ရုပ်ရှင်အစည်းအရုံးအဟောင်းမှ အသစ်သို့ အာဏာလွှဲတဲ့နေ့က မြင်ကွင်း၊ ဓာတ်ပုံ- ကိုသူရ ဖေ့စ်ဘုတ်
လာမယ့် အောက်တိုဘာလ ၁၃ ရက်နေ့မှာ ကျရောက်မယ့် မြန်မာ့ ရုပ်ရှင်နေ့ အခမ်းအနားမှာ ထူးထူးခြား
ခြား ဆု တွေ ချီးမြှင့်သွားမှာဖြစ်တယ်လို့ သိရပါတယ်။
နိုင်ငံရေး ဆောင်ရွက်မှုတွေမှာ စွမ်းစွမ်းတမံ ဆောင်ရွက်ခဲ့ကြတဲ့ အနုပညာရှင်များကို ရုပ်ရှင် သူရဲကောင်း ဆု တွေ ချီးမြှင့်ဖို့ ရှိတယ်လို့ နိုင်ငံပိုင် ရုပ်မြင်သံကြားကလည်း ကြေညာသွားခဲ့ပါတယ်။
ရုပ်ရှင်လောကသားတွေထဲက ထောင်ကျခံပြီး နိုင်ငံရေး လုပ်တဲ့သူတွေအတွက် ဂုဏ်ယူနေတဲ့ အစည်းအရုံး ဥက္ကဌ စကားအရ ဇာဂနာကတော့ ဒီဆုအတွက် ကျိန်းသေနေပြီလို့ ပြောဆိုနေကြပါတယ်။
အဲဒီထဲမှာတော့ လူရွှင်တော် ဇာဂနာ၊ နာရေး ကူညီမှုအသင်း( ရန်ကုန်)က ဦးကျော်သူ၊ သရုပ်ဆောင် ရဲတိုက်တို့ဟာ ဆုရ နိုင်ခြေများတယ်ဆိုတဲ့ ခန့်မှန်းမှုတွေလည်း ရှိပါတယ်။
ဒီအပြင် လူမှုရေး ထူးချွန်ဆု များကိုတော့ ကချင်ပြည်နယ်၊ ရခိုင်ပြည်နယ်တို့အတွက် လူမှုရေး လုပ်ငန်းတွေ မှာ ရံပုံငွေ ရှာဖွေ ပေးခဲ့ကြ တဲ့ အနုပညာရှင်တွေကို ပေးအပ်ဖို့ ရှိပါတယ်တဲ့။ အဲဒီဆုတွေအတွက်လည်း လူတွေက သိပြီးဖြစ်နေမှာပါ။
ဒီဆုတွေနဲ့ပတ်သက်လို့ ပြေတီဦး၊ ခန့်စည်သူ၊ အိနြေ္ဒကျော်ဇင် စသူတွေလည်း ရဖို့ရှိကြောင်း သတင်းတွေ ထွက်ပေါ်နေပါတယ်။
နောက်ထပ်ပေးမယ့် ဆုတမျိုးကတော့ မြန်မာ့ဂုဏ်ဆောင်လို့ စည်သူဘွဲ့ရ အနုပညာရှင်တွေဖြစ်ကြတဲ့ ဘိုကလေး တင့်အောင်၊ ဒါရိုက်တာ မောင်မြင့်မြတ်၊ ဒါရိုက်တာ ကြည်စိုးထွန်း၊ မင်းသမီးကြီးတွေ
ဖြစ်ကြတဲ့ ဒေါ်စံရှားတင်၊ဒေါ်မြင့်မြင့်ခင်၊ ဒေါ်နွဲ့နွဲ့စန်း စတဲ့ အနုပညာရှင်တွေကိုလည်း တသက်တာ ရုပ်ရှင်ဆုတွေ ချီးမြှင့်ဖို့ ရှိပါတယ်။
အဆိုပါ မြန်မာရုပ်ရှင်နေ့ အခမ်းအနားမှာတော့ အခုလို ဆုချီးမြှင့်မှုတွေအပြင် ဖျော်ဖြေပွဲတွေ၊ အသံတိတ် ဇာတ်ကားတွေ၊ စတာတွေနဲ့ တင်ဆက်သွားဖို့လည်း ရှိပါတယ်တဲ့။ ၁၉၂၀ အောက်တိုဘာလ ၁၃ ရက်နေ့ မှာ မြန်မာ့ပထမဆုံး ရုပ်ရှင်ဖြစ်သော အဖြူအမဲ အသံတိတ် ဇာတ်ကားဖြစ်တဲ့ "မေ တ္တာနှင့် သူရာ" ဇာတ် ကား ကို ရန်ကုန်ရှိ ဗိုလ်ချုပ်အောင်ဆန်းဈေး (ယခင် ဖရေဇာ)အနီးက ရွိုင်ရယ် ရုပ်ရှင်ရုံမှာ ပထမဆုံး စတင်ပြသခဲ့တာကြောင့် အဲဒီနေ့ကို မြန်မာ့ရုပ်ရှင်နေ့လို့ သတ်မှတ်ခဲ့ကြတာပါ။
အခုဆိုရင် မြန်မာ့ ရုပ်ရှင်သက်တမ်း ၉၂ နှစ် ပြည့်ပါပြီ။ အဆိုပါ မေတ္တာနှင့် သူရာ ဇာတ်လမ်းက ဆရာကြီး ပီမိုးနင်းရဲ့ ဇာတ်လမ်းဖြစ်ပြီး မြန်မာ့ ရုပ်ရှင် ဖခင်ကြီးလို့ ဆိုရမယ့် London Art ဦးအုံးမောင်က မင်းသား ဦးညီပုနဲ့ အတူအခြားသရုပ်ဆောင်တွေနဲ့ ရိုက်ကူးခဲ့တာဖြစ်ပြီး အသံတိတ်ရုပ်ရှင် လည်း ဖြစ်ပါတယ်။
အသံတိတ် ရုပ်ရှင်ဇာတ်လမ်းဖြစ်လို့ အဲဒီခေတ်က မြန်မာ့ ဆိုင်းဝိုင်းကြီးတွေနဲ့ ဖျော်ဖြေတီးမှုတ်၊ ဇာတ်လမ်း အသံ သရုပ် ဆောင်မှုတွေ ခံစားလို့ ရအောင် ဖန်တီးခဲ့ကြတာပါ။
0 comments :
Post a Comment