ဆီစားသက်သာတယ် ဆိုတာကို ကားမောင်းသူတွေ ကြိုက်ကြပါတယ်။
ဆီမစားတော့ ကုန်ကျစရိတ် သက်သာပြီလေ။
ဆီထက် ပိုပြီး စရိတ် သက်သာတဲ့ သဘာဝဓာတ်ငွေ့သုံးကားတွေကိုတော့ မောင်းနေကြပါပြီ။
အခု စမ်းသပ်နေတာကတော့ ရေထည့်မောင်းရတဲ့၊ ရေဓာတ်ငွေ့သုံးတဲ့ ကားတွေ ဖြစ်ပါတယ်။
ရေဓာတ်ငွေ့ သုတေသီ အင်ဂျင်နီယာ ဦးကျော်ကျော်က လက်တွေ့ပြသပုံကို ဒီကနေ့ မြန်မာ့အလင်းသတင်းစာမှာ ရေးထားပါတယ်။
မနှစ်တုန်းကလည်း ဦးကျော်ကျော်တို့ရဲ့ မြန်မာ့စွမ်းအင်သစ် ရေဓာတ်ငွေ့လုပ်ငန်းအဖွဲ့က ရထားနဲ့ သင်္ဘောကို ရေဓာတ်ငွေ့နဲ့ စမ်းသပ်မောင်းနှင်မယ်လို့ သတင်းဌာနတွေကို ပြောခဲ့ပါတယ်။
အခု သတင်းမှာတော့ ရေကို ဘယ်လိုသုံးသလဲ၊ ရေက ကားထဲမှာ ဘယ်လို ဓာတ်ပြုပြီး ဘယ်လို အလုပ်လုပ်သလဲ၊ စွမ်းအင် ဘယ်လိုထွက်လဲ ဆိုတာတွေကို ရေးမထားပါဘူး။
သို့သော်လည်း ဒီနည်းပညာကို ကားသေး၊ ကားကြီး၊ ရထား၊ သင်္ဘောတွေမှာ တပ်ဆင်မယ် ဆိုရင် ဘယ်လောက် ကုန်ကျမယ် ဆိုတာတွေကိုတော့ ခန့်မှန်းတွက်ချက်ပြထားပါတယ်။
သတင်းကို
ဒီမှာ
နဲ့
ဒီမှာ
ကလစ်ပြီး ဖတ်နိုင်ပါပြီ။
သူတို့ ဘယ်နည်းပညာ သုံးသလဲတော့ မသိဘူး။ ရေကို လျှပ်စစ်နဲ့ ဓါတ်ခွဲရင် Oxygen တစ်ဆ Hydrogen နှစ်ဆ ရတယ်။ ၅ တန်း သိပံမှာ သင်ရဖူးတယ် ဟုတ်။ အဲ့ ဒိထဲက Hydrogen ကို လောင်စာအနေနဲ့ ပြန်သုံးလို့ ရတယ်။ ပြသနာက ရေကို ဓါတ်ခွဲဖို့ အကူဓါတ်ပစည်း ထည့်ရသလို မြန်မြန် ဓါတ် မကွဲဘူး။ အဲ့ ဒိမှာ နည်းပညာ လိုနေသေးတယ်။ အောင်မြင်ရင်တော့ တကယ့် green energy ပဲ ။ ကာဘွန်ထွက်ဘဲ ရေငွေ့ တွေ ထွက်မှာကိုး။