ဒေါ်အောင်ဆန်းစုကြည်ဟာ သမ္မတ သို့မဟုတ် လွှတ်တော်ဥက္ကဋ္ဌ ဖြစ်လာတော့မယ် လို့ ဒီကနေ့ထုတ် ရွှေနိုင်ငံသစ် သတင်းစာမှာ နက္ခဗေဒဆရာတယောက်က ရေးလိုက်ပါတယ်။
ဆရာ ဦးဇေယျာကို (နက္ခသိပ္ပံ) ရဲ့ ဆောင်းပါးမှာ အဲဒီလို ဟောကိန်းထုတ် ရေးသားထားတာပါ။
![](http://1.bp.blogspot.com/-Bp5BvzBLJfM/UXjg07RemmI/AAAAAAAAhPw/ou8FviArFvs/s1600/A001689+suu+%28Custom%29.jpg)
အသက် ၅၀ အရွယ်မှာ တွေ့ခဲ့ရတဲ့ ဒေါ်အောင်ဆန်းစုကြည် (ဓာတ်ပုံ - Nic Dunlop)
"၂၀၁၅ နှောင်းပိုင်း ရွေးကောက်ပွဲအချိန်ကာလ နှင့် ၂၀၁၆ နှစ်ဦးပိုင်း သင်္ကြန်မတိုင်မီအချိန်ကာလများသည် ဇာတာစန်းလဂ် တောက်ပ လင်းလက်လာမည့် အချိန်ကာလများ ဖြစ်သည့်အတွက် သူမ၏ အောင်မြင်မှုများအား မည်သူမှ တားဆီး ပိတ်ပင်၍ မရရှိနိုင်တော့ပေ" လို့ ဦးဇေယျာကို (နက္ခသိပ္ပံ)က ရေးထားပါတယ်။
"၂၀၁၅ ဇူလိုင်လနောက်ပိုင်း သိဟ်ရာသီရောက် ကောဇာကြာသပတေးဂြိုင်္ဟ်ကြီး၏ အထောက်အပံ့" ကို ဒေါ်အောင်ဆန်းစုကြည်ရဲ့ ကံဇာတာမှာ တွေ့ရကြောင်း ရွှေနိုင်ငံသစ် သတင်းစာမှာ နက္ခတ္တအမြင်တွေကို နေ့စဉ် ရေးနေတဲ့ ဦးဇေယျာကို (နက္ခသိပ္ပံ)က တွက်ချက်ပါတယ်။
မြန်မာပြည်မှာ နိုင်ငံအာဏာကို စစ်တပ်က ချုပ်ကိုင်ခဲ့တာ နှစ်ပေါင်း ငါးဆယ်ရှိသွားပါပြီ။
စစ်တပ်ကရော ဗေဒင်ဆရာ ဟောကိန်းထုတ်သလိုမျိုး ဒေါ်အောင်ဆန်းစုကြည် ထိပ်သီးခေါင်းဆောင်ကြီးဖြစ်လာရေးကို သဘောတူပါ့မလား။ ဒီအချက်ကိုလည်း ဦးဇေယျာကို (နက္ခသိပ္ပံ)က တွက်ချက်ပြပါတယ်။
တနင်္လာဂြိုင်္ဟ်၏ သဘောတရားအရ တပ်မတော်နှင့် အပေးအယူ ညီမျှစွာဖြင့် ညှိနှိုင်းဆောင်ရွက်မှသာ "အနာဂတ် နိုင်ငံရေးရည်မှန်းချက်"ကို ပုံဖော်ခွင့်ရပါမယ် တဲ့။
မြန်မာ့ဒီမိုကရေစီခေါင်းဆောင်အဖြစ် နှစ်ပေါင်း ၂၀ ကျော်ကြာ ရပ်တည်နေဆဲဖြစ်တဲ့ ဒေါ်အောင်ဆန်းစုကြည်ကိုယ်တိုင်ကလည်း သူ သမ္မတ တာဝန် ထမ်းဆောင်လိုကြောင်း လူသိရှင်ကြားပြောကြားထားပြီးပါပြီ။
ဒေါ်အောင်ဆန်းစုကြည် သမ္မတ ဖြစ်လာမယ် ဆိုတာကို တကြိမ်ထက်မနည်း ဟောကိန်းထုတ်ခဲ့သူကတော့ အထင်ကရ ဗေဒင်ဆရာကြီးတယောက်ဖြစ်တဲ့ စံဇာဏီဘို ဖြစ်ပါတယ်။
သူ့ရဲ့ ဟောကိန်းအကြောင်းကို ဧရာဝတီဘလော့ http://blog.irrawaddy.org/2013/04/blog-post_15.html မှာ ဖော်ပြခဲ့ပြီးပါပြီ။
အင်္ဂါနေ့ဖွား ဒေါ်အောင်ဆန်းစုကြည် မွေးတဲ့နေ့က ၁၃ဝ၇ ခုနှစ် ဝါဆိုလဆန်း ၁ဝ ရက်နေ့၊ ၁၉၄၅ ဇွန်လ ၁၉ ရက်နေ့ပါ။ ရန်ကုန်မြို့ ဇာတိ ဖြစ်ပြီး မိဘများကတော့ ဗိုလ်ချုပ်အောင်ဆန်း၊ ဒေါ်ခင်ကြည်တို့ ဖြစ်ပါတယ်။
ဗေဒပညာရှင်တဦးဖြစ်တဲ့ ဆရာကျော်စစ်ဟိန်းရဲ့ စာအုပ်တအုပ်မှာရေးထားတာကတော့ ဒေါ်အောင်ဆန်းစုကြည်ကို မွေးဖွားတဲ့အချိန်က ည ၇း၁၅ ဖြစ်ပါတယ် တဲ့။
မြန်မာပြည်မှာ၂၀၁၅ နှစ်ကုန်ပိုင်း ရွေးကောက်ပွဲ ကျင်းပပြီးရင် အုပ်ချုပ်မှုအပြောင်းအလဲ ဖြစ်လာမှာပါ။
ဗေဒင်ဆရာတွေ ဟောကိန်းထုတ်တာ မှန်ကန်မယ် ဆိုရင်တော့ မဝေးတော့တဲ့ အနာဂတ်မှာ ဒီမိုကရေစီခေါင်းဆောင်က သမ္မတ သို့မဟုတ် လွှတ်တော်ဥက္ကဋ္ဌ တာဝန် ယူရပါလိမ့်မယ်။
အဲဒီအချိန်မှာ ဒေါ်အောင်ဆန်းစုကြည်က အသက် ၇ဝ ရှိနေမှာ ဖြစ်ပါတယ်။
- ဧရာဝတီ Facebook / ဧရာဝတီ Twitter
0 comments :
Post a Comment