ပြည်တော်မြင့် ~
 |
| မဲဆောက်ရှိကြိုတင်လက်မှတ်အရောင်းဌာန (ဓာတ်ပုံ- ပြည်တော်မြင့်/ဧရာဝတီ) |
မြန်မာအလုပ်သမား သိန်းချီရှိသည့် ထိုင်း-မြန်မာနယ်စပ်မဲဆောက်တွင် နှစ်သစ်ကူးကြည့်ချင်ပွဲအဖြစ် မြန်မာနိုင်ငံမှ အထင်ကရ ခေတ်ပေါ်တေးဂီတ၀ိုင်းဖြစ်သည့် IRON CROSS လာရောက် တင်ဆက်မည်ဟု စီစဉ်သူတဦးက ပြောသည်။
၎င်းက ”မဲဆောက်ဒေသက မြန်မာအလုပ်သမားတွေအတွက် ဒီပွဲကိုစီစဉ်တာဖြစ်တယ်။ နှစ်သစ်ကူးပွဲတော်လို့ လည်းဆိုနိုင်ပါတယ်။ အကျိုးအမြတ်အတွက်အဓိကမဟုတ်ပါဘူး” ဟု ဧရာဝတီသတင်းဌာနကိုပြောသည်။
မဲဆောက်တွင် အလုပ်လုပ်ကိုင်နေကြသည့် ရွှေမြန်မာတို့ထံ နာမည်ကျော် အိုင်စီတေးဂီတအဖွဲ့နှင့် ထိပ်တန်းအဆိုကျော်များ လာရောက်ခြင်းမှာ ဤအကြိမ်သည် ပထမဆုံးအကြိမ် ဖြစ်လာတော့မည်ဖြစ်သည်။
ပွဲဖြစ်မြောက်ရေးကို မဲဆောက်ရှိ PRIME BOOS Co . LTD အထည်ချုပ် စက်ရုံလုပ်ငန်းမှ ကမကထပြုခြင်း ဖြစ်ပြီး လာမည့် ၁၃-၁-၁၃ နေ့၌ မဲဆောက်မြူနီစပယ်ဘောလုံးကွင်းတွင် ဖြေဖျော်မည်ဖြစ်သည်။
၎င်းအဖွဲ့တွင် လေးဖြူ၊ အငဲ၊ ၀ိုင်ဝိုင်း၊ မျိုးကြီးတို့ သီဆိုကြမည်ဖြစ်ပြီး တီးဝိုင်းခေါင်းဆောင်မှာ ချစ်စမ်းမောင်ဖြစ် သည်ဟု မဲဆောက်ဒေသရှိ အလုပ်ရုံစက်ရုံများနှင့် လူစည်ကားရာနေရာများတွင် ကြေညာထားသည်။
ညနေ ၆ နာရီခွဲတွင် စတင်မည့် စတိတ်ရှိုးအတွက် လက်မှတ်တစောင်လျှင် အထူးတန်း ဘတ် ၅၀၀ ရိုးရိုးတန်း ဘတ် ၃၅၀ ဖြစ်သည့်အတွက် မြန်မာအလုပ်သမား အများစု ကြည့်ရှုနိုင်မည်မဟုတ်ဟု အလုပ်သမားများကပြောသည်။
မဲဆောက် TK အထည်ချုပ်စက်ရုံမှကိုသားကြီးက”မဲဆောက်ကအလုပ်သမားတွေဒီလောက်ကြီး မတတ်နိုင် ကြပါဘူး တချို့ဆိုရင်တနေ့လုပ်အားခ ဘတ် ၁၀၀ အောက်ဘဲရကြတာများတယ် မဲဆောက်ကထိုင်းဘုရင် မွေးနေ့ပွဲမှာလာသွားတဲ့ နံမည်ရမြန်မာအဆိုတော်တွေတောင် ရုံဝင်ကြေးဘတ် ၁၀၀ ဘဲရောင်းတာ လာ ကြည့်တဲ့လူကသိတ်မရှိဘူး”ဟုပြောသည်။
 |
မယ်ပ အထည်ချုပ်စက်ရုံမှ ကိုညီညီက ”ကျွန်တော်တို့စက်ရုံကလူတွေသွားကြမှာပါ။ ရုံထဲတော့ဝင်နိုင်မှာ မဟုတ်ဘူး။ ရုံနားမှာနေရလည်း အသံကြားရမှာပါ။
ဒီလက တရားမ၀င်အလုပ်သမားတွေကို ဖမ်းဆီးတဲ့စစ်ဆင်ရေးလည်း ရှိတော့ သိတ်တော့မလွယ်ဘူးနဲ့တူတယ်။
ဘတ် ၅၀၀-၃၅၀ ဆိုတော့ မဲဆောက်မှာဘယ်လိုမှမ ဖြစ်နိုင်တဲ့နှုံးထားပါ။ ပွဲသွင်းသူတွေအနေနဲ့ အများတတ်နိုင်မယ့် နှုန်းထားနဲ့စီစဉ်ရင်တော့ ဖြစ်နိုင်ခြေရှိတယ်” ဟု ဆိုသည်။
ကြိုတင်လက်မှတ်များကို မဲဆောက်ရှိ ဟုံလုံကုန်တိုက်၊ မြူနီစပါယ်ရုံးရှေ့၊ ချစ်ကြည်ရေးတံတား ထိုင်းဘက်ခြမ်း နှင့် ဖိုးထူးလဘက်ရည်ဆိုင်များတွင် ရောင်းချလျက်ရှိသည်ကို တွေ့ရသည်။
--
0 comments :
Post a Comment