈၈ မျိုးဆက်ခေါင်းဆောင် ကိုကိုကြီး။ ဓာတ်ပုံ- ကိုကို (စက်မှု)အဲဒီ ညစာစားပွဲမှာ အမေရိကန် စီးပွားရေးလုပ်ငန်းရှင်တွေ၊၊ မြန်မာနိုင်ငံက နိုင်ငံရေး၊ စီးပွားရေး လူမှုရေး စတဲ့ နယ်ပယ် အသိုင်းအ၀ိုင်းတွေက သူတွေလည်း တက်ရောက်လာကြတယ်။
ညစာစားပွဲကို တက်ရောက်လာကြတဲ့ ပြည်ထောင်စု ၀န်ကြီး ဗိုလ်ချုပ်ဟောင်း ဦးစိုးသိန်းနဲ့ ၈၈ မျိုး ဆက် ကျောင်းသား ခေါင်းဆောင် တဦးဖြစ်တဲ့ ကိုကိုကြီးတို့ကို ပုံပါအတိုင်း တရင်းတနှီး တွေ့ရလို့ ဦးကိုကို ( စက်မှု) က မှတ်တမ်းတင်ထားလိုက်တာပါတဲ့။
"ကျွန်တော်တို့တတွေ ညီညီညွတ်ညွတ်နဲ့ အောက်ကျနောက်ကျဖြစ်နေတဲ့ ကိုယ့် နိုင်ငံကို ကယ်တင်မြှင့် တင်ကြရအောင်" လို့ ဦးကိုကို က ဆိုထားပါတယ်။
အခု ဓာတ်ပုံထဲကနေ အတိတ်၊ ပစ္စပ္ပန်၊ အနာဂါတ်ကို အတွေးနယ်ချဲ့မိတယ်။
ရခိုင်ပြည်နယ် ခရီးစဉ်က ညနေပိုင်းကမှ ပြန်ရောက်လာတဲ့ ကိုကိုကြီးနဲ့ အတူ အခုလို အစိုးရ ၀န်ကြီးနဲ့တွေ့ ဆုံစဉ်မှာ ခရီးစဉ်အတွင်းက အတွေ့အကြုံတွေနဲ့ပတ်သက်ပြီး အစိုးရ ၀န်ကြီး တဦးကို ပြန်လည် မျှဝေ ပေးနိုင် ရင်း အမျိုးသား ပြန်လည်သင့်မြတ်ရေးဖြစ်စဉ်အတွက် နမိတ်လက္ခဏာတွေ အဖြစ် ရှု့မြင်မိပါတယ်။
တချိန်ကတော့ ၈၈ မျိုးဆက်ကျောင်းသားတွေကို စစ်သား အများစုက ရန်သူတွေလို သဘောထားပြီး အကျဉ်းထောင်တွေထဲ နှစ်ရှည်လများ ထားရစ်ခဲ့ကြပေမယ့် ဒီကျောင်းသားတွေက နိုင်ငံနဲ့ နိုင်ငံသူ နိုင်ငံသား အကျိုးကိုသာကြည့်ပြီး အဃာတ မထားဘဲ အတိတ်က အနာဖေးခွာတာတွေ ရှောင်၊ အနာဂတ်ကို မျက်နှာမူပြီး ပစ္စုပ္ပန်မှာ လက်တွေ ကောင်းအောင်ဖော်ဆောင်နေသူတွေလည်းဖြစ်ပါတယ်။
တချိန်က စစ်ထောက်လှမ်းရေးဟောင်း တဦးက ပြောဖူးပါတယ်။ ဒီ ကျောင်းသားတွေသာ ပြဿနာ မရှာခဲ့ရင် ၈၈ ခုနှစ်မှာ စစ်တပ်ဆိုတာ အာဏာ နေရာကို တိုက်ရိုက် ရလာစရာ အကြောင်းမရှိဘဲ အာဏာရှင် ဦးနေ၀င်းနဲ့ မဆလတွေ အရှုပ်အထုပ်တွေကို ရှင်းနေရအုံးမယ်တဲ့။
ကျောင်းသားတွေကပဲ ပြဿနာ ရှာပေးလို့ သူတို့ နေရာရတယ်ဆိုဘဲ။ နောက်တော့ စစ်ထောက် လှမ်းရေး တွေ လည်း ဖမ်းဆီးထောင်ကျတာတွေ ဖြစ်လာခဲ့ပြီး အကျဉ်းထောင်တွေထဲ ရောက်တော့ ဒီကျောင်းသားတွေကဘဲ သူတို့ကို ဖေးမ စောင့်ရှောက်ခဲ့ကြတယ်။ ရန်သူတွေလို သဘောမထားခဲ့ကြဘူး။
တဖက်သတ်ခွင့်လွှတ်ပေးခဲ့ကြတဲ့ ပေးဆပ်မှုများစွာနဲ့ ဒီကျောင်းသားတွေနဲ့ အခိုလို အမျိုးသား ပြန်လည် သင့်မြတ်ရေး ဖြစ်စဉ်ခရီးမှာ အစိုးရ ၀န်ကြီးတဦးနဲ့ တချိန်က နိုင်ငံရေးအကျဉ်းသားဟောင်း ကျောင်း သား ခေါင်းဆောင်တို့ အတူပြုံးရွင်စွာတွေ့ရခြင်းက မြန်မာပြည်အတွက် ကံကောင်းခြင်းတွေ ယူဆောင်ပေး လာနိုင်ပါစေလို့ ဆုတောင်းမိတယ်။
မင်းအောင်နိုင် ပေးပို့သည်။
0 comments :
Post a Comment