ကချင်ပြည်နယ် မသွားကြဖို့ အမေရိကန်တွေကို သံရုံး သတိပေး

~

တနင်္လာနေ့က  တွေ့ရတဲ့ အမေရိကန်သံအမတ် (ဓာတ်ပုံ – ကောင်းညီဟန် /ဧရာဝတီ)

တိုက်ပွဲဖြစ်နေတဲ့ ကချင်ပြည်နယ်ကို အမေရိကန်နိုင်ငံသားတွေ မသွားကြဖို့ ရန်ကုန်မြို့ အမေရိကန်သံရုံးက သတိပေးလိုက်ပါတယ်။

KIA နဲ့ အစိုးရတပ်တုိ့ရဲ့စစ်ပွဲတွေဟာ အရပ်သားများအတွက် အသက်အန္တရာယ် ရှိတယ် လို့  ပြီးခဲ့တဲ့မိနစ်ပိုင်းအတွင်း ထုတ်ပြန်လိုက်တဲ့ သတိပေးစာမှာ ဖော်ပြထားတာပါ။

 ကချင်ပြည်နယ်အခြေအနေများကြောင့် ရန်ကုန်နဲ့တခြားဒေသတွေမှာ ဆန္ဒပြတာတွေ ဖြစ်လာနိုင်ပါတယ် တဲ့။
ငြိမ်းချမ်းတဲ့ဆန္ဒပြပွဲတွေဟာ အကြမ်းဖက်မှုအသွင် ပြောင်းလဲသွားနိုင်တယ်၊ ဘယ်လိုဖြစ်လာမယ်ဆိုတာလည်း ခန့်မှန်းရခက်တယ်လို့ သတိပေးစာမှာ ရေးထားပါတယ်။

ဆန္ဒပြပွဲများ၊ လူစုလူဝေးများနဲ့ ခပ်ကင်းကင်းနေဖို့လည်း တိုက်တွန်းထားပါတယ်။

မြန်မာပြည်မှာ ခရီးသည်အဖြစ် ရောက်နေတဲ့ အမေရိကန်တွေ၊ အမေရိကန်နိုင်ငံသား ခံယူထားတဲ့ မြန်မာပြည်သားတွေ အများအပြား ရှိနေပါတယ်။

မူရင်းစာက ဒီလိုပါ -

The Embassy advises all U.S. citizens to avoid travel to Kachin State. Recent military actions in Kachin State by the Kachin Independence Army (KIA) and the Burmese Army have endangered the lives of civilians and reflect escalating violence in the region.
Ongoing hostilities in Kachin State may lead to demonstrations in Rangoon and elsewhere. Please keep in mind that even demonstrations that are meant to be peaceful can become violent and unpredictable. While in public areas, stay alert and aware of the people around you at all times. Stay clear of all demonstrations or public gatherings. If you see something suspicious, report it to the U.S. Embassy or local authorities if possible and leave the area.
The full message, like all our emergency messages, can be found on our website at http://burma.usembassy.gov/warden_messages.html.

ကချင်ဒေသ စစ်ပွဲတွေကြောင့် စိုးရိမ်မကင်း ဖြစ်နေကြောင်း ရန်ကုန်က  အမေရိကန်သံအမတ်က
တနင်္လာနေ့မှာ ဧရာဝတီကို ပြောခဲ့ပါသေးတယ်။
တိုက်ခိုက်မှုတွေ အဆုံးသတ်ဖို့  မြန်မာအစိုးရ ထိပ်ပိုင်းခေါင်းဆောင်တွေကို တိုက်တွန်းခဲ့တယ်လို့ သူက ဆိုပါတယ်။

ကချင်အရေး စိုးရိမ်မိကြောင်း အမေရိကန် သံအမတ်ကြီး ထုတ်ဖော်ပြောဆို
 US Ambassador Conveys Urgent Concern Over Kachin

၁၇ နှစ်ကြာ တိုက်ပွဲကြီးငယ် မဖြစ်ဘဲ တည်ငြိမ်ခဲ့တယ်လို့ ဆိုနိုင်တဲ့ ကချင်ဒေသဟာ အပြန်အလှန်ပစ်ခတ်ကြ၊ အရပ်သားတွေ အသက်လုပြေးကြရတာ တနှစ်ခွဲ ကြာခဲ့ပါပြီ။

တိုက်ပွဲတွေ ဘယ်တော့မှ ရပ်မယ် ဆိုတာ မသိရသေးပါ။

မနေ့ကတော့  တရုတ်နိုင်ငံ၊ ယူနန်ပြည်နယ် နားပမ်းမြို့မှာ ကချင်ဒေသ စစ်ပွဲများ ရပ်ဆိုင်းရေးအတွက် ဆန္ဒပြပွဲ ပေါ်ပေါက်ခဲ့သလို ဒီကနေ့လည်း ဘန်ကောက်မြို့ မြန်မာသံရုံးရှေ့မှာ အလားတူ ဆန္ဒပြ ကန့်ကွက်မှု ဖြစ်ပွားခဲ့ပါတယ်။
  

ဧရာဝတီ Facebook / Twitter

-