သိတဲ့အတိုင်းပဲ လွှတ်တော်ထဲမှာတော့ သူတို့ရဲ့ အင်အားက ၂၅ ရာခိုင်နှုန်း ရှိပါတယ်။
သူတို့နဲ့အတူတူ လွှတ်တော်တက်နေတဲ့ နိုင်ငံရေးသမားတချို့ကို သူတို့အကြောင်း မေးမြန်းထားတာတွေထဲက ကောက်နုတ် ဖော်ပြပေးလိုက်ပါတယ်။ ပထမဆုံး မွန်တိုင်းရင်းသား နိုင်ငံရေးသမားတဦးဖြစ်တဲ့ မင်းမျိုးတင့်လွင်ရဲ့ ပြောဆိုချက်တွေကို ဖတ်ကြရမှာပါ။
------------------------------------------------------------------------------------
မင်းမျိုးတင့်လွင် (မွန်ဒေသလုံးဆိုင်ရာ ဒီမိုကရေစီပါတီ)
အမျိုးသားလွှတ်တော်
၂၀၀၈ အခြေခံဥပဒေနဲ့ ပတ်သက်ပြီး ဘာပြောချင်တာ ရှိပါသလဲ။
(လွှတ်တော်တွေထဲမှာ) တပ်မတော်သား အများကြီး ပါဝင်မှုက အားနည်းချက်ပဲ။ တပ်မတော်ဆိုတာ တိုင်းပြည်အတွက် လိုအပ်ပါတယ်၊ ဒါပေမယ့် အုပ်ချုပ်ရေးလိုင်းမှာကျတော့ သူတို့အတွက်လည်း သနားစရာကောင်းပါတယ်၊ ဘာဖြစ်လို့လည်းဆို ပြောဆိုဆွေးနွေး၊ အဆိုတင်ခွင့် မရှိဘူး၊ သူတို့လည်း ခံစားချက်က သိပ်မကွာဘူး၊ လူတိုင်းက ဗမာပြည်တိုးတက်အောင် ကြိုးစားချင်ကြသူတွေချည်းပါပဲ၊ သို့သော်လည်း သူတို့ဆီမှာ လွှမ်းမိုးမှု အရိပ်တခုအောက်မှာ ရှိနေတော့ ကျနော်တို့လို လွတ်လွတ်လပ်လပ်ပေါ့ ကိုယ်ပြောချင်ရာ ဆိုချင်ရာ၊ ပြီးတော့ ကိုယ်ယုံကြည် ယူဆချက်ကို ပွင့်ပွင့်လင်းလင်း ပြောလို့်မရဘူးဖြစ်နေတယ်လို့ ကျနော် ယူဆပါတယ်။
မင်းမျိုးတင့်လွင်က အမျိုးသားလွှတ်တော်မှာ တပ်မတော်သားကိုယ်စားလှယ်များနဲ့ ဘယ်လောက်အထိ ရင်းနှီးမှု ရှိသလဲ။
တပ်မတော်သားကိုယ်စားလှယ် တော်တော်များများနဲ့ ခင်ပါတယ်၊ အဓိက ခင်တဲ့ နေရာက - လွှတ်တော်မှာ ဆေးလိပ်သောက်ခန်း ဆိုတာ ရှိတယ်၊ တပ်မတော်သားကိုယ်စားလှယ် တော်တော်များများ ဆေးလိပ်သောက်ကြတယ်၊ ကျနော်လည်း ဆေးလိပ်ကြိုက်တယ်၊ အဲဒီမှာ ဆုံဖြစ်တယ်၊ ဆုံဖြစ်တော့ ကိုယ်လည်း ပြောချင်ရာပြောတယ်၊ သူတို့လည်းပြောချင်ရာပြောတယ်၊ ဒါပေမယ့် ဗွေမယူစတမ်း၊ လွတ်လပ်ပွင့်လင်းစွာ၊ အလွတ်သဘောပေါ့။ လွှတ်တော်ပေါ်တက်သွားပြီးရင်တော့ သူ့လမ်းသူသွား၊ ကိုယ့်လမ်းကိုယ်သွား။
သူတို့က လိုလိုလားလားတက်နေတာလား၊ တာဝန်ပေးလို့ လွှတ်တော်ထဲ ၀င်ထိုင်နေတာလား။
ကျနော့်အမြင်ပြောရရင် သူတို့လည်း တကယ် လိုလားပါတယ်။ သို့သော်လည်းပဲ သူတို့က တနှစ်ခံလား၊ နှစ်နှစ်ခံလား၊ သုံးနှစ်ခံလား၊ လွှတ်တော်ငါးနှစ်လုံး ကိုယ်စားလှယ်တွေအဖြစ် နေရမလား ဆိုတဲ့အဖြေ သူတို့မှာ မရှိဘူး။
သူတို့ရဲ့မနက်ဖြန်ကို သူတို့ မသိဘူးပေါ့။
သူတို့ရဲ့မနက်ဖြန်ကို မသိတဲ့အခါကျတော့ စတုတ္ထလွှတ်တော်ခေါ်တဲ့အခါမှာ တက်ကြွမှု သိပ်မတွေ့ရတော့ဘူး။ ပြောင်းရွှေ့သွားတဲ့တချို့က အရပ်ဘက်၊ ဌာနဆိုင်ရာဘက် ရောက်သွားတယ်။ ကျန်ခဲ့တဲ့သူတွေကလည်း စွမ်းစွမ်းတမံ လေ့လာမှု၊ သင်ယူမှု၊ လေ့ကျင့်မှု သိပ်ပြီးတော့မလုပ်ချင်တော့ဘဲနဲ့ ဘာမှန်းမသိတဲ့ဟာတခုကို ဘာမှန်းမသိသလိုဘဲ ကျော်ဖြတ်သွားလိမ့်မယ် ဆိုတဲ့ အယူအဆမျိုးပေါ့။ အတွေးသစ် အမြင်သစ် အကြံသစ်တွေ ဆက်မတွေးရဲတော့ဘူးလို့ ကျနော်မြင်တယ်။
------------------------------------------------------------------------------------
ဦးခင်မောင်လတ် (ရခိုင်တိုင်းရင်းသားများ တိုးတက်ရေးပါတီ)အမျိုးသားလွှတ်တော်
လွှတ်တော်ထဲမှာ တပ်မတော်သားကိုယ်စားလှယ်တွေနဲ့ ဆက်ဆံရေး ဘယ်လိုရှိလဲ။
ဆက်ဆံရေး အဆင်ပြေတယ်။ သူတို့ အပေါ်က ညွှန်ကြားထားပုံရတယ်။ လေးစားမှု ပြတယ်။ ကျနော်တို့က အသက်အရွယ်ကြီးတာလည်း ပါတယ်၊ ပညာဆိုလည်း အငြိမ်းစားအရာရှိတွေ ပါတယ်၊ ၀ါရင့်တယ်၊ အထူးသဖြင့် ကြံ့ခိုင်ရေးပါတီမှာ ဆိုရင် အစိုးရ၀န်ထမ်းဟောင်းတွေ ပါတယ်လေ၊ ကျနော်တို့ဆိုလည်း ကျောင်းဆရာကလာတယ်၊ ရှေ့နေက လာတယ်။ လက်ဘက်ရည်ဆိုင်တို့ ဘာတို့မှာ တွေ့တယ်၊ နည်းနည်းပါးပါး ဆွေးနွေးကြတယ်၊။
ပထမ၊ ဒုတိယလွှတ်တော်အစည်းအဝေးတွေမှာ သူတို့ သိပ်မဆွေးနွေးဘူး။ တတိယလွှတ်တော်မှာ နည်းနည်းပါတယ်၊ စတုထ္ထမှာတော့ နည်းနည်းများတယ်၊ စတုထ္ထမှာတော့ ဗိုလ်မှူးချုပ်လည်း ရောက်လာတယ်၊ ဟိုတုန်းကတော့ ဗိုလ်မှူးကြီးပဲ ရှိတယ်။
သူတို့သိပ်မဆွေးနွေးတာ ဘာကြောင့်လို့ ဦးခင်မောင်လတ် ထင်ပါသလဲ။
အထက်က အမိန့်မရတာကြောင့် ထင်တယ်။ အကြီးဆုံးတယောက်ကို ကြည့်နေတယ်၊ အကြီးဆုံးထရင် သူတို့ထတယ်၊ အကြီးဆုံးထိုင်ရင် သူတို့ထိုင်တယ်။ နေတာထိုင်တာတော့ တက်တက်ကြွကြွပဲ။ သူတို့က စစ်သားကိုး။ ကျနော်တို့နဲ့ တူတူသွားရင် သူတို့က ရှေ့ရောက်တယ်။
သွက်သွက်လက်လက် ပျော်ပျော်ရွှင်ရွင်ပဲ။ ထိုင်းထိုင်းမှိုင်းမှိုင်း မရှိဘူး။
လွှတ်တော်က နိုင်ငံရေးလုပ်တယ် ဆိုတော့ ဒီအပိုင်းမှာတော့ သူတို့ အားနည်းမယ်။ ကြံ့ခိုင်ရေးပါတီမှာဆို လူမှုရေးတို့ ပညာရေးတို့ ဆေးဘက်ဆိုင်ရာတို့က ညွှန်ချုပ်ဟောင်းတွေ ရှိတယ်၊ တိုင်းရင်းသား(ပါတီ)တွေဘက်မှာလည်း နိုင်ငံရေးသမားတွေ များတယ်။ သိပ် ညံ့ညံ့တွေ မပါဘူး။ နိုင်ငံရေးမှာ သူတို့ထက်နိမ့်တာ မရှိဘူး။
------------------------------------------------------------------------------------
ဦးသက်ထွန်းမောင် (NDF ပါတီ/ အမျိုးသားဒီမိုကရေစီ အင်အားစု)ရန်ကုန်တိုင်းဒေသကြီးလွှတ်တော်
တပ်မတော်သားကိုယ်စားလှယ် ၂၅ ရာခိုင်နှုန်းက အနာဂတ်မှာ လျော့သွားမလား၊ တိုးလာနိုင်သလား။
ဖွဲ့စည်းပုံအတိုင်း ဆိုရင်တော့ ဘယ်လျော့ဦးမလဲ။ လျော့ဖို့လည်း အချိန်မကျသေးဘူးလို့ အောက်မေ့တယ်လေ။
ဘယ်အချိန်မှာ စပြီး လျော့မယ်လို့ ဦးသက်ထွန်းမောင် ထင်ပါသလဲ။
ခန့်မှန်းကတော့ဗျာ - ၁၅ နှစ်လောက်တော့ ကြာမှာပေါ့။ ရွေးကောက်ပွဲ ၃ ကြိမ်မြောက်လောက်ဆို လျော့သွားပါလိမ့်မယ်။ တိုင်းပြည်ဖွံ့ဖြိုးတာနဲ့အမျှ တဖြည်းဖြည်းနဲ့ နောက်ဆုတ်သွားပါလိမ့်မယ်။
ဧရာဝတီ Facebook / ဧရာဝတီ Twitter
0 comments :
Post a Comment