မြန်မာမွတ်စလင် အစည်းအရုံး ကြေညာချက်

Sunday, July 29, 2012

~



ဇွန်လ၊ စစ်တွေ

"လက်ရှိအကြပ်အတည်းကို အခွင့်ကောင်းယူ၍ မွတ်စလင်အစွန်းရောက်များ၏ ဘာသာရေးဆိုင်ရာ အမြတ်ထုတ် သွေးထိုး လှုံ့ဆော်မှုမှန်သမျှကို ပြင်းထန်စွာ ရှုံ့ချသည်" လို့ မြန်မာမွတ်စလင် အစည်းအရုံးရဲ့ သောကြာနေ့ရက်စွဲတပ် ကြေညာချက်တစောင်မှာ တွေ့ရပါတယ်။

ဒီအဖွဲ့ရဲ့ ပြောရေးဆိုခွင့်ရှိသူများအဖြစ် ဗြိတိန်၊ ကနေဒါ၊ အမေရိကန်ပြည်ထောင်စုတို့မှာ ရှိနေသူ
သုံးဦးနဲ့ သူတို့ရဲ့ ဖုန်းနံပါတ်တွေကိုလည်း တွေ့ရမှာပါ။

အပြည့်အစုံကို ကူးယူ ဖော်ပြလိုက်ပါတယ်။

ရခိုင်ပြည်နယ်တွင်း ဖြစ်ပွါးနေခဲ့သော အထိကရုဏ်းများနှင့် ပတ်သက်၍ သဘောထားထုတ်ပြန်ခြင်း

၁။ ဇွန်လ(၅)ရက်၊ ၂၀၁၂ခုထုတ် အစိုးရသတင်းစာများက “မွတ်စလင်ကုလားများ၏ ရခိုင်အမျိုးသမီးများအား ရည်ရွယ်ချက်ရှိရှိဖြင့် ရက်စက်ယုတ်မာမှုများ” ဟူသော ရေးသားချက်များဖြင့် သာမန်ရာဇဝတ်မှုတစ်ခုကို လူမျိုးရေး ဘာသာရေး မုန်းတီးမှု ပဋိပက္ခအသွင် ဖြစ်ပေါ်လာအောင် စတင်လှုံ့ဆော်ခဲ့သည်။

၂။ သမ္မတရုံးညွှန်ကြားရေးမှူး ဗိုလ်မှူးဇော်ဌေးက မှူးဇော်အမည်ဖြင့် “ဘင်္ဂလားဒက်ရ်ှက ရိုဟင်ဂျာ လက်နက်ကိုင်တွေ ဗမာပြည်ထဲ ကျူးကျော်လာပြီဆိုသော မမှန်သတင်းမှစ၍ လူသားချင်းစာနာ ထောက်ထားမှုတွေ၊ လူ့အခွင့်အရေးတွေ လာမပြောစေလိုကြောင်းက အလယ် ရခိုင်လူထုရဲ့ အသက်ကို အကာအကွယ်ပေးဖို့က အဆုံး” ၄င်း၏ Facebookမှ တာဝန်မဲ့ ဆက်တိုက်ရေးသား သွေးထိုးလှုံ့ဆော်လာခဲ့သည်။

၃။ ထို့နောက် အပြန်အလှန် စွပ်စွဲမှုများနှင့် တိုက်ခိုက်မှုများအပြင် သက်ဆိုင်ရာ အစိုးရအဆင့်ဆင့်၏ မမျှ မတ ဘက်လိုက် ကျင့်သုံးသည့် သတင်းများလည်း ရှေ့ဆင့် နောက်ဆင့် ထွက်ပေါ်လာခဲ့သည်။

၎။ တစ်ဖန် တရားမဝင် ခိုးဝင်လာသူများကို ဆန့်ကျင်ရေးနှင့်အတူ ပြည်ထောင်စုမြန်မာနိုင်ငံတော်၏ ဖွဲ့စည်းအုပ်ချုပ်ပုံ အခြေခံဥပဒေ အဆက်ဆက်က အသိအမှတ်ပြုထားသော အစ္စလာမ်ဘာသာနှင့် နိုင်ငံသား မြန်မာမွတ်စလင်များကို ဆန့်ကျင်တိုက်ခိုက်မှုများလည်း ကျယ်ကျယ်ပြန့်ပြန့် တွေ့ရှိလာသည်။

၅။ ပြည်တွင်းမီဒီယာ အချို့နှင့် Facebooks များက ရိုဟင်ဂျာဆန့်ကျင်ရေးနှင့် မွတ်စလင် ဆန့်ကျင်ရေးများကို ထွေးရောယှက်တင် ဖေါ်ပြနေကြသော်လည်း နိုင်ငံတကာ လူ့အခွင့်အရေး အဖွဲ့အစည်းများ၊ အာဆီယံအပါအဝင် နိုင်ငံတကာ အစိုးရများ၊ အိုအိုင်စီ(OIC)၊ မွတ်စလင်နိုင်ငံများက ပြည်သူများနှင့် ကုလသမဂ္ဂစသည်တို့က လူနည်းစု အစ္စလာမ်ဘာသာဝင် ရိုဟင်ဂျာများ နှိပ်စက်သတ်ဖြတ်မှု ခံနေရသော သတင်းများအပေါ်တွင် စိုးရိမ်မကင်းဖြစ်ကြကြောင်း ထုတ်ဖေါ်ပြောဆိုလာကြသည်။

၆။ တစ်ဆက်တည်းမှာပင် နိုင်ငံအချို့ရှိ မွတ်စလင်အစွန်းရောက်များကလည်း မြန်မာပြည်ကို ဘာသာရေးစစ်ပွဲ(ဂျီဟတ်) ဆင်နွှဲမည်ဟူသော ခြိမ်းချောက်မှုများကိုလည်း စိုးရိမ်ဖွယ်ရာ ကြားသိလာရသည်။

၇။ အစွန်းရောက်များ၏ လှုံ့ဆော်မှုကြောင့် ရခိုင်ပြည်နယ်အတွင်း ဖြစ်ပွါးခဲ့သော အထိကရုဏ်းများတွင် သေကြေ ပျက်ဆီး ဆုံးရှုံးခဲ့ကြသော နှစ်ဖက်သော ပြည်သူများအတွက် အထူးဝမ်းနည်း ကြေကွဲရပါသည်။
ထိုအရေးအခင်းကြောင့် ပြည်သူတစ်ရပ်လုံးလိုလားသော လူ့အခွင့်အရေး၊ ဒီမိုကရေစီရေး၊ ပြည်တွင်းစစ် ရပ်စဲရေး၊ အခြေခံဥပဒေ ပြင်ဆင်ရေး၊ ကျန်ရှိသေးသော နိုင်ငံရေး အကျဉ်းသားများ လွတ်မြောက်ရေး၊ အလုပ်သမားနှင့် လယ်သမားအခွင့်အရေးစသော ပြုပြင်ပြောင်းလဲရေး လုပ်ငန်းစဉ်များအားလုံးသည် နိုင်ငံတော်လုံခြုံရေးဟူသော ခေါင်းစဉ်အောက်တွင် တင်းမာသူများအလိုကျ မှေးမှိန်အားပျော့လာသည်ကိုလည်း စိတ်မကောင်းကြီးစွာဖြင့် တွေ့မြင်နေရသည်။

ထို့ကြောင့် မြန်မာမွတ်စလင်အစည်းအရုံး၏ သဘောထားကို ယခုကဲ့သို့ ရှင်းလင်းစွာ ထုတ်ပြန်လိုက်သည်။

(က) ရိုဟင်ဂျာကိစ္စအပါအဝင် တိုင်းရင်းသား၊ နိုင်ငံသားပြသနာများကို (တိုင်းရင်းသားလူမျိုးများဟူသော ဝေါဟာရအား အခြေခံဥပဒေတွင် သတ်သတ်မှတ်မှတ် အဓိပ္ပါယ်ဖေါ်ပြထားခြင်း မရှိသေးကြောင်း ဒေါ်အောင်ဆန်းစုကြည်က လွှတ်တော်တွင် ပြောဆိုခဲ့ပြီးဖြစ်သည်။)
အစိုးရ၊ နိုင်ငံရေးပါတီများ၊ တိုင်းရင်းသားပေါင်းစုံ ပြည်သူများ၊ ပြည်တွင်း ပြည်ပ ပညာရှင်များပါဝင်ပြီး နိုင်ငံတော် လုံခြုံရေးကိုလည်း မထိခိုက်စေ၊ နိုင်ငံတကာစံများနှင့်လည်း ညီစေသော ကွန်ဖရင့်ကြီးတစ်ခုဖြင့် အပြီးသတ် ဆုံးဖြတ်ချက်များရယူရန်။

(ခ) နိုင်ငံတော်အတွင်း တရားဝင်နေထိုင်သူ နိုင်ငံသားများကို မည်သည့်ဘာသာ၊ မည်သည့်လူမျိုးပင်ဖြစ်စေ တည်ဆဲတရားဥပဒေများအရ တန်းတူရည်တူ အသိအမှတ်ပြု အကာအကွယ်ပေးရန်။

(ဂ) တရားမဝင် ခိုးဝင်လာသူများနှင့် ခိုးဝင်ခွင့်ပြုသူများကို ထိရောက်စွာ အရေးယူရန်။

(ဃ) အထိကရုဏ်းဖြစ်ပွါးအောင် လှုံ့ဆော်သူများနှင့် အထိကရုဏ်းကာလအတွင်း ဥပဒေမဲ့ကျူးလွန်သော ရာဇဝတ်မှုများကို ဖေါ်ထုတ်၍ ကျောသား ရင်သား မခွဲခြားဘဲ နောက်နောင် မကျူးလွန်ဝံ့အောင် ထိရောက်ဟန့်တားသော အပြစ်ဒါဏ်များ ချမှတ်ရန်။

(င) အထိကရုဏ်းများကြောင့် ကျိုးကြေသွားရရှာသော လူ့အဖွဲ့အစည်းနှစ်ခု ပြန်လည်ထူထောင်ရေးနှင့် ပြန်လည် သင့်မြတ်ရေးအတွက် ပြည်တွင်း ပြည်ပမှ ထိရောက်အားကောင်းသော အကူအညီများကို အလျှင်အမြန်ရယူရန်။

(စ) နိုင်ငံတကာ အစိုးရများနှင့် နိုင်ငံတကာ အဖွဲ့အစည်းများ၏ စိုးရိမ်ပူမှုများနှင့် ကောလာဟလများ၏ အခြေခံအကြောင်းရင်းမှာ သတင်းလွတ်လပ်ခွင့် မရှိခြင်းကြောင့် ဖြစ်ရသဖြင့် နိုင်ငံတော်အစိုးရသည် တစ်စုံတစ်ရာ ဖုံးကွယ်ထားရန် အကြောင်းမရှိဟု မိမိကိုယ်ကို ယုံကြည်မှုရှိပါက နိုင်ငံတကာ သတင်းဌာနများကို လွတ်လပ်စွာ လာရောက်ခွင့်ပြုရန်။

(ဆ) ဘာသာပေါင်းစုံ၊ လူမျိုးပေါင်းစုံ နိုင်ငံသားအချင်းချင်း ပြည်ထောင်စုအတွင်း ချစ်ကြည်အေးချမ်းစွာ နေထိုင်နိုင်ရေးအတွက် နိုင်ငံတော်အစိုးရမှ ကော်မရှင်တစ်ခုဖွဲ့စည်း ဆောင်ရွက်ပေးရန်။

(ဇ) လက်ရှိအကြပ်အတည်းကို အခွင့်ကောင်းယူ၍ မွတ်စလင်အစွန်းရောက်များ၏ ဘာသာရေးဆိုင်ရာ အမြတ်ထုတ် သွေးထိုး လှုံ့ဆော်မှုမှန်သမျှကို ပြင်းထန်စွာ ရှုံ့ချသည်။ မြန်မာမွတ်စလင်များသည် သမိုင်းစဉ်လာအရ တိုင်းပြည်ကို သစ္စာခံသော တိုင်းချစ်ပြည်ချစ် မြန်မာတိုင်းရင်းသားများသာဖြစ်သဖြင့် ပြည်ပက ဘာသာရေး၊ လူမျိုးရေး သွေးထိုးစွက်ဖက်မှုမှန်သမျှကို တိုင်းရင်းသားပြည်သူများနှင့် လက်တွဲ၍ ပြည်ထောင်စု၏ အချုပ်အခြာကို သက်စွန့်ကြိုးပမ်း ကာကွယ်သွားမည်ဖြစ်ကြောင်း ရှင်းလင်းစွာ ထုတ်ပြန်လိုက်သည်။

မြန်မာမွတ်စလင် အစည်းအရုံး

ဇူလိုင်(၂၇)ရက်၊ ၂၀၁၂

Media Contact;
ကိုကျော်စွာ +44 782 842 6801(UK) kyawzwa@b-m-a.org;
ဒေါ်မော်လီ +1 416 516 7383 Canada law4women@gmail.com;
Ma Yasmin +1 408 250 6227(USA) yasnohana@sbcglobal.net;


~

16 comments :

  1. iitcm said... :

    We are proud of you. That mean we all don't want our country to be destroy by any terrorist. "No matter who is right but what is right". It's time to change Myanmar. No matter who we are, we all are make in Myanmar. We love our country and our people. We will not allow who come and destroy our country.

  1. thurein said... :

    နည်းလမ်းကျသောကြေငြာချက်ဖြစ်ပါသည်။လူသားတိုင်းတစ်ဦးနှင့်တစ်ဦးအပြန်အလှန်လေးစားချစ်ခင်သင့်ပါသည်။ကျွန်တော်လူမျိုးဘာသာမခွဲခြားတတ်သောမြန်မာစစ်စစ်တစ်ယောက်ပါ။

  1. Unknown said... :

    ဒေါ်အောင်ဆန်းစုကြည် က အကိုးအကား ပြုရေးသားကြော်ငြာရန် လိုအပ်၍ထည်သွင်းခြင်းလား
    အဆိုရှင်က ဒါဟာ ဖော်ပြပါ အချက်အလက်ကို ရည်းညွှန်းအဆိုတင်သွင်း သည်ဟု သက်သေ စကား ဒေါ်စု ပြန်ကြားပေးနိူင်ပါမည်အားသိပါရစေ

  1. khaing nyein aye said... :

    အပြည့်အ၀ထောက်ခံပါတယ်။ မြန်မာပြည်တွင်းမှာရှိတဲ့ တိုင်းရင်းသားအားလုံး ဘယ်ဘာသာဝင်မဆိုညီအစ်ကို မောင်နှမတွေပါ။အချင်းချင်းမညီညွတ်ကြရင် အားလုံးတောင့်တနေတဲ့ ဒီမိုကရေစီလမ်းကြောင်းဟာ နောက်ပြန်လှည့်သွားနိုင်တယ်ဆိုတာ သတိပြုမိကြဖို့လိုပါတယ်။ ဒါကြောင့်အဖက်ဖက်က ရည်ရွယ်ချက်အမျိုးမျိုးနဲ့ သွေးထိုးနေမှုတွေကို စဉ်းစားချင့်ချိန်ကြပါလို့ တိုက်တွန်းချင်ပါတယ်။

  1. Thadoe said... :

    Really complete. It is clear that who are propagandas. Pls continue investigate what is the purpose of them. I doubt that it may be the idea of old lion.

  1. UShinGyi said... :

    ဒီလိုပဲ လက်ခံကြရမှာပါ ။ ဒီလိုလုပ်ရက်ဟာ တကယ်ကိုထောက်ခံအားပေး သင့်ပါတယ် ခင်ဗျ။
    ဒီမိုကရေစီ ကိုမြတ်နိုးသူတိုင်း ဒီလိုအကြမ်းဖက်ချင်တဲ့ ဘယ်အုပ်စုကို မဆိုအားလုံးပူးပေါင်းပြီးတော်လှန် ပြစ်ရပါမယ်။ ဒါမှလဲအသူတကွ နေလို့ရမှာပါ။ တိုင်းပြည်ကချောက်ထဲ ကျနေပြီ ဟိုလူကတစ်မျိုးပြေား ဒီလူတစ်မျိုးပြေားနဲမ မသိတဲ့ပြည်သူတွေပဲ့ ခံနေရတယ်။ အချင်းချင်းပဲအပြစ်ဖို့
    သတ်ဖြတ်နေ ကြတယ်။
    ဒီကြားထဲ တာလီဘန် စိုတဲ့လူတွေကလဲ ဘာမှန်းညာမှန်း မသိပဲ လာပြီးသွေးတိုးစမ်းနေတယ်။မြန်မာများ ကလဲမရိုင်းပါ။

  1. သိပ်ကောင်း အရမ်းကောင်းတဲ့ကြေငြာချက်ပါ။ (က)အချက်ကိုတော့သဘောမတူပါ။ ထိုကိစ္စများဆောင်ရွက်ရန် လွတ်တော်ရှိနေပါသည်။ ပညာရှိသတိဖြစ်ခဲဆိုတာမျိုးဖြစ်နိုင်ပါသည်။

  1. Anonymous said... :

    မြန်မာမွတ်စလင် အစည်းအရုံး ရဲ့ကိုယ်ပိုင်သဘောထားအမြင်အရ

    ရိုဟင်ဂျာ သည် မြန်မာတိုင်းရင်းသားဟုတ်ပါသလား
    ရိုဟင်ဂျာ သည် မြန်မာတိုင်းရင်းသားမဟုတ်ပါသလား

    မြန်မာမွတ်စလင် အစည်းအရုံး ရဲ့ ကိုယ်ပိုင်သဘောထားအမြင် ကိုသာဖြေကြားပေးစေလိုပါတယ်

  1. Anonymous said... :

    what religion u believe is or what your race is not matter ,but rohingers are bingali and not myanmar.so we must protect our land.

  1. Anonymous said... :

    How do Burmese gov prepare for terrorist? The government even can not stop bombing inside country.

  1. Anonymous said... :

    ကိုယ်အိမ်မှာ တင်ထားပြီး ကိုယ်ကိုစော်ကားမယ်ဆိုရင်တော ဘယ်အိမ်ရှင်ကမှ
    ခေါင်းငုံ့ခံနေမည်မထင်ပါ

  1. Anonymous said... :

    ကိုယ်အိမ်မှာ တင်ထားပြီး ကိုယ်ကိုစော်ကားမယ်ဆိုရင် တော့ ဘယ်အိမ်ရှင်ကမှ
    ခေါင်းငုံ့ခံနေမည်မထင်ပါ
    ရိုဟင်ဂျာ သည် မြန်မာတိုင်းရင်းသားဟုတ်ပါသလား?
    ရိုဟင်ဂျာ သည် မြန်မာတိုင်းရင်းသားမဟုတ်ပါသလား?

    မြန်မာမွတ်စလင် အစည်းအရုံး ရဲ့ ကိုယ်ပိုင်သဘောထားအမြင် ကိုသာဖြေကြားပေးစေလိုပါတယ်

  1. လူ့အခွင့်အရေး စံချိန်စံညွှန်းတွေအရ အားလုံးပူးပေါင်း ဆောင်ရွက်နိုင်ကြပါစေ အကျမ်းဖက်မှုကိုတော့ အားမပေးပါ

  1. SAI SAI said... :

    အခုငြောချက်ကိုကြိုဆိုပါတယ်၊ဒါပေမယ့် ရိုဟင်ဂျာ ဆိုတာ မြန်မာတိုင်းရင်းသားများ လုံးဝ(လုံးဝ)မဟုတ်ပါ

  1. ရိုဟင်ဂျာသည် ရိုဟင်ဂျာဖြစ်သည် ပြည်မမွတ်စလင်မ်များသည် မြန်မာမွတ်စလင်မ်များဖြစ်သည် ရိုဟင်ဂျာနှင့်ပြည်မ ဗမာမွတ်စလင်မ်များကို ကိုးကွယ်သည့်ဘာသာတူရုံဖြင့် တတန်းစားထဲသတ်မှတ်နေခြင်းကို ပြင်းထန်စွာရှုံ့ချသည် မြန်မာနိုင်ငံအတွက်အသက်ပေးခဲ့သော ပေးရန်ရှိသော ဗမာမွတ်စလင်များအတွေး ခံယူချက်မပြောင်းသွားရန် ပန်ကြားလိုသည်။ ကြေငြာချက်ကို ကြိုဆိုသည်။

  1. Unknown said... :

    နိုင်ငံသားဟုတ် မဟုတ် သေသေချာချာ လေ့လာစုံစမ်းသင့်သည်။အားလုံးကို ရောထွေးပြီး တိုင်းရင်းသားမဟုတ်ဘူး နိုင်ငံသားမဟုတ်ဘူးဆိုပြီး ရမ်းဆမပြောသင့်ဘူး။ရခိုင်ပြည်နယ်မှာ ရခိုင်လူမျိုးအားလုံးကို ရခိုင်တိုင်းရင်သားအဖြစ်သတ်မှတ်လို့ မရပါ။ဘင်္ဂါလာဒေရှ့်ကခိုးဝင်လာသူ အနောက်သားမောဂ် ခေါ် အဝကျွန်းသား မြောက်များစွာရှိသည်။ဘယ်လူမျိုးပဲဖြစ်ဖြစ် နိုင်ငံတော်တည်ဆဲဥပဒေအရသာဆောင်ရွက်သင့်သည်။မဟုတ်မမှန်သတင်းလွင့်ပြီး မုန်တီးမှုကို မတိုးပွါးသင့်ဘူး။

Post a Comment

 
Copyright © 2014 Irrawaddy Publishing Group. All Rights Reserved