ဘာရာဒွါဂျာ (မြန်မာပြည်) ~
 |
| (design - http://www.courant.com) |
ယခုတလော ဖတ်စရာတွေက အတော်လေးကိုများပါသည်။
စာရေးဖို့ အလျင်မမီအောင်ကိုပင် ဖတ်စရာတွေကများသမို့ မနေနိုင် မထိုင်နိုင်ရေးသော စာတိုပေစလေးများကိုပင် မရေးနိုင်ခဲ့ပါ။
သတင်းဆောင်းပါးများကလည်း ဖတ်ရသည်မှာ အတော်ကိုများသည်။
စာပေလွတ်လပ်ခွင့်ရလာသောအခါ လွတ်လပ်ခြင်းအပေါ် အကြောင်းပြုပြီး တစ်ချိန်က ရေးသားဖော်ပြခွင့်မရခဲ့သည့်အရေးများကို ရေးသားခွင့်ရလာသဖြင့် ကျွန်မတို့ စာဖတ်သူများအတွက် ဖတ်စရာတွေက ပိုများလာပါသည်။
၈၈ အရေးတော်ပုံနှင့် ပတ်သက်သမျှ တစ်စေ့တစ်စောင်း ဖတ်ရသောအခါ အရှေ့က နေ၀န်းထွက်သည့်ပမာ ကဲ့သို့သော စာအုပ်ကြီးမျိုးကို ဖတ်ချင်သည့် အာသာက မပြေနိုင်။ ရေးသားနိုင်သည့်သူများကို ရေးသားစေချင်သည်။
သို့သော် ခေတ်ကာလအရ လွတ်လပ်စွာ ပြောဆိုရေးသားခွင့်ရပြီဟုဆိုတိုင်း တာဝန်မဲ့သော စကားများ၊ စာများ ပေါ်ထွက်လာမည်ကိုလည်း စိုးရိမ်မိပါသည်။
တာဝန်ကြီးများကို ထမ်းဆောင်နေကြသည့် ခေါင်းဆောင်များ၏ မိန့်ဆိုချက်များသည် ကမ္ဘာတည်သည့် စကားမျိုးတွေဖြစ်လာချေပြီ။
လူထုကြားထဲပဲပြောပြော၊ သတင်းစာရှင်းလင်းပွဲများမှာပဲ ဆိုဆို စာတင်လာကြပြီဖြစ်၍ စကားတွေလည်း ထိန်းထိန်းသိမ်းသိမ်း ပြောသင့်သည် ဟုအောက်မေ့မိပါသည်။
မိန့်ကြားချက်များကို ကောက်နုတ်ကာ ဂျာနယ်စာမျက်နှာထက်တွင် စာလုံးအနီကြီးများဖြင့် ဖော်ပြထား သည်ကိုဖတ်ရသောအခါ ၀ါကျအထားအသို ကျွမ်းကျင်မှုအားနည်းသောကြောင့်လား၊
သို့တည်းမဟုတ် ပြဋ္ဌာန်းသော စေတနာကပင် ပွဲဆူစေချင်သောစိတ်စေတနာကြောင့်လား မသိ၊
ပြောလိုသည့်အနက်အဓိပ္ပာယ်ကို မရောက်စေဘဲ ထင်ရောင်ထင်မှားဖြစ်စေသော သဘောသက်ရောက်နေသည်ကိုလည်း တွေ့ရသည့်အခါ စိတ်မကောင်းဖြစ်ဖွယ်ဖြစ်သကဲ့သို့ ညီည္ပွတ်ရေးအတွက်လည်း အနှောင့်အယှက်ပြုရာကျပါသည်။
စကားတစ်ခွန်း၏ အဓိပ္ပာယ်က တစ်ခါတစ်ခါ မည်မျှတာသွားနိုင်သည်ကိုလည်း စဉ်းစားတွေးချင့်သင့်ပါသည်။
အတွေးရဲသည်၊ အပြောရဲသည် ဆိုတိုင်း ကောင်းသည်မဟုတ်။ ရဲရဲဝံ့ဝံ့၊ ရဲရဲတောက် ဘာမထီတိုင်းလည်း ကောင်းသည်မဟုတ်။
ဇာတ်သမားစကားက ဇာတ်စင်နှင့် သင့်တော်သလို ဆရာ၊ ဆရာမစကားကလည်း စာသင်ခန်းနှင့် သင့်တော်ပါသည်။
ဇာတ်သမားပေးသည့် ဟာသကို ကျောင်းစာသင်ခန်းထဲ ကျောင်းသားကျောင်းသူတွေ အပျင်းရယ် ပြေပါစေတော့ဟု မပြောကောင်းသည်ကရှိသည်။ လူကြားသူကြား နိုင်ငံတကာအကြား ပြောသည့်စကားက တန်ဖိုးရှိရမည်။
အမေရိကန်သမတကြီးလာစဉ်က သမတကြီးဦးသိန်းစိန်နှင့် တွေ့စဉ် ပြောသည့်စကားကို သမတကြီးက သတင်းစာရှင်းလင်းပွဲတစ်ခုတွင် တိုင်းပြည် အမြတ်ထွက်အောင် တောင်းဆိုခဲ့သည် ဟု ဆိုလိုက်သောအခါ အမြတ်ထွက်အောင် ဆိုသောစကားထက် ကိုယ့်တိုင်းပြည်အကျိုးရှိအောင် ဟု သုံးလိုက်လျှင် မည်မျှကောင်းမည်နည်းဟု တွေးမိပါသည်။
ဒေါ်အောင်ဆန်းစုကြည်၏ မြိတ်ခရိုင်၊ ကျွန်းစုမြို့နယ် မိန့်ခွန်းကောက်နုတ်ချက်တွင်လည်း ကျမကို နိုင်ငံ့အာဏာလိုချင်လား တဲ့။ လိုချင်တယ်လို့ ကျမကပြောလိုက်တယ် .......... စသဖြင့် ဖတ်လိုက်ရသောအခါ ရင်ထဲတွင် အမလေး တ လိုက်မိသည်က - ဂျာနယ်ပညာရှင်များက ဒီလောက်ကလေးကိုပဲ ကောက်နုတ်ကာ စာလုံးအနီကြီးများဖြင့် ထင်ထင်ရှားရှားဖော်ပြခဲ့လျှင် ပြောသူအတွက် မကောင်း။ ဖတ်ရသူကလည်း အကျယ်ကိုမဖတ် ခေါင်းစည်းလေးဖတ်ကာ ပြောချင်ရာတွေ လျှောက်ပြောပေတော့မည်။ အဲဒီ့နောက်ကလိုက်ပြီး ဂိုဏ်းဂဏတွေက ကွဲကြပြဲကြမှကို စိုးရိမ်မိပါသည်။
ဤအတွေးများဖြင့်သာ သမိုင်းအဆက်ဆက်က ကွဲကြပြဲကြသည်ကို စိတ်ရောက်၍ သခင်တင်မြ၏ ဘုံဘ၀မှာဖြင့်ကို ပြန်ဖတ်မိသည်။
ကျွန်မ.. သမီးကို ပြောလေ့ရှိသောစကားရှိပါသည်။ သမီးက ဘောလုံးပွဲကြိုက်သည်။ ဗမာဆိုလည်း နိုင်စေချင်သည်။
ထိုအခါ ကျွန်မက ပြောလိုက်မိသည် - ဒို့ဗမာတွေက ကိုယ်တိုင်ပဲ ဂိုးသွင်းချင်ကြတယ်... ဂိုးသွင်းနိုင်ခြေကို ဖန်တီးမပေးချင်ကြဘူး..ဟူ၍......။
--
0 comments :
Post a Comment