နားတွင် အပ်စိုက်ကုသပုံ၊ ဓာတ်ပုံ-acupuncturechicago.
အရက်၊ ဆေးလိပ်၊ ကွမ်းယာ၊ မူးယစ်ဆေးဝါး စတာတွေ သုံးစွဲလာတာ ကြာတဲ့အခါ လူ့ခန္ဓာကိုယ်ထဲမှာ အဆိပ်တွေ သင့်နေတယ် လို့ ဆိုပါတယ်။
အဲဒီလိုအဆိပ်တွေ သင့်နေတာတွေကြောင့် လူတွေဟာ အသက်တိုခြင်း၊ မကျန်းမာခြင်းတွေဖြစ်ကြတာ ပါတဲ့။
ဒါကြောင့် အသက်ရှည် ကျန်းမာစေဖို့အတွက် အပ်စိုက်နည်းစနစ်၊ ချွေးထုတ် နည်းစနစ်တွေကို အသုံးပြုပြီး အဲဒီအဆိပ် တွေကို ထုတ်ပေးနေသူနဲ့ အုန်းပြန့် ဒုက္ခသည်စခန်းမှာ မထင်မှတ်ဘဲ တွေ့ဆုံခဲ့ပါတယ်။
ထိုင်းနိုင်ငံ၊ ဖုတ်ဖရ ခရိုင်၊ အုန်းပြန့် ဒုက္ခသည်စခန်းတွင်းမှာ အဆိပ်ထုတ်ပေးတဲ့ ဦအောင်ငွေစန်းနဲ့ ဒုက္ခသည်တချို့၊ ဓာတ်ပုံ- အိမ့်သံစဉ်( ဧရာဝတီ) ~
သူကတော့ ဦးအောင်ငွေစန်း ဖြစ်ပြီး သူ့ အလုပ်အကိုင်ကိုမေးတော့ သူက အမြဲလမ်းလျှောက်နေတတ် တာဖြစ်ပြီး စခန်းတွင်း မူးယစ်ဆေး တိုက်ဖျက်ရေးလုပ်ငန်းတွေလုပ်နေတာပါတဲ့။
“အရက်တို့ ဆေးလိပ်တို့ ကွမ်းတို့ စားတာ အနှစ်နှစ်အလလ ကြာလတော့ သူ့ကိုယ်ထဲက အဆိပ် သင့်သွေးတွေ၊ အဆိပ် ငွေ့တွေကို နားမှာ အပ်စိုက်ကုသပေးပြီး ကျနော်တို့က ထုတ်ပေးတယ်”လို့ သူက ဆိုပါတယ်။
အဆိပ်တွေ ထုတ်ဖို့ အပ်စိုက်တဲ့နည်းနဲ့ပတ်သက်လို့ ကုသဖို့ စိတ်ဆန္ဒရှိသူတွေအတွက် အချိန်တလ ခွဲလောက် ယူရပါ တယ်တဲ့။
“ပထမ ၂ ပတ်မှာတော့ ကျနော်တို့ ၂ ကြိမ်စိုက်ပေးတယ်၊ တကြိမ်ကို ၄၅ မိနစ်ကြာတယ်။ နား ၁ ဖက်ကို ၅ ချောင်း၊ ၂ ဖက်ဆိုတော့ အပ် ၁၀ ချောင်း။ ၂ ကြိမ်ဆိုတော စုစုပေါင်း ၁ နာရီခွဲ၊ မိနစ်ကိုးဆယ် ကြာ မယ်ပေါ့”လို့ ဦးအောင်ငွေစန်း က ရှင်းပြပါတယ်။
ပထမ ၂ ပတ်တွင် အထက်ပါအတိုင်း ၂ ကြိမ်နှင့် တတိယ သတင်းပတ်မှာ ၁ ကြိမ် အပ်စိုက်ကုသပေးပြီး ကျန်တဲ့ ရက် သတ္တ တပတ် ကာလကိုတော့ သူတို့ကို ဆေးလိပ်၊ ကွမ်း၊ အရက် တို့ရဲ့ ဆိုးကျိုးတွေ ဘာတွေ ဆိုတာ သင်တန်းပေးပါ တယ်တဲ့။
နောက် ကျန်တဲ့ ရက်သတ္တပတ် ၂ ပတ်မှာ တရက်ခြားတကြိမ် အပ်စိုက် ကုသမှုတွေ လုပ်ပေးပြီး သင်တန်း လည်း တပါတည်း ပေးကြတာလို့ ဦးအောင်ငွေဆန်းက ပြောပါတယ်။
ချွေးပေါင်းထုတ်၍ ကုသတာကလည်း အဆိပ်ငွေ့တွေကို တရုတ် ဆေးပညာ နည်းလမ်းအရ သစ်ဥ၊ သစ်ဖု၊ သစ်မြစ် ပေါင်းစုံကို ကျိုပြီး အငွေ့တထောင်းထောင်းထနေချိန်မှာ လူကို ပေါင်းခန်းထဲ ထည့်သလို လုပ် လိုက်တာဖြစ်တယ်တဲ့။
“အဲဒီကျရင် ကိုယ်ခန္ဓာမှာ ရှိတဲ့ အခိုးအငွေ့တွေက ချွေးတွေနဲ့အတူ အဆိပ်ခိုး၊ အဆိပ်ငွေ့တွေကို ထွက် လာအောင် လုပ်လိုက်တာပေါ့” ဦးအောင်ငွေစန်းက ရှင်းပြပါတယ်။
၂၀၀၃ ခုနှစ်ကတည်းက အခုလို ကုသနည်းတွေနဲ့ သူလုပ်တဲ့ ဌာနက ကုသပေးလာခဲ့တာ ၂၀၁၂ ကုန်ထိ လူပေါင်း ၄ ထောင်ကျော် ၅ ထောင်လောက်တော့ ရှိမယ်လို့ သူက ဆိုပါတယ်။
အခုလို ကုသပေးနိုင်ဖို့က လည်း ဂျာမဏီနိုင်ငံအခြေစိုက်တဲ့ NGO တခုက ကုန်ကျစရိတ်ကို ထောက်ပံ့ ထားတာဖြစ်ပါ တယ်တဲ့။
0 comments :
Post a Comment