ယမန်နေ့က ဗိုလ်ချုပ်မှူးကြီး မင်းအောင်လှိုင် ရုရှားသို့ ထွက်ခွာစဉ်ပို့ဆောင်သူများနဲ့အတူ၊ ဓာတ်ပုံ- မြန်မာ့အလင်း
ယခုနောက်ပိုင်း ကာလအတွင်း မြန်မာနိုင်ငံက ကာကွယ်ရေး ဦးစီချုပ်ရဲ့ ရုရှားနိုင်ငံ တရားဝင် အလည် အပတ် သွားခြင်းဟာ ပထမဆုံးလည်း ဖြစ်ပါတယ်။
လွန်ခဲ့တဲ့ မတ်လက ရုရှား ကာကွယ်ရေး ၀န်ကြီး General Sergey K Shoigu ဟာ နှစ်ပေါင်း ၅၀ အတွင်းပထမဆုံးအနေနဲ့ မြန်မာနိုင်ငံကို လာရောက်ခဲ့စဉ်က ဗိုလ်ချုပ်မှူးကြီး မင်းအောင်လှိုင်နဲ့တွေ့ဆုံခဲ့ပြီး ၂ နိုင်ငံ ချစ်ကြည်ရေး တိုးမြှင့်ရေး၊ စစ်ဘက် ဆက်ဆံမှု တိုးမြင့်ရေးတွေ လုပ်ဆောင်ဖုိ့ သဘောတူခဲ့ပြီး ရုရှားနိုင်ငံကို လာရောက်ဖို့လည်း ဖိတ်ကြားခဲ့တာပါ။
ရုရှား-မြန်မာ ၂ နိုင်ငံ စစ်တပ်များအကြား ဆက်ဆံရေး တိုးမြှင့်ရေးကိစ္စ ဆွေးနွေးဖို့ အခုခရီးစဉ်ကို သွား တာ ဖြစ်ပြီး စိန့်ပီတာစဘတ်မြို့မှာ ယဉ်ကျေးမှုနဲ့ စက်မှုဆိုင်ရာတွေလည်း လေ့လာမှာဖြစ်သလို ရုရှားမှာ ပညာတော်သင်ရောက်နေကြတဲ့ မြန်မာစစ်အရာရှိတွေကိုလည်း တွေ့ဆုံအားပေးစကား ပြောမှာဖြစ်တယ်လို့ ယနေ့ထုတ် နိုင်ငံပိုင် မြန်မာ့အလင်း သတင်းစာက ဆိုပါတယ်။
အခု ခရီးစဉ်ဟာ ရုရှား ကာကွယ်ရေး ၀န်ကြီးရဲ့ ဖိတ်ကြားချက်အရ ဗိုလ်ချုပ်မှူးကြီး မင်းအောင်လှိုင်ဟာ သွားရောက်တာဖြစ်ပြီး ၄င်းနဲ့အတူ မြောက်ပိုင်း တိုင်းမှူး၊ တပ်မတော် ကာကွယ်ရေး ဦးစီးချုပ်ရုံး ( ကြည်း) က အရာရှိတွေ လည်း လိုက်ပါသွားကြတယ်လို့ သိရပါတယ်။
အိမ့်သံစဉ် ~
0 comments :
Post a Comment