I H T မြန်မာပြည်မှာ ပုံနှိပ်ပြီ

 ~

အင်္ဂလိပ်ဘာသာနဲ့ထုတ်ဝေတဲ့ ကမ္ဘာကျော် International Herald Tribune (IHT) နေ့စဉ်သတင်းစာကို ရန်ကုန်မှာ ပုံနှိပ်နေပါပြီ။ ဒီအကြောင်း ဧရာဝတီ အင်္ဂလိပ်ပိုင်းစာမျက်နှာ http://www.irrawaddy.org/archives/44443 မှာ ရေးထားတာကို ကောက်နုတ် ဖော်ပြရရင် ... စက်တင်ဘာ၂၃ (ဒီကနေ့) က စတင်ပြီး   IHT ကို မနက်စာစားချိန်မှာ ဖတ်လို့ ရနေပါပြီ လို့ ဒီသတင်းစာကို ရန်ကုန်မှာ ပုံနှိပ်ခွင့် ရရှိထားတဲ့
Success International Publisher’s Distributor Co. ပိုင်ရှင် ဦးမျိုးအောင်က ဧရာဝတီကို ပြောပါတယ်။


(ဓာတ်ပုံများ - ဂျေပိုင် / ဧရာဝတီ)
ပုံနှိပ်ခွင့်ကို မြန်မာအစိုးရကလည်း ခွင့်ပြုပြီးပါပြီ။

ဒါဟာ မြန်မာပြည်မှာ ပထမဆုံးအကြိမ်ထုတ်ဝေတဲ့ နိုင်ငံသတင်းစာ ဖြစ်ပါလိမ့်မယ်လို့ ဦးမျိုးအောင်က ဆိုပါတယ်။

အာရှမှာ IHT ကို ပုံနှိပ်ပြီးဖြန့်တာ ဆယ်နိုင်ငံထက် မနည်းပါဘူး။ အခုတော့ မြန်မာပြည်မှာလည်း ဖြန့်ပါပြီ၊ မြန်မာပြည်မှာ ပုံနှိပ်တယ် ဆိုတာကို  သတင်းစာရှေ့ဖုံးမှာ ထင်ထင်ရှားရှား တွေ့ရမှာပါ။

ဦးမျိုးအောင်က IHT ကို မှာယူဖြန့်ချိနေတာ ၁၉၉၄ ကတည်းကပါ။
ဘန်ကောက်ကနေရောက်လာတဲ့  IHT တွေကို ရန်ကုန်ကနေ ထပ်ဖြန့်ပါတယ်။ လေယာဉ်နောက်ကျတာတို့ အချိန်ပြောင်းတာတို့ ဆိုရင် ရန်ကုန်မှာ ဖတ်ရသူတွေလည်း နောက်ကျမှ ဖတ်ရ အချိန်ပြောင်းဖတ်ရ။
အခုတော့ ဒီမှာ ပုံနှိပ်ပြီ ဆိုတော့ ဒီဒုက္ခတွေကနေ ကင်းလွတ်ပြီလို့ ဆိုနိုင်ပါပြီ။

အခက်အခဲတချို့ကြောင့် ရန်ကုန်ထုတ်  IHT က အဖြူအမည်းသက်သက် ဖြစ်ပါလိမ့်မယ်၊ သို့သော်လည်း အကြောင်းအရာတွေကတော့ နိုင်ငံတကာနည်းတူ ဖြစ်ပါလိမ့်မယ် တဲ့။

နောက်ထပ်အခက်အခဲတခုကတော့ မြန်မာပြည်ရဲ့ အင်တာနက်အခြေအနေပါ။
အင်တာနက်သိပ်နှေးတဲ့နေ့တွေ ဆိုရင်တော့ ပုံနှိပ်မယ့် IHT ကို ဒေါင်းလုတ် လုပ်လို့ မရပါဘူး တဲ့။
ဒါကြောင့် ဘန်ကောက်ကနေ ပုံနှိပ်ပြီးသားကို လှမ်းမှာရပါလိမ့်မယ်။
သတင်း အပြည့်အစုံကို  ဧရာဝတီ အင်္ဂလိပ်ပိုင်းစာမျက်နှာ http://www.irrawaddy.org/archives/44443 မှာ ဖတ်နိုင်ပါတယ်။

 

• ဧရာဝတီ Facebook / ဧရာဝတီ Twitter

.