ရှမ်းပြည်နယ်၊ ကျိုင်းတုံမြို့သို့ ထိုင်းနိုင်ငံသားများ သွားရောက် လည်ပတ်ဖို့ စိတ်ဝင်တစားရှိကြတာကို ထိုင်း နိုင်ငံ အင်တာနက်စာမျက်နှာ တခုမှာ ဖော်ပြထားပါတယ်။ တချိန်က ရှမ်းမျိုးနွယ်သမိုင်းမှာ စစ်ဆောင် ပန်းနားနဲ့ လန်းနား လို့ လူသိများတဲ့ သမိုင်းကြောင်းအတွက် ကျိုင်းတုံနဲ့ ထိုင်းနိုင်ငံ ချင်းရိုင်မြို့တို့ဟာ အဓိက ဆက်နွယ်နေတယ်လို့လည်း ထိုင်းတွေက ယုံကြည်ထားကြပါတယ်။
မြန်မာနိုင်ငံက ရှမ်းလူမျိုးများနဲ့ ထိုင်း လူမျိုးများဟာ ဘာသာစကား၊ ယဉ်ကျေးမှု စတာတွေမှာ အလွန် နီးစပ် ဆက်စပ်နေတာလည်း တကြောင်းအပါအ၀င်ဖြစ်ပါတယ်။
တချိန်က တရုတ် ကုန်သည်များရဲ့ အဓိကလမ်းတခုလည်းဖြစ်ခဲ့တဲ့ ကျိုင်းတုံးလမ်းခရီးကို အခုလို ထိုင်းအင်တာနက် စာမျက်နှာ တခုမှာ စိတ်ဝင်တစားတင်ဆက်ထားတာ ပြန်လည်မျှဝေလိုက်ပါတယ်။
0 comments :
Post a Comment